龍年新正頭見AV女優行大運 Part 5

2月21號星期三，今日要出去買嚟緊下個禮拜茉城まみ嘅event飛，印象中都冇咁快完售嘅#confuse#rabbit所以大安旨意瞓到自然醒先出去，果然東京大夜合冇呃人，一出門口就見到落緊毛毛雨：





10點先開門，9點嚟到嘅我見到門口淨係排咗一個大叔，咁涷又落雨喺度企足一個鐘傻的嗎#heard#pig過去隔離老麥食個早餐先啦#cigar#cow



去到唔同國家麥當勞，最應該要試嘅係一啲當地嘅特式menu，好似今日呢個咁就係雙層豬柳加煙肉加蛋再加沙律汁嘅特別飽：



坐到差唔多夠鐘先落去買飛，呢啲先係AV Fans嘅生活態度#wine#pig之後就喺秋葉原附近逛下，好少可喺落雨嘅期間行老秋：





午餐係同啱啱到埗嘅戰友食嘅壽司郎，真係好麻麻#phone#dragon我都係鐘意食はま壽司多啲#eat#dragon




今日嘅第一埸活動係早兩日先影完嘅天海つばさ:)



點解咁on9見完又見呢？除咗因為唔同衫之外，上次嘅event冇包簽名環節，今日嘅呢埸包埋喺入面，唔駛另外加錢，所以又過嚟同啲姨姨傾下計：


（兩套衫嚟講我自己就鐘意早兩日粉紅色嗰套多啲，呢套...唔識欣賞#drink#dragon）

機會難得就梗係問下天海姨姨有冇食神好介紹啦:)

#:)#cow：天海小姐你好，上次你介紹嗰間燒肉又係頂到冇得頂，同幾個香港朋友一齊去食，連阿叔都讚好。
:)：係好食呢！？呢一間真係好鬼正，喺中野仲有另一間台灣嘢嘅，又係AV業界啲人好鐘意去嘅餐廳。
#:)#cow：（已經拎定電話出嚟）請話俾我知係咩名！
:)：咩名...咩名呢...你試下search中野跟住台灣料理。
（搵咗兩分幾鐘都搵唔到）
:)：唉...我電話又唔喺度，搵唔返個名，但係係喺中野入面。
#:)#cow：都...都冇辦法啦#sad#cow
:)：一係就...拉面！我自己有間拉面好鐘意食。
#:)#cow：（又拎返部電話出嚟）請話俾我知係咩名！

直到落筆嘅呢刻，我都係未去食嘅#:D#dragon食完再寫返出嚟俾大家#bye#dragon




（天海姨姨一如以往咁同每一個FANS都超級好傾，再加埋佢咩都簽名，每個嚟參加嘅FANS至少都對住佢5分鐘。）

之後就去見Madonna呢間人妻片商入面嘅小妹妹，栗山莉緒：



差唔多每次過嚟都撞正有佢嘅event，今次除咗一見到我就已經講到我個名之外，栗山都仍然係嗰個唔駛唞嘅栗山，所有大笑、大叫、衝出嚟無端端摟下你、極度大反應等等，都話俾你聽，佢仲係一個細路女嚟：










喺簽名嘅時候，我哋講起一啲關於偶像同FANS嘅話題：

:)：問你新東寶！你知唔知我啲FANS嘅總稱係乜嘢？
#:)#cow：（心諗唔好再難啲）真係唔知#sorry#cow樹咪媽些#sorry#cow
:)：係叫「栗子波」！
#:)#cow：栗子波？遊戲王入面嗰個栗子波？
:)：咩遊戲王？
#:)#cow：呢個...我搵俾你睇..（即刻上網搵圖）
:)：哦...唔係呢個，栗子波唔係講緊呢個。
主持人：日本人講栗子波，係講緊呢個。



#:)#cow：呢隻嘢叫栗子波咩！？第一次聽。
:)：喺日本個個都係咁叫。
主持人：In Japan！

咁就...當我唔識嘢啦#sorry#cow


（簽名嘅時候佢跟住我搵俾佢遊戲王栗子波嗰幅圖，畫咗隻「栗子波」俾我，我話似咸蛋超人入面隻怪獸多啲。）


（當日靚晚係又唔記得影招牌，又唔記得影正餐，淨係記得影個甜品嘅Cafe ガスト，個甜品係餐廳同SPY Family一齊合作嘅限定menu。）

2月22號星期四，今日除咗去event之外，香港朋友仲話想落去銀座買嘢，咁啱我都要落去銀座嘅Starbucks Reserve幫另一個香港朋友買隻特別版杯，於是就一齊落去#free#pig


（又涷又落雨真係人都癲#;-[#pig）

搭地鐵落去嘅途中搵下銀座有咩好食，搵到一間米芝蓮拎過獎嘅拉麵，但去到現場發現排隊嘅人太多#;-[#pig唔想淋住雨捱涷排隊，於是我哋退而求其次，去食另一間沿途經過見到，感覺上都應該唔錯嘅拉麵：


（太多人喺度唔方便影個門口，但呢間聽講係好出名嘅拉麵店。）


銀座 創龍 東京都中央区銀座6-4-18 マキシドピアビル 1F

都係有黑同白嘅湯底揀，食到都有啲悶悶哋#confuse#rabbit換個魚介濃湯轉下口味：


（加多5隻細餃子都係180円#agree#rabbit同行友人形容係灣仔碼頭嗰種細size。）

呢間嘅味道就比較大眾化同普通，屬於但求填飽個肚，冇乜要求就可以嘅選擇，再加上喺銀座嚟講價錢都唔貴，真係冇咩idea嘅不妨一試:)


（係咪淨係銀座先係咁？冇乜點見過餐廳嘅廁所有埋漱口水#drink#dragon）

然後就喺銀座行咗一個下晝，我目標要去嘅Starbucks Reserve算係高級版嘅Starbucks#bye#rabbit有啲入面先有得買嘅限定商品；買完之後就梗係唔爭在整返杯中產嘅生活態度：


（飲咗杯綠菜latte，非常好飲，個杯仲好靚。） 

臨返去秋葉原之前經過一間蘋果批鋪，入去又每人擺低800円：


GRANNY SMITH APPLE PIE & COFFEE 銀座店 東京都中央区銀座5-2-1 東急プラザ銀座 B1F


（係一個可以揀醬汁嘅蘋果批連雪糕嘅set，口感唔錯，下午茶一流。）

今日嘅第一場event係S1嘅新人，佢個樣我一直覺得同本鄉愛有啲似#confuse#rabbit佢叫做早坂ひめ（早坂姬）：



除咗個樣之外，佢仲有另一樣都同本鄉愛有相似，就係個心口嘅硬度#heard#pig不過…作為葵司FANS嘅我好似冇咩資格批評呢樣嘢#arrested#pig








傾計嘅時候:

#:)#cow：早坂小姐你好，我知道你係拍TIKTOK出身，不過有啲可惜，香港睇唔到TIKTOK。
:)：吓～？點解嘅？
#:)#cow：因為TIKTOK ban咗香港#sad#cow
:)：哦原來係咁#confuse#rabbit不過唔緊要吖，喺Instagram都睇到，我會剪啲short出嚟擺喺IG嗰邊#confuse#rabbit
#:)#cow：都只能夠係咁呢。
(好似有啲dead air，唯有用嗰個唔係幾鐘意用嘅話題。)
#:)#cow：係呢，第一次睇到早坂小姐Debut作封面嗰陣，覺得你個樣同另一個叫本鄉愛嘅女優有啲似。
:)：係有少少似，哈哈。


（嗰日係日本嘅貓之日，一齊扮下貓#swipe#cat）

似樣呢個topic到底要點樣開展傾落去先不失尷尬呢#confuse#rabbit我到而家都搞唔掂#confuse#rabbit


（話說唔知係咪主持人都見我哋兩個冇咩嘢傾咁，主動叫早坂寫埋我愛你落去，用多啲時間#bye#dragon）

之後去見嘅係上年同楪カレン一齊嚟過香港嘅真矢みつき（真矢充希）:)



喺上個月真矢就發表咗引退嘅消息，所以今次專登過嚟同佢打聲招呼：



#:)#cow：真矢小姐好耐冇見。
:)：好耐冇見呢。
#:)#cow：真矢小姐下個月就引退呢，有啲寂寞。
:)：多謝你嘅支持就真:)
#:)#cow：能夠喺真矢小姐第一次嚟香港嘅活動入面做到Staff，係我嘅榮幸。
:)：上次嚟香港真係好開心！
#:)#cow：有機會嘅請你再嚟玩！係呢，真矢小姐引退咗之後打算做啲咩？
:)：嗯…應該會去飲酒[sosad]可以放縱一下了[sosad]



對於我自己嚟講，長大嘅感覺係點樣？就係見到自己認識嘅AV女優一個接一個引退。

祝願真矢小姐引退後生活愉快#bye#rabbit




嗰一晚朋友提議話隔離萬世燒肉好似就嚟執笠，不如去試下#confuse#rabbit嚟過咁多次秋葉原都真係未試過#confuse#rabbit一於去朝下聖先#confuse#rabbit


焼肉の万世 秋葉原店 東京都千代田区外神田1-16-1 トゥモロービル 6F
（要留意高啲有隻牛嗰幢係鋸扒食西餐，過返條橋喺彈珠機鋪隔離嗰幢先係食燒肉，兩邊係分開。）


（唔知係咪算好彩，兩個人食都俾咗間房我哋。）

因為睇見啲menu啲平假名同英文都唔知邊樣打邊樣，於是就簡簡單單嗌個course唔駛煩：


（成個course唯一唔好食嘅，係呢兜冷麪#eat#dragon）

食落so far都覺得唔錯，連埋1000円嘅增量，每人都係港紙300蚊左右，間唔中可以嚟豪一次#cigar#cow

不過尋日聽另一個朋友講，話原來萬世燒肉唔係執笠，而係成棟嘢要拆#slap#cow之後會搬過去新嘅地方，所以唔駛一定要趕住嚟食#slap#cow


（入餐廳條走廊似足香港啲酒樓。）

待續
Posted by
標籤： ,

沒有留言:

張貼留言

訂閱： 張貼留言 (Atom)