其實本身10月仲去咗葵司既寫真集眾籌event，但冇乜內容好寫，同埋我又搵唔返啲資料，所以我喺度輕輕帶過就算。
4月嗰時葵司就開始咗個眾籌project，就係佢出道十週年既寫真集拍攝計劃，近呢一兩年都多咗女優搞呢啲眾籌project，可以對銷量有個預計之餘，亦都有多啲budget去影到更好既作品出嚟。
https://twitter.com/8manpro/status/1116380192472064000?s=20
(條宣傳片佢自己一個人錄，自己講到喊。)
因為眾籌網嗰邊已經del咗個project，詳細既package我已經搵唔返啲資料
當時我係課咗一個¥25000既package，內容就包括咗特別封面既眾籌寫真集；一本葵司早幾年喺台灣影，而家已經冇再出既寫真集；同埋參加喺日本既招待會，葵司親手俾本寫真集你，同埋有合照。
另外再有啲貴啲既package，譬如同葵司去行公園，傾電話，最貴嗰個好似係¥300000左右，葵司會親自嚟你屋企送本寫真俾你，只限日本國內，好似呢啲package最後都賣哂。
(淨係搵得返呢張，我就係買咗¥25000個package。）
呢程trip最驚險係event前兩日，臨時改咗個會場地方，而且唔係每個參加既人都收到改地址既email，我又冇特別去check，差啲出事。
當日去到個會場上到去，先發現唔對路，點解冇人又冇指示既
於是Twitter問葵司日飯A叔叔，佢話轉咗場，好彩個場地都唔係好遠，行10分鐘就去到。
今次呢個event冇攝影會時間，所以成個流程都去得好快，每人都係過去同葵司傾幾句，捱個手影張相就完咗，前後都冇三分鐘。
到我嗰陣都係同葵司講我響香港嚟，今次佢稍為有啲印象，仲問我有冇平時喺IG留言，我心諗你平時都唔po相我點留言
之後俾咗當時電話張wallpaper佢睇，係之前柏青哥鋪event佢同飛鳥既相嚟，佢就大慨get到咩事，仲同經理人講我都係飛鳥FANS。
(嗰時瘦咗好多，可能影寫真集關係減肥減得勁。)
過程雖然短，但都係開心既
特別當時知道佢唔係打算引退，個心都定啲
(公開發售本寫真就係咁樣。)
(眾籌event既特別封面就係咁，旁邊細本啲既就係嗰本台灣寫真集。）
(另外仲有幾張細相送，好鐘意右下角嗰張既笑容。)
(本書後面special thanks有寫參加眾籌event既人名，小弟都係其中之一)
-- --
11月係比較忙既一個trip，首先有飛鳥既兩場event，都係喺秋葉原。
而同一日仲有坂道みる，又係有兩場，第二場可以即日買飛都得，冇限人數。
一程飛機咁遠過到去，就梗係想去哂咁多場。玩咗咁耐event都未試過一日去咁多，雖然都係喺番秋葉原，但因為兩邊時間差唔多一樣，要跑嚟跑去都咪話唔辛苦。
飛鳥兩場event都冇限人，反而坂道第一場得70個位，因為當時坂道已經開始紅同多人識，安全起見，又係早一個月之前就拜託一位發券當日喺秋葉原既巴打幫手買飛，結果發券當日下晝3點就賣哂，好彩有叫巴打幫手。
呢度又係要唔該哂嗰位巴打謝謝你
好
又出發了
-- --
30號先係佢地兩個既event日子，但喺29號就有埸明里つむぎ，本身都冇打算去，但去到秋葉原發現仲有位剩有飛賣，同埋買一隻就有合照，雖然冇水著影不過都抵玩。
所以各位有興趣去玩event既巴打，有時又唔駛太緊張買飛既問題，其實有啲真係你即日去到都仲有機會買到飛![[sosad]](https://cdn.lihkg.com/assets/faces/normal/sosad.gif)
當然好紅既就冇可能啦
(好少見到買一隻就有得合照。)
同早幾個月TRE嗰陣見到唔同，明里明顯個人精神啲，亦都冇咁緊張，髮型亦都比TRE嗰陣好睇
簽名嗰時同明里講我喺香港嚟，又俾返我喺TRE影佢嗰啲相佢睇。
但明里真人好怕生都傾唔到幾句，連最後遞返塊簽名板俾我既時候都係dup低頭，冇正面望我
你咁靚女
俾我望多幾眼得唔得
(都係嗰句，靚女大哂。)
張合照同簽名板就係咁。
-- --
嚟到30號當日，頭先講過要連續去四個event，因為同時間既關係，所以要度一度個流程
因為坂道嗰邊一定多人過飛鳥，而且兩邊event中間都要換衫，所以我最後決定既流程就係:
飛鳥私服>坂道私服>飛鳥水著>坂道Cosplay
一個梅花間竹型式既安排，先影咗冇咁多人既飛鳥私服，再去影坂道私服，影完再返去飛鳥度影水著就差唔多時間，最後就去返坂道度影埋個cosplay。
真正既時間管理大師
---
去飛鳥既event基本上已經去到得心應手，亦都冇咗之前嗰種緊張感，成個相處感覺好自然，俾佢睇返之前啲event影既相，成個氣氛好輕鬆。
當日佢既狀態都好Fit，首先係私服。
-- --
之後過去坂道嗰邊，有好多人排緊有排都未到我，驚會趕唔切返嚟影水著，所以我決定更改行程，返嚟影咗飛鳥水著先。
合照就係咁。
-- --
影完飛鳥之後就過去影坂道，始終都係第一次見，又有返啲緊張感。
其實見坂道既原因，除咗本身都鐘意呢個女優之外，佢本人都係葵司既超忠實FANS。
再加上佢早一個月like過我一個關於葵司既Tweet
更加令我想去見下佢真人傾兩句。
(平時佢個Twitter除咗share佢自己啲AV新作，仲會retweet埋葵司啲消息)
因為我去到既時候event己經overrun，仲有一套衫要影，結果係七個FANS一齊影佢，坂道仲同我地講大家要影快啲
首先係影私服，係一條黑色長裙。
(好好笑，特登夾條波罅但佢個image都唔係sell對波)
簽名嗰陣，都係循例同佢講香港過嚟，買咗啲野食俾佢，一開個Twitter俾佢睇，佢就認得我就係嗰個佢Like過既葵司FANS，記性超好
除咗傾咗少少葵司既野之外，我仲有同佢講好鐘意佢套女僕題材既作品，佢一聽到就即刻寫埋落塊簽名板度。
(第一句就係話大家都係鐘意葵司既好朋友，第二句就係話會有多啲女僕作品，雖然到而家都未有
)
合照又係咁，點解我會講又
-- --
之後就等佢換衫出嚟，係一件兔仔衫cosplay，本身仲有對兔仔耳，不過太麻煩所以中途除低咗。
合照嗰陣佢主動摟上嚟，我完全唔敢亂郁
-- --
第二埸既飛鳥係旗袍，超靚，係我影咁多次入面最靚既一套衫。
間鋪係我第一次去佢event嗰時既MiS鋪，同飛鳥講返佢又冇咩反應
不過算數啦
我都慣咗佢啲鹽對應
最鐘意係呢張相，笑容同pose都攞一百分。
-- --
之後就係第二埸既坂道，因為冇限人數，呢埸仲多人過上一埸。
呢埸既合照，我終於諗到個連staff都話犀利既新pose
就係十指緊扣對望
但俾坂道咁近距離望住，真係少啲定力都唔掂
(個距離其實好近，同埋呢個pose影出嚟見唔到女優正面，未必個個人鐘意。)
-- --
亦因為喺坂道呢邊玩得太耐，我過返去飛鳥嗰邊既時候水著部份已經完咗
於是我就硬著頭皮上去，飛鳥己經換返私服，staff話可以照俾我影，我係咁同飛鳥講唔好意思。
所以各位
打算同一日一次過去幾個event既話，真係要自己控制好個時間，唔好遲到而麻煩到人，人地都唔係事必要補返俾你
合照既時候我用返同一個pose。
淨係個眼神，我已經睇到同坂道既分別。坂道係出街食既話，飛鳥就係我既住家菜。
對唔住
我以後唔敢出街食飯食咁夜喇都係住家飯最好
(走嗰陣，佢仲特登伸個頭出嚟同我講拜拜，更加令我覺得唔好意思
)
(雖然個傻妹每次都係寫差唔多既野俾我，但最重要都係每一次既回憶。）
嘉賓有S1專屬既架乃ゆら、新名あみん、乃木螢、同埋尋日已經同佢講咗會去既坂道みる。
呢類公開收錄活動唔算搞得太密，同一般event最唔同既係主要係去做觀眾，冇攝影會環節，通常會有得俾你買物販換啲合照劵同握手劵，即係都係要你駛錢。
再加上全程日文聽唔明既關係，唔識日文真係去到淨係陪笑同齋坐，結果全程我聽得明都係得大慨一成至兩成內容
開始之前可以嗌野食，係加咗女優落去個名既menu，譬如有みるみる薯仔，ゆら忌廉梳打。
都係嗰句，巧立名目
得啦我俾錢啦
買既物販就係呢啲女優節目既碟，全部都係Blu-ray嚟。
有個topic係講溫泉旅行，架乃一睇到就話AV情節？全埸笑到仆街
因為冇攝影環節，完咗埸佢地就喺個台上面俾大家影相。
(睇返原來有幾張坂道好似有專登望中我鏡頭
唔好咁啦我有飛鳥架喇)合照方面就係咁，另外單人嗰兩張我揀咗一張架乃，一張坂道。
同架乃講我都有睇惠比壽葡萄，佢話希望我之後都會嚟睇live，架乃真人個鄰家氣息好重，好cute。
同坂道就一齊砌咗個S1既pose，我仲話希望有一日見到佢同葵司有共演作。
今次係去得最多event亦係駛錢駛得最多既一次，搭朝早6點鐘機返香港，又完成一次旅程
沒有留言:
張貼留言