之前提過5月有兩場惠比壽葡萄既LIVE,5月4號既東京場因為啲飛炒到太貴,同埋時間問題,最後放棄冇去到。
退而求其次去5月12號既大阪場,而且第二日13號飛鳥喺岡山有event,買張pass有得任搭新幹線,由大阪落去都唔係好貴,成個trip亦都感覺上抵去啲,又有葡萄睇又有飛鳥睇。
(本來東京場係全員出席,點知葵司放飛機,嗰時既惠比壽葡萄隊長明日花キララ無啦啦又宣佈退隊,兩個女優事後都俾member暗寸,同俾FANS鬧。)
(活動海報係咁,係STAR-899女僕題材既造型嚟。)
又出發lu
-- --
(遊記PO好似一定要有呢啲飛機雲層相。)
(晨早流流既大阪站。)
(今次住同大阪隔一個站既梅田,都係嗰句交通方便。)
放低行李之後,就同另外一個過嚟主力睇葡萄LIVE既大陸朋友漫遊道頓崛。佢地由月頭東京場開始stay,由東京一路追event追到大阪睇哂兩場Live,前前後後stay喺日本兩個幾禮拜。
冇event冇LIVE睇既日子,佢地就去搵葡萄member去過既餐廳食野,不過聽返佢地講有唔少都係又細份又唔抵食
(好似桃乃木去過既呢間雪糕店咁,呢杯雪糕要百幾蚊港紙,我個人就覺得唔係幾值,桃乃木真人餵埋我食就OK)
(去日本唔行AV鋪唔安樂,呢間係喺難波既買取MAX,全關西最大,門口有隻巨型吹氣Tenga。)
(差唔多成層樓咁高既SOD宣傳橫幅。)
-- --
之後第二日就係葡萄既LIVE,一早起身就跟大隊去排隊買物販。
個場喺9樓,太早既關係連𨋢都未開,要行9層後樓梯上去
成班FANS夾埋買咗幾百張生寫真、襟章、音樂咭返去民宿慢慢開,買咁多係因為佢地目標係儲哂全套,我就等佢地慢慢開到有重複既葵司,做伸手黨同佢地換
(襟章係咁既樣,圖2係有個朋友開咗一個桃乃木出嚟之後既哂命相。)
(葵司喺呢一場既生寫真,亦係佢喺葡萄既最後一輯。)
-- --
開到咁上下就夠鐘返去睇Live,今場唔齊人既關係啲歌舞都差少少,但係第一次參加呢啲日本偶像既演唱會係幾過癒,成班人一齊打call嗌下唱下。人去到外地真係寧舍放得開,響香港真係唔敢咁做
https://www.youtube.com/watch?v=1FyNpCZVfZU
(企中間藍色衫既係三上悠亞。)
(呢一場因為有新歌,唱新歌既時候可以俾FANS拍片,我偷影咗幾幅。)
到影大合照既時間,我帶埋葵司件法披上去,一上到台個個member都同我講Sorry就係因為葵司東京場放飛機
坐角落頭既白石茉莉奈係咁同我sorry前sorry後,搞到我要係咁講大丈夫我都尷尬埋一份
陰公應該係我代葵司同佢地講唔好意思就差唔多
(啲兩手合十既Pose就係咁嚟)
睇完Live就同葡萄po既巴打食好少少
(好鬼鐘意食呢隻日本雪糕。)
-- --
睇完葡萄之後既第二日,就出發落去岡山。
一程火車就去到,不過要坐成兩個鐘,然後再轉車去倉敷。
(又係去啲自己聽都未聽過既地方。)
由於今次都算係啲鄉下地方,所以人數都冇限制,唔駛搶心買唔到飛既問題。
雖然係咁,但間鋪都setup咗個booth擺哂飛鳥啲片上去,非常有心。
今場既福利同平時既差唔多,都係買夠3枚有哂私服合照同水著合照,另外如果去到5枚既話,多咗個拍一條小短片既福利,由你揸機,可以錄一段你想女優講既說話。
第一場我淨係買3枚先,嗰時諗住拍條片仔要我買多兩隻傻的嗎
又係因為地方問題,呢一場我偷睇到Staff對人數塊板,鋪頭當時record得11個人有買飛。
有啲女優出咗秋葉原就係會咁,人氣好似差好遠,唔講仲以為係冇乜人識。但個女優唔去遠啲既話又唔會知自己人氣去到咩地步,一啲住喺東京以外既FANS亦都唔會次次為咗你上東京,所以東京以外既event又唔可以唔搞。
點樣搞event,響邊度搞event,都係一門學問嚟。
-- --
又見到飛鳥個傻妹,問返佢收唔收到我上個月寄去事務所啲野,佢就話有收到我都有俾返上次柏青哥event嗰時啲相佢睇。
唔係好記得之後傾咗啲咩大家都係睇相算
第一場既私服
第一場既水著
張合照就係咁
-- --
玩完第一場之後,就同另一位又係網上識既飛鳥FANS一齊出發去第二間鋪。
佢年紀細過我,識講少少英文,都係住東京。嗰日朝早搭內陸機過嚟,4點鐘起身
但由於佢真係淨係識少少英文,我地傾計既時候,有啲句子佢都係用返日文講,我又唔想次次都攞個Google Translate出嚟,結果就出現好似以下咁既情況。
佢: jsdfbjsda橋本ありなfbskd羽咲みはるfbs? (我淨係聽得明啲女優名)
我: ... 我都有朋友係...佢地FANS... (我又用啲唔咸唔淡既日文答)
佢: ....
我: ....
又冇話好尷尬,不過諗返起幾好笑
有個日本人幫手搵路點都安心啲,大家都唔熟嗰頭我都唔驚佢賣咗我。由火車站出嚟,都行咗差唔多半個鐘我地先去到間鋪。
(偷影個背影)
嚟到第二間鋪,我就決定買夠5隻碟,試下佢個錄片有咩玩,嗰間鋪買夠指定金額仲有coupon送,我又唔會再過嚟,當場就俾咗嗰個同行既飛鳥FANS用。
我都係唔記得傾咗啲咩,睇相
第二場既水著靚好多
-- --
終於嚟到拍嗰條片既時間,Staff知我係香港嚟,就話不如錄「XXX(我個名),I love you!」咁啦
我即刻話唔好講返日文就得我寧願聽佢講日文
最後就變咗「XXX(我個名),大好き!」
條片前後唔夠10秒,咁就買多我兩隻碟
之前有提過SOD有出過一件棒球衫之類既野,出發前就託咗朋友幫手喺SOD啲event買件返嚟,今次特登嚟去俾佢簽。
後面既ASUKA,就係佢個名飛鳥既日文發音。
件衫質地其實唔錯,不過白色真係好易污糟,簽完名都冇再拎過出嚟了
(另一張合照玩砌心)
之後又開開心心返大阪,去到火車站先醒起又係全日冇乜點食過野求其食啲野醫下肚。
(我諗冇人入嚟睇呢個post係諗住有美食卦,美女我都仲可以交到啲出嚟既。)
-- --
成程trip既最後一日,因為有pass喺身就去咗京都行下。
飛鳥係京都出身(聲稱),我又唔記得前一日喺event問下佢京都有咩好食結果上網睇下有啲咩人氣早餐店喺附近,入去食個pancake就算。
影一影返呢程trip買過既AV打個咭,又完成一次AV event之旅
(同房識咗個荷蘭人,佢問我嚟日本做咩,我話我去追underground idol)
延伸閱讀:
沒有留言:
張貼留言