(原文於20-3-2022 hksecretparty刊登
https://hksecretparty.com/2022/03/20/溫故知新，有邊個女優喺sky-tv-成人放送大賞攞過獎？/)
3月14號，由日本既收費電視平台スカイパーフェクTV (SKY PerfecTV) 所舉辦既，スカパー! アダルト放送大賞 (簡稱SKY TV 成人放送大賞)，喺疫情仍然肆虐既狀態下順利舉行。
因為限制咗網絡既關係，頒獎典禮當晚就算我用VPN都入唔到去睇，唯有喺Twitter度坐等比賽既結果公佈。而當晚既成績都同我預計既差唔多，由上一篇文有介紹過既本鄉愛 (原名二階堂夢)，成為大贏家，分別奪得 MVA (Most Valuable Actress) 、MTA (Most Technical Actress) 兩個獎項，而伊東める就奪得 MIA (Most Intelligent Actress)。
基於疫情關係，AV界既幾個頒獎典禮都由2020年起逐一停辦，所以呢一次能夠成功舉辦既SKY TV 成人放送大賞都算別有意義，亦都為疫情下既AV界帶起唔少話題。今年亦都更改咗賽制，將所有入圍既女優都放喺同一個組別度競爭。但其實喺以前既賽制下，入圍既女優會分成三個組別，有女優部門、新人部門、熟女部門，每個部門各一個設有一個大獎。呢一種賽制對入圍女優嚟講會公平一啲，新人唔需要擔心唔夠其他已經入行一段時間既女優鬥，熟女女優同青春女優大家各自有自己既戰場，唔駛打到頭崩額裂。
鑑於都有唔少朋友分析過今年大獎既賽果，小弟都冇咩可以特別再補充，所以就想同大家講下呢個SKY TV 成人放送大賞，過往有啲咩攞過獎既知名女優，同大家溫故知新一下。
首先由女優賞講起，2008年既得主係好多80後90後既女神RIO，日葡混血既佢深得好多影迷既愛戴，05年出道，16年引退，引退之後就多數只可以喺RED DRAGON酒吧裏面見到佢，時至今日RIO依然係唔少男士既青春回憶。
最近RIO喺個人Instagram上面就表示將會再次發行喺2019年出版過既Photo Book，睇相都真心覺得而家35歲既RIO仲係好靚，鐘意佢既朋友就不妨留意下喇。
2012年既得主係成瀬心美，高登仔連登仔口中既美心瀨粉，09年出道，13年引退，只有短短幾年既業界生涯時間。14年開始就以歌手、藝人既身份繼續出現喺大家面前，有自己夾band，有自己既電台節目，仲會以前AV女優身份接受訪問，直至現時為止都仲會偶而見到佢同其他同期出道既AV女優聚會，係一個相當勤力自主既女性。
來源：http://blog.livedoor.jp/getero-diet/archives/51774890.html
之後就輪到2014年既得獎者波多野結衣，我諗都唔需要點樣特別要再介紹，連波姐都唔識就真係要俾老師打手板。2008年出道，直到今日依然活躍喺AV業界，總作品數量超過2800套，喺14年同時亦係DMM全年女優銷量既第一位，FANS國藉橫跨整個亞洲區，被稱為「世界的波多野」。
想當年，我仲有搵過台灣朋友去搶購有佢個樣既台灣悠遊卡...
近返少少，2018年既女優賞係由天使もえ(天使萌)奪得，而喺15年既時候天使もえ已經喺呢個頒獎禮上面拎過新人賞，成為繼紗倉まな之後第二個拎齊兩個大獎既女優。
最令我印象深刻既，係相當好勝既佢喺攞完獎之後所搞既慶祝活動，足足持續咗差唔多一年，當時差唔多去齊日本各個縣市既AV碟鋪搞慶祝event，算係我見過慶祝得最誇張既一個得獎女優。
天使もえ除咗喺SKY TV 成人放送大賞拎過兩個大獎，亦喺DMM既成人大賞度拎過最優秀新人賞，如果2019年佢唔係輸咗俾相沢みなみ(相澤南)既話，就將會係第一個拎齊哂兩大成人大賞新人賞同女優賞既女優，亦將會係後起之秀難以達成既一個目標。可惜，佢遇上既對手係相沢みなみ，將佢呢個夢想狠狠咁破滅咗。
以後有機會就同大家講下天使もえ同相沢みなみ，呢兩個女人之間既恩恩怨怨。
跟著我地睇下熟女女優，2012年既得主係北条麻妃，2006年以白石さゆり(白石小百合)呢個藝名出道，09年改名做北条麻妃，19年加入熟女女優片商Madonna，今年45歲。
值得一提係睇返wiki北条麻妃身高原來去到168cm，相當高大既熟女呢。
2020年，由SOD女子社員身份下海既綾瀬麻衣子，奪得熟女女優賞，今年49歲。
綾瀬麻衣子喺18歲既時候曾經以沢口まりあ(澤口瑪利亞)呢個藝名出道，只係拍咗一年就離開業界，直至2018年以46歲既高齡加入SOD宣傳部，加入一個星期後推出Debut作，其後轉投片商Madoona成為專屬女優。
佢亦係業界入面少有見證著90年代到2010年代變遷既女性之一。
熟女女優我真係唔熟，就唔喺度獻醜喇，一齊睇埋拎過新人女優賞既女優：2013年既得主係紗倉まな(紗倉真菜)，由工業學校出身既紗倉，11年由SOD出道，轉頭間已經喺業界度過咗超過十個年頭。
而家既紗倉除咗係SOD既一姐之外，仲係一位作家、歌手，時不時會見到佢以AV女優既身份喺清談節目裏面出現，以獨特既女性角度評論時事，感性既文筆亦都深受好多女性FANS既歡迎。
2017年係由食可愛大既桃乃木かな(桃乃木香奈)攞到新人女優賞，呢個亦係佢唯一一個擊敗同佢同年出道既三上悠亜而奪得既獎項。2015年出道，一直都係Ideapocket片商既專屬女優，亦係惠比壽麝香葡萄既主要成員，可以同日本藝能界偶像匹敵既超可愛樣貌，真人亦係可愛到不得了。
另外桃乃木かな既「かな」既由來，係Ideapocket其中一位製作人鐘意既陪酒女郎藝名，中文譯做「香奈」。
19年既得主係唯井まひろ(唯井真尋)，2000年出世，冇記錯係當時業界既第一位00後女優，同紗倉まな一樣都係SOD出道，唯井自己憧憬既女優亦係紗倉，呢個亦係作佢下海既其中一個契機。
唯井係初期最早開始玩Youtube既AV女優之一，至今累積咗接近31萬Subscriber，喺最近既全裸監督第一季都有見到佢既客串出演。
以上就係幾位比較多人認識，喺SKY TV 成人放送大賞上面曾經攞過獎既女優。我個人認為呢類AV業界既頒獎禮唔多唔少都可以炒熱氣氛，增加話題性，對於鐘意睇AV既朋友嚟講係不可或缺既一環，為自己鐘意既女優打氣拉票，為攞唔到獎既女優感到可惜，對於AV FANS嚟講都係一個相當特別既過程。
隨著疫情漸退，往日無奈被逼取消既AV業界頒獎禮有機會逐一捲土重來，睇嚟AV江湖又要掀起一陣腥風血雨了。
沒有留言:
張貼留言