FANZA Adult Award 2019 賽果分析

是咁的，小弟係惠比壽葡萄post樓主 新東寶翻譯製作繼續請大家多多指教

早排就去咗日本當地睇FANZA頒獎禮，有少少感受同冇料到既分析想分享下所以開個post呃下大家入嚟睇小弟9up

 

得獎名單如下

✿最優秀女優賞 相沢みなみ
✿優秀女優賞 天使もえ
✿最優秀新人女優賞 河合あすな
✿優秀新人女優賞 坂道みる
✿週刊プレイボーイ賞 吉高寧々
✿特別賞 美谷朱里
✿話題賞 唯井まひろ
✿メディア賞 水卜さくら
✿作品賞（動画部門） 「新人No.1 STYLE 河北彩花AVデビュー」
✿作品賞（販売部門） 「みなさまのおかげです。AV DEBUT」
✿作品賞（レンタル部門） 「新人No.1 STYLE 河北彩花AVデビュー」

FANZA頒獎禮已經完咗幾日，因為每日都有啲新聞同花邊消息走出嚟，我呢篇野由響搭回程機開始打，返到嚟都改動咗好多次
今年多咗好多海外既朋友去現場睇，亦多咗海外既新聞媒體報導。小弟都響成人台出咗post介紹呢個獎同入圍女優，有唔少巴絲打都有去投票玩下，仲有人出咗幫手拉票既post。
好開心多咗巴絲對日本AV業界有更多既興趣AV唔淨只係攞嚟打飛機，有好多資訊同新聞都好有趣有時知道得多咗，開套AV見到個女優既時候感覺都會唔同咗

(今年既海報，現場有得買，1000羊一張，當然俾你買嗰張係冇簽名)

 

  -- --

 

講返正題，今年海外票都幾影響賽果，甚至有輸咗既女優話要學英文同去多啲海外招多啲FANS，雖然仲未知係咪開空頭支票，不過聽到都開心
適逢嚟緊下年有東京奧運，女優可能會少咗響本土工作既次數; 今年8月台灣又有兩個成人展，所以呢一兩年女優出國既機會會增加，大家唔想再隔住個mon而想見女優真人既話，呢一兩年應該會有唔少機會
 
(投現場票既箱)

呢篇野我唔會講哂每一個獎，抽最大四個嚟講，其他如果大家有興趣既小弟再補充
荒唐事認真做，一齊嚟睇小弟開始9up分析今年呢個賽果 

 

 -- --

 

優秀新人女優賞 坂道みる


呢個係頒獎禮當晚頒發既第一個獎項。冇估到第一個就令大部份觀眾大跌眼鏡
小弟響之前既介紹文都有寫新人賞基本上係兩個女優既對壘: 河合あすな VS 坂道みる，因為響入圍既十位女優裏面，我覺得只有佢地兩個夠實力去問鼎呢個寶座。


後來到開始投票，Twitter同網上面既大趨勢都係投咗俾坂道，甚至投票只係開始咗短短幾日，已經可以8成至9成肯定會係由坂道攞到呢個獎。
坂道輸既原因我只諗到一個，仲要其實我覺得個理由唔係好夠力我留返響河合嗰part再同大家講。

(頒獎既係上屆優秀新人賞得主水卜さくら）

當晚現場宣佈咗之後，坂道攞完獎致詞講唔夠兩句就喊內容除咗多謝FANS同投票俾佢既人之外，仲有就係對於攞唔到最優秀新人賞感到抱歉
之後坂道就成晚冇笑過喇

希望坂道可以快啲振作，拍多啲出色既作品俾大家啦
加油呀みるみる下年你有機會攞最優秀女優賞架

 

 

 -- --

 

 最優秀新人女優賞 河合あすな


今年河合基本上係蚊香社唯一力捧既入圍女優，有睇過佢作品既朋友，都知河合最大既武器就係心口嗰對G奶
而響演技方面，我覺得唔好話河合，連好多一線女優都去唔到坂道既level，再加上聽講坂道有返開風俗店所以呢方面都係唔好同啲超專業既比較
咁河合究竟除咗對奶之外嬴咩呢?有一個可能性就係當晚既現場票。


響入埸前有同唔同既Fans傾過，其中有一個人話有可能頒獎禮當日入場既人，響開始之前所投既現場票，係比起響網上投票佔既投票比重為高。
簡單嚟講就係有可能你響會場當晚投一票，等如網上投咗十票
點解會有呢個講法呢主要係因為現場票比起網上投票既真確性高，網上投票可以一個人開十個acc投(只要你夠多信用卡同有時間)，但現場每人憑卷入場，你只有兩票響手(一票女優賞一票新人賞，當然你都可以兩票投哂俾同一個人，因為只係將個注碼放入個箱。)，變相能夠洗票既機會微乎其微。

(頒獎既係上屆最優秀新人賞得主桜空もも）

我本人唔太buy呢個講法，始終冇咩證據不過呢個係暫時寫到呢度唯一諗到既可能性
另外都有可能係FANZA想啲片商人人有份永不落空，所以就將最優秀新人賞俾咗蚊香社既河合不過都係可能性唔高。

(旁邊係好瘦既羽咲みはる ，羽咲都係17年既優秀新人賞得主)

河合並唔係差，就好似小弟之前所講，佢同坂道都係入圍女優入面最Top既大熱門，SOD嗰3個同佢地比都仲差一截。只係在我個人觀察，我唔認為響拉票方面坂道會輸俾河合

點都好我地都要接受賽果，恭喜河合あすな成為令和第一個最優秀新人賞得主

  

 

 -- --

 

  優秀女優賞 天使もえ


評論之前我想提出我既立場先: 我眼中既天使もえ係一個好勝同自尊心好強既女優。呢一樣野響業界唔少女優身上都感覺到，不過今日集中講天使もえ。
如果我以下既說話你覺得我有唱衰佢或者寫衰佢既話，講聲唔好意思先我都係將我見到既野同感覺寫返出嚟一陣你負評上一頁既話，都多謝你睇到嚟呢度
天使絕對係一個銷量勁同好演技既女優嚟，我唔係想醜化佢我只係想同大家分析下佢今次大慨輸響咩地方


得獎前呼聲最高既三位女優，相沢みなみ、椎名そら、天使もえ，當中天使本人信心係最大。早響一個月左右之前，天使就宣佈會響5月15號有event，12號頒獎禮，15號有event。嗯...會唔會已經係想同大家講我信心去到邊?

(天使為咗拉票所整既紙巾，不過響佢個人event先有得攞，當日冇派過)

響頒禮禮開始介紹女優入場既時候，天使もえ係非常風騷，呢樣連我身邊一齊去既朋友都感覺到，周圍揮手，就連介紹緊其他女優出場嗰時，佢都冇停過同台下既Fans打招呼，露出滿意同勝利既笑容。
我直接啲講，佢既感覺直頭想同大家講，今晚呢個獎我志在必得
去到入圍女優致詞既時候，天使都仲有笑容掛住響塊面，亦有帶領住自己場內既FANS一齊打氣嗌自己個名。
直到宣佈結果嗰一刻，天使成個樣唔同哂，彷彿佢真係響天堂跌咗落地獄
而台下為數唔少既一堆天使Fans，有啲已經喊緊，有啲已經跪咗響地下。

(攞到獎但係天使仲唔開心過後面冇獎嗰班)

我上面呢一段既形容，係想同大家講天使同佢班Fans真係好有信心可以嬴到最優秀女優賞。
輸俾相沢有好多原因，其中一個大原因係輕敵。
我地睇返上年高橋嚟做例子，高橋由兩年前選新人已經係大熱，佢一班Fans都係咁諗，響拉票方面放軟手腳，於是就比橋本同佢班Fans狠狠咁摑咗一巴。
題外話，今年高橋冇嚟頒獎(傳統係由上年得獎者頒俾今年得獎者)，可能唔想見到橋本，同再一次俾人binc


返番嚟天使，在我觀察天使同相沢響投票一開始既時候係叮噹馬頭，天使專注本土票居多，而相沢就第一日就出齊中英日三種語言嚟拉票。之後相沢既每一個Tweet同IG post，都有齊日英對照。天使就只係偶然出一兩個英文Tweet嚟拉票。
就係呢個情況之下大意咗或者輕視咗，天使就係咁流失咗唔少海外票。

天使當然唔只因為海外票同大意而輸，淨返既原因我留返響相沢嗰part再講，當中涉及一啲有可能係片商既操作。
我想指出經過呢兩年既教訓，相信跟住落嚟既FANZA頒獎禮既入圍女優，都唔敢再輕視海外FANS呢一環。
同埋，一日未到最後頒獎嗰刻，都要繼續拉票，包括到現場投票既人。
 
(兩個攞完獎但皮笑肉不笑既S1女優)

 

 -- --

 

  最優秀女優賞 相沢みなみ


已經上哂新聞我就唔詳細講背景，社長同相沢之間有冇路，社長仲有幾耐命，呢啲都冇咩好討論
我想講相沢有幾睇重海外FANS呢一環。
嗰晚相沢響頒獎前致詞，一開口唔係講日文，係講流利既英文。
Hi I'm Minami, nice to meet you. I'm happy to be here...(後面唔記得咗)
之後就轉返Channel講日文。


以我所知加觀察，海外Fans加記者其實唔超過30人。相沢講英文明顯唔係俾一班日本Fans聽，而係佢知今晚有海外既人嚟參加，所以用英文嚟一開始打招呼。
淨係呢份誠意，都足以夠一班海外Fans去支持佢。
咁當然都唔排除佢係想show off自己啲英文既
 
(頒獎既係上年既最優秀女優賞得主 橋本ありな）

而事實係，連天使もえ自己都覺得輸咗響海外票手上。
嗰晚一完咗冇耐，天使就出返個英文version既謝票Tweet。
可惜一切嚟得太遲

(出得太遲既英文Tweet，拉票嗰陣唔出謝票先補返)

除咗海外票之外，另一個主要失票既原因係片商方面既操作，呢方面就係由日本網友提出，我再綜合返啲資訊。
我地睇返提名名單，S1今年響女優賞有3個人入圍，天使もえ、葵つかさ、吉高寧々，而Ideapocket就只有相沢みなみ。


(小弟本命葵つかさ成晚乜都冇，反而00有獎攞)

S1號召唔到自己一班片商既Fans灌票落去任何一個自家女優身上，由得Fans自己發板想投邊個就邊個，片商每次提Fans投票就要一次過講哂三個。
而相反，Ideapocket因為得一個人參賽，除咗可以集中宣傳之外，亦可以叫哂旗下既女優幫手出力幫相沢拉票。
事實上響頒獎禮前幾個禮拜，都見到相沢同另外幾個IP專屬既女優出街一齊去玩。
呢度亦都衍生出下一個原因，就係女優之間既過票。
希崎、天海、櫻空，呢幾個都有自己一堆固定Fans，自己既偶像女優出聲表咗態，大部份Fans都會出手跟隊。
 
(左起: 天海つばさ、希崎ジェシカ、桜空もも、相沢みなみ，四個都係Ideapocket專屬女優)

最後既最後，社長既同情票。
相沢既事務所社長J社長，由上年下半年一直都住院，嚴重影響咗相沢既事業。
相沢既事務所規模好細，而相沢只相信社長，所以好多時都淨係想由社長跟住出event甚至出國，社長住院無疑係大大咁影響佢既工作。
之後就如大家睇報導所見，相沢朝早拍完野夜晚就去照顧社長，最近仲同IP請假，全心全力去陪社長抗病。
但我自己聽返嚟既消息係，社長其實都擺唔耐，而家都係勉強吊命。
呢一套悲情牌，好成功咁打動咗日本台灣香港中國既Fans。


社長響拉票既時候已經講過，能夠俾相沢攞到今次最優秀女優賞，係佢呢一世最後既願望。
而家願望達成咗，希望社長可以振作起嚟，早日康復。
 


(J社長所寫關於相沢入行既故事，有網友譯咗做中文，唔怕睇字既朋友可以自己放大嚟睇)

最後，再一次恭喜FANZA Adult Award 2019 最優秀女優賞得主 相沢みなみ！
 

 

 -- --

 

 各位，Fanza Adult Award係每年日本AV業界最大既盛事。邊個嬴咗唔係真係攞完個獎落台走人咁就算，好多新既工作機會，好多片可以再傾得高啲既人工，都會因為呢個名氣隨之而嚟。
所以女優認真看待係應該既，呢個獎亦唔係你想入圍就入圍(當然亦有人入到圍但唔想嚟)。輸輕敵，輸拉票，輸宣傳，可能你今年過咗，下年就未必再有機會再入圍。
再者，當個女優一過咗最TOP既黃金時期，就算你想繼續拍，都未必有人搵你。
每一個入圍既女優都係實力既肯定，至於攞到獎只係一個開始，仲有好多既難關等緊佢地。
有支持既女優，不妨開始多啲留意佢既動態，有時可能你一句唔咸唔淡用Google Translate既日文打氣說話，已經幫佢加返唔少信心，或甚係工作甚至生存既動力。(好似誇張咗)


以上，就係小弟對於FANZA Adult Award 2019既賽果睇法，多謝你既收睇
有問題或者其他睇法歡迎留言一齊討論
都歡迎大家得閒過嚟葡萄post吹女優水傾閒計