大家好
補足一句復活節快樂
唔覺唔覺5月都就嚟完，暫時今年都係維持大概一個月飛一次嘅頻率
嗰啲咩「今年會飛少啲」嘅發誓就好似結城結弦早排俾人瘋傳嗰張圖咁，從未見過如此厚顏無恥之人.jpg
今次呢篇遊記將會係兩次旅行嘅份量，兩程夾埋嘅日子都係一個禮拜左右，啱啱好夠寫一篇遊記
今次都會多返少少嘢食同觀光嘅內容，雖然成人台po呢啲正常嘢硬係覺得怪怪哋，但連登呢排真係捉得好緊好緊，所以都係嗰句，辛苦大家，感激大家，依然會㩒入嚟成人台支持小弟
除咗貼多啲圖同寫好啲文，唔知仲可以做啲咩，睇下會唔會下世做手天使幫大家打飛機
2月名古屋大阪，3月仙台秋葉原，兩次遠征嘅遊記內容，以下為你送上
（行京都伏見嘅時候，喺樹上面嘅一隻貓。）
2月嘅呢一程算係最近去得最抵嘅一程，三日嘅時間可以見足7個女優，雖然呢幾日嗰7個女優嘅陣容都係不變，但都某程度上係刷下存在感嘅方法嚟，連續見足三日都仲留唔到印象嘅，咁應該唔係我問題，叫個女優返片場拍AV算啦
主要去見嘅女優除咗有我嘅古川ほのか（古川穗花），另外仲有幾個女優之前好少見真人，今次都想見下，分別係小野六花、石原希望、同埋葵いぶき（葵伊吹）。
好耐冇搭過通宵機，冇錢冇咩資格學人講享受
去到關西機場啱啱好天光冇幾耐，人流唔算太多，上到火車都仲有位坐，慢慢坐普通JR去大阪市區。
（唔鬼記得熄咗相機個水印，大家忍耐下，後面嗰啲相就冇）
因為下晝3點先有得check in，中間嘅時間最適合就係去快活CLUB打發，Book間房擺低個喼，出去買埋之後event嘅活動劵，食完早餐返嚟訓教補眠到3點
（快活CLUB嘅房有幾種，我個人覺得最適合休息用嘅係呢種マット嘅配置，出去拎兩張毛氈當被冚，啲房隔音又好，好適合通宵完又或者想短時間休息用。）
當日嘅早午餐係梅田地下街入面嘅一間Pancake店：
ベルヴィル ホワイティうめだ店 大阪府大阪市北区小松原町梅田地下街4-5 ホワイティうめだ イーストモール
今次就唔係睇tabelog搵，而係google map求其打pancake跟住睇評分搵餐廳食，Lunch Set冇包pancake，所以唯有另外散嗌，價錢唔算貴，同埋有幾種數量可以揀，我覺得咁樣有得逐件落單號做法幾貼心：
（唔係驚食唔晒嘅話...我本身係想嗌朱古力呢個食
）
味道都係正正常常，不過不失。
（呢度係2枚 490羊。）
返到快活CLUB整返杯熱朱古力，食咗兩杯雪糕，飲多兩啖水就上床補眠
訓到夠鐘去check in，之後就去大阪嘅Mon亨展，今次係20週年嘅「大狩獵展」，亦係第一次喺關西地區搞嘅展覽，一場嚟到又買到當日劵，當然唔可以錯過。
小弟係由3代開始入坑嘅輕弩玩家
所以對雷狼龍有一種特殊意義嘅感情喺度，唔理玩邊一代都好，都要整晒雷狼龍嘅近戰遠戰裝先至安樂，對於雷狼龍嘅武器更加係情有獨鍾。
（大部分嘅展示都係用投影/督moon嘅方式嚟做，都算係慳成本得嚟又快趣嘅做法，始終又冇可能全部武器裝備都整實物嘅）
當中最靚最值得影嘅，應該就係呢個黑龍嘅龍頭打卡位：
會場外面有一間聯乘cafe，當晚唔算太多人，排咗冇幾耐就有得入，嗌夠指定金額就會送杯墊，整咗杯雷狼龍嘅cappacino，同埋有恐暴龍（貼紙）嘅青瓜咖哩飯：
（杯墊抽中咗雷狼龍同碎龍
正式宣布Capcom同三太子係我爸爸）
物販當然係走唔甩啦，當中我最鐘意係印晒229隻icon落去嘅絲巾，返到香港之後我整咗個訂造相架放咗入去，掛上牆做裝飾，效果好靚。
（同平時啲戰利品擺埋一齊）
第二日嘅行程打算去行京都伏見，順便去埋京都嘅Chiikawa專門店：
Chiikawa專門店要拎咗整備劵然後喺指定時間返嚟先有得入，中間等候嘅時間啱啱好就可以去京都伏見大荷觀光，行到咁上下差唔多夠鐘落返嚟就得：
要想影到冇人嘅靚景嘅話，就只能夠keep住向上行，因為越向上行就越少人：
（呢度係起點，點影都係有人頭。）
（行到中段左右人流明顯就會少好多，可想而知有好多遊客真係上嚟打個卡就走）
落山食返個京都和牛拉面，行埋Chiikawa專門店買少少手信，又結束一日嘅行程。
（我自己覺得相當一般，所以唔貼地址了。）
（順帶一提小弟鐘意嘅係飛鼠モモッカ
）
觀完光就梗係要開始做返啲正經嘢，今次旅程有兩日係睇由AV女優組成嘅唱跳組合出Live，MiLuna同埋ねこまんまっ!!。
今日嘅呢一場表演喺名古屋，約埋另一個又係香港嚟嘅巴打一齊出發，喺新大阪搭新幹線上去。
只需要買CD有消費就可以拎到入場劵，唔駛另外俾錢，但入場嘅次序係睇你抽到咩no.嚟決定，今日好好彩，抽到no.11。
（咁啱企前面嘅係識嘅未步Fans，佢知我鐘意影相，同我講一陣可以錄影拍片嘅時候會踎低啲俾我好影啲，感動到我差啲想即場幫佢含
）
兩日嘅Live歌單都差唔多，事實上佢哋每隊組合都係得兩首歌
首先出場嘅係ねこまんまっ!!，成員有三個，分別係小野六花、佐々木さき（佐佐木紗希）、川越にこ（川越鈴子）。
小野六花無疑係三個入面最上鏡，亦係呢一隊入面人氣最高嘅成員，但亦係記打call記得最差嘅一個，唱之前有一段係教我哋班觀眾點樣打call，佢身為member反而係成日記錯
第二個多人留意嘅係佐々木さき，佢本人啲AV一般般，但冇估到跳舞唱歌又冇乜揸流攤，表現算係中規中矩；另外喺AV po我哋鐘意嗌佢做𠝹手妹，因為佢真係兩隻手臂全部都係𠝹手痕...
（六花同𠝹手妹兩個成日糖痴豆，明顯fd過同川越，嗰日喺台上面兩條囡仲當眾錫咗兩次嘴...）
最後就係川越にこ，因為膚色比較黑嘅關係，我哋喺AV po鐘意嗌佢做賓妹
三個入面笑容最好係佢，俾人一種天真爛漫嘅感覺，但同時都係人氣墊底嗰個。
（後面嗰兩個表演嗰陣可唔可以專心啲
）
之後出場嘅就係MiLuna，成員分別係未步なな、古川ほのか、葵いぶき、石原希望。
如果單純以唱功嚟計，唱得最好一定係未步，但呢兩日Live全部都係半咪嘴，基本上有冇唱功大家都聽唔出，所以未步唔算太搶眼。
古川係MiLuna嘅隊長，喺台上面成日會出現一個情況就係佢仲講緊嘢，但未步同葵いぶき喺度偷偷哋吹水，有一兩次古川大大力咁拍落去葵いぶき度，葵いぶき就話「你做乜淨係打我
」
咁當然，古川係我正室老婆（之一），影得最多一定係佢。
然後係葵いぶき同石原希望，本來MiLuna仲有八木奈々（八木奈奈），後來換人換咗呢對雙聲道喇叭入嚟，點解叫佢哋做雙聲道喇叭？因為佢哋兩個一拍埋就嘈得好緊要兩個女優講極都唔停...
先講葵いぶき，四個入面論身材嘅話係最好嘅一個，有前有後又有腰，當然今日著住套唱歌衫咩都睇唔到，但聽古川講葵いぶき係四個入面跳舞跳得最好嘅一個，我又唔算好留意，下次有機會睇真啲先
至於石原希望，一句講晒，個嘴好撚大
（你睇下笑得幾咁燦爛，過年煙花都冇咁爆
）
AV女優唱歌跳舞，唱得好跳得正常已經係Bonus，坦白講真係唔好expect佢哋有歌手級嘅演出，但求唔甩，正正常常，已經算還得神落。
聽完佢哋唱歌之後就係特典環節，買夠4隻CD就可以有同其中一位成員嘅合照，我當然係揀古川：
因為之後嘅碟鋪event都會同其他成員有合照，所以就唔專登再買多十幾隻CD了
一日會有兩場Live，第二場我個no.抽到6x，所以企到好後，再加上已經入黑，現場環境打燈又唔夠，完全唔知自己影咗啲乜
（最大問題係我手上又冇一支長焦距嘅恆定大光圈鏡頭
）
順帶一提就係呢一類Live全程基本上都係禁止錄影，只有一啲特定嘅歌，例如新歌派台，又或者指定歌，先至有機會俾觀眾錄影，所以會去呢啲event嘅朋友都要自己留意一下
（點解要專登提呢，係因為第二日我俾個企隔離嘅日本大叔鬧我呢度唔可以拍片
跟著我用我啲有限日文解釋俾佢聽佢又聽唔明好彩隔離有另一個日本人幫我解釋返
）
夜晚場嘅特典就唔係合照，而係簽名，所以我都趁呢個機會簽埋手上啲立牌，然後就齊齊搭返新幹線落大阪：
（佐佐木冇出過立牌，所以唯有叫佢簽色紙。）
夜晚我哋三個香港Fans，同埋另外兩個台灣Fans，一齊去咗食居酒屋，出嚟玩event海外Fans多數都同聲同氣，同埋大家一齊排隊可以有個照應，行開去個廁所買支嘢飲都有人幫手看下袋。
（而且最難得係我哋5個人推嘅女優都唔同，抽中啲唔啱自己嘅嘢都可以同其他人換，不知幾開心
）
嚟到第二日嘅Live表演，尋日喺名古屋，今日喺大阪；尋日喺天台，今日喺室內，燈光都好返好多，但抽no.嘅運氣又係麻麻，結果都係企到第三第四排
（另外就係如果個場企滿人嘅話，就算有飛都冇得入，只可以喺出面聽
）
因為啲Live嘅相冇咩特別，所以就唔貼咁多了:
大部分時間都係影古川比較多：
另外三個都有影下嘅
兩日嘅event為咗換簽名特典同合照，夾埋買咗28隻CD
（最後每隻碟淨係拎咗兩set返香港其餘嘅當垃圾扔咗佢就算）
待續
沒有留言:
張貼留言