「使用前請先閱讀💗～我的使用說明書～」訪問企劃 vol.12 古川ほのか(古川穗花) #1-4



「使用前請先閱讀💗～我的使用說明書～」訪問企劃 vol.12 古川ほのか(古川穗花) #1

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，今次嚟到呢個企劃度登場嘅係2022年5月出道嘅新人古川ほのか(古川穗花)，根據佢喺SNS上面嘅簡介，興趣好似係睇書同飲咖啡...就喺我以為佢係一位好斯文優雅嘅女仔嘅時候，聽完佢嘅故事，我發現古川小姐其實都有相當有趣嘅一面。



:)=記者
#:)#cow=古川

翻譯：新東寶翻譯製作

- - - - - 



曾經放棄過嘅夢想，想再一次實現

:)：古川小姐今日請你多多指教，知道你出道嘅時間仲係好短，希望喺今日可以俾大家了解多啲關於你嘅故事！
#:)#cow：我係一個唔多朋友嘅人，自己都覺得自己係一個有啲奇怪嘅人...如果你接受一個咁樣嘅我嘅話，我會好開心。



:)：嗯嗯，不過睇起嚟完全唔似呢。
#:)#cow：簡單啲講就係有社交障礙...同完人講嘢之後，會自己一個人喺度反省，睇下今日有冇講過啲好奇怪嘅說話。

:)：係唔係對自己冇自信？
#:)#cow：其實就係因為想改變呢一個冇自信嘅自己，所以選擇咗呢個行業。由以前開始就好鐘意idol，曾經都有以成為idol嚟做目標，不過中途放棄咗...想改變呢一個會逃避嘅自己，所以開始咗呢份工作。我希望可以喺呢份工作上面好好努力，成為一個更有自信嘅自己#gold#cow



:)：原來係咁，背後原來有一個咁樣嘅故事，咁喺呢個行業工作咗幾個月之後，有冇感覺到自己有咩變化？
#:)#cow：我諗之後會有好多機會，可以好似今日咁接受採訪同拍攝，雖然係另一種形式，但都算係做到當時自己想做嘅事，我覺得有少少幫助到我回復自信。



- - - - -

想改變冇自信嘅自己！

:)：另外都想問下，當初點解會放棄想成為idol嘅夢想呢？
#:)#cow：喺嗰陣時覺得自己唔適合喺人面前露面，好驚，又好怕醜...

:)：而家呢份工作都係一份會引人注目嘅工種，你自己又點睇呢？
#:)#cow：而家每次開工都會好緊張，但係可以喺陌生人面前充滿自信，堂堂正正咁行出嚟嘅話，無論係男人女人都係一件好型嘅事。我想成為一個咁樣嘅人，所以帶著勇氣，喺呢份工作邁出第一步#power#cow



:)：咁樣古川小姐嘅夢想，係咪就係想成為一個好有型嘅女性？
#:)#cow：係吖，目標係成為就算只係著內衣都可以展露到自信微笑嘅有型女性。



:)：古川小姐外表咁可愛，如果行有型路線嘅話應該會有好大嘅反差。
#:)#cow：唔會唔會，喺外表同內在之間都係會有一定嘅分別。

:)：古川小姐外表似係一個擁有精彩生活嘅大學生，但其實仲係一個普通女仔...
#:)#cow：我都覺得自己一直喺度cosplay緊大學生咁#sosad#cow



:)：Cosplay？
#:)#cow：出到嚟社會之後，有好多唔可以再做嘅嘢，所以我一直喺度訓練自己要扮成熟，等其他人發現唔到我嘅幼稚#sosad#cow

:)：睇嚟古川小姐想成為一個social高手。
#:)#cow：我自己又唔覺喎，哈哈#hehe#cow

:)：仲識得反擊添，某程度上咁樣都係一種反差。



- - - - -

今個星期既說明部分

古川穗花嘅透明感

屬於indoor類型嘅古川，
透明嘅肌膚，修長嘅手腳，睇起嚟就好似小妖精咁。



古川穗花個腦轉得好快！？

睇起嚟軟綿綿，實際上係會扮傻吐槽嘅類型。
差啲俾佢扮出嚟嘅嚴肅樣呃到...



- - - - - 

出道只有3個月，充滿新鮮感嘅新人古川ほのか(古川穗花)，說明書企劃開始喇！
仲有好多仍然未知嘅魅力等緊我地去發掘！
下一集會睇到古川小姐令人意外嘅特技！
敬請期待！

 - - - - - - - - - - - - - - - - - - - - - - - - - - - - - - - - - - - - - - - -



「使用前請先閱讀💗～我的使用說明書～」訪問企劃 vol.12 古川ほのか(古川穗花) #2

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，今次嚟到呢個企劃度登場嘅係2022年5月出道嘅新人古川ほのか(古川穗花)。

「想改變冇自信嘅自己！」，懷著呢個信念踏入呢個業界嘅古川，不斷不斷嘅工作，顯示出佢嘅努力，當面對自己弱點嘅時候，依然努力做到最好。今次我地會發掘古川嘅嗜好，會唔會搵到一啲意料之外嘅長處？睇完之後，相信你都會開始想為佢打氣。



:)=記者
#:)#cow=古川

翻譯：新東寶翻譯製作

- - - - -

文學少女嘅意外特技

:)：上一集嘅訪問入面，古川小姐就話覺得好似戴著一個活躍系女子大學生嘅假面具...到底係咪真嘅呢？
#:)#cow：我覺得我完全冇呢種閃閃發光好活躍嘅感覺，怕生保，興趣又好老土，私底下亦都唔好玩SNS，又好少朋友，喺屋企一個人嘅時候基本上唔會講嘢...好多時都係咁。



:)：但呢類女仔其實好受男士歡迎，順帶一提，古川小姐平時嘅嗜好係？
#:)#cow：我好鐘意睇書#:)#cow由細到大我都係鐘意自己睇小說，多過出去同朋友玩，喺午休時間我會喺圖書館，由書架頭睇到去書架尾。



:)：原來係文學少女嚟，咁放假嘅時候係咪都係indoor派呢？
#:)#cow：係吖，而家都會喺屋企睇書睇戲，我唔係好鐘意出街，乜嘢運動都唔識，但自從開始喺呢一行工作之後，我開始近距離咁觀察到原來身邊有好多好好身材嘅女優，所以最近第一次嘗試咗個人健身。



:)：向前邁進咗第一步！體力有冇變得好咗？
#:)#cow：因為仲係啱啱開始所以冇咩分別#sadbutsmile#cow拍攝作品要用好多體力，所以我都要好好努力，演技又完全唔得，第一次拍劇情片嘅時候好唔順利，仲喊咗出嚟#sosad#cow但我想繼續俾心機去做...喺運動呢方面都係。



:)：古川小姐嘅努力大家都睇到，拍攝現場都聽到工作人員話「古川小姐嘅即興演技好犀利#like#tiger」
#:)#cow：我覺得背台詞真係好難，至於即興演出...可能因為我睇好多書，所以喺腦海入面有好多人物同對白會浮現到出嚟，咁樣嘅角色會講咁樣嘅台詞，一邊咁樣諗一邊去演出角色，我覺得咁樣好開心。



:)：真係令人意外嘅特技，但係做即興演出嘅時候會唔會好緊張？
#:)#cow：可能因為喺書入面有試過呢類擬似體驗，所以即興表演嘅時候又唔會點樣緊張，反而如果對白講到一舊舊咁嘅話個人就會好慌張#sosad#cow



- - - - -

雖然怕生保，但依然保持坦率嘅正能量

:)：又想問下古川小姐，頭先你話自己唔多朋友，咁咩類型嘅人先同你做到好朋友呢？
#:)#cow：嗯...我係一個好我行我素嘅人嚟，非常悠閒，所以如果對方係一個冇耐性，又或者係好執著要跟住時間表同計劃做嘢嘅人，咁大家嘅節奏應該會唔夾，所以我同其他一樣悠閒嘅人相處得好好，男仔都係一樣。



:)：係咪會特別容易對呢類人有好感呢？
#:)#cow：係吖...我鐘意有常識，可以lead著我嘅人，我覺得如果有一個人喺你錯嘅時候提醒你，係一件好幸福嘅事。



:)：古川小姐喺呢方面好坦率，應該係話有好強嘅妹系感覺。
#:)#cow：冇錯，因為我對自己冇咩信心，所以一啲簡單嘅建議對我嚟講係好開心。



:)：平時又會唔會攞自己同其他人比較呢？
#:)#cow：學生時期會有，身邊有好多人讀書同運動都比我好，我會因為做唔到然後變得好沮喪，所以我一直都秉承盡力而為嘅精神。



:)：正能量到爆，我都感動到想喊。
#:)#cow：但係...我好想可以有一日可以由咁樣嘅性格度畢業，所以如果有人同我講鐘意我嘅缺點，包括一啲我做唔到嘅嘢，我會好開心。



- - - - -

今個星期既說明部分

古川穗花透過睇書學到嘅豐富知識

由細個開始就係書蟲，展現出聰明一面嘅古川，
只要睇過一次就唔會忘記內容，記憶力好都係其中一個優點。

（譯注：明明上面先話自己記台詞好差...）



古川穗花意外地係犬系

雖然講過自己冇咩自信...
但對親近嘅人會好聽話，距離打開我嘅心扉仲需要一啲時間喔。



- - - - -

古川穗花完美嘅自我分析家，擅長啲咩，唔擅展啲咩，鐘意嘅類型等等，全部表達到出嚟。
慢慢咁，我都開始了解多咗古川。

下一集，我地會傾下古川嘅閱讀喜好同戀愛故事♥

敬請期待！

 - - - - - - - - - - - - - - - - - - - - - - - - - - - - - - - - - - - - - - - -



「使用前請先閱讀💗～我的使用說明書～」訪問企劃 vol.12 古川ほのか(古川穗花) #3

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，今次嚟到呢個企劃度登場嘅係2022年5月出道嘅新人古川ほのか(古川穗花)。

唔知道係咪打開咗心扉，古川比起一開始嘅時候講多咗好多嘢。雖然係怕生保，但睇嚟係打開心扉之後就會變得親近嘅類型。因為鐘意睇書嘅關係，古川嘅語言表達能力好高，今次係傾關於睇書呢個興趣，同戀愛嘅話題，仲會睇到佢嘅講究。



:)=記者
#:)#cow=古川

翻譯：新東寶翻譯製作

- - - - -

對於睇書呢個興趣，有非比尋常嘅講究

:)：古川小姐第一眼俾我嘅感覺，同而家俾我嘅感覺開始有啲唔同，仲有冇其他令人意外嘅一面？
#:)#cow：係啲咩令你咁意外？係咪覺得我有種好似唔識拒絕人嘅感覺#sosad#cow？



:)：唔識拒絕人，又真係有嘅。
#:)#cow：我係嗰種好信人地俾我嘅建議嘅人嚟，早排我先至買咗個人健身教練推薦我嘅一隻蛋白質粉，平時去shopping嘅時候都係，好容易聽哂人講，之後就俾人帶著走。



:)：咁樣會好容易買咗啲自己唔啱用嘅嘢。
#:)#cow：但係其他人推薦嘅書同動漫我都唔啱睇，越多人鐘意嗰啲我就越睇唔落去#sweat#cow

:)：會唔會係因為古川小姐睇好多書，所以要求特別高？
#:)#cow：睇人地推薦俾我嘅書同動漫，我會有一種好似睇緊其他人寄生咗嘅感情嘅感覺，所以當我去揀書同電影睇嘅時候，我鐘意一路行一路自己揀，雖然會有機會揀唔啱，但個感覺會好好多。



:)：所以人地推薦俾你嘅蛋白質粉就OK，但書就唔可以了。
#:)#cow：有時喺啲書封度，會寫邊個邊個出名嘅人推薦，一見到呢啲我就睇唔落#no#cow我會想嗰本書靜靜地，等我去發現佢出嚟，人地已經搵咗出嚟嘅嘢唔係幾吸引到我。所以喺呢種執著同隨便之間嘅差異，我覺得我算係比較激烈嘅類型。



- - - - -

古川穗花嘅秘密戀愛故事

:)：喺好嗰方面睇，古川小姐係一個好有深度嘅人。
#:)#cow：嗯～～不過講開又講，有時我冇辦法坦率咁接受人地對我嘅讚賞，好似早幾日我同化妝師傾計，我話「冇估到大家會讚賞我做嘅嘢！」



:)：慢慢理解到，古川小姐有啲似輕小說入面嘅主角咁。
#:)#cow：都可能係，有時當兩個人相處嘅時候，大家鐘意嘅嘢同唔鐘意嘅嘢，有機會會好極端，變成咗溝通障礙。



:)：不過有要求都唔係咩壞事，雖然同唔同嘅人都做到朋友係好好，但要知道自己鐘意啲咩，先至會知自己做到同做唔到啲咩。
#:)#cow：我都同意，我唔擅長用LINE同人溝通，因為我好我行我素，如果同一啲同自己步伐唔夾嘅人傾計嘅話會好攰，所以都可以話我對於做朋友嘅門檻係好高。



:)：咁樣講法，古川小姐係會想同拍拖對象保持相同步伐嘅類型？
#:)#cow：係吖...溫柔大方嘅人會比較好，例如可能想去嘅鋪頭冇開門、又或者serve嗰個店員態度好差、又或者食嘢嘅時候發現間餐廳有好多蟲喺度...喺約會入面一定會發生好多意外嘅情況，我鐘意一啲唔介意突發情況，享受現況嘅人#hehe#cow



:)：犀利，啲情況描寫得好具體。
#:)#cow：就算想去嗰間鋪頭冇開，都要享受搵其他鋪頭嘅過程，如果對方係一個咁樣嘅人，無論做啲乜嘢都會好開心，唔想同特別積極嘅人一齊，淨係想平平靜靜咁渡過。



:)：古川小姐意外地唔係一個注重細節嘅人，除咗睇書之外。
#:)#cow：雖然唔會在意約會嗰時嘅意外事件，但係會好在意對方係點樣諗，如果對方喺成個過程都表現到好悶嘅話，我會努力去改變個氣氛。所以如果對方係啲唔會諗太多嘅人，自己都會輕鬆啲#:)#cow



:)：年紀要幾大先至會適合？
#:)#cow：大年紀嘅會比較好，比起做姐姐，都係想喺自己鐘意嘅人面前撒嬌，對著自己心儀嘅人會變成好坦率，想撒嬌嘅類型。



:)：只要變得親近嘅話就會變成忠犬type。
#:)#cow：係吖，好似今次訪問咁，而家都越嚟越開心，講咗好多嘢，所以都有啲擔心會唔會講錯嘢#sad#cow



- - - - -

今個星期既說明部分

古川穗花喺鐘意嘅人面前會變成狗狗🐶

雖然鐘意同憎厭嘅喜好好極端，但親近咗之後就會變成狗狗🐾

只係會對自己親近嘅古川，太可愛了！



古川穗花對於自己鐘意嘅作家好有要求📕

當問到佢鐘意嘅作家係方個嘅時候，佢話：「我決定唔到...」
因為對書有強烈嘅愛，所以都有相應嘅研究。



- - - - -

隨著訪問繼續落去，緊張氣氛開始減退，講多咗好多嘢！
大家會想同古川小姐約會嗎？

下一次就會完成古川嘅使用說明書！
當睇完呢份說明書之後，包圍喺古川身上嘅神秘氛圍可能就會慢慢消失！？

敬請期待！

 - - - - - - - - - - - - - - - - - - - - - - - - - - - - - - - - - - - - - - - -



「使用前請先閱讀💗～我的使用說明書～」訪問企劃 vol.12 古川ほのか(古川穗花) #4

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，今次嚟到呢個企劃度登場嘅係2022年5月出道嘅新人古川ほのか(古川穗花)。

同清秀嘅外表相反，有少少御宅族感覺嘅古川，今個星期終於完成佢嘅使用說明書。今次訪問挖掘咗好多古川「深入」嘅一面，而佢本人仍然尋找緊佢將來嘅夢想，睇完呢個訪問之後，如果你有發現一啲適合佢嘅夢想，記得喺佢嘅SNS上面留言話俾佢知。



:)=記者
#:)#cow=古川

翻譯：新東寶翻譯製作

- - - - -

仍然尋找自我

:)：通過今次訪問，我知道咗好多古川小姐不為人知嘅一面。
#:)#cow：可能因為大家開始交心，然後就講咗好多嘢。



:)：真係可愛。
#:)#cow：我同自己交心嘅朋友會玩得好埋，如果唔係咁close嘅話，我覺得連坐埋同一枱食飯都有困難#no#cow諗諗下，我都唔係好擅長同其他人一齊食飯。



#:)#cow：好多人可以好輕鬆咁就講「下次出嚟約食飯！」，但對於我嚟講「一齊食飯」呢件事嘅門檻係好高...我唔習慣喺飯局入面講啲門面交際說話，會搞到我成日問啲低能問題#sweat#cow同埋我都唔鐘意一啲忽然同你拉近距離嘅人。



:)：嗯嗯。
#:)#cow：但我又可以同一啲忽然出現喺飯局嘅人相處得好好，可能因為唔需要預先打好關係，可以有一種講咩都得嘅安心感。

（譯注：呢段唔係好肯定係咪咁譯，譯極都唔係好通順。）

:)：又好奇問下，古川小姐鐘唔鐘意食嘢？
#:)#cow：其實一般般，平時唔肚餓嘅話就唔會食飯，淨係食零食就算，漸漸就連飯都唔係好想食。



:)：最鐘意食嘅零食係？
#:)#cow：嗯～百力滋，我個飽肚感好奇怪，可能因為平時成個人嘅節奏都好慢，所以好快就feel到飽肚。



:)：真係可愛。
#:)#cow：但係我好鐘意煮嘢食，我鐘意整啲嘢出嚟，好似音樂、畫畫，我想做多啲呢啲嘢。



:)：如果可以喺呢份工作入面挑戰到呢啲項目就好了。
#:)#cow：好似Vtuber咁，睇落好好玩好開心，整一個角色出嚟，用另一個身份去講嘢，好好玩。



:)：我都覺得好適合古川小姐，特別係因為古川小姐係一個有趣嘅人。
#:)#cow：吖，俾你發現咗...其實我鐘意同人傾計，感覺上會好有趣，而家嘅自己都仲係會想同人保持距離，唔想俾自己受傷，喺一開始嘅時候唔想俾自己陷入得太深。但由而家開始，我想open mind一啲#hehe#cow



:)：古川小姐有冇啲咩特技令你覺得適合做Vtuber呢？
#:)#cow：有啲難開口...我可以扮到初期Pokemon啲叫聲，仲要好好聽。

:)：係非常適合呢個行業嘅特技！
#:)#cow：有少少同我嘅人設唔係好夾，所以我一直都冇同人講過...



:)：似乎會誕生出第二個大喜利姐姐...又想問下，古川小姐鐘意嘅Pokemon係？
#:)#cow：係喺2ch上面俾人排喺「老土樸素嘅Pokemon排行榜」入面...我鐘意紅藍寶石世代嘅甜甜螢（イルミーゼ Illumise），螢火蟲系列嘅Pokemon。

（譯注：大喜利係日本嘅搞笑藝人技能，類似玩膠嘅表達手法，而第一個大喜利姐姐係深田詠美。）



:)：連呢啲地方都有反差，古川小姐果然係一個有趣嘅人，最後...想問下你將來嘅夢想係乜嘢？
#:)#cow：我想不斷探究唔同嘅新事物，我鐘意睇書，所以我想搵到一份可以俾我寫嘢嘅工作，同埋我都鐘意俾人影相，所以我想喺 #Escape 上面出一本電子寫真。

:)：收到，轉頭就同相關人士反映！



- - - - - 

古川穗花嘅使用說明書完成喇！



經過四個星期嘅訪問，古川ほのか(古川穗花)嘅使用說明書終於完成喇！越挖得深，越細味得耐，就見到更多古川小姐深入嘅一面，雖然佢話需要一段時間先至可以好好咁理解佢，但只要佢肯對你打開心扉，就會變得非常坦白。



使用說明書企劃，多謝你睇到嚟呢度！

下一次，將會係人氣急升嘅可愛baby face！
同絕頂身材嘅不平衡感！

「ひかりん」，梓ヒカリ（梓光莉）嘅訪問！敬請期待！

Posted by
標籤： , , , , ,

沒有留言:

張貼留言

訂閱： 張貼留言 (Atom)