「使用前請先閱讀💗～我的使用說明書～」訪問企劃 vol.13 梓ヒカリ(梓光莉) #1-4



「使用前請先閱讀
💗
～我的使用說明書～」訪問企劃 vol.13 梓ヒカリ(梓光莉) #1

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，今次嚟到呢個企劃度登場嘅係梓ヒカリ(梓光莉)。

梓ヒカリ本人好鐘意網絡世界，但因為身份係AV女優，所以喺SNS上面嘅活躍程度一直都維持著相對保守嘅狀態；但其實梓ヒカリ係一個多才多藝嘅女仔，有好多嗜好同豐富表情，通過今次嘅訪問，等我地逐啲逐啲咁接近ひかりん(hikarin)嘅真面目。



:)=記者
#:)#mouse=梓

翻譯：新東寶翻譯製作 

 - - - - -

由懂事開始，就已經好鐘意動漫♡

:)：好快留意到一件事...原來梓小姐釘咗咁多個耳洞！平時都好鐘意戴耳環？
#:)#mouse：其實係因為，本身我好鐘意一啲visual系嘅音樂，所以鐘意一啲punk style嘅飾物，不過都唔會成日都戴咁多耳環出街，平時只係會戴一兩個#short#mouse



:)：原來鐘意visual系嘅，真係意外。
#:)#mouse：呢一個只係我會聽嘅其中一個音樂系列，同埋我冇去睇過visual系嘅live，我覺得好恐怖。

:)：明白哂，咁喺學生時期係咪就已經係一個行punk style嘅學生妹呢？
#:)#mouse：只係一個好平凡嘅學生妹，完全係一個普通人。學生時期有好多興趣，而且我又唔係嗰啲會係咁同人講嘢嘅類型，喺嗰段時期就開始鐘意動漫同聲優，直到而家都係我嘅第一興趣嚟#medicine#mouse


:)：不過而家嘅梓小姐，一啲都唔似係一個宅女。
#:)#mouse：係咩？由嗰時開始我會連一啲日常用品都會買啲宅系嘅product，身邊有啲好熟嘅朋友都覺得我好痴線。不過，喺一啲唔熟嘅人面前我會做返一個正常人mode，所以佢地可能都察覺唔到。

:)：正常人mode[sosad]咁係喺咩時候鐘意睇動漫嘅呢？
#:)#mouse：老實講，應該係由懂事開始就已經鐘意，一開始係同其他小朋友一樣鐘意睇啲魔法少女嘅漫畫，去到小學高年班嘅時候就好鐘意睇網球王子，之後就沉迷咗落去。


特技係推油按摩！美容方面我好在行♡

:)：會唔會就係因為梓小姐係一個宅女，所以先keep到啲皮膚咁白呢？
#:)#mouse：不過喺中學嘅時候有玩好多運動，我係羽毛球部嘅組員，但因為運動神經唔係幾好，好難跟得上進度#ohno#mouse...所以去到高中嘅時候特我就轉咗去輕音部。

:)：輕音部！好有型！
#:)#mouse：我好鐘意唱歌，所以喺入面係做主音，其實我都想試下彈結他。同埋因為從來未試過喺咁多人面前表演，喺學校文化祭上台表演之前一直都勁緊張#annoyed#mouse



:)：之後就成為成為咗大家而家見到嘅ひかりん(hikarin)。
#:)#mouse：哈哈，當時應該就係我第一次感受到俾人注目嘅開心感覺。

:)：梓小姐之後就入咗一間美容學校度讀書。
#:)#mouse：係，有少少係因為我好鐘意cosplay，我想學化妝同瘦身，所以就揀咗美容學校。入面有好多都係好似我咁係宅女嘅學生，好似入咗一間女校咁，好開心。



:)：又想了解下，喺美容化妝方面，梓小姐最拿手的嘅係？
#:)#mouse：我最拿手係按摩，而且係推油按摩♡

:)：哇，咁梓小姐嘅按摩作品肯定係好舒服。
#:)#mouse：哼哼#ohyes#mouse而且我仲可以幫埋人化妝！

:)：肯定好受女仔歡迎。


今個星期既說明部分

梓光莉好鐘意動漫，係一個隱性宅女

由細細個開始就好鐘意動漫嘅梓光莉，
擅長幻想同演技咁好，會唔會就係因為睇過好多唔同嘅作品？



梓光莉嘅特技係推油按摩💕

由學生時期就已經好擅長推油按摩，
如果去咗美容業嘅話，會成為一個好犀利嘅按摩師。



- - - -

梓光莉嘅使用說明書企劃開始咗喇！

採訪嘅時候係「髮型自由時間」，可以睇到同平時唔同感覺嘅梓光莉。
現場所有人都暈哂大浪，長直髮嘅梓光莉真係迷人！

下一集除咗有梓光莉嘅宅女時間，仲有好多戀愛觀嘅分享！

敬請留意～

 - - - - - - - - - - - - - - - - - - - - - - - - - - - - - - - - - - - - - - - -



「使用前請先閱讀💗～我的使用說明書～」訪問企劃 vol.13 梓ヒカリ(梓光莉) #2


想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，今次嚟到呢個企劃度登場嘅係梓ヒカリ(梓光莉)。

因為今次訪問令大家認識到有御宅族一面嘅梓光莉，喺上一個星期我地探討咗佢喺童年時期嘅一啲興趣，令採訪現場充滿著快樂嘅空氣，嚟到今個星期，我地會了解一下梓光莉鐘意嘅動漫同角色，仲有關於佢現實嘅戀愛觀。



:)=記者
#:)#mouse=梓

翻譯：新東寶翻譯製作

- - - - -

探討宅系女子嘅戀愛觀♡

:)：梓小姐上次有提過自己細細個就開始追動漫，咁最近又睇緊邊啲動漫呢？
#:)#mouse：最近睇緊「クールドジ男子」（Play It Cool, Guys），由漫畫嗰時就已經好鐘意，鐘意等到佢出動畫，故事係圍繞著4個男仔，雖然全部望落又靚仔又有型，但其實每一個人都有一啲缺乏嘅部分，嗰種反差感覺我搞唔掂，太正#love#mouse



:)：梓小姐咁鐘意睇動漫，喺現實入面會唔會對你嘅戀愛觀有影響？
#:)#mouse：會有一啲相似嘅地方，我鐘意一啲唔係領袖但又暗中保護著大家嘅角色，相比起熱血系我又鐘意有神秘感，有時唔知諗緊咩嘅男仔，不過有時都會因為環境而有一啲出人意料嘅選擇#cheer#mouse

:)：簡單啲嚟講就係鐘意一啲有可愛反差嘅人。
#:)#mouse：如果喺現實嚟講，呢類人喺我眼中係接近完美。做嘢又好、煮嘢食又好、人際交往又好、全部都可以自己一個人處理哂，然後忽然有一樣嘢做唔到，咁嗰個feeling就會出嚟。不過理想歸理想，都係要分返開，喺現實生活入面最好都係搵一個獨立嘅另一半。



:)：嗯嗯，所以梓小姐係討厭俾另一半束縛嘅類型？
#:)#mouse：又唔係，應該話係因為會好努力，所以會自我管束嘅類型，我覺得可以自己搞掂完成工作，就已經OK了。



:)：咁又好似同你理想中嘅類型有出入。
#:)#mouse：俾你咁講一講又好似係#please#mouse吖，我仲鐘意一啲擅長同身邊嘅人交際嘅人，同埋識得講多謝同對唔住，咁就最好了。

:)：咁梓小姐心目中同愛人理想中嘅約會場景又係點呢？
#:)#mouse：嗯～唔一定要去旅行，又或者要有好多安排嘅約會，其實唔駛咁多節目，兩個人一齊訓到夠先慢慢起身，之後再去搵一間好嘅酒吧。



:)：所以係休閒嘅約會派。
#:)#mouse：係吖，放假嘅前一日，兩個人一齊悠悠閒咁度過就OK，我仲有好多動漫想睇#tea#mouse



:)：仲要同你可以傾到動漫話題嘅人。
#:)#mouse：只要對方唔係反對我宅女一面興趣嘅人，就算佢唔係御宅族都冇問題，當然如果大家都鐘意，一齊enjoy嘅話咁係最開心#cheerleading#mouse



:)：宅女系嘅女仔通常俾人感覺好直率，因為佢地好沉迷喺自己鐘意嘅嘢，但其實唔係大家諗到咁cool。
#:)#mouse：有時都會有人話「你望落好奄尖咁原來唔係」，雖然我想有束縛，但係如果對方好忙唔得閒陪我，我都會自己搵嘢做，但最多只可以一個星期。

:)：咁鐘意嘅動漫角色同戀人，會唔會攞嚟做比較呢？
#:)#mouse：如果對方講啲嘢好粗俗嘅話，可能我會話「你睇下轟焦涷（我的英雄學院入面嘅角色）佢平時講嘢幾溫柔冷靜...」咁樣#there#mouse


今個星期既說明部分

梓光莉係好易配合嘅順從類型

只要同鐘意嘅人一齊，就咩嘢事都可以原諒嘅類型♡
逐啲逐啲，佢會染上你嘅顏色。



梓光莉望落好似冇哂電...？其實係兔仔型

情緒有時會喺維持一段時間之後，進入一個好似冇電咁嘅狀態
有時會感到寂寞，係需要同其他人一齊相處嘅類型。



- - - -

對於梓光莉獨特嘅戀愛觀你又點睇呢？
對鐘意嘅人一心一意，梓光莉實在太可愛了！

下一次，我地會探討梓光莉身體上嘅秘密！？
大家都對梓光莉嘅胸部按摩好有興趣，下一期不容錯過！

 - - - - - - - - - - - - - - - - - - - - - - - - - - - - - - - - - - - - - - - -



「使用前請先閱讀💗～我的使用說明書～」訪問企劃 vol.13 梓ヒカリ(梓光莉) #3

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，今次嚟到呢個企劃度登場嘅係梓ヒカリ(梓光莉)。

性格表裏如一嘅梓光莉，非常容易同佢打開話題，而且佢亦都會令你明白到御宅族嘅獨有深度。今次將會探討梓光莉日常嘅胸部按摩，同埋透過大喊嚟抒發壓力嘅方法，一齊嚟好好發掘。



:)=記者
#:)#mouse=梓

翻譯：新東寶翻譯製作

- - - - -

雖然手腳笨拙，但係我嘅胸部按摩係有一手！

:)：上一次就提到梓小姐鐘意啲喺咩場合都適應到嘅類型，咁喺人際關係上又係咪呢？會因應環境而改變自己嘅性格去迎合。
#:)#mouse：如果係一啲我覺得根本冇可能夾得嚟嘅人，我會即刻閂咗道門，所以我唔多朋友#please#mouse我係嗰種好封閉好深沉嘅人。



:)：竟然係咁，但同梓小姐傾計嘅感覺好好，聽到你咁講有啲意外。
#:)#mouse：可能因為有一種「明白我嘅人自然就會明」嘅心態，朋友好多時都會話我「把口比想像中仲要差」，不過我係表裏如一嘅性格。同埋如果見人講人話，見鬼講鬼話，唔會覺得好奇怪咩？#there#mouse

:)：我明白了，對於一啲好明確知道自己鐘意咩嘅人嚟講，呢一種人際關係反而係最好。
#:)#mouse：係吖，所以如果我笑笑口咁講一啲好古怪嘅嘢，可能咁樣嘅我先係信得過。

:)：今次睇到好多梓小姐嘅反差一面。
#:)#mouse：唔知大家都覺得我係一個點樣嘅人呢，如果講反差嘅話，我啲手腳都好笨拙，鐘意cosplay但係又唔擅長手工嘢，煮飯又唔叻，就算煲個湯都好，都會搞錯水嘅份量...#short#mouse

:)：原來梓小姐仲有咁可愛嘅一面，但明明仲可以幫人化妝...
#:)#mouse：同化妝完全係兩樣嘢嚟，仲有一樣嘢，喺美容學校嘅時候最認真學習嘅係同身體有關嘅項目，所以喺瘦身方面一啲都唔笨拙，做得好好㗎！

:)：啱喇，梓小姐嘅特技係按摩。
#:)#mouse：雖然冇揀到嚟做職業，但我好鐘意摸自己同其他人嘅身體，好鐘意按摩，對於體形管理亦都好有興趣，而家對於我嚟講胸部按摩係每日不可或缺嘅一部分。

:)：胸部按摩！好想知到底係點做。
#:)#mouse：將對波向上抬起，就能夠防止外八同下垂，同埋為咗鍛練胸部周圍嘅肌肉，經常都會雙手合十嘅pose。

:)：所以梓小姐對波就可以keep到一個咁靚嘅shape...
#:)#mouse：係吖，胸部最好唔好俾其他肌肉拉扯到，所以如果有女朋友又或者係女性，一定要試下，慢慢就會有改變。



:)：所以如果有幸做到梓小姐嘅男朋友嘅話，係咪就有幸可以幫你做呢個胸部按摩嘅福利？
#:)#mouse：係吖#cheer#mouse可以一齊做伸展運動嘅話會好開心，我都鐘意呢種對靚有意識嘅男性。

透過大喊嚟抒發壓力

:)：做多啲胸部按摩，對波靚咗，心情都會變好。
#:)#mouse：講得冇錯，喺我開始做呢份工作之前，我嘅自我肯定感好低，我唔鐘意自己個樣，覺得一啲都唔可愛，但係而家我好鐘意自己，變得正面咗，所以我好開心有人會鐘意呢個做完胸部按摩之後改變咗嘅自己。

:)：每個人都有經歷過一段類似嘅時期。
#:)#mouse：有時會好隨波逐流，搵唔到自己嘅方向，對於因為想迎合其他人而改變咗嘅自己好討厭，對於其他人唔會再有期待，唔想因為期待而受傷，所以寧願逃避。



:)：完全明白呢一個心情，其實好多人都係咁樣。
#:)#mouse：以前我係一個好冷淡嘅人，喺心入面其實積累咗好多壓力，但而家我鐘意我自己之後，情況就有好轉，所以對著關係好嘅人可以打開心屝，咩都講哂出嚟。

:)：原來係咁，我諗就算嚟到而家梓小姐都會有積累壓力嘅時候，會用咩方法發洩呢？
#:)#mouse：會去返睇一啲睇到人喊嘅動漫，自發性咁去做一啲會爆喊嘅嘢#cryalot#mouse好似尋日咁，一直追開嘅streamer最後一日開live打機，一路睇一路喊#cry#mouse



:)：淚腺崩潰咗，但亦都係因為睇咗咁多動漫，所以共情能力先至變得咁豐富。
#:)#mouse：可能都有關係，我覺得我就算嚟到而家都仲係好似一個小朋友咁，一遇到唔順利嘅嘢就覺得自己好冇用#sigh#mouse所以為咗減少因為呢種心情而爆喊，努力咁磨練緊自己。

今個星期既說明部分

梓光莉意外地係一個怕醜妹？

雖然好擅長同人傾計，但都需要一段時間先至可以適應到。
唔知係咩原因，但喺陌生人面前其實好怕醜。



透過胸部按摩之後，梓光莉嘅胸部變得更加完美

梓光莉對波，由心口中間輕輕向外展開。
碗型嘅形狀☆係每日按摩嘅成果。



















- - - - -

繼續係梓光莉嘅使用說明書企劃！

採訪嘅時候，撞正係髮型自主時期，
梓光莉嘅感覺同平時完全唔同，現場氣氛都朝氣勃勃
🥰長直髮嘅梓光莉真係無敵！

下次唔止有御宅族一面，仲有戀愛觀，有好多話題！

敬請期待！

 - - - - - - - - - - - - - - - - - - - - - - - - - - - - - - - - - - - - - - - -



「使用前請先閱讀💗～我的使用說明書～」訪問企劃 vol.13 梓ヒカリ(梓光莉) #4

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，今次嚟到呢個企劃度登場嘅係梓ヒカリ(梓光莉)。

今次我地將會完成梓光莉嘅使用說明書，同喺SNS上面以及作品裹面唔同，除咗整潔同謙虛嘅一面之外，仲睇到好多唔同嘅多樣性。最後當我地問佢未來目標嘅時候，佢俾出咗一個肯定嘅答案。



:)=記者
#:)#mouse=梓

翻譯：新東寶翻譯製作

- - - - -

今年嘅目標係，梓光莉嘅老化護理



:)：梓小姐有提到最近喺度磨練緊自己，係咪喺內在方面？
#:)#mouse：係吖，例如喺遇到一啲對於自己嚟講好難嘅課題，又或者遇到一啲唔開心嘅事嘅時候，喺被唔開心嘅心情填滿自己之前，學識考慮對方嘅心情，然後再重新確認自己嘅心情，學習接納同接受#please#mouse

:)：契機係啲咩呢？
#:)#mouse：係因為御宅族圈子嘅問題...我唔係好接受到同自己追同一個角色嘅其他FANS，其他人可以喺SNS上面做到同其他FANS交流之類，我做唔到，有時我都覺得自己仲好似個小朋友咁#sigh#mouse

:)：因為對於梓小姐嚟講，御宅族嘅生活係終生興趣嚟。
#:)#mouse：全靠身邊嘅人嘅支持，我先至可以做到自己想做嘅目標，所以由而家開始，我要做好身心方面嘅老化護理，今年都要努力做好護膚！



:)：係啲咩驅使梓小姐每一日都咁努力呢？
#:)#mouse：我覺得最重要俾自己明白，自己唔係孤單一個人。一開始做呢份職業嘅時候我於自己好模糊，但而家我鐘意呢一個成為咗女優嘅自己，為咗支持我嘅人，我想變得更加可愛，想喺工作上面更加努力。喺支持我嘅人嘅人生入面，如果有人因為梓光莉嘅存在而變得快樂嘅話，我都會好開心。



#:)#mouse：成為社會一份子之後，做過一啲接待客人嘅工作，但完全冇嗰種幫到人嘅感覺；但而家嘅我係人生中第一次，有一種我幫緊人嘅感覺喺度。

想向照顧我嘅業界好好咁回報♡

:)：梓小姐將來嘅夢想係咩呢？
#:)#mouse：以前有講過想做婦產科嘅接待處，但而家就算將來引退咗都好，都想繼續喺呢個業界工作。



:)：非常離譜嘅轉向，但係好開心聽到你想留低。
#:)#mouse：而家自己嚟到呢個業界，有一種俾業界照顧著嘅感覺，所以想喺作為女優嘅身份努力完之後，都以一個幕後嘅角色繼續支持，我想將喺呢度培養出嚟嘅經驗，傳達俾下一個想喺呢一行努力嘅人。

:)：係一個非常好嘅第二夢想職業。
#:)#mouse：我好鐘意襯衫，想試下喺作品入面加入時裝呢個元素，我仲識得化妝，所以可能成為一個set頭化妝師會比較適合我。有好多嘢我都好想做，我都好羨慕嗰啲可以有自己時裝品牌嘅女優，我又好鐘意Youtube同Tiktok。雖然好含糊，但我想成為一個永遠閃閃發光嘅女性。



:)：係一個好正面，而且好燦爛嘅未來。
#:)#mouse：而家嘅我仲未有足夠嘅交際能力，但我會儘力做好，所以我好希望，大家可以繼續支持我#bye#mouse

梓光莉嘅使用說明書完成喇！

通過4個星期嘅訪問之後，梓光莉嘅使用說明書終於完成喇！友善，但有少少怕生保，同梓光莉相處嘅時候可能需要一份咁樣嘅使用說明書。「我想喺event裹面做到最好！」，當你有機會見到梓光莉嘅時候，記得返嚟睇返呢份說明書喇♡



今次透過呢個企劃，我都了解到更多梓光莉不為一知嘅一面！
睇完呢份說明書嘅你，有冇一種成為梓光莉大師嘅感覺?
一直留意著佢嘅發展，喺未來佢將會帶俾大家更多唔同嘅表現！

下一集，我地會有一個話題性嘅超大型新人，庵ひめか（庵姬花）登場！
作為一個啱啱出道嘅新人，庵姬花嘅使用說明書會整成點呢？

敬請留意！

Posted by
標籤： , , , , ,

沒有留言:

張貼留言

訂閱： 張貼留言 (Atom)