經歷完10月至11月嗰個漫長嘅一個月AV Event之旅,參加咗57場event,見咗45個AV女優之後,理論上今年已經可以宣布收爐不過計劃永遠都趕不上變化
呢一個月嘅旅程始終都係有少少遺憾,其中一個最想見嘅AV女優古川ほのか(古川穗花),因為賣飛當日瞓晏咗嘅關係,限定50人嘅event,我不幸地係排第51個結果當然係參加唔到,見唔到佢本人亦都成為我呢一個月旅程入面最大嘅遺憾
而喺返嚟香港嘅一個禮拜左右,就俾我見到古川喺12月16號有一場聖誕節嘅event,可以喺網上報名參加最後亦都好好彩報名成功
而另外,葵つかさ(葵司)嘅事務所喺今年嘅最後一場活動定咗喺12月17號舉行,係一個有齊8個事務所旗下女優出席嘅講座公開收錄,事務所聲稱今年係最後一年搞呢一個event,搞到我有想喺今年見埋最後一次葵司嘅衝動於是又走去報名參加
就係咁,為咗補完呢個見唔到古川嘅遺憾,為咗同葵司喺今年再見一次面,喺今年劃上一個完美嘅句號。相隔30日,我再一次坐上飛往東京嘅航班,開啟我今年嘅最後一次AV女優Event之旅
(頭po唔知貼咩好貼返上一篇遊記最受歡迎嗰四個女優俾大家熱下身)
上一篇寫足一個月嘅live遊記:
(LIVE) (AV女優 Event遊記) 喺東京逗留一個月,可以見到幾多個女優?
https://lih.kg/3529520
今次坐嘅係夜晚11點先到羽田機場嘅航班,循例都係上機之前拎個立牌出嚟打個卡
東京當晚冇想像中咁涷,一件tee+一件長袖衫基本上已經足夠應付,過完關出到戶外有少少寒意,先至慢慢著返件褸都未遲
(撞啱落機嘅時間就有一位香港嘅朋友準備上機返香港,於是就約咗喺機場見個面飲杯嘢,但係深夜嘅羽田機場想搵嘢食都唔係咁易,得返一兩間餐廳有開,而且仲要係唔好食嘅)
同朋友短暫嘅30分鐘短聚之後,我就正式開始我嘅三日東京之旅今次同上兩次有少少唔同,咁夜過嚟唔想又瞓巴士候車室等天光,於是就book咗一間喺羽田機場附近嘅青旅試下,連稅大概$200港幣一晚。
話就話係附近,但其實行路過去嘅話都要差唔多40分鐘雖然天氣未係好涷,但有得揀都唔想行,於是就睇下附近有冇共享單車可以租,結果又真係俾我喺機場附近嘅單車泊車場book到一架
今次帶嘅係一個細背囊+一個可以hand carry嘅20吋喼,而個喼仲有揹帶可以揹上身,正好方便我可以租單車踩出市區如果帶普通正常喼嘅話就做唔到了
(其實換另一個角度講,嗰個係一個有轆可以拉嚟拉去嘅20吋背囊)
40分鐘嘅路程,踩單車15分鐘左右就到目的地,沿途仲可以難得睇到羽田機場附近嘅夜景:
(連登仔單手踩單車是常識吧。)
去到青旅...其實都唔係青旅嚟,只係一間有單人床嘅細旅館,最大嘅驚喜係冇諗到呢個價錢都有獨立空間,而且唔算太窄,開個喼出嚟執嘢都唔會格手。
放低細軟之後就係去松屋食個牛飯,然後就返去沖涼瞓教了
瞓醒就出發去秋葉原,之後兩晚訂嘅酒店都係喺返秋葉原JR站附近,離JR站只係幾分鐘嘅路程,相當方便,過去擺低個喼暫托之後,就去買嚟緊兩日會去嘅event嘅活動飛:
買完飛都差唔多下晝2點,去醫一醫肚先今次食嘅係喺神田附近嘅拉麵鋪,係活動主持人介紹我嚟食,間鋪頭叫做「潮」。
(麺巧 潮 東京都千代田区神田淡路町2-4-4 アール神田淡路町 B1F)
除咗地方就腳之外,呢間拉麵嘅水準都係我鐘意嚟食嘅原因之一,上次嚟試咗醬油湯,今次試埋另一個主打嘅雞白湯,肚餓嘅關係仲整咗個特盛嘅份量:
食完都係覺得雞白湯啱我口味多啲有好濃嘅奶味同鮮味,個湯比起醬油更加好飲
https://x.com/cocorokaniramen/status/1723595619615617201?s=20
(另外好鐘意食拉麵嘅S1專屬女優浅野こころ,上個月喺秋葉原搞event嘅空檔都有專登嚟食。)
觀光買嘢上次嚟嗰一個月基本上都做晒所以今次主要係補返啲上次嚟嗰一個月想去,但最後冇機會去嘅地方,食完拉麵之後我就搭車去咗吉祥寺,去食古川ほのか之前食過嘅一間cafe:
https://x.com/honokafurukawa5/status/1720049863088566444?s=20
(ゆりあぺむぺる 東京都武蔵野市吉祥寺南町1-1-6)
同其他cafe風格一樣,都係偏向古典西式嘅裝修,入面除咗主要都係女性客人之外,都有一兩枱係情侶一齊入嚟食嘢,我一個毒撚行入去反而有啲尷尷尬尬都係留返俾各位巴打帶女朋友嚟
嗌咗一杯雪糕梳打,揀嘅係代表古川所屬片商Ideapocket嘅藍色:
(其實好似全部甜品望落都好好食...)
(杯嘢飲大概¥600,個雪糕有成個拳頭咁大。)
過去食完打個卡,返到嚟秋葉原都將近6點,約咗另外幾個又係過嚟玩event嘅香港同台灣朋友食飯,簡簡單單就去新時代酒場食炸雞飲啤酒:
(新時代 秋葉原本店 東京都千代田区神田佐久間町2-10-2)
(秋葉原上個weekend好多活動,所以好多香港朋友同台灣朋友都有過嚟,大家瞓醒第二日都係去見唔同女優。)
呢一類酒場嘅好處係開到好夜,同埋飲酒食嘢都多選擇,雞皮炸雞高麗菜豬肝,全部拎嚟送酒一流:
(雖然係多嘢揀,但其實食完好快就肚餓,因為冇澱粉質落過肚)
12月16號,今日成個秋葉原都有好多AV女優嘅活動,就算識分身都冇可能去齊晒咁多個,只可以揀嚟去
例如有啲咩呢?首先最大型嘅係由片商Prestige搞嘅年尾大集合活動,叫做Prestige Jack,一口氣推晒旗下8個專屬女優出嚟,喺同一日唔同嘅店鋪搞見面會,而且仲有印仔俾你儲,只要你喺8個女優入面去到6個,儲到6個印仔,就可以喺最後時間去指定嘅鋪頭,一次過同8個女優影一張大合照:
(因為我買唔到涼森嗰場嘅event飛,再加上去呢個Prestige Jack嘅話,嗰日其他女優嘅活動就冇可能去到,所以就索性成個event都忍痛放棄見唔到我嘅良心)
另外喺書泉嗰邊,有河北彩花嘅年曆活動,以我所知都有唔少香港人當日有去參加:
https://x.com/Saika_Kawakita/status/1735945863716040907?s=20
(想要最多福利嘅話,最多可以買6set,但冇影相時間,只有2張即影即有相嘅合照,同埋一個簽名,鑑於年曆係接近冇可能賣得返出去,所以我又係冇參加)
除此之外,仲有七沢みあ(七澤美亞)嘅寫真集活動,不過呢個冇得見真人,喺online搞,我對於七沢興趣唔大,所以又係冇參加:
(買5本會送A2 poster,簽名即影即有相,仲有一張有七沢手印嘅色紙。)
另外仲有miru嘅年曆活動,喺渋谷嗰邊,都係因為好難賣返出去同時間唔啱,我又係冇參加:
(呢張相係台灣達人王桑嘅,佢個名後面「DD」嘅意思係話佢咩女優都推咁解。)
最後就係仲有呢個要抽中先去到嘅活動,係退役女優あやみ旬果(彩美旬果)嘅見面會,都係因為冇咩興趣所以冇參加:
https://x.com/ayami_info/status/1725469791761416447?s=20
12月16號呢一日真係唔知咩日子個個女優都揀呢日搞活動年尾可能要跑數
至於我當日係去咗邊個嘅活動呢第一個見嘅係上次參加過佢嘅出道event,個樣俾我有少少上原亞衣感覺嘅Moodyz新人,佢叫做三浜唯:
今次過去因為臨近聖誕,好多女優都專登揀啲聖誕節嘅cosplay衫,三浜唯今日呢一套係一件聖誕主題嘅服飾,我覺得比起上次event嘅私服好睇:
:哦!係你!
:!? 三浜小姐你仲認得我?
:認得吖!你係外國嚟嘅架嘛!上次我嘅出道event同拍手會你都有嚟!
:三浜小姐記性真係好,係呢,可唔可以問你...關於AV作品嘅事?
:可以吖!
:三浜小姐下個月嘅作品係禁慾企劃,我睇咗trailer,好似好搞笑!
:哈哈哈!係吖,我要拎住部攝錄機喺屋企自拍,錄低自己呢一個月禁慾個樣
:好期待你呢套作品出街。
:咁就好喇,係呢,香港人點講「聖誕快樂」?
:我哋會講「聖誕快樂」(廣東話),但應該你學國語嗰邊會易啲,「聖誕快樂」(國語)
:「星丹塊lock!」(完全發唔到個音),外國語言真係好難!
(多謝你嚟第二次嚟我嘅活動!聖誕快樂!下次要再嚟喔!一直以嚟多謝你!by 三浜唯)
因為始終三浜唯仲係新人,所以用AV作品做話題之前都係問一問先會比較好;同埋佢係一個幾用心嘅新人,簽名嘅時候喺枱面擺咗本簿仔,會寫低嚟過嘅FANS個名同特徵,俾自己記低,都係唔多女優會做嘅嘢嚟。
雖然外型同條件都冇咩突出,但感覺上佢係想喺呢行長期發展嘅女優嚟,三浜唯好好加油啦
去完三浜唯嘅活動之後,我就已經要即刻落返嚟場地樓下排隊,因為緊接住嘅係15:00嘅活動,主角係我成日笑佢做「新一姐」嘅新ありな(新有菜):
因為17:30仲有另一場event要參加,而且新ありな係一定會多人嚟,所以我情願提早參加完新ありな嘅活動,預多少少時間去準備跟住嘅event,總好過遲到冇得入
今日新ありな嘅呢個活動係生日event嚟,所以有別於同聖誕有關嘅cosplay,又或者一啲少布嘅衫,新ありな今日係著咗一條公主裙:
喺擺表情同pose方面,我哋呢位「新一姐」真係夠晒經驗,再加上我入去參加嘅時間好早,佢嘅狀態都仲係好Fit好精神,雖然冇佢最剎食嘅長腿睇,但影出嚟嘅效果都係好好。
:新一姐你好吖,生日快樂吖。
:多謝你。
:新一年會繼續支持你,喺海外你一定會越嚟越紅,越嚟越受歡迎
:真係嘅!?係呢,你嚟日本有冇食過OOXX?
:...(仆街聽唔明)即係咩嚟?
:正宗嘅有4層,唔正宗嘅得一層,中間有蛋,有蝦...
:...(仆街都係唔知咩嚟)哦~我諗我大概知咩嚟,我搵機會去試下先。
因為唔想拖太耐時間,所以同新ありな嘅對話好簡短就結束咗,再加上我手上仲有另一張佢嘅event飛未用,所以諗住去到第二次參加嘅時候先再問佢,究竟佢講嗰樣係咩嚟
至於最後個答案係咩呢...睇埋落去就知了
(題外話,新一姐11月嘅銷量喺FANZA月榜入面係頭100名都入唔到)
新ありな呢邊比預定時間早咗完成,而家就落去排第二次嘅話又唔夠時間去17:30嘅event,所以就提早過嚟之後嘅event會場準備。
至於去見嘅,就係上個月瞓晏咗,排第51位買唔到飛嘅,古川ほのか:
(當日佢本人仲喺Twitter話塊活動展板係佢畫,叫嚟參加活動嘅大家睇下,「呢隻係貓嚟。」佢箭咀指住嗰句就係呢個意思,勉勉強強都可以話係貓嘅)
呢個活動唔係喺碟鋪度舉辦,亦都唔係一個買AV就參加得嘅活動,可以買嘅產品只有即影即有合照,同埋15秒攝影時間,而且並唔係你想買幾多都得,兩樣嘢夾埋只可以買3個,最後我揀咗1張即影即有合照,同埋30秒嘅影相時間
今日古川嘅cosplay都係聖誕主題,露出程度比頭先三浜唯嗰套多啲啲:
簽名嗰陣:
:新東寶!你終於嚟到!
:我有好多嘢想同你講!上次買唔到你event張飛我真係好唔開心我真係喊咗出嚟
:我見到你喺Twitter度留言吖!
:下次我唔會再係咁,一定會早啲起身去買飛嚟見你
:好吖!
:今日想你簽名喺個立牌度...(拎塊立牌出嚟)
:哈哈,我喺Twitter見到你拎住塊立牌喺機場影嗰張相。
:真係嘅咁都俾你發現到。
(簽完名之後)
:(同古川十指緊扣)2024年我一定會再嚟見你。
:好吖!約定好,一定要再見!
去完古川event之後,我有種如釋重負嘅感覺,由傾計嘅內容我就知道,佢真係有睇到我寫俾佢封信,對於上次去唔到佢event呢件事有幾唔甘心,想見佢嘅心情有幾強烈等等,佢都已經知道晒,我亦都冇需要再特別補充。
喺古川身上,我真係搵返幾年前開始初初追飛鳥りん(飛鳥鈴)嗰陣嘅感覺,去見佢唔係單純為咗集郵同見下個AV女優真人,而係真心想去支持佢,想睇住佢喺呢一行好好咁發展,直到引退嘅AV女優。
今次更加確定,古川ほのか係我放低新東寶呢個身份之後,都仲係真心想去支持嘅AV女優。
引用返今年年頭佢喺自己blog度用廣東話寫嘅一句:
2024年,我哋一定會再見。
見完古川之後,我又急急腳咁返嚟新ありな嘅活動場地,趕得切喺最後截龍之前排隊玩今日嘅第二次。
(仲買多一張飛,total嗰日係參加咗三次新ありな嘅活動。)
話說其實去過咁多次event,都見過唔少千奇百怪嘅日本人,嚟event係真係嚟「玩」,多過好似我哋咁係想見個AV女優嘅真人同影相,所以有啲FANS係真係會扮鬼扮馬嚟event,影合照嘅時候又會整啲搞笑pose,令到成個過程更加有趣一啲。
就好似嗰日新ありな嘅尾場時間咁,因為排到最後嘅多數都係啲死忠,又或者係追咗好多年嘅FANS(部份日本人去呢啲event唔知點解鐘意做最後嗰個),咁啱有人就著住cosplay嚟參加:
(後面灰色衫嗰個係同佢哋癲埋一份嘅工作人員。)
你諗住佢哋喺影合照嘅時候會除頭套?唔會佢哋係帶住個頭套嚟影係寧願張合照見唔到自己個樣都好,都要著住佢嚟玩晒成場event
睇住佢哋咁樣,搞到我都想試下搵次著套cosplay去event好似真係幾有趣
2024年等我諗諗佢先
由我當日影完第一次新ありな,到我再返嚟影佢第二次,中間相隔咗差唔多7個鐘頭,可以好明顯咁睇到新一姐有疲態,但都仲係盡力去滿足嚟參加嘅FANS:
(我自己全日最鐘意嘅一張。)
影合照嘅時候因為諗唔到影咩pose,所以我用咗一個我未到最後關頭都唔用嘅絕招,就係叫佢拎住我部手機一齊自拍
(有兩張係我揸佢...唔係,係我揸機嘅。)
呢一招好少用嘅原因係,一嚟影出嚟效果未必好,二嚟並唔係每一個女優/工作人員都可以俾你咁樣做所以都係睇人,大家真係諗唔到先用呢招,如果工作人員真係唔俾嘅話(我真係試過)都唔好勉強,求其砌下心擺個V字就算數啦
影完相我就打算問返新ありな,頭先第一場嘅時候佢介紹我食嗰樣嘢究竟係咩嚟,點知,佢已經唔記得咗:
:你話有蛋,又有蝦嘅呢...
:有蛋...? 又有蝦...?
:...由佢啦由佢啦,咁有冇啲你好鐘意食嘅嘢食可以推薦俾我去試下?
:嗯...有嘅,我好鐘意食芝士漢堡!一定要係嗰種淋好厚嘅芝士上去個漢堡扒上面嗰隻!
:好吖好吖我下次有機會就去試下。
呢個故事教訓我,下次遇到呢啲情況一定要問咗到底佢係講緊啲咩先,因為個女優真係有可能會唔記得
(嗰晚影到咁上下唔知擺咩pose,佢走去拎佢支嘢飲同唇膏出嚟做道具,影出嚟效果又幾好,好似啲廣告硬照咁。)
最後嗰日完晒成個event,目送埋新ありな上車,都已經係半夜12點,今日都跑咗4場event嘅王桑因為要趕尾班車返酒店,唔同我哋幾個香港人食飯,於是我哋就簡簡單單去食秋葉原一間開到好夜嘅拉麵:
ごっつ 秋葉原店 東京都千代田区神田松永町18-1 ビオレ秋葉原 1F
都係喺上次遊記有出現過嘅餐廳之一,上次就食咗佢嘅二郎拉麵,今次就食個普通嘅家系超ごっつ:
(賣相同食落都係普普通通。)
最後就結束呢個可能係秋葉原全年入面,最忙碌嘅一日,大家都返酒店休息了
未完待續
沒有留言:
張貼留言