兩日唱歌跳舞Live完咗之後，就做返佢哋本業身份嘅活動，7位女優一齊列席嘅「大合同Event」。
7個女優嘅活動點都會係要花多好多時間，要兼顧晒咁多個人，同時特典內容又唔能夠太敷衍，只能夠喺活動條件上面入手
平時嘅Event最多買夠3隻DVD就可以打爆，今次要打爆嘅話要買夠7隻，有分1部同2部，即係去晒兩部再加埋買爆，要買14隻DVD
買滿7隻碟嘅特典就係以下呢啲：
- 各女優嘅生寫真一張，一共7張
- 七個女優嘅握手
- 七人團體照＋一張後宮團體照（即係你同佢哋7個一齊影）
- 有寫你名嘅簽名色紙，一共7張
- 個人攝影每個女優7秒
- 同每位女優合照一張
- 每位女優嘅簽名即影即有相一張，一共7張
七隻碟望落個價錢好甘(3000羊一隻)，但睇返上面咁多嘢，其實除返開等於你買一隻碟，就可以同一個女優握手、簽名、一張生寫真、合照、影佢7秒，乘以7之後再送多你一張後宮大合照，咁樣計落又好似唔算太貴
於是當日，1部2部夾埋，我連埋幫香港朋友買嗰份，我一個人買咗33隻碟
每一部玩2次，再加臨尾買多一round 5枚 total係玩咗4.5轉
全日嘅活動無論係本地人定係外國人，只有我一個人係loop得咁誇張
貼相嘅同時都同大家詳細少少介紹一下呢7位女優
同埋一啲傾計嗰陣嘅小插曲啦
首先係Moodyz專屬嘅葵いぶき(葵伊吹)，外型喺上面都講過，係七個入面身材最均稱嘅一個，著住水著就睇到有前有後有腰有樣，得佢一個人嘅時候佢相當文靜，但當拍埋石原希望隔離就會變到嘈喧巴閉
佢喺MiLuna嘅自我介紹係「抱歉打擾了你的美夢，我是葵伊吹！」，因為佢個名嘅ぶき同起身嘅起き發音相似，所以就用咗呢個嚟做自我介紹
佢講呢句自我介紹嘅時候首先會扮訓教，然後等大家喺台下面叫醒佢，有時佢啲隊友玩嘢就會一直喺度傾閒計唔理佢，由佢繼續扮訓，有好幾次佢都忍唔住吐槽話點解你哋仲唔嗌醒我
（我個人覺得白色呢套水著啱佢多啲
）
之後係坐喺佢隔離嘅石原希望，同葵いぶき一樣都係Moodyz專屬嘅女優，特徵係有個大口
人哋就話男兒口大食四方，女仔咁大個口就唔知有咩好
（同葵いぶき相反，石原希望就比較襯黑色呢一套水著。）
頭先都有提到當葵いぶき同石原希望拍埋一齊嘅時候就會變到好嘈，兩個就會不停咁講嘢，排緊隊埋去影相嘅時候因為唔夠簽名即影即有，所以工作人員要同佢哋即場影，於是就出現一啲空檔時間，佢哋兩個就喺度教啲海外Fans點樣講啲奇怪嘅日文：
石：跟我講一次，「你望落好淫」（日文）
海外Fans：
？「你望落好淫」? 即係點解？
石：你唔好理住先，仲有呢句，「我想同你搞嘢」
海外Fans：？？？「我想同你搞嘢」...
石（擺個驚訝樣）：你哋啲海外Fans對日本女士講啲咁嘅嘢嘅
坐到最遠嘅未步なな：你哋唔好教佢哋講呢啲啦
（另外就係石原希望唔知點解識講廣東話嘅「你好」）
（佢哋兩個除咗合拍到會拍共演作之外，連分開擺pose影相都可以做到咁嘅效果。）
之後都係Moodyz專屬，妹系Idol系嘅小野六花，我個人非常鐘意小野六花嘅關西腔，係屬於每次見到佢我都會叫佢用關西腔講兩句俾我聽嘅程度。
：小野小姐，今日都可以聽到你用關西腔講一兩句俾我聽嗎？：新東寶我愛你！（關西腔）：多謝小野小姐
題外話我係香港嚟嘅，之前都有去過你嘅寫真集event。：係咩？真係多謝你。：下個禮拜知道你有台灣嘅攝影會，要好好加油。
（唯一有少少可以投訴下嘅係小野六花擺啲pose都幾悶，嚟嚟去去都係嗰三四個。）
然後係S1專屬嘅川越にこ(川越鈴子)。
（膚淺啲咁講，佢係當日七個入面最大波嗰個。）
七個入面我最唔熟嘅女優就係川越，一嚟片冇乜點留意，二嚟我對呢類小麥色完全冇癖好
所以冇咩可以同到佢傾，唯有提下佢呢兩日唱Live嘅時候發生嘅趣事：
：川越小姐你好，恭喜你做咗ねこまんまっ嘅隊長。（前一日喺Live上面無端端決定嘅事嚟）：吖！多謝你！：但記得唔好做好似古川呢一類嘅隊長，太惡啲隊員會唔服從。（因為古川喺Live上面俾人感覺好惡。）：哈哈哈哈！放心！我一定唔會！
（川越係一個陽光系開朗型嘅女優，評價就係得咁多。）
然後係古川嘅好姊妹，S1專屬嘅未步なな(未步奈奈)。
每一次去未步嘅活動都係幫朋友去，而未步都知道呢一樣嘢，所以佢都唔會專登做啲講啲想我沉佢船，去推佢嘅說話，每次我哋嘅話題唔係講緊我個fd，就係講緊古川。
（另外唔覺唔覺未步都已經係S1嘅前輩女優嚟。）
之後呢條囡叫佐々木さき(佐佐木紗希)，亦即係𠝹手妹，無論佢出咩event都會搵啲嘢遮住個手臂
當日七個女優，我哋成班海外嚟嘅Fans最有印象嘅就係𠝹手妹，因為佢真人俾人一種片入面冇嘅特別感覺。我嘅形容係呢個女優入行嘅原因肯定係有啲故事，轉數快、講嘢流利、跳舞唱歌其實都係hea跳，但你又覺得佢其實唔完全hea得晒，再加上喺大阪唱Live嗰日，嚟咗好幾個明顯做地下職業嘅女仔嚟搵佢影合照，令到我對呢個女優嘅好奇心都更加重
甚至喺傾計嘅時候，係佢主動撩起話題嚟同我講：
：你呢個係咩嚟？（指住我手上面隻戒指）：哦，普通戒指嚟，冇咩特別。（除出嚟俾佢睇）：哦～我仲以為係啲新科技嘢。：佐佐木小姐真人好有趣呢，呢幾日睇你喺台面表演對你好有改觀，同你出道嗰陣俾人嘅感覺好唔同。：係咩？聽到你咁講我都好開心，我有時都會開打機直播，得閒嘅話記得嚟睇。
（但其實佢係會喺直播嗰陣打打下機訓著咗）
最後就係我嘅古川，古川ほのか(古川穗花)。
古川算係我呢一兩年飛過去日本，繼續跑event嘅最大動力，為嘅除咗係見多佢幾面，同時都係喺佢身上繼續搵返自己嘅初心：單純地為咗一個自己鐘意嘅女優，想見多佢幾面，支持多佢幾次，而好傻咁樣飛幾千公里去見佢幾分鐘。
好傻，但人生就係不斷重複做呢類傻嘅行為，結婚成家立室，何嘗又唔係做緊一件傻事？只不過多人都咁做咁解。
（而古川當日做得最多嘅動作，就係望下其餘六個女優再用手指撩一撩自己心口，因為佢係七個入面最平胸嗰個，我哋成班古川Fans係咁安慰佢唔駛咁介懷呢樣嘢）
最後就係我個招牌pose嘅七連發：
最值錢嘅後宮大合照：
單人嘅普通合照冇咩特別就唔貼了，最特別係𠝹手妹嗰張，因為我埋去嗰陣唔知佢做咩玩緊面壁，於是我話咁不如一齊面，最後就出咗一張咁嘅合照：
（好似我都係第一次影到一張見唔到樣嘅合照。）
夜晚我哋成班海外Fans送埋佢哋七個上車，食個燒肉就解散各自歸國，我又完成咗今年嘅第二次旅程
（正所謂出外靠朋友，大家推嘅女優又唔同，咁就最方便換チェキ，呢一疊全部都係古川嚟。）
待續
沒有留言:
張貼留言