(原文於7-1-2024 hksecretparty刊登
https://hksecretparty.com/2024/01/07/2023年av業界大事回顧-（上）/)
本來諗住今年唔寫大事回顧，因為真係算得上大事嘅事件其實得嗰三四件，不過唔寫又硬係覺得差咁啲嘢咁，所以都係寫幾隻字留返個記錄啦。
1. 三上悠亜風光引退
23年3月13號，一直都鐘意喺自己YouTube Channel上面話有大事宣布嘅三上悠亜（三上悠亞），今次終於唔係有啲咩新嘅自家品牌產品推出，而係宣布自己即將喺今年引退嘅消息。
https://youtu.be/Tkwzet5imFk?si=pre-Lh0_lbxYihVk
由SKE48女團成員身份，到手越佑也醜聞事件，再轉身下海，搖身一變成為全亞洲最出名嘅AV女優之一，三上悠亜嘅成名之路除咗傳奇之外，簡直就係天時地利人和嘅最佳混合，佢本人亦都一直冇刻意迴避自己呢段下海前嘅過去；三上悠亜嘅八年業界生涯，或者冇留低一啲好出色嘅作品，但佢嘅呢一段成名經歷，已經係前無古人，後無來者。
（ TEK-067 Princess Peach 三上悠亜）
（SSIS-834 完全引退 AV女優、最後の1日。三上悠亜ラストセックス）
2015年由MUTEKI出道，16年轉會到S1，同年攞到最優秀新人賞，17年攞最優秀女優賞，短短幾年時間三上悠亜已經得到唔少AV女優畢生渴望得到嘅人氣、收入同榮譽；喺片商S1享受到最高規格嘅待遇，除咗一直係片商嘅生招牌之外，亦係日本AV業界最近呢幾年嘅最具代表性女優，就算佢啲片一直都俾人詬病唔好睇，唔實用，提起日本AV女優，最多人第一個講出口嘅名都係三上悠亜。
宣布引退之後，隨即而嚟嘅係片商S1為佢安排好嘅一系列引退倒數企劃，除咗有普通嘅企劃之外，仲有兩套唔同嘅共演作品，當中同新ありな以及相沢みなみ嘅三位最優秀女優賞得主嘅共演作，特別受FANS關注。
（SSIS-663 引退発表 126日後にAV女優をやめる三上悠亜）
直到24年1月，三上悠亜嘅 Twitter follower已經累積到540萬，旗下嘅服裝同化妝品品牌喺日本賣到滿堂紅。喺AV女優身份方面已經收獲嚟自亞洲各地男性FANS嘅青睞，同時自家品牌亦都有一大批女性FANS嘅追捧，當生意同名氣都走上軌道之後，鋪好前路嘅三上悠亜就決定離開AV業界，結束佢呢段八年嘅業界生涯。
好多人都鐘意問一個問題，引退咗嘅OOXX女優，會唔會返嚟拍片？我諗呢個問題最唔需要問嘅就係三上悠亜，因為佢喺呢一行已經無咩可以再需要得到，已經冇任何返嚟嘅必要。
未來，祝三上悠亜一切順利。
2. 相沢みなみ閃電引退
23年6月2號，受邀出席台灣FANS見面會活動嘅Ideapocket專屬女優，27歲嘅相沢みなみ（相澤南）一踏出台北機場嘅入境大堂，接受台灣記者訪問嘅時候，忽然就自爆宣布引退，離開AV業界，令到全場記者以及一眾FANS嘩然。
https://youtu.be/lY9CiJlqkU0?si=Xrr-LUy_d5ZAKSsg
同三上悠亜一早鋪好後路嘅引退安排完全唔同，相沢みなみ嘅引退俾人一種倉促，而且嚴重缺乏安排嘅感覺。先係宣布引退嘅地點，並唔係日本國內，亦唔係喺網上公布，而係選擇喺台灣嘅機場，仲要係一落機就宣布呢一個咁重大嘅消息，當然係有意為之，但如果只係想要有海外記者作第一手嘅報導，未免有啲嘩眾取寵，亦都唔太符合普遍AV女優宣布引退嘅做法，背後原因直到而家依然不明。
再者，由業界人士嘅反應，再到相沢みなみ所屬片商Ideapocket嘅後續安排，都明顯睇出相沢みなみ嘅呢一個引退公布，事前並冇同業界之間有初步嘅溝通過；引退嘅消息正式公布之後，除咗佢嘅好姊妹伊藤舞雪之外，冇任何一個業界人士，上至男優女優，下至導演監督，有公開祝福同感謝過相沢みなみ呢幾年嘅付出，就好似佢完全冇喺呢個業界出現過一樣。
作為一個都曾經攞過最優秀女優賞得主嘅業界一線女優，相沢みなみ喺業界嘅人緣絕對唔會差到呢一個地步，感覺上更加似係業界一致收到消息，要將呢一個咁大嘅引退公布冷處理。
其次就係引退作嘅安排，三上悠亜嘅引退企劃一浪接一浪，除咗有唔同嘅共演作之外，片商S1同FANZA都有唔同嘅銷售Campaign配合，等佢走得「好好睇睇」；相反相沢みなみ直到最後，都冇一套標準嘅引退作推出，最後留低俾FANS嘅只有一套VR「引退」作品，以及Ideapocket喺佢引退4個月之後，為佢發行嘅一套48小時精選Boxset。
對於一個曾經係片商招牌之一嘅女優嚟講，Ideapocket咁樣嘅引退待遇未免有啲不近人情，定抑或，真係連佢哋都冇估到相沢みなみ會有呢一個咁突然嘅舉措？
（IDBD-905 相沢みなみ 引退 COMPLETE BEST 48時間BOX）
香港出世、講得一口流利英文、由入行到攞獎嘅傳奇經歷，被稱為「灰姑娘傳奇」嘅相沢みなみ，本來係疫情後進軍海外市場嘅日本AV女優第一梯隊；但引退之後嘅佢，喺TVB拍咗一套冇人想知同想睇嘅電視劇之後，除咗聽講會拍電影一路向西2之外，每日喺台灣同日本吃喝玩樂，暫時未見到佢有其他工作。睇見而家咁樣嘅相沢，不禁令人惋惜，特別係當諗起佢拍痴女系列作品嗰種媚態，已經再冇機會睇到嘅時候，FANS就更加望而興嘆。
如果佢呢一刻真係滿足而又開心嘅，就唯有祝福佢啦。
3. 香港人絵麗奈，日本AV Debut
今年4月，曾經參演過電影同MV嘅香港女模特兒素海霖，以藝名絵麗奈（繪麗奈），喺日本AV片商FALENO出道，成為第一位香港出身嘅香港女性，喺日本AV業界Debut嘅AV女優。
（FSDSS-644 香港生まれ香港育ちの女の子 新人 絵麗奈 Avdebut）
消息一出當然震撼中港台各大媒體，大家都紛紛期待絵麗奈嘅出道作推出，媒體記者開始挖出絵麗奈嘅過去，訪問佢入行成為AV女優嘅動機，未來嘅發展方向，會唔會拍一啲同香港有關嘅題材等等。一時之間，絵麗奈呢個名成為全城熱話，對日本妹一直有讚冇彈嘅中港台AV影迷，紛紛都成為愛港人士，忍唔住想快啲一睹呢位首位香港女性AV出道嘅作品，到底出嚟嘅質素如何。
（FSDSS-717 【附有中文字幕】香港人・絵麗奈【初ドラマ】広東語講師の胸チラ無自覚誘惑に耐え切れず僕たちは言葉の壁を越えた）
出道作品一出街，坊間普遍嘅反應都係好壞參半，大部份人都覺得冇咩特別，絵麗奈嘅身材亦都唔吸引，演技相當粗糙，拍攝出嚟嘅質素亦都冇令人想J完再J嘅欲望；亦有人覺得喺日本AV聽到廣東話好有親切感，睇到港女喺鏡頭前面裸露就已經值回票價，已經開始期待下一套作品等等，甚至有人以「三上悠亜引退唔緊要，仲有絵麗奈」嚟形容呢一個熱潮。
結果，靠香港人嘅購買力同討論熱度，絵麗奈嘅呢一套Debut作品登上各大AV購買平台嘅首列。喺2023年嘅FANZA上半年銷量榜之中，更加係拎到第二名嘅佳績；喺秋葉原嘅AV店鋪，絵麗奈嘅作品放喺最當眼嘅位置，鐘意去日本旅行嘅香港人紛紛將絵麗奈嘅時候作品當係手信買俾親朋戚友，更加將銷量推上最高峰。
眨下眼嚟到23年年尾，絵麗奈依然係FALENO嘅專屬女優之一，暫時已經推出咗6套作品，但除咗出道作之外，其他作品都已經係無人問津嘅階段。香港嘅傳媒偶而仲會報導一下新作嘅內容，但似乎香港呢邊嘅討論熱度已經接近尾聲，大家都對絵麗奈嘅興趣減卻咗好多，再加上佢本人喺回應網民嘅時候一啲比較「出位」嘅言論，都對佢嘅形象有唔少影響，絵麗奈嘅人氣同關注度，已經同出道當時相差甚遠。
2024年絵麗奈嘅發展會係點？會唔會真係有一兩套同香港關連比較大啲嘅作品推出，幫佢炒作多一兩轉人氣？定抑或已經無藥可救，慢慢等FALENO放棄？
我哋拭目以待。
（FSDSS-753 今日、好きになりそうです。通訳無しの2人っきりお泊りデートにドキドキしてから交わる濃密性交 絵麗奈）
4. 成人展捲土重來
因為疫情關係而停辦嘅台灣兩個成人展，TAE(台灣成人博覽會)，TRE(台北國際成人展)，喺2023年正式回歸。
同往年一樣，TAE喺女優陣容同舉辦規模上，都遠遠追唔上TRE嘅財雄勢大，單單係TRE台上面企滿兩排一共四十多位，包括現役同退役嘅AV女優，就已經知道TAE連車尾燈都見唔到。喺23年8月嘅第一個週末，連續三日嘅TRE一共吸引到20萬嘅人次入場，有去過現場嘅朋友相信都感受到會場入面水洩不通嘅情況去到幾跨張。
同時，今年亦係三上悠亜以現役AV女優出席嘅最後一個日本國外嘅成人展，亦係新一代AV天后河北彩花喺海外首度亮相嘅大型活動，同場亦有唔少女優都同河北彩花一樣，係第一次以AV女優身份出席呢一類海外嘅大型活動，更加令到TRE嘅矚目程度同關注度，上昇到更高嘅層次。
來自亞洲各地，甚至世界各地嘅AV女優FANS，都喺呢三日豪灑金錢，為嘅就係同心儀嘅女神見上一面；相比起日本當地活動存在語言門檻，喺備有現場翻譯嘅TRE入面，一眾華人FANS就可以放心咁同女優盡訴心中情，都係台灣成人展嘅一個大吸引點。
2024年嘅TRE同TAE，相信已經進入籌備階段，24年參展嘅女優陣容有咩人，邊啲女優能夠選上成為最高金卡級別嘅女優，都係AV FANS關心嘅焦點；喺場地方面同時間安排方面，又會唔會有改善嘅地方。到時一齊睇下兩邊嘅成人展，又會有咩新花樣。
沒有留言:
張貼留言