新東寶翻譯製作 : 2月3月嘅名古屋大阪仙台秋葉原之旅 Part 3

隔咗大概一個月之後，3月28號嘅下午，我又一次踏上前往日本嘅旅途，二月去完關西，三月又去返關東今次係一個兩日兩夜嘅快閃旅行

今次嘅目標主要係去仙台搵二奶一號浅野こころ（淺野心），本來係計劃嗰個禮拜六參加Miru同福島裕二嘅攝影班，但因為咁啱報名嗰日出Mon hunt，掛住打機完全唔記得咗要報名 #slap#tiger 結果嗰個禮拜六嘅schedule由好豐富，變到得返一兩個可有可無嘅女優event，於是就索性全日都俾晒淺野，順便上去仙台行下 #champagne#tiger

（淺野會將自己畫嘅公仔用嚟出鎖匙扣。）

（本來諗住買株主優待劵搭新幹線，慳返1000羊，但我去到秋葉原間鋪又閂咗門，第二日出發前佢又未開，唯有放棄等下次 #sad2#snake ）

今次淺野呢一場活動嘅碟鋪，同上年嚟涼森れむ（涼森玲夢）仙台活動嘅係同一間，當日排隊之前見返同一個主持人，佢主動話認得我 [sosad]

（當日賣得唔算好好，本來仲諗住淺野仙台出身，喺返自己出身地搞活動會受歡迎啲，去到最後結果都係得40人左右。）

呢間鋪頭嘅特色就係會貼好多同活動女優相關嘅掛布，上次涼森活動走嗰陣我都有拎走一塊，其實唔係啲咩靚嘢嚟，只係將一張相切開用9-12張A3 size痴埋做一張大塊嘅「掛紙」。

（所以其實都唔算有咩收藏價值，完咗活動工作人員都會由得啲Fans拎走。）

當日淺野第一套衫係呢一套白色嘅狐狸裝：

（影慣秋葉原啲碟鋪大部分都係淨色嘅background，仙台呢度後面太花構圖上有啲望唔慣...）

一如以往都係要有招牌動作：

#:)#cow ：淺野小姐你好，我又一次專登老鍊咁遠嚟見你。（有一次專登為咗見佢走咗去北海道）
：吖係新東寶！多謝你今日專登上嚟仙台。
#:)#cow ：買咗個迪士尼公仔嘅手袋送俾你，應該係讀Duffy？其實我都唔識 #sad#cow
：我嚟緊都會去香港吖，會有見面會event。
#:)#cow ：有時間我一定會嚟 #:)#cow

（呢一套衫我影咗兩輪，第二輪專登換返淺野出道一週年嗰件紀念Tee同佢影合照。）

間唔中都會有人問我拎咩俾女優簽名好，呢幾年都見過好多好奇葩嘅嘢，不過拎塊滑浪板俾女優簽又真係第一次見 #drink#dragon

（簽完仲用唔用好？）

之後就係第二部嘅活動會換一套水著

（平心而論我二奶一號身材真係冇咩睇頭 #drink#dragon 純粹sell樣同演技）

水著都係影咗兩輪，望住隔離啲掛布我忽發奇想，因為有一張相我一直都好鐘意：

（應該係Bstar社長同佢影嘅，社長影相又係有一手。）

現場又有張櫈，於是我就同淺野講想佢擺返一樣嘅Pose俾我試下影出嚟咩感覺：

一係就表情唔啱，一係就動作唔啱，影落先發現冇自己諗得咁易影 #sad#cow 再加上得幾十秒時間，好難叫淺野擺返差唔多嘅表情同動作，最後好彩都有一張叫做有少少feel嘅成品出到嚟 #:)#cow

（呢種有少少抖S嘅感覺，意外地同淺野又幾夾。）

合照嘅時候揀咗老闆與秘書嘅設定：

（我完全冇做老闆嘅氣場 #slap#tiger ）

完活動嘅時候大家同淺野慶祝出道兩週年，另外仲慶祝埋經理人生日，買咗兩個蛋糕：

由天光玩到天黑，想搵時間喺仙台行下街都冇 #escape#dog 最後啱啱好趕到最後一班新幹線返東京，臨上車之前買咗個牛脷便當，當係食咗餐仙台牛脷，就結束咗呢個仙台即日來回嘅旅程。

最後想講下仙台車站便利店買嘅呢個牛脷自熱便當，初時諗住1600羊咁大個應該會幾飽，點知有一半都係個加熱包嚟，成個便當幾啖就食完，下次唔會再中伏 #axe#rabbit

唔知由幾時開始喺日本食Pancake已經係指定動作，今次係食秋葉原JR站昭和通出口附近嘅Key's Cafe，都係正正常常，勝在近車站，去邊都方便：

キーズカフェ秋葉原店東京都千代田区神田佐久間町1-19 山中ビル 1F
（唔記得影個門面）

兩日兩夜咁就差唔多過完，Last一日仲有兩場event要去，第一場係八木奈々（八木奈奈）嘅即售會：

片商Moodyz搞嘅活動，性價比真係不敢恭維，買三隻碟影得兩張1shot同兩張合照，成個流程仲快過我打次飛機 #drink#dragon 所以玩一輪就算

八木喺上年年尾無端端瘦咗勁多，由有少少baby fat變到瘦到見骨，個個Fans見到都打咗個突，於是我都忍唔住同佢傾起呢樣嘢：

#:)#cow ：八木小姐好耐冇見。
：吖係你！（講唔出名）你係咪剪咗頭髮嚟？
#:)#cow ：係吖咁都俾你發現到（配合下佢），係呢，最近八木小姐真係瘦咗好多。
：但仲係咪咁可愛先？
#:)#cow ：當然一直都係咁可愛。

八木喺對應方面真係已經練到爐火純青，只要你唔怕醜，佢就可以電到你暈陀陀 #sad#cow

完咗八木活動之後就係參加新ありな（新有菜）嘅event，今日呢一場係即售會，限咗150人，但每人最多可以Loop 3次，我前後搵咗一個香港朋友同日本朋友幫手買飛 #sorry#cow 多謝佢哋俾我有double嘅時間見菜姐

今場Event都係慶祝新一姐出道九週年，日本Fans有喺Twitter發起夾錢整花牌嘅活動，如果解決到匯錢問題嘅話下次我又夾埋一份先 #confuse#rabbit

相比之下，呢邊嘅event內容就豐富得多，買一隻碟＋3張攝影劵，就可以有一張簽名生寫真、兩張合照、攝影時間35秒、同埋仲有一張即影即有相，性價比高好多

新一姐依然係我最鐘意去嘅女優Event頭3，影相好影，合照配合，傾計又多嘢講，係作為Event初哥又好，老手又好，都相當適合去見下同磨練下自己技術嘅對象女優。

#:)#cow ：新一姐你好，今年係你引退前最後一年 #bye#cow 請你今年都要多多指教 #sosad#cow
：吖啦，係新東寶，都請你今年要多多指教。
#:)#cow ：是咁的，有一張我之前同你影落嘅相我一直都好鐘意，今次想俾你睇返：

：嘩！呢張影到睇到底褲，唔用得！自己睇就得！
#:)#cow ：咁嘅咩 #sad#cow 咁我留返自己「使用」就算
：你個「使用」係咩意思 [sosad]

：（拉開我件外套）你件Tee係咩嚟？哦！係Chiikawa！
#:)#cow ：呢件係京都店限定版，上個月我先去完嚟。
：我鐘意うさぎ！
#:)#cow ：我鐘意嗰隻飛鼠モモンか嘅。
：咁咪即係同石川澪一樣囉！
#:)#cow ：係吖！我扮一次うさぎ俾你睇，ルルルルル（rurururu）~
：哈哈哈哈！

就係咁Free，就係咁好氣氛，新一姐嘅Event體驗就係咁好。

跟住就排第二輪：

差唔多影完嘅時候，菜姐整個遞手Pose俾我，我即刻遞手接住佢隻手，佢好驚訝點解我會識接 #wow#snake

（呢個我招牌Pose嚟架嘛 #:)#snake 點會冇肌肉記憶 #nose#snake ）

：新東寶點解你識遞返手嘅？
#:)#cow ：自動自覺有回應先至係有禮貌，係呢，新一姐你鐘意食壽司，有冇咩東京嘅必食壽司推介？
：壽司？嗯...你想要平嘅定係貴嘅？
#:)#cow ： #oh# ...有冇啲類似壽司郎咁上下價位嘅推介？
：壽司郎我都鐘意去食架！啲拖羅好好食，仲有OOXX，OOXX（唔識聽啲魚名）
#:)#cow ：一個魚名都聽唔明 #sad#cow 對於外國人嚟講啲日本魚名都唔知咩嚟
：都係，啲名你哋聽完都唔知係咩。

#:)#cow ：嚟緊5月我會去參加Trend Girl攝影會，同埋你6月北海道嘅活動我都想去參加。
：北海道！北海道都好多好好食嘅漁產，有海膽...有拖羅...
#:)#cow ：呢兩個名我都識聽，其餘嘅就唔識了。
：新東寶你慢慢學下啦。

（最後幾張合照揀咗自拍，最後呢張個主題我同佢講係一齊睇煙花，菜姐話咁多年嚟第一次聽到Fans有咁嘅Pose要求...）

最後散場嘅時候有一個小插曲：

#:)#cow ：（同主持人咬耳仔傾密偈）
：你哋兩個傾啲咩咁神秘！
主持人：冇吖！我話新東寶爭我5000羊未還！
：（遞手示意我俾錢）
#:)#cow ：點解會變咗你收 #sad#cow 係呢，我而家同王桑去食飯，佢話帶我去食你推介過俾佢嘅拉麵。
：嗰間！？好大碗架喎！你咁瘦食唔食得晒架？
#:)#cow ：我都唔知，一陣去到試下，不過我而家係幾肚餓。

於是又跟住王桑去食好嘢，呢間就係新一姐曾經介紹佢嚟食嘅二郎系拉麵：

平太周味庵東京都品川区大崎4-2-2 トーカンマンション五反田１Ｆ