(原文於14-8-2024 hksecretparty刊登
https://hksecretparty.com/2024/08/14/av業界事務所巡禮第一彈：-t-powers-mines/)
除咗天使もえ(天使萌)宣布引退之外，最近AV業界最廣為大家討論嘅話題，就係小惡魔蘿莉女優松本いちか(松本一香)，由一手培育佢出道嘅事務所Arrows，轉投LIGHT事務所嘅轉會決定。
好多朋友經常都會將「事務所」同「片商」混淆，畢竟中港台三地嘅娛樂圈都冇乜呢個概念，呢度就等小弟同大家簡單解釋一下佢哋嘅關係：
AV業界嘅「片商」，只係負責執行拍片、AV發行、AV銷售等等嘅工作，至於女優本人嘅所有工作安排，都係由「事務所」負責，大至每月嘅拍片工作日程、出席見面會同其他公開活動，細至女優嘅日常需要，例如租屋買廁紙等等，都係「事務所」嘅管理範圍之內。「事務所」會有經理人負責照顧旗下嘅女優，安排工作日程、帶新人女優去片商面試、甚至幫女優買M巾等等，可以理解成「事務所」就係AV女優同「片商」之間嘅溝通橋梁，「事務所」嘅經理人點樣帶起一位女優，亦係嗰位女優能唔能夠喺業界成功彈起嘅關鍵角色。
而另外，「事務所」亦都會派出星探搜羅市場上有意加入AV業界嘅女仔，招攬佢哋成為AV女優嘅一員，由訓練到面試到正式出道、決定出道後嘅發展方向、之後能否同片商成功續約， 「事務所」嘅角色都相當重要。另外仲有一個非常重要嘅概念: AV女優並唔係屬於片商，而係屬於事務所嘅「商品」，就算今日女優宣布引退都好，佢仍然可以繼續留喺所屬嘅事務所，由事務所繼續安排其他工作，只要佢哋一日仲用緊個藝名，所有收入都會同「事務所」對分；相對地只要有任何糾紛，女優都可以透過「事務所」做中間人去代為解決同執行；「片商」可能只係女優職業生涯嘅其中一個過客，但「事務所」先係女優由出道到引退嘅生涯伯樂。
喺呢一個「AV業界事務所巡禮」系列入面，小弟會同大家介紹現時喺業界入面亮眼同活躍嘅事務所，有一啲事務所需要同時照顧過百位AV女優，亦有啲事務所只需要緊握一兩位女優就足以開飯。睇咗AV咁多年嘅你，又知唔知自己鐘意嘅女優係邊間事務所嘅愛將？
（由Arrows事務所轉投LIGHT事務所嘅松本いちか。）
T-Powers ティーパワーズ
講到業界最大規模嘅事務所，一定非T-Powers(下稱TP)莫屬，根據官方資料顯示，TP手上擁有超過380位在役/退役嘅AV女優，女優喺社交媒體上嘅總follower人數超過1500萬。年齡涵蓋範圍由啱啱成年嘅青春女優，到老熟女都一應俱全；女優類型亦都包羅萬有五花八門，由於涉獵嘅範圍實在太闊，所以如果我哋AV女優Fans唔知某位女優係邊間事務所嘅話，直覺第一個諗到嘅係問「係咪TP嘅女優？」
TP當然唔係旺丁不旺「才」，手頭上嘅女優大名你都肯定聽過，大家童年回憶嘅成瀨心美、黑妹代表AIKA、業界活化石波多野結衣同大槻ひびき（大槻響）、都係TP嘅掌上明珠；新世代女優方面，Prestige一姐涼森れむ（涼森玲夢）、SOD最新人氣王MINAMO、樣靚身材正嘅桜空もも（櫻空桃）等等一眾而家喺業界入面當紅嘅一線女優。只能夠講，TP喺培育女優方面的確係有一手。
（圖中嘅TP所屬女優你又認得出幾多個？）
手上揸住咁多女優嘅同時，亦會容易出現資源錯配同唔平衡嘅情況，舉個例子，當年嘅坂道みる(坂道美瑠)，亦即係今日嘅miru，當年亦係由TP一手帶起，後來miru覺得自己喺TP咁多出色女優嘅環境之下難以發圍，而且隱約亦都開始感到自己被TP投閒置散，於是就轉投而家嘅事務所C-More，另尋一條更適合嘅出路。
當然亦都有由其他事務所跳槽過嚟TP嘅例子，好似而家嘅兒玉七海，以前就係另一間事務所Life Promotion嘅女優，都係因為個人原因轉投TP，而TP亦都喺佢移藉之後，迅速為佢安排各種活動宣傳同海外攝影會，為佢呢個移藉做勢，務求做到最大嘅noise出嚟。
貴為業界最大規模嘅事務所，要同時兼顧咁多位女優嘅發展，真係相當唔容易呢。
（所有女優事務所嘅網站都會有招人頁面，隨時歡迎任何年齡任何職業任何背景嘅女性，入行成為AV女優。）
(T-Powers wiki上面現時嘅所屬女優一覽。)
MINES マインズ
今日另一間想介紹俾大家認識嘅事務所，係暫時喺我心目中業界規模第二大，而且最近都有唔少一線女優移藉入嚟嘅事務所MINES。
MINES事務所雖然未去到粒粒皆星嘅程度，人腳氣勢亦都冇T-Powers咁勢如破竹，但MINES每位女優實力都唔惹少，先由經典嘅開始數起: 大家一定聽過嘅上原亞衣，就係MINES事務所旗下嘅女優，而且直到而家佢自己出嚟搞女僕cafe生意都好，佢依然係Mines旗下嘅招牌女優，引退之後並冇放棄佢呢個藝名，可見Mines事務所喺安排工作方面，應該俾到上原亞衣唔少信心。
再數落少少，現役女優方面，SOD嘅一姐紗倉まな(紗倉真菜)、S1嘅小島みなみ(小島南)，兩位都係業界響噹噹嘅一線女優，同時亦係MINES事務所嘅兩大元老；SOD專屬女優小倉由菜、唯井まひろ(唯并真尋)、Moodyz專屬女優八木奈々(八木奈奈)、宍戸里帆、Fitch專屬女優桃園怜奈等等，都係MINES事務所嘅主力女優。
至於頭先提到嘅一線女優移藉到MINES，第一位就係河北彩伽，由前事務所Cruse轉投MINES，令MINES嘅實力大增；仲有另一位著名女優深田えいみ(深田詠美)，都係最近由前事務所Fourty-Four移藉到MINES，雖然佢而家基本上已經同拍AV完全拉唔上任何關係...但掛名上佢仍然係MINES嘅一線女優之一。
(MINES wiki上面現時嘅所屬女優一覽。)
以上兩間都係業界現時比較大規模嘅事務所，手上嘅女優五花百門，咩類型都有，無論係迎合片商嘅風格，定係想搵適合普羅大眾嘅口味，呢兩間事務所都可以由手頭上輕鬆揀人達成呢啲目的。只係人多自然手腳亂同多是非，要兼顧到每一個女優都有良好嘅發展，實在係難以實現，只能夠寄望女優嘅命格可以喺呢一行度生存同長期發展了。
事務所喺業界係不可缺少嘅存在，同時亦都係業界以外被好多外人忽視嘅一個角色，大家下次不妨留意下自己鐘意嘅女優係屬於邊間事務所，或者你會發現原來自己鐘意嘅女優，咁啱都係嚟自同一間事務所嘅出品？
咁我諗到時你都可以開始研究下佢哋係點樣培育新人了。
多謝你睇到嚟呢度，小弟都係時候要繼續返去執TRE成人展2024嘅相片同資料了，我哋喺下一篇文章再見。
沒有留言:
張貼留言