「使用前請先閱讀💗～我的使用說明書～」訪問企劃 vol.7 明里つむぎ(明里紬) #1-4



「使用前請先閱讀💗～我的使用說明書～」訪問企劃 vol.7 明里つむぎ(明里紬) #1

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，嚟到第七集登場既係今年3月就迎接出道五週年既超級美女，明里つむぎ(明里紬) 。

怕生，唔擅長做訪問既明里，到底真面目係點樣既呢？



:)=記者
#:)#mouse=明里

翻譯：新東寶翻譯製作

- - - - -



最重要係跟隨自己既步伐，私底下係草食動物？



:)：明里小姐好似好耐都冇做過訪問，緊唔緊張？
#:)#mouse：又唔算係好緊張，但我唔係好擅長講關於自己既野... 因為喺平時日常生活好多時候都係一個人行動，所以可能唔係好習慣講野。

:)：明里小姐喺SNS等等既各方面，都俾人一種穩重而神秘既印象... 你自己係點樣看待自己既性格呢？
#:)#mouse：我覺得我係好我行我素既嗰類人，亦都唔係好表現出感情既人。



:)：明里小姐平時係一副Poker Face，但一望鏡頭展現出嚟嗰個笑容，兩者之間既反差真係令人好深刻。
#:)#mouse：可能係因為我唔介意俾人影相#bye#mouse



:)：講起明里小姐，其中一個魅力點就係好似韓國明星咁有一塊好細既臉，係女性好憧憬既超級美女，自己有冇憧憬既女性呢？
#:)#mouse：我覺得適合自己既化妝同Fashion就已經係最好，所以好少會模仿其他人嚟打扮，不過我都好鐘意喺SNS上面睇可愛既女仔♡因為我特別鐘意成熟女仔可愛既樣，所以都會成日睇韓國既idol。

:)：特別推薦既會係？
#:)#mouse：Red Velvet既Irene，可以一直睇都唔厭。



:)：對於自己鐘意既偶像同鐘意既野，係咪會一往直前咁追落去？
#:)#mouse：我覺得我唔係，雖然係自己鐘意，但唔會話要去到追到底既地步... 都算係我行我素既一種表現。

:)：明里小姐平淡無奇而又我行我素，俾人一種好似草食動物咁既感覺，好可愛呢。



- - - - -

擁有白晰皮膚既明里，點樣做skin care



:)：明里小姐皮膚咁白，用動物嚟比喻既話就好似兔仔咁。
#:)#mouse：我都覺得自己既皮膚好好#ohyes#mouse所以都冇乜點特別去做body care既野...

:)：平時會唔會UV防曬嚟keep著咁白？
#:)#mouse：我係一個宅女嚟，冇工開既話都唔會點樣出街，所以都唔需要搽防曬#tea#mouse



:)：原來係天然美白...真係令人羨慕，咁臉部既skin care點呢？
#:)#mouse：當我搵到適合自己個樣既化妝既時候，就會一直重複用同樣既野。因為好重視「適合自己既野」，所以唔會用同一條line既產品，而係會用一啲自己鐘意既產品。
化妝水會用ACSEINEM既Moistbalance Lotion，美容液係DECORTE既Lipsome Advanced，同埋Christina既Total Serenity Serum，保濕就會用TSUDA既護膚霜。



:)：好專業... 要點樣先至可以搵到適合自己既化妝品呢？
#:)#mouse：我唔鐘意嘥野，所以我會喺網上面查清楚自己想要既野，解決哂啲疑問先去買#there#mouse而家用緊既野都好鐘意，所以都冇乜需要去改變，但都會想搵到啲其他更加有性價比既產品...



- - - - -

今個星期既說明部分

感覺上細到會被埋沒咗，明里紬既細臉

喺高佻既身材相比之下，塊臉細到...



同兔仔一樣，明里紬光滑既美白肌膚

唔需要做skin care同UV保護既美白肌膚！感覺會被吸入去〜



- - - - -



明里小姐既說明書企劃，第一個星期既內容！覺得點樣呢？
今個星期，我地就以最近既距離睇到明里既超超超美白肌膚...

跟著落嚟就要解開下一層神秘既面紗，明里小姐既假日！



今個星期既off shot...
畫緊兔仔既明里，認真既眼神。

 - - - - - - - - - - - - - - - - - - - - - - - - - - - - - - - - - - - - - - - -



「使用前請先閱讀💗～我的使用說明書～」訪問企劃 vol.7 明里つむぎ(明里紬) #2

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，嚟到第七集登場既係今年3月就迎接出道五週年既超級美女，明里つむぎ(明里紬) 。

今次一齊發掘下宅女既つむつむ點樣度過假日既時間，係一段表現出明里小姐我行我素、直率、以及充滿親和力既訪問。



:)=記者
#:)#mouse=明里

翻譯：新東寶翻譯製作

- - - - -

明里紬我行我素又悠閒既假日

:)：明里小姐係一個宅女，平時喺屋企多數會做啲咩呢？
#:)#mouse：平時喺屋企好懶，通常都係攤喺張床度睇片#scratching#mouse

:)：咁係睇咩片呢？
#:)#mouse：睇一啲治癒系既題材，成日都會睇動物類既短片，同埋鐘意睇大胃王既video，多數都係睇韓國人，日本人既話就鐘意睇「三年食太郎」。




:)：成日睇啲大胃王既片，唔會越睇越肚餓咩...？
#:)#mouse：嗯... 可能因為自己個胃唔好，所以我平時都唔會食好多野，或者我本身就係對食野冇咩興趣#bye#mouse

:)：明里小姐身材咁好，條腰真係靚到喊出嚟...
#:)#mouse：通常會喺拍攝工作既一個禮拜前就會開始注意飲食，等個肚唔會望落咁漲。




:)：有冇經歷過好痛苦既減肥時期？
#:)#mouse：通常我會去決定「減肥優先」定係「食野優先」，減肥既時候因為想瘦既心情會比較強烈，所以個過程都唔會特別覺得痛苦...

:)：即係好似禁慾咁，都係減肥方法既一種... 可以作為一個參考！
#:)#mouse：我好少好深入咁去思考一樣野，所以通常都係做咗先再算#:)#mouse

私生活都係咁神秘？



:)：上個禮拜都有提過，明里小姐好鐘意美容化妝... 又有冇睇啲關於美容既片呢？
#:)#mouse：雖然好想睇啲可愛女仔既樣，但唔會點樣參考，始終自己係自己，人地係人地，一直都保持著呢個態度。

:)：今日既化妝都係自己做返。
#:)#mouse：冇錯，喺化妝呢方面自己有好多固定既習慣...

:)：最花時間化妝既係邊個部分？
#:)#mouse：眼妝，會用CLIO既眼影盤。




:)：明里小姐本身皮膚好好，基本上都唔駛點花時間去保養，同埋明里小姐對眼都好靚，俾人感覺成個人都係好溫柔。
#:)#mouse：好多人都有讚過我對眼，我啲朋友成日都話「唔知你諗緊乜野」，所以我都搞唔清楚自己係咪一個溫柔既人...

:)：喺見到真人之前，明里小姐俾人既印象都係好神秘，睇嚟連朋友都係咁樣諗。
#:)#mouse：我唔會點理人地對我既意見，所以好多時自己都搞唔清楚自己係一個咩人，事實上好多時做既野都係冇點樣考慮過，總之覺得啱就去做...


今個星期既說明部分

令人想好好保護，明里紬既纖腰



強烈既減肥精神，成就到明里小姐呢一副令人羨慕既好身材！

明里紬溫柔又對稱既眼



唔會太高又唔會太低，令人留低深刻印象既一對眼晴。

- - - - -



今個星期就探討咗明里小姐好悠閒既假日生活！
以自己既方式好好咁善用自己既時間，
塑造成大家面前既明里小姐...♡

下一個星期將會繼續發掘受保護既明里小姐個人既魅力！



繼續期待下星期
💗

 - - - - - - - - - - - - - - - - - - - - - - - - - - - - - - - - - - - - - - - -



「使用前請先閱讀💗～我的使用說明書～」訪問企劃 vol.7 明里つむぎ(明里紬) #3

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，嚟到第七集登場既係今年3月就迎接出道五週年既超級美女，明里つむぎ(明里紬) 。

為咗唔擅長應付訪問既明里小姐，我地準備咗啲一問一答形式既問題，隨著慢慢將自己既煩惱講出嚟之後，對明里小姐既好感又慢慢增加咗...♡



:)=記者
#:)#mouse=明里

翻譯：新東寶翻譯製作

- - - - -


喜歡明里表裏如一既性格♡

:)：講起嚟，明里小姐啲美甲都好靚，係咪經常會去做美甲？
#:)#mouse：美甲基本上係必做既，但我都唔知點解係咁。



:)：會唔會係因為美甲會令自己開心啲？
#:)#mouse：都有可能係，整到啲指甲靚啲，心情都會好少少。

:)：好少少[sosad]咁有冇啲會令你心情變到好興奮既事呢？
#:)#mouse：同朋友一齊飲酒既話，有時都會變到好hyper，不過通常都唔會俾周圍既人睇到。



:)：明里小姐一直都係咁冷靜呢，同喺作品入面既演出有好大反差。
#:)#mouse：拍攝既時候好開心，係一個同平時唔一樣既自己。

:)：拍攝作品嗰時會變到好活躍！係咪類似咁樣？
#:)#mouse：嗯#what#mouse...我又唔覺得係咁。其實我唔係唔鐘意出街，只係冇咩原因既話我唔會出去，因為我好怕麻煩，所以儘可能都唔想做冇意義既野。



:)：直腸直肚咁講出自己怕麻煩，夠哂坦白。
#:)#mouse：我係嗰種諗到咩就講咩既類型... 性格就係咁表裏如一#yea#mouse

+

- - - - -

冇壓力既生活，思考「想要既野」

:)：明里小姐唔出街，但又唔等於唔活躍，聽講你好鐘意韓國，有冇去過旅行呢？
#:)#mouse：喺疫情之前有去，我識得聽少少既韓文，同埋好鐘意睇韓劇，成日都會喺屋企度煲劇。



:)：有冇啲咩推薦既韓劇呢？
#:)#mouse：我會睇Netflix有咩推介，唔理係愛情劇又好，商業劇又好，全部都好有趣。

:)：明里小姐係咪會順從自己選擇既人嚟？
#:)#mouse：應該都係，好似揀衫著咁樣，我覺得好難去因應時間地點場合去揀，所以我會揀啲最安全最保守既配搭。




:)：但都係啲適合自己既配搭嚟，今日呢件衫都係私服嚟？
#:)#mouse：係吖，同考慮化妝嗰時一樣，會揀啲最適合自己既野。

:)：另外又想問下，多數會喺邊度買衫呢？
#:)#mouse：多數都係喺網上面睇到，之後就喺網上面買埋#miracle#mouse有時都會喺shopping既時候試衫，試完覺得啱就會去買，品牌既話我多數會揀SNIDEL。



:)：明里小姐頭髮都好靚，好適合著啲女性風格既衫。
#:)#mouse：雖然我好怕麻煩，但我係一定會等到頭髮完全乾哂先去訓教#cheer#mouse

:)：所以最重要係set一個低啲既目標俾自己，每日都等頭髮乾咗先訓既明里小姐真係犀利！




- - - - -

今個星期既說明部分

要好好保護既明里紬♡

非常適合明里既美甲♡
能夠由細長既手之中感受到女人味。



最低限度既努力都好重要♡明里紬清爽既髮型

唔算得上係A+既努力...但仍然係一把令人忍唔住想去摸下既清爽長髮。



- - - - -



第三個星期既明里小姐使用說明書！覺得點樣呢？

今個星期我地主要係對明里小姐既內心世界進行調查，
冇野重要得過跟隨自己既步伐，喺過程中創造屬於自己既美麗！
美甲、髮型... 就算唔係A+既努力，但都散發出獨特既女人味！

下一個星期就係最後一期既訪問喇！
將會完成呢份說明書！敬請期待！

 - - - - - - - - - - - - - - - - - - - - - - - - - - - - - - - - - - - - - - - -



「使用前請先閱讀
💗
～我的使用說明書～」訪問企劃 vol.7 明里つむぎ(明里紬) #4

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，嚟到第七集登場既係今年3月就迎接出道五週年既超級美女，明里つむぎ(明里紬) 。

今次終於完成明里小姐既說明書了！雖然明里小姐表示面對第一次見面既人會好少野講，但都請好好閱讀呢份說明書，好好使用喔♡



:)=記者
#:)#mouse=明里

翻譯：新東寶翻譯製作

- - - - -

唔在意周圍既意見！但想成為你理想中既我

:)：嚟到最後一個星期既訪問，明里小姐既心情點？
#:)#mouse：我覺得我真係好唔擅長講關於自己既野，如果可以改善下就好了#cryalot#mouse

:)：咁對於你自己既使用說明，你自己又有啲咩注意既地方呢？
#:)#mouse：我係嗰種只要去訓教就會將所有煩惱都忘記哂既人嚟，總之就係要保證睡眠充足。





:)：訓教真係好重要，通常係咪夜晚先至會特別多煩惱呢？
#:)#mouse：日頭同夜晚都唔會煩惱得太多，只要我諗唔出結論既話，我就唔會去諗佢。

:)：「唔會去諗」呢樣野講起上嚟好似好易，但做起嚟好難呢。
#:)#mouse：係咩？可能因為我一直都好坦誠咁去面對自己，所以就唔多事情要去煩惱#ohyes#mouse




:)：想relax既時候會做啲咩呢？
#:)#mouse：咩都唔會去諗，然後去睇一啲放鬆心情既影片。

:)：會喺SNS上面睇嗎？
#:)#mouse：多數都喺YouTube，其實我唔係好叻玩social media，要好努力先至出到平時大家見到既po#scratching#mouse



:)：原來係咁！真係估唔到。
#:)#mouse：哈哈，雖然我唔知道周圍既人點樣睇我，但我都有呢啲陰暗既一面。

:)：有冇諗過身邊既人點樣諗自己呢？
#:)#mouse：冇呢，完全冇去諗過呢個問題，我覺得大家認為我就係我，咁就可以了。





:)：多謝明里小姐幫我地做呢個訪問，最後請你講下之後想努力做既野。
#:)#mouse：因為經常都會病，所以想好好管理好身體，如果可以喺維持現狀既情況下變好就OK了#pray#mouse

:)：充滿明里紬風格既答案，不愧係明里小姐！辛苦哂！



- - - - -

經過一個月既訪問之後，明里紬既使用說明書都完成喇！



- - - - -

明里小姐既使用說明書覺得點樣呢？
有怕生既一面，對於一啲深入挖掘自己既問題，明里小姐顯得有啲苦戰，一邊煩惱問題一邊努力回答，同時亦都睇到本人誠實既一面。
忽然之間縮短距離既話會嚇一跳，所以都係慢慢同明里小姐縮短距離啦。唔擅長玩SNS，但係鐘意讀書，如果見到佢好攰既時候記得要同佢講聲「辛苦哂！」




多謝你睇到最後呢度！
一齊留意著明里小姐既成長，唔止係AV拍攝，仲有event girl，每一日都咁努力！
下一集將會係美人！神菜美舞！一齊緊貼神級身材既神菜美姐姐！
Posted by
標籤： , , , , ,

沒有留言:

張貼留言

訂閱： 張貼留言 (Atom)