今年最後一飛，三日見6個女優嘅快閃遺憾補完之旅 （下）

12月17號，話咁快就嚟到呢個三日旅程嘅最後一日，今日嘅主要目標係去見葵司，但前後都仲有兩個活動可以參加#:)#xm


起身執完行李去食返個早餐先啦#tea#mousexm今日食嘅係一間我自己覺得喺秋葉原附近得嚟，環境又幾好幾靜嘅一間cafe，喺JR橋下面嘅淡路坂珈琲：


（淡路坂珈琲 お茶の水店 東京都千代田区神田淡路町2-9 JR紅梅橋高架下4号）

嗌咗一份好豐富嘅三文治，聽住火車經過路軌嘅轟隆聲，感受下東京冬天嘅陽光，我係過嚟日本玩嘅香港人吖hi：






食完早餐就過去碟鋪見女優，第一個見嘅係FALENO嘅妹系女優代表，佢叫做時田亜美（時田亞美）：


（隔離嘅係同佢好fd嘅青空ひかり。）

今日時田亜美嘅衫都係同聖誕節有關，不過佢cos嘅係聖誕樹#sweat#cowxm

  

時田喺可愛之中，又會隱隱約約又會有一種好唔似都市人嘅感覺，兩岸三地嘅AV Fans好鐘意話水卜さくら（水卜櫻）個樣係「村姑」，即係點都甩唔到浸「老土」，我覺得攞嚟形容時田亜美都好適合#sweat#cowxm佢個樣真係有啲「learn」#sweat#cowxm

或者再形容得貼切啲，就係嗰啲你講咩佢都會信足十成，好易呃好易氹嘅女仔#sosad#cowxm



（順帶一提而家喺FALENO入面，時田亜美有時會賣得好過大家姐天使もえ，時田喺24年做FALENO一姐指日可待#sorry#cowxm）

#:)#cowxm：時田小姐你好吖，話說喺TRE嗰時我有影到你好多相，大家都覺得你喺台上面緊張個樣好可愛。
#:)#xm：TRE嗰時...好開心呢...
#:)#cowxm：大家喺錢湯影你嗰陣，都話你轉pose轉得好快，影都影唔切#sad#cowxm
#:)#xm：第一次參加呢啲咁大型嘅活動，有咁多人，又有咁多前輩，所以好緊張（越講越細聲）...

怕怕醜醜，同時個樣又長期慌慌張張咁，我諗呢個就係時田亜美嘅吸引之處。


（聖誕快樂！下一年請多多指教，TRE好開心！by 時田亜美）



（今場買夠4隻碟嘅話，會有一個拍短片嘅特典，時田亜美會錄一條講埋你個名嘅10秒短片，內容可以揀「早晨」、「晚安」、又或者「今日辛苦晒」，最後我揀咗辛苦晒嗰個。）

見完時田亜美之後，就出發去神保町見葵司，今次係一個公開收錄嘅活動，事務所今年book咗
一個喺「小学館」出版社嘅場地嚟搞：

  
（比較有趣嘅係坐嘅位置係抽嘅，即係就算你好遲嚟都好，如果你好好彩抽中嘅話，都有可能坐到第一排正中間#wtf#rabbitxm）

呢一場公開收錄主要就係講返拍攝今年寫真集嘅背後點滴，8個女優都會講下現場嘅內幕嘢，其實就有啲似係好姊妹互相爆料嘅環節，不過葵司嘅呢間事務所8manpro出咗名女優之間關係好，真係好似一家人咁冇乜唔講得，所以成個收錄嘅氣氛都好輕鬆#:)#cowxm

收錄完咗之後，就係影大合照嘅時間，我專登拎埋上次俾葵司簽嗰塊立牌上台一齊影，我行到埋去，葵司已經話：

#:)#xm：吖！我見到你喺機場揸住立牌影嗰張相！

咩料吖#sosad#cowxm你又話見到，古川又話見到，唔好氹我開心喎#sosad#cowxm


（唔知點解開咗連拍都好，都係影唔到一張全部人個樣都正正常常嘅版本#heard#pigxm
另外後排左一左二嘅天国るる同埋七海ティナ，仲有右下角嘅八蜜凜，都係當日嘅特別嘉賓。）

然後仲有好短暫嘅俾台下任影時間：

  
（嗰日我最深印象係後排著黑衫嘅凪ひかる，除咗真係好大波之外#[bouncer]#xm#[bouncer]#xm真人係有一股生人勿近嘅強勁氣場#sorry#cowxm）

完場之後，難得入到嚟小学館，就梗係影下入面先走：





最後同葵司啲日本FANS約定出年再見之後，我又踏上返嚟秋葉原嘅旅途。


今年嘅最後一場秋葉原AV女優event，係我每次去都同佢好好傾嘅kawaii*專屬女優，日向なつ（日向夏）：



呢位又係行妹系路線嘅女優就同時田亜美完全唔同，除咗傾嘅話題可以好闊之外，同佢傾計就會feel到佢唔係嗰種好傻好天真嘅女仔：







#:)#xm：新東寶你又嚟嘅？
#:)#cowxm：唔係，我上次嚟咗一個月之後返咗香港，今次係再飛過嚟。
#:)#xm：哦～我以為你冇走過#mock#pigxm
#:)#cowxm：係呢，最近睇到日向小姐拍咗套「睡姦中出」，我想問下你自己點睇呢類企劃，我自己係唔明有咩好睇嘅#sweat#cowxm
#:)#xm：（苦笑）其實呢...我都唔明呢啲企劃嘅意義係咩，可能係等啲人覺得，見到個女仔瞓著咗，點搞佢都唔會醒啊，就可以為所欲為喇#hehe#pigxm咁樣就會好興奮卦。
#:)#cowxm：係咩～但睇住個女優冇反應會興奮咩？
#:)#xm：總會有啲人鐘意睇嘅#mock#pigxm同埋都好考女優演技架，因為全程唔出得聲，又唔郁得，
#:)#cowxm：咁我又想問下你，拍VR難啲，定係拍呢啲唔出得聲嘅企劃難啲？
#:)#xm：我覺得唔出聲嘅企劃難啲嘅。
#:)#cowxm：但VR要一鏡過，都唔係咁易。
#:)#xm：都係，VR冇得剪接...係呢，你都有睇VR AV？
#:)#cowxm：有係有，不過唔可以睇好耐，睇得耐會頭暈，仲要一路打飛機，夾埋一齊就好攰#sad#cowxm
#:)#xm：哈哈哈哈哈哈！

我鐘意去日向なつ嘅原因就係咁，佢真係咩都問得同埋咩都講得，佢應該係我暫時遇過最放心同佢傾業界話題嘅女優，所以每次總之遇正我喺東京而又有佢嘅event，我一定會過去同佢打個招呼。

今年用日向なつ嚟收尾，都係一個唔錯嘅ending#O:-)#xm


（今年多謝你！聖誕快樂，下一年繼續請你多多指教！by 日向なつ）

   
（搵次時機成熟，我要問下佢事務所啲秘密，佢嗰間44事務所就係相沢みなみ引退前簽嘅事務所嚟#confuse#rabbitxm肯定有啲內幕嘢可以八到返嚟#hear#rabbitxm）

今年真係收爐了#O:-)#xm最後就係同同行嘅香港朋友一齊去食返餐燒肉，然後就去搭飛機返香港。


（焼肉 神田精肉店 東京都千代田区鍛冶町2-13-28）

   
（質素普普通通，純粹係因為有另一間想去食嘅打邊爐冇位，所以喺附近搵間燒肉食就算。）

2023年嘅最後一次東京AV女優event之旅，就係咁完滿結束#O:-)#xm



 - - - - - - - - - - - - - - - - - - - - - - - - - - - - - - - - - - - - - - - -

最後就今年嘅小小工作總結啦#:)#xm

今年繼續係超額完成嘅一年，喺成人台嘅11間AV片商每個月嘅新作情報po、月榜po、同埋AV po嘅日常運作，繼續做得順順利利，多謝各位巴絲打嘅支持同不離不棄；另外今年好榮幸有機會同兩位AV女優楪カレン、真矢みつき做咗個訪問，喺當中都學到好多嘢，喺度想再一次感激活動主辦俾咗呢個機會我#sorry#cowxm

（AV女優獨家專訪）楪可憐、真矢充希 到港！分享對香港嘅感覺、以及AV拍攝趣聞！
https://lihkg.com/thread/3416336

另外就係香港人繪麗奈喺日本片商FALENO出道之後，所寫嘅幾篇文章，坊間都有好大迴響，有傳媒都有引用到小弟嘅拙文#sorry#cowxm都喺度同各位記者朋友講聲多謝#sorry#cowxm

（港女日本AV Debut）日本網民點睇絵麗奈出道，以及點樣喺香港買片教學
https://lih.kg/3336013
(全文字劇透+影評) FSDSS-644 香港出生、香港長大的新人，絵麗奈 AV Debut
https://lih.kg/3348866
(港女日本AV Debut) 絵麗奈正式出道一個月之後，日台兩地嘅評價係...
https://lih.kg/3377608

除此之外就係今年年頭寫嘅一篇AV幻想劇「集合啦！AV女優同學會！」嘅第二季，係我自己好鐘意，寫嘅時候好enjoy嘅一個創作，雖然睇嘅人唔多#sad#cowxm但當係完咗我一個想試下做AV監督嘅夢想，都係一件好開心嘅事嚟#hehe#cowxm

(重甜 AV 幻想劇) 集合啦！AV女優同學會！ 第二季
https://lih.kg/3287239

最後，當然係小弟嘅日本AV女優event遊記po#O:-)#xm連埋今次呢篇，今年一共寫咗大大小小 6篇嘅遊記，短嘅好似今次咁得三日，最長嘅去咗足足一個月，睇返都真係有啲癲#sosad#cowxm我都知遊記po係最易入口，亦都係最多人鐘意睇嘅topic嚟，但我都冇可能每個月都出發#sad#cowxm所以下年嘅遊記po都係，隨緣啦#:)#cowxm

(AV女優Event遊記) 新年流流，今次見咗十個女優。
https://lih.kg/3297140
(多圖少字) AV女優香水純 攝影會遊記
https://lih.kg/3395501
AV女優Event遊記 6月咁熱去日本見11個女優+少量美食+夜景
https://lih.kg/3440505
(AV女優Event遊記) 三日，四十個女優，台北國際成人展TRE 2023
https://lih.kg/3480925
(LIVE) (AV女優 Event遊記) 喺東京逗留一個月，可以見到幾多個女優？
https://lih.kg/3529520
https://lih.kg/3541454

2024年，我都仲未知自己會唔會有啲咩新搞作，係想試下搞podcast嘅#sad#cowxm但要啲時間去準備，我唔想開咗個頭之後做兩集就爛尾#sad#cowxm所以想準備充足啲先至開始#:)#cowxm

下一年，新東寶繼續佛系營業#O:-)#xm不求過度發展，但求穩定同安全，繼續同大家分享我對日本AV業界嘅睇法，同埋我自己去日本玩嘅所見所聞#O:-)#xm成人台嘅AV po，繼續每日都歡迎大家入嚟吹水睇圖，搭唔到嗲又或者唔敢搭嗲都唔緊要，入嚟睇下今日邊個女優又做咗邊個巴打嘅老婆，都係一個樂趣嚟#:)#dogxm




再一次多謝各位巴絲打今年嘅鼎力支持，我哋出年見#hoho#xm
Posted by
標籤： ,

沒有留言:

張貼留言

訂閱： 張貼留言 (Atom)