喺東京逗留一個月，可以見到幾多個女優？Part 17

話咁快就到返香港前嘅最後一個weekend，心入面仲係對買唔到古川ほのかevent飛嘅事有啲耿耿於懷#upset#pig老實講已經好耐冇試過有咁強嘅失落感，特別係喺飛鳥りん引退之後，我對於event嘅追求好多時都係「買到飛有得去，就順便去集個郵」咁嘅感覺，唯獨係古川呢一次，真係有種好強嘅失落感#arrested#pig


又或者係佢用廣東話覆我呢件事，令我對佢嘅感覺同對其他女優嘅感覺完全唔同，所以更加增添呢一份對佢嘅內疚感，今次去唔到佢嘅event支持佢，產生咗一種對佢唔住嘅愧疚感#sick#pig

唔得，我知道我同佢一定會再見，係一定會，一定要。




既然今日秋葉原冇屬於我嘅位置，就無謂落去觸景傷情#wail#pig其實喺古川嘅event以外我都仲有一個backup嘅方案，就係搭一個鐘頭電車落去橫濱，參加啱啱病好嘅八掛うみ（八掛海）嘅活動：





橫濱只有兩間碟鋪，而且兩間嘅位置都相當接近，所以一場落到去橫濱多數都會行晒兩間睇下有冇咩好嘢執到，順便當喺橫濱嚟個半日遊；可惜嘅係今日嘅天氣同我嘅心情一樣都係灰灰地，啲風景點影出嚟都係麻麻地#sweat#rabbit


（橫濱呢邊鋪頭搞嘅event最特別嘅地方，就係唔會吸印仔，而係全部用實體飛，打咗洞嗰張仲會俾返你帶走，其他喺秋葉原搞嘅event會全部收返晒。）

八掛うみ喺去完TRE返嚟之後就休養咗成個月，事務所嘅講法係健康問題，對於呢個講法今次我係信事務所嘅#confuse#rabbit因為八掛うみ喺TRE嗰陣時真係太瘦，瘦到直頭係營養不良嘅地步，休息一下食返肥少少，點睇都係對健康有益無害#like#tiger


（當日官方出嘅event相。）

Prestige event嘅相全部唔公開po得：

     

今次亦都係八掛休息完之後嘅第一個event，終於見到佢多返一啲肉，成個人嘅氣息都比TRE嗰時好咗好多，精神咗唔少，足以證明休息對於一個AV女優嚟講真係好重要#like2#tiger

#:)#cow：八掛小姐你好吖，今日見到你精神咗好多，而家咁樣真係太好了。
:)：哈哈，咁就太好了。
#:)#cow：TRE嗰陣見到你真係太瘦了，咁樣講有啲唔係幾好，但真係有種瘦到好得人驚嘅地步#sad#cow
:)：我都覺得我嗰陣時太瘦。
#:)#cow：而且TRE第一日嗰陣，八掛小姐自我介紹仲緊張到喊咗出嚟#mock#pig不過大家都覺得咁樣嘅八掛小姐好可愛。
:)：第一次見到咁多人#sweat#tiger當時好緊張#nlhg#tiger


（八掛同涼森都係有營業mode嘅女優，傾計嘅回應公式，連簽名嘅內容都係咁公式，「多謝你嚟，下次見！」，然後就冇然後了。）




（當日第二場event嘅水著。）


當日嘅靚晚係同啱啱去完天使もえ off會（即係貴啲嘅FANS見面會，節目會豐富一啲）嘅王桑，喺上野求其搵嘅一間燒肉：


（焼肉&ホルモン酒場 エンジョイ 東京都台東区上野4-5-7 上野山口ビル 1F）

食燒肉至少都係要兩個人先好去食，至少嗌嘢食方面都可以放肆啲，唔駛太擔心食唔晒嘅問題：


（呢間啲高麗菜又幾好食。）

 
（呢張相影到好似啲小朋友煮飯仔玩具咁嘅感覺#sad#cow）

 
（需要自己剪開嘅厚切牛脷。）

有之前天海つばさ介紹嗰間做比較，今晚食嘅呢間水準方面就真係普通咗少少#confuse#rabbit而且都算係幾貴，兩個人食咗成萬円，性價比唔係好高。


（左邊嗰盤內臟係即場喺google map入面寫間餐廳好評嘅話，就會免費送嘅禮物，唔知係咪因為唔駛錢，成晚覺得最好食好似就係呢碟嘢#sosad#cow）


   
（最後一個星期日嘅早餐揀返上一個星期去過嘅cafe，老奶奶仲認得我上個禮拜有嚟過，有人情味嘅餐廳真係特別有味道#notcry#mouse）

嚟到最後一個星期日，今日最後仲有幾個event要去，首先係一場radio節目嘅公開收錄活動，亦係我成個月咁多個event入面用得最多錢嘅一個#annoyed#mouse詳細費用我去到總結再同大家講，不過睇到主角係呢兩個女優嘅話，我諗有唔少巴打都會覺得值。

兩個女優都係我喺呢一個月見過至少一次嘅女優嚟，一個係石川澪，一個係香水じゅん（香水純），兩個都係業界當紅嘅美少女，今次係兩個人難得嘅同場活動。



今日一共有兩場嘅公開收錄，一場係香水做主持，石川做嘉賓，另一場就主持嘉賓身份調轉，因為下晝仲有其他活動要去，所以我報咗香水做主持，12:00嘅一場。


（位置幾好，相當正中。）


（呢個係事前報名參加radio嗰時嘅物販清單，8同16都係全餐嚟，買全餐先至會有私人簽名同傾計時間90秒；另外每張3人合照要再俾錢，現場仲可以俾錢加碼啪啪啪。）

話明係radio咁就梗係只有聲冇畫啦:)所以全程都係聽住佢哋兩個吹水，我哋做觀眾嘅負責適當時候陪下笑拍下手就得#clap#pig節目內容都係清談吹水居多，我記得嘅內容係：

- 石川想變成一隻兔仔
- 香水最近啱啱睇完進擊的巨人
- 石川最近沉迷睇Produce 101，香水諗極都諗唔到最近有咩沉迷，石川幫佢打完場話可能因為你呢排好幸福，咩都有了。
- 香水問石川最近去完台灣攝影會覺得點，石川話好多嘢都好好食，香水話我上次去台灣淨係有飲酒#sweat#tiger

香水因為由舞台劇嗰時開始已經開始唔舒服，而且公開收錄嘅前一日仲出咗成日嘅攝影會，成個人都冇咩精神，睇到我心都痛埋#nlhg#tiger所以影合照嘅時候我都冇咩諗啲好麻煩嘅pose：




（同埋我都好少影三人合照#sosad#cow冇咩idea#sosad#cow）

最主要都係要影到呢一張：


（鳴呀呢張可以拎嚟做wallpaper全家幅做牆紙貼屋企做揮春咩都得了。）

上面都有提過呢個公開收錄係有個人簽名同傾計環節嘅，本來仲諗住每人90秒我啲垃圾日文應該頂唔到咁耐，冇估到又俾我同兩個女優都傾到夠鐘：

#:)#cow：石川小姐你好，最近你去完台灣搞攝影會，喺海外越嚟越受歡迎呢。
石：真係嘅！？其實我都唔知，好似好受歡迎咁，但我又唔係好肯定。
#:)#cow：當然係啦，你都有唔少香港FANS，下年TRE一定會再請你嚟，不過啲飛到時肯定好搶手#sad#cow
石：哈哈，都應該會係咁。
#:)#cow：TRE嗰三日有成20萬人入嚟參觀呢。
石：真係架！？下年我都要努力啲先得。
#:)#cow：我聽晚就返香港，臨走之前可以參加到你同香水嘅活動真係好開心#:)#cow今日你好可愛，辛苦你了，之後會一直為你加油打氣。
石：好吖，多謝你。




#:)#cow：香水小姐你好，身體冇咩事吖嘛？
香：咳咳...冇事，好返好多了。
#:)#cow：尋日又攝影會，今日又公開收錄，今日完咗工作之後返去一定要好好休息。
香：我會吖，多謝你新東寶:)
#:)#cow：唔好俾自己咁辛苦，大家都好擔心你。
香：不過呢，我下個禮拜又要去台灣做嘢了[sosad]
#:)#cow：#sweat#cow...一定要休息多啲，我聽晚返香港了，臨走之前仲可以見多你一面真係好#:)#cow
香：嗯嗯～你返去要小心啲吖。

  
（睇相都feel到香水有幾攰。）


（簽名今次唔簽色紙，揀咗我今次過嚟去佢哋兩個各自event嗰陣影嘅招牌pose，晒相出嚟俾佢哋簽，打算返嚟香港買個大相架一次過裱起晒兩幅相。）

完咗呢場又貴又滿足嘅公開收錄活動之後，我去咗渋谷交一交人，今日係葵司事務所搞嘅8woman寫真展嘅最後一日，葵司當然都會在場。

 

講就講到係去交人，但其實我真係過去蒲個頭出現下嘅啫#sosad#cow啲相太貴了真係買唔起#sosad#cow寫真展嘅最後一日喺17:00左右完結，葵司出嚟同大家講最後感言嗰陣又講喊咗自己#sad#cow畢竟呢個寫真展連續搞咗三年，除咗係事務所嘅心血，葵司作為領頭先鋒都唔容易，呢三年，辛苦你了:)



因為唔影得葵司嘅相，所以都幾難用文字去同大家講述返佢嘅感受同心情，有興趣嘅大家可以睇返8manpro事務所嘅Twitter，藤かんな（藤環奈）用工作人員嘅角度紀錄晒寫真展每一日嘅過程同經過，包括有邊啲其他事務所嘅女優都有嚟參觀，甚至仲有各個女優嘅家人同朋友都有嚟等等，呢啲都係其他事務所唔會見到嘅景象嚟:)


（miru同桃乃木都有去，不過事務所專登安排一個時間淨係俾業界人士參觀，所以冇咩可能會撞到。）

https://x.com/8manpro/status/1723918266740224439?s=20
（另外呢13日嘅展期，事務所賣相足足賣咗2354萬円，差唔多120萬港紙，恭喜社長發大財#sorry#cow）


（至於我呢，每次去到都係俾其他葵司嘅日飯問，「頭先又去咗邊個女優event吖#hehe#」，當然大家都係講笑，應該係除非唔係#sad#cow）

去完寫真展交完人，返嚟最後一晚嘅秋葉原，我仲有兩場event要去，第一個係最近轉咗做企劃單體女優，個名同狂賭之淵個角色一樣嘅五十嵐清華。



22年5月喺Moodyz出道，當時都覺得冇咩特別，轉咗做企劃單體女優之後開始有返啲起息，我最深印象係佢喺Attackers拍嘅一套強姦女教師題材嘅作品，呢一類作品好少見封面笑得咁開心，但同時又有種反差嘅期待感，係我覺得幾有意思嘅一個做法。


（SAME-042 輪姦計画 女教師編 五十嵐清華）



至於女優真人呢#confuse#rabbit呢一個月去過佢同安達夕莉嘅Halloween event，感覺都幾好，係一個幾活潑嘅大姐姐女優，影相嘅時候都相當多花款。


麻鬼煩Bstar事務所唔俾人公開po相#:-[#pig






合照嘅時候係主動挨埋嚟嗰種，我郁都唔敢郁#sweat#rabbit







今次嚟五十嵐嘅event，除咗係因為同場有另一個我想見嘅女優，所以順便集埋郵之外；仲因為上次同我一齊去萬聖節event嘅香港朋友對佢一見鍾情，所以傾計嘅時候我就提返呢件事：

#:)#cow：是咁的五十嵐小姐，上兩個禮拜我同朋友一齊參加你同安達夕莉嘅萬聖節event，我個朋友對你一見鐘情#sad#cow我朋友真係唔係我，佢返到香港之後一直對你念念不忘。（開個Twitter俾佢睇）
:)：哦！我認得佢吖！
#:)#cow：佢仲叫我問你下次禮物想要啲咩，佢會買俾你。
:)：咁吖～咁你叫佢買香港嘅OOXX俾我，我想試下！
#:)#cow：好吖，我一定會轉達俾佢知，今日近距離見到你真人，五十嵐小姐好有大姐姐嘅感覺。
:)：係咩，但其實我仲好後生[sosad]
#:)#cow：聽晚我就返香港了，可以嚟到你event玩真係好開心，希望你嚟緊喺海外會有event。
:)：好吖好吖:)多謝你今日嚟，下次再見啦#bye#


（萬聖節之後到而家喇！可以再見到你真係好開心！咁快就要返香港真係好傷心，希望下次快啲再見面啦。by 五十嵐清華）

最後嘅一個event，我去咗搵上次去完佢event之後印象幾好嘅，浅野こころ（淺野心）：



有趣嘅係佢今日嘅cosplay，係同上次望月つぼみ嗰件一模一樣#sweat#cow



麻鬼煩Bstar事務所唔俾人公開po相#:-[#pig每整一次就要鬧多一次#:-[#pig






（浅野踎低嗰陣擺嘅pose比較可愛。）

點解會對浅野こころ印象幾好呢？主要係佢俾到我一種好pure好true嘅感覺，同佢傾計影相嗰陣好多反應都唔似係扮出嚟，咁樣講大家未必信，但我去得多event見得多女優，開始真係識分#sad#cow





#:)#cow：浅野小姐你呢個event係我今次過嚟一個月，最後嘅一個event了#sad#cow
:)：吓！真係嘅！？
#:)#cow：係吖，能夠有你呢一個event為我呢個一個月嘅旅程收尾，我覺得好開心。
:)：多謝你新東寶。
#:)#cow：上次你叫我去試吓辣嘅拉麵，今次都冇機會去試到，下次我過嚟日本一定會去試下，到時返嚟話你知好唔好食。
:)：好吖！一定要！


（新東寶多謝你今次最後揀咗嚟我嘅event，下次一定要試吓辣嘅拉麵！我會睇你OOXX！by 浅野こころ）
（OOXX嗰段係我同浅野之間嘅秘密#:)#cow同埋講咗出嚟就同自爆冇分別#sad#cow所以都係遮咗佢#sad#cow）

最後喺秋葉原嘅晚餐，我同王桑好簡單咁食咗一個麥當勞就算，聽講係New York主題嘅限定menu嚟，我嗌咗一個蝦堡嚟試：

  
（其實本來仲有其他提議，不過王桑每講完一個提議佢就補一句「你呢個月都食厭架啦？」，我話照你呢個講法我可以每一樣都係食厭#heard#pig）

最後，同呢個流連忘返咗一個月嘅地方影多兩張夜景，就返民宿執行李了。




 
（以一個旅居一個月嘅香港人嚟講，我啲行李其實真係唔多，當然都因為大件嘅寫真集同年曆都已經寄晒返嚟；細箱嗰箱係AV嚟，大箱入面係今次過嚟買嘅嘢，同埋少少食唔晒攞返嚟嘅嘢食。）


（還原返間房俾人，呢一個月感謝呢間房嘅照顧#pray#mouse）

喺日本嘅最後半日，本來諗住去古川食過嘅一間cafe打個卡，點知上網check咗又冇開#trauma#rabbit於是去咗一間我呢個月成日經過，但又冇機會試嘅cafe試下：


（淡路坂珈琲 お茶の水店 東京都千代田区神田淡路町2-9 JR紅梅橋高架下4号）




叫咗一份好簡單嘅三文治加咖啡，自己開住部iPad睇片，感受一下東京嘅空氣，JR橋上面火車經過嘅聲音，晒落喺附近路軌上嘅陽光，好簡單咁就過咗一個中午。





然後去咗上野公園行咗個大運，唔知仲有冇下一次機會，可以好似今次咁任性，一嚟就嚟一個月咁耐呢？

嗯#confuse#rabbit～就用呢樣嘢作為自己每年嘅其中一個搵錢目標啦#confuse#rabbit







係時候，要回家了:)我冇忘記過，我一直都係一個香港人:)





以上就係呢一個月，33日嘅日本AV女優event之旅嘅遊記內容了:)

先答返po名嘅問題先，33日入面，我最後係去咗57場event，見咗45位女優，合共買咗大約100隻AV，當中有一半以上都喺日本放售咗，帶返香港嘅大概有20-30隻:)

而駛錢駛得最多嘅event，係最後一個星期日嘅香水じゅん石川澪公開收錄，呢一場event嘅參加費連埋物販，一共駛咗74000円#sosad#cow
至於最平嘅event，就係8woman嘅寫真展，免費入場#sad#cow

 
（最後上車去機場前影到町屋站附近嘅景觀。）

至於大家最關心嘅問題，今次成個旅行一共駛咗幾多錢呢:)

淨係event嘅話，一共係¥556,816，大概係港幣$28,000；機票大約$3,500，住宿$5,600；交通因為有買地鐵pass，連埋嗰幾日去遠啲地方用嘅JR PASS，大約係$2,200；食飯有平有貴，唔知點計，每日平均$150，大約計$4,500 。

連埋今次見yen平所以shopping買嘅嘢，大概總消費係$50,000-$52,000左右:)值唔值呢，留返俾各位定奪喇:)



最後趁人少少同大家講下呢幾年積積埋埋嘅心底話:)冇咩興趣嘅可以skip#crystalball#mouse

返到香港嘅屋企靜靜地咁坐低，望住啲相，打埋呢篇最後總結嘅遊記，先至發現原來自己今年做咗一件咁癲嘅事。如果我第日老咗冇老人癡呆，應該都仲會記得自己後生嘅時候，曾經有呢一個月咁癲嘅旅行。



喺東京嘅呢一個月每日都好似過緊同一樣嘅生活咁，去同一個地方，做同一樣嘅嘢，拎起相機㩒住快門，同女優閒話家常，我又練下日文佢哋又學下廣東話，每日都好似好重複，但因為見嘅人唔同，所以每日嘅感覺都唔一樣。

每日瞓醒就係望住電話嘅日程表，睇下今日見邊個女優，諗下想同佢講咩，諗唔到？開佢個作品list同Twitter出嚟望下，一定會諗到想講嘅話題；睇返前一日啲相執好晒未，遊記諗到點寫未，寫完就出門口去event，日日如是，晚晚如是，閤住眼瞓咁寫文同執相，然後第二日又仆出去秋葉原。

攰唔攰？悶唔悶？當然會攰，同埋見得多女優，真係都會悶。有幾日我都想放低新東寶呢個身份，去返一個「正正常常嘅日本旅行」。


係，冇人逼過我要咁做，傻嘅咩去旅行仲要每隔兩三日打遊記同執相#heard#pig仲勤力過啲收錢去旅行嘅Youtuber#heard#pig但係你係連登新東寶喎，個個都嗌你「香港劍大」喎，你實寫到啲好嘢出嚟，實有啲精彩內容俾到大家，大家都等你update今次去日本見咗邊個女優，有咩好嘢食推介#clap#pig快啲埋位開始寫文#medicine#mouse

呢幾年其實慢慢無形中我都對自己有越嚟越高嘅要求，我開始要求自己嘅遊記一次要比一次精彩，要有進步，我唔想辜負大家嘅期望，我想做到最好。

但無奈地發現，我一定會去到我嘅極限，同埋會有我好想做到，但最終都係做唔到嘅嘢。



其實呢幾年，特別係開咗關寫埋AV女優event遊記之後，問得自己最多嘅問題就係：「係咪仲enjoy做呢一件事」，每個月睇咁多AV trailer，每日都要mon住最新嘅AV業界同女優資料，然後仲要有自己嘅睇法同idea。好坦白講，一早就已經對AV有職業疲勞，但之後都係發現...

我真係好鐘意呢個咁奇怪嘅興趣#sosad#cow

唔係真心鐘意嘅話，又點會堅持到咁耐，同埋真係肯花咁多錢同時間落去，去做自己想做嘅嘢#sosad#cow

做到壓力爆煲，一定有，因為對自己有要求，但每次抵受到個壓力完成咗嗰個月要做嘅嘢之後，個滿足感真係大到不得了，我諗呢一股滿足感，都係我堅持做落去嘅原因之一。

我都係一個普通人，會脆弱，會崩潰，可能仲會扭下計#rolling#pig但希望大家會陪住我，直到我搞唔掂，宣布放棄嗰一日#notcry#mouse到時大家唔好留住我，因為一定係我真係捱唔到落去先忍唔住，要忍痛放棄#notcry#mouse


最後喺呢度，要多謝由頭睇到嚟呢度嘅各位巴打絲打，特別多謝成人台AV po入面上上下下嘅兄弟姊妹，多謝你哋幫我頂住個po嘅日常運作，全靠有你哋喺度，我放心出去帶多啲好嘢同靚相返嚟俾大家#champagne#tigerAV po永遠都會係我同各位暢談日本AV嘅好地方#bye#cow

多謝每一位喺呢一個月嚟陪伴過我嘅各方好友，無論係嚟自香港台灣日本中國，你哋都係我嘅好戰友，有你哋好多嘅幫手，先至有我呢一個月連日本人睇到我個行程都嚇親嘅旅行#mock#pig

下一次再過去，唔知幾時呢，下個禮拜？下個月？定抑或下年？

睇下新東寶今次幾時擺脫個職業疲勞，到時又過去搞搞震#hehe#pig



再一次多謝睇到嚟呢度嘅你，我哋喺下一篇文章再見#hello#tiger

Posted by
標籤： ,

沒有留言:

張貼留言

訂閱： 張貼留言 (Atom)