(原文於28-9-2025 hksecretparty刊登
https://hksecretparty.com/2025/09/28/av女優寫真集嘅改名藝術/)
大家會買AV女優嘅寫真集嗎？
根據小弟呢幾年嘅非正式、非官方、憑感覺嘅數據顯示，大部分嘅AV女優Fans都情願買女優嘅寫真集，多於買女優嘅AV作為收藏同鑑賞。主要原因可能係一嚟因為DVD碟嘅區碼問題，買咗返嚟未必睇到，亦唔係每個人屋企都有DVD機呢啲古董嘢；二嚟係寫真集嘅「藝術成份」比起AV感覺上更加重，買寫真集嘅事前心理建構都冇買AV咁多，令到寫真集成為唔少未入坑、又或者初入坑朋友嘅主要揀選藏品目標。
睇寫真集就當然係用眼睇同用左手揭，但唔知大家買寫真集嘅時候，有冇留意AV女優寫真集嘅Title，有啲都幾有趣，有啲Title會令人會心微笑，亦有啲會令人一見難忘，今個月呢篇專欄，同大家玩下純文字討論，我哋研究下AV女優嘅寫真集改咩名。
（相沢みなみ1st.写真集 aiminami）
首先大家見得最多嘅AV女優嘅寫真集Title，多數都係由女優嘅藝名嚟做概念而創作，先舉一個我自己好有印象嘅例子，石原希望。
2020年初出道當年出版嘅第一本寫真集，以佢個名希望為概念，名為「Hopeful」 ，之後喺2025年嘅最新一本寫真集，名為「渴望 desire」，兩本都係由佢嘅藝名「希望」而銜生出嚟。
用藝名嚟做寫真集Title嘅命名基礎，可以令到Fans同街外人（未接觸過/初步接觸）對於女優嘅藝名容易留低更深嘅記憶。除咗寫真集之外，石原希望喺寫真片商Rebecca嘅イメージDVD（寫真DVD），Title都係同佢個名有關係：
Wish a hope!
Wings of hope!
Rays of hope!
Dreams of hope!
Snowfield of hope!
(Wish a hope! 石原希望)
係咁Hope Hope Hope嘅程度差唔多可以寫到一首Rap詞出嚟，用「望」呢個漢字仲可以延伸好多唔同嘅Title，「慾望」、「願望」、「盼望」等等詞語都可以因應寫真集嘅風格嚟配合使用；英文hope嘅變化更大，亦都有更多嘅可玩性，中英文兩個字詞都可以喺唔同嘅範疇使用同發揮，係我覺得喺運用藝名方面做得相當唔錯嘅一個好例子。
除咗直接沿用藝名嚟做Title之外，亦都可以用諧音嚟構思，三上悠亜（三上悠亞）就係一個例子。
三上悠亜嘅日文發音Mikami Yua，Yua呢個字嘅發音同Your相近，正正就可以用嚟做一個好好嘅Title，第一本寫真集「Here you are」，有一種千呼萬喚始出來「Here Yua」嘅意思，配合三上悠亜出道時候嘅聲勢同人氣，係一個好有意思嘅「紀念性標題」。
之後嘅幾本寫真集都有繼續沿用呢個命名模式：
Your Angel
YOURGIRL
your eyes
You are here
Your selection
Last your…
以上呢幾本寫真集都有用返Yua呢個諧音嚟做構想，但明顯有啲力不從心嘅感覺，除咗引退前嘅Last your比較令人有聯想之外，其餘都係比較淺白嘅配搭。
除咗由藝名入手，用女優嘅一啲特色同優點作為切入點，都係業界普遍嘅寫真集改名模式，例如有：
未歩なな（未步奈奈）嘅「君の声が聴こえる」（聽見你的聲音），配合未步歌姬嘅角色，更加突顯出佢嘅優點。
水卜さくら（水卜櫻）嘅「恍惚」，呢本其實個名改得有啲可圈可點，但鑑於水卜初期真係有種呆下呆下嘅感覺，都可以算係貼題嘅。
以笑容見稱嘅青空ひかり（青空光），寫真集就直接用「笑顔。ひかる」，直接了當標明青空嘅最強賣點就係笑容。
以上幾個方向都係業界而家主要會採用嘅改名模式，有時都會見到一啲「唔知點解會改個咁嘅名」嘅情況，又或者可能有啲書名喺日本人眼中係有佢哋獨有嘅含義同理解，所以我哋外國人先至睇到一頭霧水。
轉入數碼化年代，甚至AI年代之後，唔知道喺寫真集書名呢方面，將來會唔會有更加有趣嘅發現呢。
沒有留言:
張貼留言