(原文於28-1-2026 hksecretparty刊登
https://hksecretparty.com/2026/01/28/av業界事務所巡禮第五彈：nax、light、diaz/)
2026年第一篇專欄，唔經唔覺喺HKSP嘅專欄已經踏人第五個年頭，都係老生常談嗰句，多謝HKSP嘅信賴，亦都多謝各位讀者嘅不離不棄，今年繼續請大家多多指教。
繼續係AV女優事務所巡禮系列，喺24年12月，由三上悠亜前經理人創立嘅オールプロ(allpro)事務所倒閉，唔少女優都轉投去其他事務所嘅陣營。今次介紹嘅呢三間事務所，就係不約而同地接收咗呢班因為前事務所倒閉而解約嘅女優：以下同大家介紹NAX、LIGHT、DIAZ，呢三間規模比較細，又咁啱都係有英文名嘅事務所。
（小野六花出道一週年嘅時候，有喺推文入面多謝帶佢出道嘅allpro事務所。）
NAX事務所，全名係「New Actor Experience」，我都係搵資料嘅時候先知道原來NAX嘅全名係呢個意思。
提起NAX事務所，最多人第一時間諗起嘅一定係佢哋嘅兩大皇牌女優，分別係Prestige專屬嘅鈴村あいり（鈴村愛里），同埋kawaii*專屬嘅伊藤舞雪。
（鈴村あいり）
（伊藤舞雪）
能夠手握兩間大型片商嘅招牌女優，NAX事務所嘅實力同簽人眼光，俾外界嘅感覺都係相當唔錯。喺簽入新人嘅方向感覺上係姐系類型偏多，例如有同樣都係Prestige專屬嘅釈アリス（釋愛麗斯）、長腿女優森日向子、辣妹風格嘅百永さりな（百永紗里奈）、仲有曾經嘅松岡すず（松岡鈴）等等，都係偏向輕熟、姐系嘅路線，俾人一種成間事務所都係大姐姐嘅感覺。
（釈アリス）
（森日向子）
無獨有偶，喺allpro事務所解散之後，佢哋接收返嚟嘅女優同樣都係姐系，分別有藤森里穗、同埋上年喺企劃單體女優界別，銷量最TOP嘅逢沢みゆ（逢澤美優），更加加強NAX事務所嘅實力，大有問鼎一線事務所地位嘅能力。
（藤森里穗）
（逢沢みゆ）
LIGHT事務所同上面NAX事務所就恰恰相反，主力女優多數以美少女、妹系為主，近年比較多人留意嘅係S1專屬嘅三田真鈴、村上悠華，都係LIGHT旗下嘅女優；另外仲有Moodyz專屬嘅石原希望、塔乃花鈴、新井リマ（新井里真），亦係LIGHT嘅實力派女優代表。
（三田真鈴）
（村上悠華）
至於招牌女優，首選係上個星期啱啱嚟完香港舉行見面會活動嘅西宮ゆめ（西宮夢），喺Ideapocket由小妹妹做到變輕熟姐系，西宮ゆめ喺LIGHT嘅資歷相當長久，同時亦係IP社嘅招牌女優之一。
除此之外，LIGHT另外仲有椎名そら（椎名空）、末広純、上羽絢等等唔同類型嘅女優，係一間包含咗相當豐富路線嘅事務所。
（西宮ゆめ）
呢兩年LUGHT最大嘅動作係簽入埋小惡魔女優松本いちか（松本一香）明顯睇得出松本喺簽入LIGHT之後舉辦活動嘅頻率比以前做企單嘅時候高出好多，當然都同佢轉為專屬女優有關，但LIGHT事務所嘅配合都起到一個相當關鍵嘅作用。可見一間積極，識得同女優配合嘅事務所，喺AV女優嘅仕途上係扮演一個好重要嘅角色。
（松本いちか）
同松本いちか一樣由allpro離脫嘅另一位小惡魔系女優，小野六花，佢就轉投去DIAZ事務所。
DIAZ事務所係今日介紹呢三間事務所之中規模最細嘅一間，手上嘅女優都比較老年紀，比較為人熟悉嘅有友田彩也香、長瀨麻美、若月まりあ（若月瑪利亞）等等。
（小野六花）
（友田彩也香）
DIAZ喺業界最大最大嘅「實績」，應該係打造咗明日花キララ（明日花綺羅）出道嘅成功，雖然後來明日花轉投去其他事務所，但DIAZ嘅官網上面依然放著「曾經提攜明日花キララ」嘅標語。明日花喺日本名人界嘅名氣相當大，用呢個綽頭嚟吸引素人過嚟見工，相信都會有唔少日本少女落搭。
（明日花キララ）
呢個事務所巡禮寫下寫下都寫咗超過十間事務所，我自己都喺寫文同搵資料嘅過程入面，溫故知新咗唔少資料，都有一啲女優係做做下功課先知「哦原來佢而家移藉咗嚟呢度」嘅情況。
AV業界每日都有新人出道，同時轉會嘅情況都係日新月異，只需要一兩個月，一個舊女優就可以轉會完成，以新嘅藝名重新出發。就好似上面提到松本いちか嘅例子咁樣，轉會之後女優嘅工作明顯增加，FANS見到佢嘅機會多咗，事務所都可以增加收入同名氣，係一個三贏嘅局面。所以AV女優真係唔怕生壞命，唔怕改錯名，但最怕真係跟錯事務所吖！
沒有留言:
張貼留言