「使用前請先閱讀💗～我的使用說明書～」訪問企劃 X S1 小島みなみ(小島南) 前篇+後篇



「使用前請先閱讀💗～我的使用說明書～」訪問企劃 X S1 小島みなみ(小島南) 前篇

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書。今次係特別企劃，邀請到人氣片商S1嘅女優嚟做特別嘉賓！

纖細嘅頸項、既可憐又可愛嘅側臉、非常適合女性穿搭、充滿透明感嘅資深女優，冇錯，就係小島南。雖然俾人一種溫柔開朗嘅印象，但同佢傾過計之後，意外地發現原來佢都有剛強嘅一面。喺前篇嘅採訪裏面，我地將會深入發掘こじみなちゃん(kojimina chan)不為人知嘅部分。



:)=記者
#:)#mouse=小島

翻譯：新東寶翻譯製作

- - - - -


坦率嘅外在，背後隱藏著剛強嘅一面

:)：坊間一直都有一個傳聞，喺拍攝現場嘅小島小姐「開朗活潑、能夠令周圍嘅氣氛都熱鬧起嚟」，唔知你自己又有冇聽過呢啲傳聞呢？
#:)#mouse：FANS成日同我講，「一直都咁有精神，真係犀利」，就算有時會平衡唔到個心情都好，都唔會係壓抑著情緒嘅嗰類人，有時會聽到佢地咁樣形容我。

:)：我覺得有時女仔情緒會有波動係好正常，只要一直都有精神咁就可以了，喺呢方面你有冇啲咩Tips俾大家？
#:)#mouse：嗯... 我係希望想俾人讚同嘅類型，所以一直都會同身邊嘅人講「多啲讚我多啲讚我！」，今日嘅我可唔可愛、著嘅衫點樣，會一直問周圍嘅人。所以如果俾人讚賞嘅話，我自然就會好開心。不過如果唔係嘅話，我個反應就會唔同哂，所以Tips就係要坦率...啲？



:)：小島小姐講野俾人一種好柔和嘅印象，冇估到形容自己心情講得咁好，意外發現到原來都有剛強嘅一面。
#:)#mouse：你咁樣講我好開心#cheer#mouse呢一樣野可能都係受到我媽媽嘅影響，我媽媽到而家都仲會揸電單車，有狂野嘅一面，但佢同時都係一個好正面同認真嘅人，所以我諗我有剛強呢一種感覺都係因為有我媽媽影響。





:)：小島小姐嘅學生時期都係同媽媽一齊生活，當時係一個點樣嘅小朋友呢？
#:)#mouse：有啲難想像，但其實我以前係活躍參加社團活動嘅人嚟，我以前係網球社，每朝5點鐘就會起身自己去訓練。當時身邊有好多聰明可愛，喺學生會度有好優秀表現嘅朋友，我好想成為佢地嘅一分子，所以有參加過班會嘅班會長競選。

:)：原來係一個咁認真嘅學生嚟，聽完你咁講之後就大概想像到個形象了。



- - - - -

只對溫柔嘅人打開心窗

:)：有俾人開朗嘅印象，又有認真嘅反差一面，小島小姐又認為自己嘅優點係啲咩呢？
#:)#mouse：都係坦率呢一點，開心嘅時候就要盡情去享受，唔需要去顧慮其他野。喺工作上遇到困難都好，我都會逐啲逐啲咁同人講，唔會收收埋埋。不過我唔會同所有人都分享，只會分享俾少數有信賴感同有尊重感嘅人。



:)：原來係咁，但你點樣去決定自己要聽呢個人嘅意見呢？
#:)#mouse：如果對每一個人講嘅說話都服從嘅話，會有一種好任性嘅感覺，畢竟人同人之間嘅關係好複雜同好深奧。但當你同對方有一個好深嘅信任關係嘅時候，你就會好自然咁接受佢俾你嘅意見。

:)：越聽得多，越覺得小島小姐同溫柔嘅形象有差距。
#:)#mouse：經常都俾人話我同相嘅感覺唔一樣。喺同人打開心窗之前，我都會怕生保人，一開始都會俾人一種好難傾計嘅感覺#sigh#mouse



:)：咁會對啲咩人打開心窗呢？
#:)#mouse：「呢個人對我好好，好溫柔！」，我會好快就同佢傾心事，所以我好鐘意會俾我回覆嘅人，亦都好鐘意會同我傾作品感想嘅人，佢地可以話到一啲我冇留意嘅野俾我知，我好開心佢地會願意喺我身上花時間。



- - - - -

今個星期既說明部分

小島嘅優點係誠實，會伸手想得到你嘅表揚

維持開朗嘅秘訣，就係唔積累壓力嘅坦率，
係能夠直接捕足人際關係嘅類型。
正正因為咁，所以當收到坦率嘅表揚嘅時候會好開心♡



小島感受到嘅愛嘅時候... 就係使用喺佢身上嘅時間！

雖然收到大家嘅表揚已經好開心，但最感受到愛嘅時候係，
大家喺佢身上花費嘅時間！
用行動嚟建立大家嘅信賴關係。




- - - - -

下一集會返番去天海翼嘅說明書企劃部分！
一直支撐著Ideapocket嘅天海翼，佢嘅使用說明書最後到底會變成點樣呢？

小島南嘅後篇訪問會喺29/7公開！
兩邊都唔好錯過喔。


 - - - - - - - - - - - - - - - - - - - - - - - - - - - - - - - - - - - - - - - -



「使用前請先閱讀💗～我的使用說明書～」訪問企劃 X S1 小島みなみ(小島南) 後篇

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書。今次係特別企劃，邀請到人氣片商S1嘅女優嚟做特別嘉賓！

喺前篇裏面，我地發掘咗こじみなちゃん(kojimina chan)喺日常相片同SNS上面睇唔到嘅人性一面，今次我地將會睇睇小島南喺假日嘅度過方式同戀愛觀，仲會教大家每日都積極思考嘅方法。充滿元氣，仲非常可靠嘅小島，最後仲有傳達俾大家嘅充滿愛嘅訊息。



:)=記者
#:)#mouse=小島

翻譯：新東寶翻譯製作

- - - - -

我嘅秘訣就係維持我行我素！

:)：今次繼續探索一下小島小姐嘅興趣同喜好，平時嘅假日係點樣度過嘅呢？
#:)#mouse：我係嗰種想做好多嘢嘅人嚟，所以淨係決定要出街定唔出街，都已經用咗一半嘅時間，如果決定咗唔出街嘅話，就會一步都唔想行出門口。同埋我好enjoy plan好想要做嘅行程嘅過程，喺嗰段時間會思考點樣襯衫同去邊度#ohyes#mouse



:)：咁調返轉，會唔會唔擅長面對一啲突發嘅計劃呢？
#:)#mouse：都會有，因為好重視生活上嘅常規，所以會好在意自己嘅步伐，而且如果一早plan好咗嘅行程有包括埋其他人嘅話，喺嗰段期待嘅時間每一日都會好開心。



:)：積極到我都想學習一下！小島小姐真係犀利。
#:)#mouse：呢一個可能就係我維持自己情緒穩定嘅秘訣，假日就要好好休息，咁樣先至可以俾自己叉足電，而且我好珍惜自己一個人獨處嘅時間，所以一個人喺屋企嘅時候又可以節省啲精力。



:)：呢啲都係基於知道自己嘅極限喺邊，先至做到嘅事。
#:)#mouse：以前都會有掛著玩然後唔訓教嘅時候，不過而家大個囡#yea#mouse如果唔夠訓，體力又去到極限嘅話，工作同娛樂嘅表現都會下降，成個人又會好煩躁，會帶俾身邊嘅人麻煩。而家我嘅原則就係，要對其他人好，首先就要對自己最好#vampire#mouse

:)：但要實現到呢種自我管束，首先就係要做好咗自我嘅分析。
#:)#mouse：遇到一啲唔開心嘅事，個人就會變得好悲傷，我唔鐘意俾人鬧，所以會盡量避免呢啲情況，每日都想做一個乖嘅細路。



- - - - -

唔習慣被束縛... 喺戀愛關係裏面想大家互相自立



:)：另外都想問下，最近有冇一啲情緒低落嘅時候？
#:)#mouse：有冇呢... 我自己唔習慣睇恐怖片同黑暗類嘅題材，所以如果睇到呢啲片嘅時候，成個人就會變到好sad。

:)：小島小姐就好似個小朋友咁，咁相反，有冇啲開心嘅事可以同大家分享一下？
#:)#mouse：最近我嘅皮拉提斯(Pilates)導師有讚我！我唔鐘意去做私人健身，雖然會有人幫我管理埋我嘅飲食，但好似「今日食咗咩」、「做咗咩運動」，每日都俾人咁樣問嘅話會有種束縛感... 一諗到咁就頭都暈埋#ohno#mouse而家嘅導師就只係會關心我喺現場嘅表現，所以我去嘅時候好開心。



（譯注：皮拉提斯(Pilates)係一種康復性運動。）

:)：唔習慣被束縛，咁喺戀愛嘅時候...？
#:)#mouse：都會有影響，因為我係我行我素嘅類型，就算平時同朋友傾電話傾閒計都唔係咁擅長，感覺會用咗好多時間，喺LINE度俾人問「而家做緊咩？」，會唔知點答。我覺得我一個人獨處嘅快樂，係我同其他人相處時候嘅兩倍，所以我想搵到一個可以包容我，俾我有呢啲私人時間嘅另一半。



:)：所以小島小姐係prefer雙方都有自己私人空間嘅相處方式。
#:)#mouse：可能係，但係我喺見唔到對方嘅時候都會諗起佢，咁樣我會開心啲，所以我好鐘意喺平常嘅日子時間收到禮物。

:)：原來係咁，小島小姐鐘意收到啲咩禮物呢？
#:)#mouse：生果...花...就算係一啲好少嘅嘢都可以，收到化妝品我都會好開心。買一啲適合嘅嘢，就會覺得好心動。



- - - - -

小島每日向前嘅秘訣，希望大家都可以做到

:)：小島小姐喺工作嘅過程裏面，有冇領悟到點樣令自己唔會犯錯嘅方法呢？又或者...平時有冇覺得疲累嘅時候呢？
#:)#mouse：嗯，有時都會有，喺嗰段時候就會去望海，喺充滿自然嘅地方慢慢咁度過。

:)：大海！點解會揀呢個地方呢？
#:)#mouse：因為唔多車，我覺得好似首都高速公路呢啲地方好恐怖#please#mouse



:)：所以小島小姐仲識得揸車，好有型！
#:)#mouse：但有時都會有唔方便出遠門嘅時候，所以我好珍惜沖涼嘅時間！我會用好多香味嘢嚟提升情緒，將所有唔開心嘅嘢用水沖走哂。

:)：犀利，如果大家都做到好似小島小姐咁每日都咁積極，一定會好開心，有冇一啲可以俾大家參考嘅秘訣呢？
#:)#mouse：秘訣係...用自己鐘意嘅嘢包圍著自己，例如好似屋企嘅室內裝飾，工作環境，同埋身邊嘅人，如果聚集到好多嘅話就會覺得好幸福#love#mouse



:)：小島小姐好擅長尋找身邊嘅幸福。
#:)#mouse：但係我都有好多不足嘅地方，工作之後一定會開反省會，會同身邊嘅人講如果嗰時我咁樣咁樣做，咁樣咁樣講就會好啲，會一直係咁反省，但我想俾自己明白就算再咁諗都係於事無補#scratching#mouse



#:)#mouse：我成日都會擔心一啲小問題，所以我想喺呢啲小問題上面保持樂觀，我覺得只有我自己先可以改變呢種諗法。

:)：呢段說話我希望可以傳達俾每一個想正面思考嘅人，最後想聽下小島小姐對於未來嘅目標。
#:)#mouse：我係一個唔會點樣設立詳細目標嘅人...不過我希望將來有一日可以做到同狗狗服裝品牌有關嘅工作，同埋當我做咗老太婆嘅時候，我想開一間老人院。



:)：老人院？
#:)#mouse：係，我希望喺我老咗嘅時候都可以享受到唔同嘅樂趣，所以我想做一間好似迪士尼樂園咁開心嘅老人院，起喺一個可以望到海嘅山丘上面，隔離有一間cafe，我想喺我老咗嘅時候創造一個咁樣嘅小天地#cheerleading#mouse



:)：小島小姐嚟到最後都係咁正面，真係多謝你。
#:)#mouse：同埋最後...大家嚟我嘅event嘅時候，嗰度係我嘅一個好relax嘅地方，喺嗰度我可以做返我自己。好多謝大家，我希望每一個FANS每日都都可以做返自己，每日都可以咁開心，大家都係我力量嘅泉源，我希望大家可以一直守護著我。



- - - - -

小島南既使用說明書完成喇！



睇上去軟綿綿，實際上非常可靠嘅小島，
呢種美妙嘅平衡就係佢嘅魅力所在！

S1同Ideapocket嘅合作企劃，覺得點樣？
如果有其他想要合作嘅女優同片商嘅話，記得留言話我知。



使用說明書企劃，多謝你睇到呢度！
下一集，將會係正統派美少女，古川ほのか(古川穗花)大駕光臨！

Posted by
標籤： , , , , ,

沒有留言:

張貼留言

訂閱： 張貼留言 (Atom)