(原文於21-9-2022 hksecretparty刊登
https://hksecretparty.com/2022/09/21/近年常見，但未必叫得出名嘅av男優/)
根據以前曾經睇過嘅非正式統計，日本AV業界有過萬名女優，但男優數目唔夠100人，男女比例可以話係嚴重失衡，所以以前曾經FF過一樣嘢：將來如果有機會嘅，一定要訪問日本AV業界嘅AV男優，上至一線下至汁男，都好想了解一下佢地嘅背景、入行經歷、鏡頭背後嘅辛酸、成為每個男人夢想職業之後嘅變化等等，背後肯定有唔少男人聽完會沉默嘅故事。通過了解AV男優，先至會更加清楚睇到AV業界最血淋淋同最殘忍嘅一面，喺呢個殘酷環境下生存落嚟嘅男人，一定需要有除咗肉棒同金手指以外嘅一技之長，先能夠得到片商同女優嘅垂青。
講到殘酷環境，近十年嚟AV男優嘅世代交替，對比起AV女優嚟講簡直可以話係冇改變過。細細個就已經聽過大名嘅吉村卓、しみけん（清水健）；大叔系男優嘅兩位表表者：大島丈同田淵正浩；仲有髮線越嚟越後嘅巨炮森林原人，直到今時今日都仍然活躍喺螢光幕前，喺AV女優身上揮灑汗水同帶出每位女優嘅魅力，喺呢度向呢幾位喺業界工作咗咁多年嘅大前輩致以萬二分嘅崇高敬意，多謝你地令AV生息不少。
當然除咗以上幾位知名男優之外，業界仲有唔少充滿特色，令人印象深刻嘅AV男優。有唔少觀眾影迷甚至會因為男優選角上嘅問題，而對套片嘅觀感有所改變，猥瑣型、霸氣型、MK型、爛佬型、肌肉型、瘦削型，男優種類五花八門，畢竟男優係普遍觀眾代入嘅角色，搵啱一個男優出演一個適合嘅企劃，帶出劇本同企劃嘅特質，有時可能比起女優嘅表現仲要嚟得重要。今次專欄就同大家介紹一啲大家喺呢幾年經常會有機會見到，但未必講得出名嘅AV男優，等大家對佢地又有再多一啲認識，睇完之後或者仲會搵到自己鐘意嘅AV男優，以後搵片睇嘅時候可能又有多一個方向？
吉村卓咁多年都仍然keep得好好，好多朋友都鐘意睇佢奶女優。
首先係有「童帝」之稱嘅結城結弦，已經入行十年嘅佢，真實年齡依舊係一個謎，但帶著一副童顏同人畜無害嘅表情，為佢喺業界嘅「幼齒」系列角色定穩陣腳。除咗學生角色之外，社會新鮮人、新任教師、處男下屬等等需要有稚嫩感覺嘅角色，都係佢嘅拿手好戲。
最近一兩年結城結弦開始有一啲奸角嘅演出，一改以前嘅柔弱形象，拍出嚟嘅反差都唔錯，而且入行十年磨練出嚟嘅演技都令到觀眾相當入戲，可以話係小弟Top 1會留意嘅男優。
JUQ-088 合鍵をもらった人妻が、男子学生が卒業するまで中出しされた一人暮らし部屋。 篠田ゆう
IPX-904 新入社員歓迎会で酔いつぶれた僕が会社の受付嬢に逆お持ち帰りされ朝まで精子搾り抜かれた一夜。 一晩で9発搾りヌキ… 明里つむぎ
另一位都係行呢類柔弱路線嘅男優，堀内ハジメ，都係一位偏向毒男感覺嘅男優，同結城結弦嗰種比較陽光一啲嘅感覺唔同，堀内ハジメ嘅角色多數都係感情戲比較多，例如青梅竹馬、初戀男友、俾女友朋友勾引嘅懵懂男友等等；有時都會有一啲比較陰暗嘅角色，懷恨在心嘅少年罪犯，捉到老師痛腳嘅學生等等，都會見到佢嘅身影。
SSIS-495 痴●冤罪で人生を滅茶苦茶にさせてしまった男に犯●れ、命令され、それでも全て受け入れた私 架乃ゆら
DVAJ-552 続・彼女が3日間家族旅行で家を空けるというので、彼女の友達と3日間ハメまくった記録（仮） 川上奈々美
跟著我地睇睇近年男優界嘅一位英俊小生，藍井優太，擁有相當唔錯嘅陽光氣息，俊朗嘅笑容加上高大嘅身型，拍埋一啲同樣高佻嘅女優隔離嘅時候，淨係望著兩個人嘅背影都已經非常養眼；再加上有少少肌肉，比起上面兩位相對瘦削嘅男優就更有睇頭。
藍井優太嘅男友feel非常重，特別適合一啲sweet love嘅企劃作品，望著女優個冧樣，有時都分唔清女優係做緊戲定真係嗒緊糖。
IPX-945 出張先が記録的豪雨で童貞部下と突然相部屋に…雨で濡れた身体に興奮した部下に襲われ朝まで9発のびしょ濡れ絶倫性交 神菜美まい
SSIS-470 初めて出来た彼女との初夜…ピュアな見た目から想像できない物凄いエロテク大興奮の僕は性欲尽きるまでハメまくった 香水じゅん
仲有另一位都係行靚仔路線嘅男優向理來，除咗係業界公認嘅靚仔公子哥兒，仲係好多日本大媽嘅夢中情人，當年19年嘅台灣成人博覽會TAE，向理來都係其中一位嘉賓，現場有唔少專登喺日本飛過嚟嘅大媽過嚟追星，最後仲有拍賣向理來身上一條手巾仔嘅環節，一位日本大媽以7千幾蚊港幣成功奪得，可見向理來魅力非凡。
而喺作品方面，同上面幾位男優相比，向理來比較少同一線嘅女優合作，算係比較遺憾嘅地方，印象中佢仲曾經拍過GV系列嘅AV，可能就係佢成為日本大媽追捧嘅原因之一？
CESD-970 きみをペット4 加藤ももか
DASD-947 彼女の親友でもある元同級生に身も心も寝取られ、雌イキまでさせられたボク。 美谷朱里
將個年齡層推高少少，我地睇睇中年年齡層嘅男優，小田切ジュン同埋武田大樹，兩位都係出張相部屋系列嘅常駐男優，武田大樹更加係Ideapocket喺相部屋系列之中嘅唯一一人，全體IP社專屬女優嘅相部屋都係由佢一手包辦，我甚至懷疑佢拍到第三套開始應該就唔駛睇劇本，淨係記著個女優可唔可以中出同有冇乳交環節就得，呢一份豔福真係恨死一眾FANS。
至於小田切ジュン，除咗喺相部屋之外，佢都係最近十分流行嘅紀錄片形式企劃嘅常客，帶住女優出去半日吃喝玩樂，將女優私底下一面挖掘出嚟；做埋柴可夫司機，喺揸車去景點嘅途中同女優傾下密計；培養到咁上下心情就帶女優返酒店翻雲覆雨，成個流程行雲流水，適當地帶出女優私底下嘅隱藏一面。呢一類企劃亦都比較適合由中年男優出演，一嚟有種成熟穩重嘅感覺，女優會比較容易放下戒心，二嚟中年男優嘅談吐舉止比起後生男優更加gentlemen，開玩笑亦都知輕重，出演嘅女優自然就冇咁緊張，出嚟效果就更加理想。
武田大樹 @ SSIS-402 きみをペット4 出張先で軽蔑している中年セクハラ上司とまさかの相部屋に… 朝まで続く絶倫性交に不覚にも感じてしまったIカップ新人社員 山手梨愛
小田切ジュン@ SSIS-506 笑顔ではしゃいだデートの後は… 見つめ合い、きつく抱き合い、貪り合う、むき出しの肉欲セックス 未歩なな
人到中年難免開始發福，喺一眾「肉感」男優之中我個人會留意今井勇太，目測超過150磅嘅大肥豬，肥腫嘅身型壓喺女優身上真係睇到觀眾我見猶憐，粗暴嘅手段同猥瑣嘅表情更加係入木三分，堪稱係入形入格。我個人最鐘意睇佢出演S1嘅女朋友調教系列，用打樁機體位攻入女優嘅時候非常震撼，女優條腰少啲耐力都唔掂。
SSNI-458 色白華奢な彼女が巨漢先輩の馬乗りプレスで寝取られ快楽堕ち 架乃ゆら
小沢とおる、冴山トシキ、杉浦ボッ樹，呢三位都係近年最常見嘅老年男優，因為喺日本會買實體AV嘅年齡層仍然係老年人士居多，片商喺揀男優嘅時候好多時都會傾向喺呢個年齡層入手，會比較容易俾消費者代入角色。著名嘅義父系列、傲慢社長、無賴上司、仲有最近又開始流行返嘅M男老年同事，都見到呢幾位老人家嘅身影。
老年男優普遍都係頭髮稀疏，老年發福，喺床上一副力不從心嘅感覺，不過呢幾位男優喺床上絕對唔比後生一輩遜色，睇著年輕貌美嘅女優同幾位老人家喺床上進行激烈嘅肢體碰撞，去到呢個年紀仲要維持體力去應付工作，就更加覺得AV男優並唔係一件容易嘅差事，有時睇見佢地喘哂大氣嘅表情真係忍唔著想同佢地講，啲粗重嘢不如都係等我地後生嘅嚟做啦！
小沢とおる @ URE-079 大人気！！「義父」シリーズを栗山莉緒で卑猥に、艶やかに、再実写化！！ 原作:中華なると 義父 ～百合子～
冴山トシキ @ CAWD-276 隣人のゴミ部屋で異臭中年おやじに抜かずの連撃中出し32発で孕まされた制服女子の末路… 松本いちか
杉浦ボッ樹 @ RBK-056 幼い頃から成長を見守ってきた美少女を中年オヤジがネットリ●す数日間の記録。 小花のん
今次介紹嘅AV男優橫跨老中青三代，以上呢幾位健將同業界其他男優一直默默為日本AV付出，我地往往都只係見到女優嘅風光或者辛酸，忽略咗業界其他崗位嘅人員，無論男優女優、導演監製、場務PA、後製美工等等，都係構成AV不可或缺嘅部分，希望大家喺留意AV女優之餘，都唔好忘記呢一班勞苦功高嘅幕後功臣。
其他仲有唔少出名嘅AV男優，留返下一次有機會再同大家分享，我地喺下一篇文章再見。
沒有留言:
張貼留言