「使用前請先閱讀💗～我的使用說明書～」訪問企劃 vol.11 天海つばさ(天海翼) 前篇+後篇



「使用前請先閱讀
💗
～我的使用說明書～」訪問企劃 vol.11 天海つばさ(天海翼) 前篇

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，今次登場嘅係Ideapocket嘅招牌女優，喺業界已經活躍咗超過10年嘅大牌女優，天海翼。

咁多年嚟一直不變，擁有不可思議嘅魅力，相信好多人都想了解佢不為人知嘅一面。今次我地就嚟好好發掘一下つーちゃん(tsuchan)嘅個性同價值觀。



:)=記者
#:)#dog=天海

翻譯：新東寶翻譯製作

- - - - -


同性感嘅外表相反，天海翼嘅可愛度

:)：今日就請天海小姐多多指教，可能有啲急... 啱啱喺做呢個採訪之前簡單咁傾咗幾句，覺得天海小姐真人同想像中嘅印象有啲唔同。
#:)#dog：冇見過我真人嘅話，好多人都以為我係好似女皇咁嘅感覺，至少喺外表上，同喺業界嘅年資都俾你以為係咁... 但實際上完全唔同。
我覺得自己係相當坦率嘅類型，對一啲熟嘅人我會同佢講「多啲讚我！記得下次要再嚟見我！」，我會想咁樣話俾佢地知。不過我都係啲怕生保人嘅人嚟，所以對著啲第一次見面嘅人會變到唔出聲，人地會覺得我好恐怖#@_@#dog...



:)：原來係咁嘅一回事。
#:)#dog：雖然好多人都話我係S，但都只係一開始俾人嘅印象，實際上我係多慮同多心嘅類型，又好細膽。而家好鐘意打Golf，冬天嘅時候同其他人一齊去打，我會帶哂所有人份量嘅暖包同冷涷Spray，俾人笑我做多咗#upset#dog

（譯註：唔係好明點解又要帶暖包又要帶冷涷Spray，可能兩者配搭嚟用有其他功用。）



:)：咁講法，與其話天海小姐係女皇feel，不如話係似一個會照顧人嘅大姐姐，而且好容易同人傾到計，好健談。
#:)#dog：我覺得裝起個面具做人好辛苦，我完全做唔到，所以之前都捱過唔少苦。喺讀書嘅時候去過加油站度返工，試過因為一路做野一路食雪糕所以俾人鬧#beg#dog自己想做乜就做乜，有時仲會發脾氣。但我同啲鐘意寵我嘅人相處會好舒服，當佢地lead著我嘅時候，我會跟哂佢地講嘅嗰個模式去做，完全跟哂佢地。



- - - - -

過份坦率嘅戀愛觀，意料之外嘅好奇心

:)：好難想像天海小姐同喺SNS上面又性感又型嘅形象咁唔同，咁喺戀愛方面，天海小姐又係咪鐘意lead著對方嘅人呢？
#:)#dog：我係一個感覺行先嘅人嚟，所以以前拍拖嘅對象個個都唔同type，有啲係狂野型，有啲係可愛系嘅後生仔。我接受唔到嘅條件得好少，如果連呢啲條件都冇哂嘅話，基本上可以話係來者不拒，我淨係唔鐘意啲唔乾淨同埋亂扔野嘅人，除此之外都冇問題。



#:)#dog：外表上，如果對方唔係啲好潮嘅，我會買埋衫俾佢；佢鐘意剪短頭髮嘅，我又會係咁讚佢剪得好好睇。總之一鐘意咗之後就會一心一意，有咁多就付出咁多嘅M系嚟。

:)：再問多少少，天海小姐仲鐘意啲咩類型嘅人？
#:)#dog：我好鐘意飲酒，如果對方都係鐘意飲酒嘅話我會好開心，一有酒喺度就好容易打開話題。我有一間去咗10年有多嘅小酒館，每個月都會喺嗰度開見面會，因為成日都去，所以FANS有時都會嚟酒館度同我打招呼，有時私底下都會一齊飲。



:)：咁正！咁係咪個個都相處得好好？
#:)#dog：如果係同我一齊快快樂樂咁飲酒嘅話，我絕對歡迎；但如果係嚟性騷擾嘅話，嗰啲就好煩#no#dog



:)：天海小姐講野夠哂直接，聽講好奇心仲好旺盛，係咪去到嗰個時候就唔會怕生保？
#:)#dog：對著FANS嘅話，多數都唔會怕生保。我好了解我自己，所以我知我好奇心真係好旺盛，咩都想試一次，好似我知自己係運動白痴，但如果有人邀請嘅話，唔理係咩活動我都會去。好似滑雪咁，其實我好驚又成日跌，但我只係想盡力做好，同埋追上到其他人。

:)：無論做咩事都咁努力，有一種忠犬嘅率直感覺。
#:)#dog：哈哈，好似個大細路咁。



- - - - -

今個星期既說明部分

同外表相反，天海好似小朋友一樣咁坦率

因為係按照感覺嚟行動嘅類型，所以某程度上就好似個大細路咁
呢一份坦率如果你buy嘅話，就係一條perfect stright line！



天海仲有多慮嘅一面

因為感覺自己太幼稚，需要反思嘅地方有好多，準備工作亦都做得好足。
所以成日都有好多行李。



- - - - -

下一集將會有S1嘅小島みなみ(小島南)加入呢個說明書企劃？
準備咗好多小島南FANS一定要知道嘅故事♡
敬請期待～

下一集係7月22號！
千析唔好錯過喔。

 - - - - - - - - - - - - - - - - - - - - - - - - - - - - - - - - - - - - - - - -



「使用前請先閱讀
💗
～我的使用說明書～」訪問企劃 vol.11 天海つばさ(天海翼) 後篇

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，今次登場嘅係Ideapocket嘅招牌女優，喺業界已經活躍咗超過10年嘅大牌女優，天海翼。

喺前篇嘅訪問，我地睇到つーちゃん(tsuchan)意外地率直嘅一面，今次我地會聽佢本人剖白「做返自己」嘅原因，聽著佢嘅故事，慢慢就明白天海翼一直維持咁靚嘅原因。



:)=記者
#:)#dog=天海

翻譯：新東寶翻譯製作

- - - - -

充滿親切感嘅天海翼，朋友都係FANS同大叔

:)：喺前篇訪問天海小姐就有睇到最近好鐘意打Golf，平時嘅假日又係點樣渡過嘅呢？
#:)#dog：本身我係室內派，淨係鐘意同隻狗一齊懶懶散散咁hea，同埋會打機，但係自從開始打Golf之後，個人就活躍咗。開始鐘意同人相處，總之有人約我嘅話無論邊度我都會去，最近就係因為打Golf，朋友圈入面都係啲40 50歲嘅哥哥#hehe#dog就算喺小酒館都好，都係有好多呢類人，一直都係喺大叔嘅圈子入面玩。

:)：應該係因為天海小姐俾人有一種親近感，所以好受大叔佢地歡迎。
#:)#dog：不過與其話係受歡迎，反而係比較似好似個女咁俾人疼錫嘅感覺。好似見面會咁，本身只係因為我想飲酒所以先搞#tasty#dog結果見面會就變咗酒會，同好多FANS都已經有好深嘅互相理解，大家都好似朋友咁。





:)：既然咁有親近感，點解喺SNS上面又睇唔到有呢種感覺呢？
#:)#dog：咁樣講可能會俾人鬧... 其實係因為我成日都唔記得打開SNS嚟睇，所以我可能真係唔適合玩。淨係鐘意自拍擺上IG，但我喺呢一方面係好認真做嘅。我對SNS真係冇咩興趣，我覺得與其係咁，不如直接見面傳達感受會比較開心。



#:)#dog：同埋之所以唔經常開SNS，係因為我份人比較小心同細膽，好驚search自己個名之後會睇到啲唔舒服嘅野，我就係呢種類型嘅人。

+

- - - - -

與其加啲野上去，寧願努力維持現狀

:)：作為Ideapocket嘅招牌，天海小姐都已經活躍咗一段長時間，順便問下，喺美容方面有冇啲特別注意嘅地方？做咗咁多年都keep著咁有魅力，真係好犀利。
#:)#dog：喺美容方面一直都注意嘅係「維持現狀」，我唔希望再有啲咩改變，淨係想保持而家咁，之前有人懷疑過我係咪有去整容，但真係一次都冇做過。與其加啲野上去，寧願努力維持現狀。



#:)#dog：喺出道嘅時候曾經有講過，喺Ideapocket完約之後我就會引退，但而家就想喺引退之後都仲會繼續搞唔同嘅活動，而家嘅我想更加努力#bark#dog無論減肥又好美容又好，都冇試過長時間咁堅持，淨係用氣勢同毅力去努力維持現狀。而家開始咗喺屋企做鍛鍊，不過通常三日左右就會走去練另一樣新野。



:)：而家網絡世界都有好多地方可以搵到呢啲訓練嘅資訊。
#:)#dog：冇錯！雖然我成日唔記得自己要po野，但我會去睇人地po野，好似護膚產品咁，我喺網上面見到有興趣我就會即刻買。同埋我仲會follow一啲可愛嘅人同搞笑嘅人，FANS我都會follow，仲有一啲我同佢見過面嘅人我都會咁做。

:)：天海小姐都應該係潮人嚟，我見你身上面都戴著好多野。
#:)#dog：呢樣其實只係興趣嚟，我鐘意襯衫，所以我會買好多衫，有時我仲會送啲衫俾女性朋友，因為真係買到屋企都塞唔落#escape#dog我鐘意啲高級品牌同casual wear，不過著得最多都係睡衣。如果一個人去買野嘅話，會淨係著睡衣去，冬天嘅時候因為想暖啲，會著住公仔衫出街。

:)：突然之間嚟個free style[sosad]不過都睇到天海小姐小朋友嘅一面:)




- - - - -

一直以嚟都係「做返自己」，理由係

:)：天海小姐嘅自我風格同我行我素，身邊嘅人一定都感受到，但係喺同新相識嘅人相處嘅時候，喺處理人際關係上面會唔會有壓力呢？
#:)#dog：我雖然怕生保，但唔會在意其他人嘅目光，一諗到啲咩就會講出嚟，所以完全唔會有壓力。



:)：所以基本上都唔會特登做啲咩去放鬆自己？
#:)#dog：放鬆嘅話基本上都係去飲酒，但如果話要去到特別放鬆嘅話，真係未試過，我覺得咁樣好自由自在。有時見到網上面啲過份言論都會想講兩句，但係訓一教就會咩都唔記得哂。



:)：能夠做到咁自在嘅秘訣係啲咩呢？
#:)#dog：之前聽過一句說話令到我好感動，「強加自己的理想在對別人的期待，正因為有期待，所以感覺被背叛。」。女仔大多數都係希望對方可以讀心嘅生物，但係我自己就試過因為呢一啲期待，而同身邊嘅人嘈交#bark#dog所以雖然咁樣講好老土，但我都係覺得諗到啲咩就坦率講出嚟會比較好。



:)：都有少少明白，反正去到最後都係會忍唔著爆出嚟，咁不如一開始就坦率啲，周圍嘅人都會容易啲理解。
#:)#dog：對著第一次見面嘅人我都會係咁，唔會對對方有太好嘅期待，然後當對方超出咗個期待嘅時候，我就可以好開心咁同佢地一齊玩。



:)：多謝天海小姐分享呢個生活小竅門，最後可唔可以同大家講下你未來嘅目標？
#:)#dog：目標... 呢一份工作已經做咗一段長時間，我感覺到我嘅工作內容喺度穩定變化緊。而家開始多咗同SNS有關嘅工作，相反喺書刊同雜誌就慢慢越嚟越少，所以我想一直做一啲新嘅嘗試。而家嘅我希望可以有幾耐就做幾耐，所以我嘅目標就係做所有要求我做到嘅野。

:)：最後請你同FANS講幾句說話。
#:)#dog：最基本一定係感謝，係一定要！希望大家會多啲嚟見我，咁樣我都會好好咁愛大家！




- - - - -

天海翼既使用說明書完成喇！



天海翼嘅使用說明書覺得點呢？
一直支撐著Ideapocket嘅天海翼！恆久不變嘅美麗，之後繼續請大家多多指教！



感謝你睇到呢度！
下一集我地將會繼續發掘S1專屬女優，小島みなみ(小島南)一直維持開心狀態嘅思考方法！
Posted by
標籤： , , , , ,

沒有留言:

張貼留言

訂閱： 張貼留言 (Atom)