2023年六大片商前瞻⑥：SOD

(原文於11-1-2023 hksecretparty刊登 

https://hksecretparty.com/2023/01/12/2023年六大片商前瞻⑥：sod/) 

嚟到最後一間片商SOD，之前提及過爛船仲有三分釘嘅呢間老牌片商，今年又會係一個點樣嘅情況?

---

SOD主力：紗倉まな、小倉由菜、本庄鈴、唯井まひろ、青空ひかり

2022年嘅SOD失去咗戸田真琴，除咗令紗倉顯得更加重要之外，其次就係SOD第二把交椅嘅位置懸空。之前有提過如果呢一刻紗倉引退，接棒一姐嘅就會係以上幾位女優入面年資最耐嘅小倉由菜，但小倉由菜勝唔勝任到呢個位置呢？我認為就仲未夠火候。

講返一姐紗倉まな（紗倉真菜），今年係出道第12年，年紀都逼近3字頭，基於佢本人仲有其他外務工作喺身嘅原因，佢喺今年邊一日嗌引退我都唔會覺得出奇；事實上都好少見到有其他女優好似紗倉咁身兼咁多角色，AV女優、歌手、作家、主持人、YouTuber，而且仲要樣樣範疇都做得好，少啲體力同精力都唔掂。

2023年嘅紗倉有啲難預測，喺SOD入面佢已經冇再上升同解禁嘅空間，再拍落去都會繼續有FANS俾錢，但好難再吸引一啲新FANS返嚟；而且紗倉嚟到呢一刻仲未引退，會唔會都同SOD仲未搵到接班人有關呢？

跟著剩低嘅4位女優，我會分成兩組嚟講解，分別係同屬MINES事務所嘅小倉由菜同唯井まひろ（唯井真尋），同埋同屬C-More事務所嘅本庄鈴同青空ひかり（青空光）。

冇錯，呢4位女優喺現時呢個階段都算係並排喺SOD第二把交椅嘅後補位置，而且仲演變成兩間事務所嘅暗中鬥爭，一上就旗下兩個女優一齊上，坐哂一姐同二姐兩個位置，變相嗰間事務所會直接控制咗SOD嘅命脈。

喺呢兩間事務所派系嘅鬥爭之中，MINES呢邊嘅勝算暫時比較高，小倉由菜已經儲咗一定基數嘅FANS群，唯井嘅YouTube Channel都經營得相當出色，兩個拍住上可以再擴張SOD嘅聲望。喺社群層面上，呢一對MINES事務所嘅姊妹有絕對嘅優勢。

至於另一邊C-More嘅兩位代表，行嘅就係實力派路線，本庄鈴同青空ひかり都有唔錯嘅成績，拍出嚟嘅作品我認為比對面MINES兩位拍嘅質素同表現都更好，本庄鈴仲有喺TVB客串添(好多人話佢似李佳芯)，所以喺呢場2 on 2嘅決鬥我覺得C-More代表隊未必完全打唔贏，但會係本庄上位定係青空上位，呢個就需要時間觀察再下判斷。

SOD 新力軍：神木麗、恋渕ももな、小湊よつ葉、星乃莉子

喺新力軍方面，SOD都有4位非常搶眼嘅新血，都係分成兩組嚟講會清晰啲。

首先係神木麗同恋渕ももな，兩個都係偏向行身材路線嘅女優，神木麗喺22年4月出道，係近年SOD最搶眼嘅一位G Cup女優，外型充滿熟女嘅韻味，豐滿嘅身材再加上169cm嘅身高都係佢嘅殺手鐧，嚟緊仲會有佢中出解禁嘅作品。

同樣都係21年4月出道嘅恋渕ももな，唯一賣點就係佢嘅M Cup巨乳，可以用震撼嚟形容，樣貌尚算不過不失，而且演技亦都夠放夠投入，非常符合一眾胸奴嘅口味。

以上呢兩位都係喺22年上半年備受注目嘅新人，身材有睇頭之餘，兩位嘅演技都唔錯，有潛力喺業界闖出一片天。

小湊よつ葉（小湊四葉）、星乃莉子，呢兩位就係SOD喺22年下半年嘅秘密武器，當中以小湊よつ葉嘅銷量最為驚人，前藝能人嘅背景幫佢收獲咗唔少新FANS，而且仲係真金白銀會俾錢買碟嘅FANS。

小湊並唔似三上悠亞咁樣以樣貌同身材作賣點，如果以三上嚟做標準嘅話，小湊甚至可以話係唔合格；但偏偏日本人就係鐘意有呢類藝能人背景嘅女優，月榜同年榜嘅銷量都擺在眼前，睇嚟23年SOD嘅銷量都要靠小湊頂住。

相比起小湊，我個人反而更睇好另一位新人星乃莉子，Debut作品入面俾我一種複製版紗倉まな嘅感覺，髮型同笑容差唔多係一模一樣，我覺得比小湊よつ葉更加吸引，E Cup嘅身材亦都有啲睇頭，有條件成為一位實力派女優。

一連6晚同大家分享6間片商喺2023年嘅展望，同埋我對主力女優同新力軍女優嘅睇法，多謝大家呢幾晚嘅支持。喺呢幾篇前瞻入面冇提到嘅女優，並唔係代表佢唔係片商主力，只係喺片商入面嘅重要性同地位可能冇揀出嚟嘅女優咁高，所以今次先至冇特別提及。

喺寫嘅過程我都諗多咗其他之前冇留意嘅情況，例如個別女優喺片商嘅定位、女優未來拍片嘅方向、又或者係缺乏嘅元素等等，大家嘅意見同見解我都有睇到，有唔少都係我冇留意到嘅地方，呢一個都係我鐘意同大家交流AV睇法嘅其中一個原因，AV圈子係最容易實現和而不同嘅地方，可以睇到大家嘅意見交流同心得分享，嗰種熱烈而正面嘅討論氣氛喺現時嘅網絡世界真係非常難得。

感謝大家呢6晚嘅陪伴同參與，我地喺下一篇文章再見。