「使用前請先閱讀💗～我的使用說明書～」訪問企劃 vol.9 希島あいり(希島愛里) #1-4



「使用前請先閱讀💗～我的使用說明書～」訪問企劃 vol.9 希島あいり(希島愛里) #1

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，嚟到第九集登場既係大家都好期待嘅Perfect Beauty 希島あいり(希島愛里)。喺2021年年尾，「#希島あいり奇跡の33歳」(希島愛里奇蹟的33歲)成為咗Twitter嘅熱門話題，雖然擁有壓倒性嘅美貌，但似乎佢整人都有唔少對自己冇自信嘅地方。連閃閃發光嘅相片都無法傳達，きじ(kiji)嘅真實情感係...？



:)=記者
#:)#mouse=希島

翻譯：新東寶翻譯製作

- - - - -



透過工作改變咗嘅事

:)：希島小姐今日請你多多指教，果然真人比起上鏡仲要更加可愛...
#:)#mouse：你好第一次見面，我係希島愛里，請你唔好咁讚我～！俾人咁講我會好怕醜#please#mouse



:)：雖然係第一次見面，但係希島小姐俾人嘅印象好溫柔。
#:)#mouse：好開心聽到你咁講，可能係外表俾到人咁嘅感覺，成日都聽到第一次見面嘅人會話「仲以為你係一個傲嬌嘅人...」

:)：太靚嘅人都有一種令人難以接近嘅氣場，但係喺希島小姐身上，說話方式同動作都傳達到溫柔感。
#:)#mouse：好多謝你...！原本我係怕生保，唔出聲嘅類型，所以都有一段時間好難喺其他人面前表現自己，而家應該克服咗唔少。



:)：原來怕生保，不過都有少少明白呢種心情。
#:)#mouse：真係嘅？本身對於外表同內心都有自卑感，思考好消極，亦都唔擅長處理人際關係，所以為咗改變咁樣嘅自己我就加入咗呢個行業！

:)：咁而家對自己多唔多呢種自卑感呢？
#:)#mouse：...都仲有，不過雖然仲有好多，但入咗呢一行之後會有「鐘意真實嘅自己」呢個諗法，喺好多場合都有咁樣同自己勉勵嘅機會。其實自己在意嘅地方同埋性格都係好好！要有自信！「咁我就咁樣做啦！」，慢慢就變得有自信#yea#mouse...
所以而家唔會好似以前咁怕生保，只要有支持我，同我講鐘意我嘅FANS喺度，我就同自信聯繫起嚟，向著前面行落去！



:)：每一個人都有自己嘅煩惱同憂慮，但我見到希島小姐就只係覺得「好可愛！」，所以聽到你咁講自己都係有啲驚訝。
#:)#mouse：我諗每個人都會咁樣諗過，但可能有人會唔在乎，有人會好在乎。在我嚟講我覺得我個胸好細，同埋我對於我塊臉嘅輪廊由以前開始就好自卑... 仲有一啲其他地方，不過講完你嘅注意力就會去咗嗰啲位，所以都係唔講好啲#cheer#mouse
當我覺得煩惱嘅時候，身邊嘅人都會同我講一句魔法咒語「而家咪幾好！」，所以我覺得而家唔需要勉強去改變，一直在意著都好辛苦，逐啲逐啲咁喺大家身上攞到自信心，努力咁愛上自己覺得自卑嘅地方！



- - - - -

Perfect Beauty都係慢慢培育出嚟嘅技能



:)：面對自卑感係一件好難嘅事。
#:)#mouse：呢樣真，由以前開始就唔鐘意自己呢個好似男人嘅臉型#ohno#mouse所以一直都盡力隱藏起嚟，但喺呢份工作嘅過程裏面同髮型師傾計，佢地講咗「越想隱藏嘅話塊臉會顯得越長哦～」，同埋「希島小姐其實抬高啲塊臉，會更加顯得塊臉細啲！」之類嘅建議。
於是就換咗一個輪廓顯得冇咁重嘅髮型，一開始都有啲抗拒，而家已經開始習慣了！

:)：喺髮型同化妝方面，有啲咩特別在意嘅地方呢？
#:)#mouse：因為我都唔係好熟，喺拍攝現場見到化妝師同我用嘅化妝品效果好好，所以我就跟著去買，平時都好鐘意用。髮型就要根據唔同嘅現場環境嚟轉變，其實我比較鐘意一啲深啲嘅顏色，頭髮深色啲都會俾到人一啲柔和嘅印象，所以我一直都特登揀啲適合自己膚色嘅髮色。



:)：原來希島小姐唔熟悉化妝，有啲意外。
#:)#mouse：由以前開始化妝就好差，成日都俾人一種好厚嘅上色感，不過雖然唔係化得好好，亦都有唔順利嘅時候，但係喺LIVE同活動嘅時候都係自己化妝，所以除咗善用化妝師嘅建議之外，漸漸都做到適合自己嘅妝出嚟！
最重要係要有客觀嘅著眼點，化妝呢樣野只要你搵到適合自己嘅野，成個世界就會唔同哂。我最近都改變咗眉毛嘅位置，成塊臉俾人嘅感覺柔和咗，即刻變靚咗#bye#mouse



:)：原來係眉毛嘅位置。
#:)#mouse：本身我塊臉嘅部位都比較集中，所以將兩條眉中間嘅位畫濛啲，將兩條眉嘅距離隔遠啲，就會出到嚟一種好柔和嘅感覺。有時俾人感覺好傲慢好無禮貌都係令我有自卑感嘅地方，喺呢一方面落少少功夫，幾毫米嘅差異毫可以改變成塊臉嘅印象，化妝嘅力量真係犀利。

:)：美容意識都係喺持續工作之中漸漸掌握嘅技能。
#:)#mouse：係吖，因為係喺人前現身嘅工作，所以美容意識每年都喺度提高緊，同唔同嘅人相遇之中得到嘅知識同建議，慢慢就同自信聯繫埋一齊！



- - - - -

今個星期既說明部分

經常俾人稱讚♡希島愛里鮮明嘅輪廓

本來好自卑嘅輪廓，因為接收到大家嘅稱讚所以漸漸愛上咗！



好有禮貌，希島愛里係一個好好嘅聆聽者。

因為本來好怕生保，所以交流嘅時候一直都好有禮貌。
會好留心聽人地講野，說話溫和。



- - - - -



說明書企劃Vol.9登場嘅係希島愛里！
喺佢口中講出有好重自卑感嘅說話，但係喺FANS嘅支持同身邊人嘅建議建立嘅基礎上，慢慢消除緊呢種自卑感！
大家都不妨試下搵出連希島小姐都冇注意到嘅魅力啦！

下次將會帶俾大家關於希島小姐私生活嘅部分！

 - - - - - - - - - - - - - - - - - - - - - - - - - - - - - - - - - - - - - - - -



「使用前請先閱讀💗～我的使用說明書～」訪問企劃 vol.9 希島あいり(希島愛里) #2

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，嚟到第九集登場既係大家都好期待嘅Perfect Beauty 希島あいり(希島愛里)。基本上極少喺SNS上面提及過私生活嘅希島小姐，佢本人都話「冇出過任何關於私生活嘅po。」，但相信都會有讀者有興趣，今次我地就嚟發掘希島小姐私底下嘅戀愛故事，同埋喺屋企點樣煮飯！



:)=記者
#:)#mouse=希島

翻譯：新東寶翻譯製作

- - - - -

喺SNS上面都睇唔到？希島嘅戀愛故事

:)：雖然啱啱希島小姐就講過唔識得處理人際關係，但喺訪問講野方面希島小姐好細心。
#:)#mouse：好多人都話我「冇估到你都幾好傾。」，正正就係因為俾人嘅印象好難接近，所以講野嘅時候都會比較小心同慎重。
同埋因為唔擅長講野，所以經常都會俾人誤解，我係唔會太主動去表達自己嘅類型，但當我同對方了解得越嚟越深嘅時候，我就會越講越多#solution#mouse...



:)：有一種大姐姐嘅感覺，我覺得呢個係一個好好嘅地方。
#:)#mouse：其實我好鐘意同真人接觸，同淨係見到相片嘅感覺唔一樣！可以咁講。





:)：喺SNS上面經常會見到同狗狗有關嘅po，但關於其他私生活嘅po就好少，所以希島小姐總係俾到人一種神秘感。
#:)#mouse：因為好鐘意狗狗，所以一直都係講呢個話題比較多。私生活好少有野可以po，我就係咁樣嘅一個人，亦都好耐冇拍拖，以前朋友同化妝師都會問我「最近點？」，不過最近都冇聽到佢地問了#notcry#mouse

:)：咁可惜...
#:)#mouse：田為冇遇到啱嘅人，所以冇辦法，當我鐘意一個人嘅時候，我眼入面就只係會見到佢，但我覺得好難兩個人都做到咁。如果將來引退咗嘅話，可能會喺呢方面努力啲...



:)：但係一諗到希島小姐咁可愛但係又咁少戀愛經驗，就有種莫名嘅親近感。
#:)#mouse：可能好意外，但我真係一個好普通嘅人，而且仲好細膽。

:)：但當認真起嚟嘅時候，就無人能敵了。



- - - - -

維持身材苗條嘅秘訣係「健康嘅飲食生活」

:)：講起嚟希島小姐身材咁好，平時有啲咩注意嘅地方呢？
#:)#mouse：保濕同埋做運動，呢啲基本野一定會注意，但係又冇話特別做一啲野去護理，就好似帶狗狗去散步咁，好普通。
不過因為踏入3字頭，就開始注重內部嘅護理，補充維他命C同骨膠原，食多啲自己煮嘅飯。



:)：維持健康嘅生活就係變靚嘅最大秘訣。
#:)#mouse：我平時會帶一啲膠原蛋白啫喱喺身當係零食，最近好沉迷料理，所以食得好健康同開心#ohyes#mouse

:)：平時會煮啲咩呢？
#:)#mouse：最近買咗新嘅電飯煲，可以煮啲好食嘅米飯，所以就開始鑽研一啲好食嘅飯系料理，最近第一次整西班牙海鮮飯，平時多數整湯咖哩同菜肉卷。因為鐘意飲酒所以喺夜晚仲會飲少少，但食飯就好難忍，每次都會食好多。




:)：呢啲就係希島小姐平時放鬆休息嘅時間。
#:)#mouse：喺拍攝嘅前一日會注意一啲飲食，但我覺得要保留一啲唔需要咁care嘅時間俾自己#vampire#mouse



- - - - -

今個星期既說明部分

喺SNS上面都睇唔到，希島愛里喺家庭嘅一面

雖然冇喺SNS上面上傳過，但其實每日都會下廚♡
(採訪嘅時候仲睇過啲相，睇起嚟好好食！)



從健康飲食塑做出嚟，希島愛里嘅身材曲線

喺食飯方面係不忍耐派，透過適當嘅飲食同運動，保持著女性獨有嘅身材曲線！



- - - - -



希島小姐意外嘅私生活，覺得點樣呢？
因為鐘意食飯嘅關係，每日都用電飯煲挑戰各色各樣嘅料理。
幾時先會喺SNS上面睇到呢？之後就要留意喇。

下一集我地一齊睇下希島小姐抒發壓力嘅秘訣！

 - - - - - - - - - - - - - - - - - - - - - - - - - - - - - - - - - - - - - - - -



「使用前請先閱讀💗～我的使用說明書～」訪問企劃 vol.9 希島あいり(希島愛里) #3

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，嚟到第九集登場既係大家都好期待嘅Perfect Beauty 希島あいり(希島愛里)。透過呢個採訪，我地可以睇到希島小姐細心又友善嘅一面，但越認真嘅人就越容易感受到壓力，今次我地同大介紹只有工作咗10年先知道嘅「將壓力釋放溜走」嘅方法。



:)=記者
#:)#mouse=希島

翻譯：新東寶翻譯製作

- - - - -

要唔好積累壓力，就要注意唔好太過努力

:)：希島小姐喺好大壓力嘅時候，會點樣做嚟消除呢？
#:)#mouse：會點做呢... 最近為咗唔好俾自己積累壓力，我會注意自己要快啲on off返個狀態，我係嗰種會積累壓力然後憂慮好耐嘅人嚟，如果唔識得點樣解決呢啲壓力嘅話，身體就會好快病。
有一段時間係連自己都唔知個原因喺邊，但而家我嘅治癒時間就係同我隻狗狗玩，咁我就可以reset返自己個狀態！



:)：有冇一啲防止壓力積累嘅秘訣可以同大家分享下？
#:)#mouse：同狗狗一齊散步，身體攰嘅時候就一定要去浸浴放鬆一下，訓教嘅時候會點一啲鐘意嘅香味蠟燭。因為我好鐘意而家呢份工作，所以冇乜點樣覺得辛苦，但係一入咗工作mode嘅話就會努力到過咗籠#please#mouse
經常都會俾人話我係完美主義者，所以我會注意著等自己唔好太過努力，唔好以100%作為目標，改做80%左右，偶而都要咁樣俾自己做一次。意思唔係俾自己做到啱啱好就算，而係等自己帶著一種恰到好處嘅「馬馬虎虎」心態嚟做野，咁樣人生先至會變得好... 呢個建議係我喺某個人身上學習返嚟！所以最近嘅格言係「馬馬虎虎都OK」#yea#mouse




:)：所以喺減肥方面都係「馬馬虎虎」就OK喇。
#:)#mouse：其實我淨係食咗一次肉！我試過一個月嘅時間咁樣俾自己去忍耐，但果然忍著胃口唔食想食嘅野咁樣係唔好。最重要都係好好面對自己，同身體好好商量，仲有就係盡量創造多啲舒服嘅環境同埋笑多啲。



:)：唔好全部都偷懶，最重要係平衡。
#:)#mouse：係吖，我覺得將我自己在意嘅地方做到可以短時間內改善，咁樣會比較好。例如最近在意臉部鬆弛嘅話，喺沖涼嘅時候將橡筋勾喺耳仔度，做一啲臉部嘅淋巴護理，可以唔駛駛錢，只係用一條像筋就輕鬆完成，所以我覺得最重要係了解自己嘅能力，唔好俾自己over咗咁樣做落去。


- - - - -

喺SNS上面都要認真交流！個契機係...

:)：希島小姐SNS上面有咁多Follower，有冇覺得咁樣經營SNS好攰呢？
#:)#mouse：又唔算好攰，我已經習慣咗每朝起身打開Twitter睇comment，而且有好多都係溫柔又溫暖嘅comment，所以倒不如話呢啲係我成日嘅能量來源，每一日都感受到呢啲係我活動嘅精神支柱。

:)：希島小姐都俾到人一種同FANS之間羈絆好強嘅形象。
#:)#mouse：支持我嘅人都係一班友善同出色嘅人，所以我好安心！而家我開始有一個意識想要傳達多啲自己嘅野俾大家，希望能夠儘量同更多嘅人交流，所以我會繼續玩SNS。我亦都想要營造一種輕鬆愉快嘅傾計氛圍，想同大家成為好朋友#lihkg#mouse




:)：容易同人傾到計嘅人，就會容易俾到人親近感，希島小姐可以傳達到呢種性格特質俾身邊嘅人。
#:)#mouse：聽到你咁講好開心，多謝你！

:)：希島小姐連自拍相都好可愛，我喺Instagram上面都有save低希島小姐嘅相。
#:)#mouse：好開心！本身我唔擅長自拍，但係身邊嘅人不斷鼓勵我，令到我逐漸有返啲自信。喺Twitter上面儘量每朝都upload相，起身之後同大家講早晨，然後開始同大家交流#solution#mouse

:)：可以咁樣同FANS交流真係開心。
#:)#mouse：好開心知道FANS鐘意我影嘅相，就算隔著好遠距離都好，都可以透過呢種方式嚟同大家聯繫！




- - - - - 

今個星期既說明部分

希島愛里一對會吸人入去嘅眼睛

以前唔擅長同人對視傾計...
而家會儘量努力♡望著對眼嘅話會俾佢吸引著



唔好太勉強自己，希島愛里俾人嘅一種成熟感覺

人生格言係「唔駛咁努力」、「馬馬虎虎」
正正就係因為經歷過唔同嘅事，所以有咗而家呢個諗法



- - - - -

下一集就完成呢份使用說明書喇！
最後會完成一份點樣嘅說明書呢... 敬請期待！

 - - - - - - - - - - - - - - - - - - - - - - - - - - - - - - - - - - - - - - - -



「使用前請先閱讀
💗
～我的使用說明書～」訪問企劃 vol.9 希島あいり(希島愛里) #4

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，嚟到第九集登場既係大家都好期待嘅Perfect Beauty 希島あいり(希島愛里)。出道嘅十週年，成為3字頭嘅女優，希島小姐依然一直繼續努力，喺工作同生活上學到好多重要嘅野。懷著強烈嘅心情，希島小姐有想同各位傳達嘅訊息，包括對FANS嘅感謝，當中嘅意義令記者都為之動容。



:)=記者
#:)#mouse=希島

翻譯：新東寶翻譯製作

- - - - -

想喺各色各樣嘅活動之中改變「乜野都冇嘅自己」

:)：希島小姐嘅工作範圍好廣闊，包括一啲偶像相關嘅活動，係咪由以前開始就鐘意唱歌呢？
#:)#mouse：學生時期有喺卡拉OK度打工，所以經常聽到好多流行曲，聽到一啲好正嘅歌嘅話會喺收工返屋企嘅時候哼著唱#ohyes#mouse不過雖然鐘意唱歌，但係喺朋友面前唱嘅話會好緊張... 以前係唔擅長喺陌生人面前唱歌。



:)：咁跳舞呢？本身有冇經驗？
#:)#mouse：完全冇#please#mouse只係對跳舞好有興趣！入咗惠比壽麝香葡萄之後就開始記唔同歌曲嘅舞步，雖然好辛苦不過都好開心！
因為喺學生時代就已經好鐘意運動，所以參加過籃球、田徑、羽毛球等等各色各樣嘅社團活動，喺以前體育堂仲有玩過壘球同足球，就算而家玩返都仲見得下人。

:)：好強嘅運動神經！又睇到希島小姐意外嘅一面。
#:)#mouse：哈哈，成日俾人覺得我應該係喺吹奏樂部，所以講親呢啲成日都會嚇親人。





:)：希島小姐仲有涉獵埋電台主持人同舞台劇，有啲咩原因驅使你去做咁多唔同嘅活動呢？
#:)#mouse：可能係因為我好鐘意表演，因為有好多嘅挑戰精神，所以而家可以挑戰唔同嘅野覺得好開心。我好鐘意「努力」呢個字，而家我深深感受到努力嘅重要性，唔可以逃避自己唔擅長嘅野。
以前對於咁笨拙嘅自己覺得好自卑，努力嘅其中一個理由就係想發掘出新嘅自己，希望可以以各色各樣嘅形式令FANS覺得開心。




#:)#mouse：喺我開始而家呢個工作之前，我一直都對於做咩都唔順利呢樣野好失望，但而家我可以好正面咁諗到「呢樣野我可以做得到」、「諗法唔同嘅話成個人都會有改變」，可以做到積極咁樣去思考事情。

- - - - -

失望都好而家都會享受，希島傳達俾每一位嘅鼓勵



:)：開始咗呢份工作之後，身邊嘅人有冇覺得你變咗呢？
#:)#mouse：經理人同朋友都有講「你變得勁咗！」，我諗喺精神上自己係有變化！

:)：希島小姐回顧返又覺得自己有啲咩變化呢？
#:)#mouse：到咗30歲之後覺得自己嘅應對能力同靈活性冇以前咁強，20歲嘅時候會對於3字頭有恐懼，有好多煩惱，自己嘅職業生涯應該點算，結唔結婚好，我唔知道點樣先至可以令自己嘅人生順利。
但而家我覺得過咗30歲每日都會好開心，我得到咗好多好寶貴啲經驗，能夠做到嘅範圍一直喺度擴大，就算撞板都好都會同自己講「唔緊要！一定有其他方法！」，只要唔好諗得太深入，就發現到其實人生可以好順利。




:)：我覺得識得咁樣諗嘅人好犀利，因為大家都會對將來有各種各樣嘅不安，經常會有思緒煩亂然後失眠嘅夜晚。
#:)#mouse：我都好理解你嘅心情，正因為我都係咁，所以挑戰好多唔同嘅野，挑戰、努力、失敗... 但只要試過好多次，人生同埋決定嘅時機就會變得隨便。





:)：能夠堅持做一件事都好，都已經係好偉大。
#:)#mouse：的確每一項活動我都堅持咗好長嘅時間，因為每一個活動嘅內容都唔同，所以都有好多美好嘅相遇，喺堅持嘅過程入面人同人之間嘅關係都會變好，我想努力維繫呢種緣份。

:)：最後請希島小姐同各位讀者講幾句說話。
#:)#mouse：有時我會失去自信，但都會俾大家嘅comment同「鐘意你！」呢啲話話拯救咗，我想透過各色各樣嘅活動嚟報答一直支持我嘅大家！
任何人都會有唔順利而感到痛苦嘅時候，但係喺呢9年我喺大家身上學習到「就算喺痛苦嘅日子入面，都會有好事發生。」，然後繼續行落去。
雖然煩惱同不安都係因人而異，但我希望可以喺大家困難嘅時候，成為傳達笑容俾大家嘅存在，我會繼續努力！請大家多多支持！



- - - - -

經過一個月既訪問之後，希島愛里既使用說明書都完成喇！



希島愛里嘅說明書覺得點樣呢？
除咗AV女優嘅工作之外，一直都擴大緊活躍嘅地方。
跟著落嚟都請好好關注之後嘅活動！
鐘意呢個企劃嘅你，要加入希島Family嗎？




說明書企劃感謝你睇到呢度！
下一集就係出道5週年！被稱為「さくもも」(sakumomo) 嘅桜空もも(櫻空桃)！
Posted by
標籤： , , , , ,

沒有留言:

張貼留言

訂閱： 張貼留言 (Atom)