(原文於6-3-2022 hksecretparty刊登
https://hksecretparty.com/2022/03/06/人多係咪就可以為所欲為？十大最多…-followers既現役av女/)
過去幾年既疫情，大大咁改變咗唔少人既生活同工作模式，隨著好多人留喺屋企既時間多咗，好多唔同既行業同工作人員都開始轉為喺網絡上面大展拳腳，尋找一個新出路，同時亦都催生咗更加多唔同類型既Youtuber、KOL、網絡紅人。呢啲以前只係局限喺網絡世界既定位角色，慢慢隨著網絡世界既發展，接觸到佢地既觀眾層面越嚟越闊，漸漸被大眾所接受，浮上水面走出螢光幕，成為廣告界既新寵兒，賺到盤滿砵滿。
可以睇到，經營一個成功既網絡媒體同社交平台，將會係未來做生意既一個必然大趨勢。近年有唔少AV女優都將更多既時間同心機放喺社交平台上面，Twitter、Instagram、TikTok、Youtube，等等既社交平台就成為咗佢地最有效既宣傳工具，無論係AV新作既發佈、定係今日下晝食咗啲乜，FANS都可以透過呢啲平台對佢地鐘意既女優有更加多既了解；有唔少女優都將自己既Twitter同Youtube Channel當成係另一份副業同收入，廣告商亦都對呢班「另類」既網絡紅人好有興趣，會嘗試喺AV女優既社交平台落廣告，吸引一啲新客源。
今日就想同大家睇下直到現時為止（截至2022年3月之前），喺Twitter上面最多Followers既十位日本現役AV女優，佢地平時出既Tweet會係關於啲咩內容，又有啲咩因素令佢地可以脫穎而出，一齊嚟研究下。
（排喺第12位，有49萬Follower既涼森れむ。）
第10位 本鄉愛 52萬1千人
https://www.youtube.com/channel/UCyQ3BEK5Trg7MIUF0QhMHyA/featured
片商FALENO自家培育出道既親生女，前名係「二階堂夢」，2020年3月出道，短短兩年時間就聚集到超過50萬既Followers。除咗差唔多每日都有update既養眼內衣相，同充滿挑逗意味既語句之外，本鄉愛自身既語言能力都係佢既一大賣點。
喺就讀高中既三年時間，本鄉愛都喺美國同加拿大生活，所以操得一口地道既英文，連韓文佢都有一定既水準，我睇佢YouTube直播打機既時候仲聽過佢講少少國語，單單係呢幾種語言已經足以令佢喺亞洲地區非常吃香。
未來再有大型既亞洲地區成人展既話，可以預期本鄉愛將會係其中一個備受傳媒注目既女優。
第9位 希島あいり(希島愛里) 52萬9千人
https://twitter.com/airi_kijima
想當年Ideapocket既「希家軍」，而家只係剩低希島あいり仍然在役。喺AV業界已經經過咗8個年頭，今時今日既希島係Ideapocket同Premium既專屬女優，能夠成為雙專屬都足以證明業界對佢實力既肯定。
除咗AV女優既工作之外，希島亦係恵比寿マスカッツ(惠比壽麝香葡萄)既成員之一，呢幾年都見到希島既身影出現喺不同既電影、舞台劇、Live Show等等，係一個多方面發展既女優。
身材稍稍輸蝕既希島，喺Twitter上面既性感相片難免比起其他女優遜色，但希島既靚樣同埋著衫品味都相當唔錯，成為咗佢既一個魅力點。
第8位 七沢みあ (七澤美亞) 54萬人
https://twitter.com/mia_nanasawa
之前都有同大家介紹過既七沢みあ，業界一線既蘿莉小惡魔，145cm既迷你身型，配合佢既身材比例，意外地適合各種唔同類型既制服同裝束，集可愛同性感於一身。
童顏蘿莉既七沢仲有宅女既一面，有時佢會喺自己既YouTube Channel分享自己買既一堆動漫戰利品，做一啲簡單既開箱，每次當佢講到買返啲既公仔有幾「可愛い」既時候，我都好想同佢講你本人仲「可愛い」過啲公仔呢。
第7位 篠田ゆう (篠田優) 54萬2千人
https://twitter.com/yu_shinoda
https://www.youtube.com/channel/UCPYSNe9oPa2q1xEMYVRWb1w
頭十位裏面唯一一位既企劃單體女優，冇任何片商既專屬合約，經常遊走各個片商拍片既篠田ゆう，前凸後翹既好身材係佢一直引人注目既大賣點，佢本人經營既YouTube Channel有37萬Subscriber，之前一直上傳唔少瑜珈片同健美教學既影片，火速為佢吸納咗一班忽然對健美身材好有興趣既FANS，成為城中既熱話。
出道已經超過十年既篠田，而家已經將呢啲引人暇想既影片改為放喺尺度比較寛鬆既Fantia網站，收取大家一個基本既月費，可以睇到篠田教你做運動，同你把酒言歡傾心事。某程度上呢類收費平台對於真FANS嚟講更加適合，可以有一個更加清靜同簡潔既環境同女神交流，有唔少FANS都唔介意俾多呢少少錢享受一個更好既環境，所以呢類平台都係唔少AV女優計劃轉型既新方向。
第6位 伊藤舞雪 55萬人
同kawaii呢個字扯唔上任何關係，但偏偏係片商kawaii既一姐伊藤舞雪，擁有傲人既好身材同埋豪邁爽朗既性格，大波腰幼既夢幻身型亦都引嚟唔少女士既羨慕目光。但當初伊藤舞雪其實並冇開Twitter嚟做宣傳既打算，喺當時kawaii片商就公開宣佈只要收夠500個like就會幫佢開account，最後當然輕鬆達標，為伊藤舞雪開啟咗Twitter既網絡世界。
其後喺一個訪問裏面，伊藤舞雪就表示如果可以返去出道既時候既話，第一件事要做就係去開Twitter，可想而知Twitter喺佢心目中已經成為一個好重要既宣傳工具。
睇見佢喺Twitter既靚相，有機會都想探討一下伊藤舞雪維持好身材既秘密呢。
第5位 相沢みなみ (相澤南) 57萬8千人
https://twitter.com/minami_aizawa_
2019年既FANZA成人大賞最優秀女優賞得主，AV業界既灰姑娘傳奇，Ideapocket專屬女優相沢みなみ。2020年下半年強戰回歸之後可以用稱霸武林嚟形容，除咗銷量成績之外，佢喺Twitter上面中英日三語全備既Tweet都係令佢可以站穩一線女優陣腳既殺手鐧，一班海外FANS唔需要花一輪工夫去做翻譯，直接就可以知道相沢今日想同你講既係咩野，非常貼心。
透過Twitter我地可以睇到，相沢幾乎每日都會飲Starbucks，所以FANS都好識做，每逢有event舉行都會送一大堆Starbucks既Gift Card俾佢，相沢自己可以慳一筆之餘，FANS又唔駛驚嘥咗無謂錢送咗啲唔啱用既野，一舉兩得。
第4位 桃乃木かな (桃乃木香奈) 90萬8千人
https://twitter.com/Kana_Momonogi
嚟到第4位開始拉開差距，同樣都係Ideapocket專屬女優既桃乃木，坐擁接近100萬既Followers。同其他AV女優既Twitter有少少唔同，桃乃木既Twitter基本上唔會share任何同佢AV工作相關既資訊同相片，但始終有人氣冇銷量都係行唔通，喺上年桃乃木就開多一個account專門post自己既AV工作相關資訊，等鐘意佢既男女老幼都可以對號入座，自己搵野睇。
講到桃乃木就不得不提佢既大胃王生活，Twitter上面除咗佢可愛甜美既日常相片之外，睇得最多既就係佢去唔同既拉面鋪同刨冰鋪大飽口福，如果話男人最性感既moment係洗碗既話，咁桃乃木最可愛既moment一定就係食野既時候；每次睇著桃乃木面前放著一大碗成年男士都冇信心食得哂既拉面，然後再加一張完食既相片，相信就係每個桃乃木FANS感覺到最幸福既時候。
今日我地既桃乃木，又食飽飽喇！
第三位 高橋しょう子 (高橋聖子) 92萬6千人
https://twitter.com/TS_takasho
打入頭三名既高橋しょう子，2012年以寫真偶像身份出道，憑藉著姣好既身材同容顏成功打出名堂，後來喺16年因為醜聞問題順勢下海成為AV女優，出道當年就已經橫掃各大既銷售榜，仲喺AV OPEN 2016頒獎禮上面連奪七個大獎，成為終極大贏家。
由寫真時期累積到而家既FANS，一直支撐著高橋既銷售成績，之前一直有夾band既高橋，偶而仲可以喺Twitter上面睇到佢彈結他既英姿，認真既女人真係相當吸引。
第二位 深田えいみ (深田詠美) 219萬1千人
https://twitter.com/FUKADA0318
https://www.youtube.com/channel/UCRUdyowhXEQhoNT7uNEvGJA
由第三位既92萬，一下子跳到嚟219萬，我地見到有深田えいみ，呢位被日本人當成係搞笑藝人多啲既AV女優，Twitter反而唔係佢既主要戰場，另一邊已經有接近100萬Subscriber既YouTube Channel先係佢既舞台。深田經常都會邀請到唔同界別既人士上去同佢crossover，除咗有日本既YouTuber，仲有搞笑藝人、AV監督、AV男優女優等等，內容非常豐富。
另一個深田えいみ喺YouTube既大賣點就係AV業界既爆料環節，每次佢同清水健既合作影片都笑到我肚痛，亦都爆出咗好多鮮為人知既AV界秘聞，鐘意關注AV業界既朋友真係不容錯過；除此之外，深田以AV女優既角度分享性愛知識同技巧既影片都非常受歡迎，有興趣又識少少日文既朋友可以留意睇下。
第一位 三上悠亜 (三上悠亞) 253萬2千人
https://twitter.com/yua_mikami
https://www.youtube.com/channel/UC0BCfHbNORhd7dsw1R5rw9w
榮登榜首既現役最強人氣AV女優，非三上悠亜莫屬。超過250萬既Follower，來自世界各地，當中亦都不乏唔少女性FANS，三上除咗喺Twitter上面有性感靚相之外，亦有分享更多佢既化妝同扮靚心得，實現真真正正既男女通殺。
另外佢既Twitter仲會分享佢既個人時裝品牌miyour’s既產品，自己做返model，為自己既時裝品牌打響名氣。身邊有另一半既男士，如果女伴發現你follow咗三上都可以解釋，「我係諗著買三上悠亞出嗰啲衫俾你，先follow佢架喳！」
以上就係暫時最多Twitter followers既十位AV女優，每一位都有自己唔同既個人特色，而且並唔止係單純po性感相就完事，再配合埋Youtube、TikTok等等既其他平台嚟加強曝光度，俾FANS了解自己多啲，可以同FANS起到一個交流既作用同感覺，先係最高境界既玩法。
未來又會有邊啲AV女優成為下一位網絡紅人呢？我地拭目以待。
（順帶一提，已經退役既明日花キララ，Twitter都有200萬 follower。）
沒有留言:
張貼留言