2023年六大片商前瞻③：Ideapocket

   (原文於9-1-2023 hksecretparty刊登 

https://hksecretparty.com/2023/01/09/2023年六大片商前瞻③：ideapocket/) 

繼續片商前瞻，今日輪到美少女工廠Ideapocket，2023年有咩焦點女優？

---

Ideapocket 主力：相沢みなみ、桜空もも

相比起另外兩間同樣都係一線嘅片商，Ideapocket喺22年冇乜經歷過一啲大型嘅人事變動，唯一最大嘅更替就係楓カレン（楓花戀）嘅引退，稍稍動搖咗IP社嘅女優排名，但總體嚟講變化唔大。

主力方面仍然係由相沢同桜空作為雙箭頭，喺銷量榜上面大殺四方。先講相沢みなみ（相澤南）嘅情況，22年相沢嘅銷量明顯冇21年咁強，但都仍然穩定維持喺中遊嘅位置，亦係Ideapocket嘅招牌女優之一。72萬嘅Twitter followers都係佢喺業界地位嘅一個重要標誌，23年我預期相沢繼續會係IP社嘅第一痴女代表。

嚟到桜空もも（櫻空桃），21年嘅中出解禁成功「救返」桜空嘅銷量，亦都令佢同其他同片商嘅專屬女優地位拉開咗一段明顯嘅距離，雖然佢本人一直都行低調路線，IG一直都係佛系更新，但在我觀察IP社冇放棄佢嘅理由，而家嘅桜空仍然係當打時期，只要佢肯繼續拍，IP社仍然會留佢喺度直到引退嘅一日。

至於另外兩位IP社嘅一線級數女優，桃乃木かな（桃乃木香奈）同明里つむぎ（明里紬），前者明顯對於AV女優形象唔太留戀，作為片商嘅主力女優未免有啲唔太適合，但作為其中一位招牌女優我認為冇咩大問題；另外關於明里嘅部份，主要係因為佢雙專屬嘅身份，令佢唔能夠集中喺一間片商入面做出一啲亮眼嘅成績，而且IP社同佢嘅關係，感覺上亦都冇另外幾位女優咁「緊扣」，所以冇喺我嘅挑選名單之中。

---

Ideapocket新力軍：古川ほのか、神菜美まい

22年嘅IP社喺新人培訓方面可以用失敗嚟形容，除咗新人數量少之外，甚至連喺21年簽返嚟嘅準新人都接近全軍覆沒，稲森美優、小野琴弓、白峰ミウ（白峰美羽），全部都已經相繼離巢，令到IP社喺新力軍方面嚴重不足。

不過勉強都仲有兩個新力軍可以充撐下場面，先講透明感美少女古川ほのか（古川穗花），22年5月出道，出道仲未夠一年，係暫時揀選出嚟最Fresh嘅新力軍。我比較鐘意佢俾到我一種IP社出產嘅美少女感覺，未到女神級，但做女朋友就fit到漏，演技方面以新人嚟講相當唔錯，大有潛力成為IP社嘅其中一個主力女優。

另一位IP社嘅準新人，神菜美まい（神菜美舞），21年8月出道，賣點除咗係偏熟女姊系嘅風格之外，一對大長腿都令觀眾相當有記憶，神菜美嘅Producer都好識得運用佢呢個優勢，最近半年有唔少作品都大騷佢嘅長腿魅力，睇片嘅時候大飽眼福。

唯一有少少隱憂就係神菜美已經有差唔多3個月冇更新過Social media，隱約有少少唔尋常嘅感覺，希望只係一時嘅惰懶，如果唔係IP社又會失去一個長腿女神。

連續睇咗三間WILL集團旗下嘅大廠，聽日我地睇下Prestige喺23年有冇機會挑戰呢三間片商嘅地位！