新東寶翻譯製作 : 5日去咗15場event嘅25年日本首飛之旅 Part 3

Weekend真係寧舍多event尋日跑4場，今日都要跑6場 #drink#dragon 俾大家睇睇我係點樣分到身去晒 #nose#snake

今日有四場要去嘅event都係12:00開始，時間相當緊湊，是但一場稍為推遲咗又或者多人排，後面嗰啲就GG，所以要好好咁排先後次序 #confuse#rabbit 將最遲截龍嘅event排到最後，然後推斷下邊個嘅event賣得好會多人排，邊個賣得差會少人排，咁樣就可以大概排到個先後次序出嚟 #drink#dragon

首先去嘅係二奶一號浅野こころ（淺野心）嘅寫真集event地點係神保町嘅書泉，係今日最遠距離嘅一個event場地，其他都集中晒喺秋葉原，所以首先去呢一場

買三本就有20秒影相時間同埋一張即影即有合照：

：吖！新東寶！新年快樂！上次你過嚟踩單車最後順利嗎？
#:)#cow ：淺野小姐新年快樂 #:)#cow 踩單車最後好順利，我最後由北海道踩到落去廣島，踩咗15日 #:)#cow
：真係犀利，不愧係你。
#:)#cow ：我知你過幾日會開live唱歌，所以我今次專登買咗喉糖俾你，食完個喉嚨會舒服啲，場live我會上網睇到時支持你
：新東寶你真係好，今次出嘅呢本寫真集又好多相都好可愛，你返去要記得睇

同淺野相處永遠係最舒服 #:)#cow

之後就急急腳返嚟秋葉原，搭地鐵返嚟都係15分鐘左右，第二場揀咗個未賣晒嘅女優，佢係FALENO嘅絵...唔係麗奈，佢係絵恋空

（當日呢場活動係賣唔晒，所以可以預計人流唔會太多，唔需要排太耐。）

絵恋空真人相當有驚喜，皮膚好好，身材唔算苗條，但都有啲睇頭。

（執相嗰陣我甚至覺得佢係低階版嘅石川澪，兩個個樣同氣質都有啲似。）

不過講到最爆嘅，係我哋傾計嘅內容：

#:)#cow ：絵小姐你好，我叫新東寶，係香港嚟嘅。
：香港嚟嘅 #oh# 你識講日文仲以為你係日本人。
#:)#cow ：係呢，你知道香港喺邊嗎？
：知吖！我之前睇新聞講，你哋早幾年想唔知點樣獨立出嚟，脫離中國吖嘛
#:)#cow ： #oh# ...（仆街好似開錯話題！）嗯 #sad#cow ...嗯...係有件咁嘅事，香港同中國嘅關係係有啲複雜。
：嗰時睇新聞講香港好大件事！
#:)#cow ：不過都係啲歷史遺留問題嚟
：都係吖可 #confuse#rabbit 都唔知點樣解決
#:)#cow ：今日辛苦你喇，往後請你多多指教 #sorry#cow

絵恋空係我見過咁耐以嚟第一個，聽到香港之後會同我講返19年嘅事嘅女優 #sweat#cow 而且佢唔似係一知半解，佢好似真係大約知發生咩事，香港同中國係咩關係，我冇估到一個AV女優會同我討論呢啲嘢 #arrr#cow

但同時都令我對呢個女優有好深刻印象，靚唔靚女見人見智，但單單係知道香港呢一點，我就已經覺得相當加分 #sorry#cow 有機會我會再見佢

（事前完全冇估到呢個有少少港女feel嘅女優，真係知香港喺邊 #slap#cow ）

今日第三場，亦係我估計最多人嘅一場，我去咗搵宮下玲奈：

出晒名event對應一般，唔多講嘢嘅宮下，今次我嘅體驗都係同前兩次一樣，真係無話可說（字面意思）：

#:)#cow ：宮下小姐你好，係呢24年你嚟咗香港兩次，有咩感覺？
：兩次？我嚟咗一次喳。
#:)#cow ：（明明記得係兩次 #pointing#pig ）係咩 #sad#cow ...咁可能係我記錯啦 #sweat#cow
：香港吖，嘢食好好食，我去咗飲茶同食點心。
#:)#cow ：日本燒賣同香港燒賣都好唔同呢。
：我仲有食北京填鴨。（已經差唔多簽完名）
#:)#cow ：今日辛苦你喇，今年請你繼續多多指教。

點樣講呢，宮下可能真係慢熱啲，佢又唔係去到完全唔出聲，但要真係熟啲嘅FANS先會多啲嘢講，唔係嘅話好多時都係一句起兩句止，仲要睇下你哋傾嘅話題啱唔啱，唔係嘅話都幾難延續落去 #sweat#cow

不過如果純粹想睇佢靚樣同身材，唔係想以傾計為目標嘅，宮下絕對係唔錯嘅選擇。

（同埋唔係好明點解個簽名要簽埋一邊，右邊吉咗出嚟。）

嚟到今日12:00場嘅最後一場，因為呢一場截龍時間係15:00，所以我將佢放到最後，主角係Julia：

（睇no.好似賣得唔錯，但有唔少其實係幾個香港人十張八張咁loop #sweat#cow ）

J姨姨都算係我哋八十後九十後嘅青春回憶，今次都係我第一次近距離見真人：

嗯 #:)#cow 完全就係姨姨我不想努力了嘅例子 #:)#cow

#:)#cow ：Julia你好，今日第一次見面，真人好靚女，保養得好好。
：真係嘅？多謝你

冇錯，真係講得咁少啫，因為差唔多到截龍時間，大家都趕住收工 #bicycle#cow

12:00嘅四場順利完成 #plan#cow 今次順利冇甩轆，之後接住就係17:00嘅時段，我仲有兩場要去，頭先四場都搞得掂，兩場呢啲濕濕碎啦 #nose#snake

又再返嚟神保町嘅書泉，佢係同浅野こころ好fd嘅S1老女人，佢係金松季步：

今次都係我第一次見真人，大家都知我對熟女同輕熟女優一直都冇咩興趣，但金松季步真人真係幾好睇 #confuse#rabbit 死火係咪我啲口味都開始變呢

唔知係咪AKB出身嘅關係，傾計嗰陣我有少少俾佢鹽到嘅感覺：

#:)#cow ：金松小姐你好，初次見面，我係香港嚟嘅。
：你好。
#:)#cow ：你真人好靚女。
：係咩哈哈 #mock#pig 多謝你。我知道香港都有迪士尼。
#:)#cow ：香港迪士尼有Toy Story Land，我個名同入面一隻公仔一樣。
：係喎 #oh#
#:)#cow ：吖仲有，你啲指甲都整得好靚（平時唔係講到冇嘢講我都唔會拎呢啲嚟講）
：哈哈，多謝你。

....有機會我都會再嚟見下佢嘅 #sad#cow

之後就係今日最後一個event，亦係呢一程最後一個event，佢係Prestige嘅七嶋舞：

事後返嚟睇返啲相，同朋友傾開大家都有個感覺：七嶋舞好似肥咗 #sweat#cow

（但都係有陣MK味。）

#:)#cow ：七嶋小姐新年快樂。
：新年快樂吖新東寶。
#:)#cow ：係呢，上次過嚟香港，我見你都有去迪士尼玩。
：有吖，我入咗去三個鐘喳，玩咗全部...
#:)#cow ：三個鐘就已經玩晒咁多樣嘢 #wtf#snake ？
：唔係唔係 [sosad] 你聽我講埋先 [sosad] 本身冇諗住去，係出發前一個半鐘頭先決定要去，跟住入到去又好多人，全部機動遊戲都有人排隊，好彩之後遇到一陣人潮走咗，先至玩到少少。
#:)#cow ：哦原來係咁。
：不過之後要趕去搭飛機，最後都只係入咗去三個鐘 [sosad]
#:)#cow ：真係可惜，迪士尼夜晚有煙花睇架！
：真係嘅 #oh# ？下次我一定要嚟睇！