2019年12月份FANZA月間榜 Top 100女優

 大家好今次帶嚟19年12月最後一份成績表

最近小弟既本命宣佈咗引退心情唔係幾好冇咩心機做情報
如果最近有咩update慢咗既，就希望大家多多體諒

一齊嚟睇睇12月邊個最好賣

以下括號入面係全年排名
冇寫即係全年頭100名不入

1位 (51位) 根尾あかり 企劃單體女優
4位 奏音かのん 企劃單體女優
(9位) 深田えいみ 企劃單體女優

首先又唔知點解深田えいみ冇份入12月榜之前都試過有一個月係咁，唔知佢到底係點計
上面呢3位企單女優都係19年既表表者，人氣同銷量都有一線既水準，當然最具話題性一定係深田えいみ
而另外兩位雖然冇咁注目，但每個月都有穩定表現。身材方面兩個都冇咩睇頭，冇大波，冇長腿，演技兩個都差唔多，都係靠多產取勝。
唔知2020年會唔會見到佢地幾個合演呢


2位 (13位) 高橋しょう子 Moodyz專屬
5位 (2位) 三上悠亜 S1專屬

S1同Moodyz既招牌專屬女優，同時亦都係AV業界既專屬女優最高點。
可以提一提既係高橋しょう子今年總成績都差過上一年，反而三上悠亜仲比佢穩定。
未來三上悠亜既發展會越嚟越似「拍AV既地下偶像」，有自己時裝品牌，繼續係惠比壽麝香葡萄既招牌成員，女Fans數目越嚟越多，拍AV只係每個月工作既一部份；至於高橋しょう子似乎仲未睇到有咩新發展既方向，今年好似有出演過一部日本本土電影做女主角，照咁睇佢既路線似乎係想向演員方面發展。
AV方面三上今年偶有佳作，高橋就睇題材，劇情類似乎真係比較適合佢。


3位 安齋らら S1專屬

今年如果安齋らら唔係咁遲先出返嚟，會唔會可以撼動到三上同高橋既地位?
銷量上我覺得安齋絕對可以同以上兩位平起平坐，但如果以人氣嚟講，多方面發展既三上，由寫真女優開始儲落一大堆Fans既高橋，都比安齋らら高好多。
睇返RION同宇都宮時期，都係每個月出片但接近冇活動既情況，今次會唔會有咩改變呢? 拭目以待


8位 小梅えな 企劃單體女優
16位 (16位) 稲場るか 企劃單體女優
57位 (5位) 松本菜奈実 企劃單體女優

幾位巨乳女優，我擺埋一齊嚟討論，大家會睇得舒服啲
首先係小梅えな，由8月響Moodyz出道，到最近跳出嚟做企單女優，成個流程比我想像中快。以佢呢個條件要響Moodyz做長期專屬應該冇咩問題，咁快就跳出嚟可以理解為想多勞多得，又或者想拓闊一下自己既戲路(?)
松本菜奈実都係同樣情況，今年年頭由S1跳出嚟做企單女優，周圍拍片，中出等等既解禁不在話下，以月榜成績嚟講唔算好好，但普遍要上頭100都冇咩大問題。
至於稲場るか就勝在穩定，之不過我個人對呢種黑底女優冇咩好感


10位 永井マリア 企劃單體女優

永井應該會係嚟緊熟女界既一姐。
今年年中出道到而家成績都唔錯


11位 (14位) 渚みつき 企劃單體女優
12位 (26位) 永瀬ゆい 企劃單體女優

都係同類型既蘿莉女優，幾開心既係今年Top既女優好多元化，咩界別都有，冇咗早幾年得三上高橋獨大既情況。
百花齊放先係業界既良性發展
先講渚みつき，今年年頭出道，基本上除咗同巨乳冇關既題材之外都有拍過，相當拼摶。
至於永瀬ゆい就地下偶像身份下海，個樣比起渚みつき討好，但戲路睇落就冇渚みつき咁闊，不過都已經解咗唔少禁。
蘿莉女優市場相比起其他我覺得比較細，好少有女優跑得出，希望以上兩位可以Keep住。


15位 白石茉莉奈 SOD Star專屬

超過一年冇出新片，聲稱係去咗減肥既白石茉莉奈，1月終於都喺SOD Star出卒業作。
聽講下一站係熟女片商Madonna，祝白媽新發展順順利利。

17位 (39位) 河合あすな Prestige專屬

作為園田引退之後既蚊香社主力，河合今年既表現相當稱職。
今年FANZA成人大賞攞咗最優秀新人賞，月榜都長踞上游位置。
近呢一兩年蚊香社好多主力女優都因為種種原因唔見人，唔知係風水唔好定點，希望河合可以坐穩個專屬位置


19位 (27位) 松下紗栄子 Attackers專屬

松下今年有幾個月唔見咗人，以為佢又學似其他女優咁去整一整再返嚟? 但又睇唔出有咩分別
除此之外So far都冇咩大事發生喺佢身上，有時冇新聞都係好新聞

20位 神宮寺ナオ Madonna專屬

今年年中神宮寺去Madonna做專屬，可以稱得上係最好既決定。
雖然外型上我覺得佢未去到熟女既階段，不過去到Madonna發展又意外地好
不過熟女市場競爭真係好大，要維持銷量真係唔容易

21位 (3位) 美谷朱里 企劃單體女優

今年全年總成續去到第3，只係輸俾波姐同三上，美谷朱里真係雖敗猶榮。
以外型同演技嚟講美谷我覺得唔算好突出，但可能真係啱日本人口味，所以一直都賣得唔錯。
出道先至兩年多啲已經有咁既成績，真係好犀利。


25位 山岸逢花 Premium專屬

其實我成日都以為成個Premium淨係得佢一個專屬女優


27位 白坂有以 Moodyz專屬

今年年尾Moodyz既重點新人，非常青春，拍得住SOD嗰個久留木玲同青空ひかり。


28位 (61位) 明里つむぎ Ideapocket Attackers 雙專屬

業界而家有條件有能力做雙專屬既女優唔多，今年希崎引退，就由明里補上呢個IP Attackers雙專屬既空缺。
可以睇到明里既演技不斷有進步，而且天生一副美人胚子，我覺得話佢係業界Top 5美女都唔過份。
期待2020年明里有更好既表現


29位 (56位) 鈴村あいり Prestige專屬

蚊香社既隱藏人物今年繼續極少露面
而啲片都係一貫好賣，不愧係蚊香社既鎮店之寶

30位 (32位) 水卜さくら Moodyz專屬

Moodyz銷量既第二把交椅，天下無敵既白裏透紅，再加上一對大奶奶，俘虜咗無數影迷。
今年適逢櫻空狀態唔穩定，水卜既表現就更加多人留意，演技同活動都有進步，未來都可以期待一下
不過話就話有進步，但啲演技有好多都仲係慘不忍賭加油吖水卜


31位 (65位) 市川まさみ SOD Star專屬
35位 (41位) 紗倉まな SOD Star專屬

今年SOD真係表現平平，除咗小倉由菜之外，我覺得冇咩有睇頭既女優值得留意。
劇本方面係硬傷，SOD人腳其實唔差，但啲題材真係唔吸引，導致啲專屬女優好似硬係上唔到一線咁。
紗倉同市川表現中規中距，前者有才女身份加持，後者就公關手段高明再加惠比壽葡萄隊長，人氣都仲可以維持住。
新一年希望SOD爭氣啲，再咁落去就變二線片商架啦


33位 (8位) 橋本ありな S1專屬

貴為18年最優秀女優賞得主，橋本ありな係無容置疑既好賣，呢種好賣既意思係就算佢拍咩題材咩劇本都好，都一定有一班死忠Fans俾錢埋單。
雖然整容令唔少人詬病，但係都無阻佢人氣捷捷上升。甚至去到女Fans層面，我個人覺得佢同三上係不相伯仲。
2020年有傳消息係橋本將會轉會去SOD，暫時未知會係幾時既事，我相信今年上半年應該就會見到。
作為AV影迷就當然想女優可以拍多啲題材既片，但係以Fans嚟講就唔係每個都接受到解禁既事實，甚至會有Fans因為咁樣而棄追。
2020年我地就睇下橋本可唔可以繼維持高人氣啦


39位 (44位) 桜空もも Ideapocket專屬

今年桜空啲片冇咩大問題，但佢個人就有少少唔穩定。
上半年有經理人handle佢既工作，開始見返活動變多，亦都有自己既OFF會(Fans聚會，唔同一般DVD碟鋪活動)。但嚟到12月佢既個人IG有一日無啦啦爆咗張鴛鴦浴既相出嚟
女優有男朋友其實都冇咩大問題，大家畢竟只係睇片打丁，但桜空就似乎俾大家既反應嚇親，又或者係男朋友(?)唔想張揚，結果經營得好地地既個人IG又話俾返事務所管理。
唉點解咁好條件既女優偏偏又咁多災多難呢


41位 七沢みあ Moodyz專屬

今年開始發力既小惡魔型女優，如果上面渚みつき同永瀬ゆい拍既太重口味唔啱你，不妨睇下七沢みあ呢類輕騎少少既，中和返個感覺


44位 (4位) 篠田ゆう 企劃單體女優

成人台最愛既篠田ゆう，19年全年成績都非常好，累積銷量去到第4，輸少少俾美谷朱里，不過兩個唔同類型，以熟女/痴女界別嚟講已經係Top級數。
同埋原來篠田ゆう2011年出道之前真係冇留意開

47位 (1位) 波多野結衣 企劃單體女優

唔計VR等等冇出碟既作品，波姐而家有超過1400套作品上架。2008年出道，11個年頭，即係平均每年出128套AV作品。
唔講AV，你一年有冇睇128套戲?
波姐真係淨係拍片既數字都已經嚇死人

46位 (10位) 天使もえ S1專屬
52位 (11位) 葵つかさ S1專屬

S1入面最好賣暫時都仲係三上悠亜，而喺安齋らら仲未出返嚟既19年，有大半年天使もえ都長駐片商頭五甚至頭三既位置。
我好鐘意將女優活動同人氣掛鉤，因為肯為咗見女優而買碟既，八成都係死忠Fans(當然都有啲日本人咩女優活動都去)，而睇活動門劵既銷量就可以知道個女優既人氣大慨去到邊。
天使既活動係以多見稱，你可能會少見到佢喺秋葉原，但反而咩岡山、北海道、名古屋、福岡...你會見到佢會去呢啲地方度搞活動，而且仲要大部份都賣哂飛。
唔係每個女優都有信心出秋葉原搞活動，好多響秋葉原都賣唔哂飛既，事務所同片商都唔會有信心俾佢地去其他地區，一陣賣多嗰十零廿張飛就真係車馬費都蝕埋
所以女優活動係最反映到人氣既地方，就係咁既原因。
至於我老婆葵つかさ呢...19年得一個寫真集公開活動，雖然啲飛都賣得好好，不過都希望佢下年會多返啲活動啦


51位 (91位) 伊藤舞雪 Kwaii專屬

同七沢一樣都係今年開始發力既女優，又一隻潛力股。


59位 (67位) 桃乃木かな Ideapocket專屬

新一年繼續睇桃乃木食食食
至於AV，已經係佢副業嚟啦


62位 小野夕子 Faleno專屬
76位 葵
前身係葵，改名再復出。不過咁樣同一個人響個榜霸兩個位都係第一次見
順帶一提係佢而家既新事務所就係葵司嗰間，同事務所仲有安齋らら


63位 (17位) 羽咲みはる S1專屬
69位 (18位) 坂道みる S1專屬

兩位S1既一線尾專屬女優
羽咲一直都有一班死忠Fans支持，銷量大致上都冇咩大問題，響S1既位置暫時睇都冇咩危險。
坂道今年同最優秀新人賞擦身而過，但以前景嚟講我覺得佢比河合更加樂觀，影迷一致認同佢既床上演技，外型同活動表現都合格有突，大有條件可以做到天使もえ咁銷量同活動人氣都稱皇。
同埋如果S1再有咩大粒既走人或者移藉，佢地兩個就夠哂條件上神枱了


75位 (73位) 初川みなみ Moodyz專屬
77位 藍芽みずき Moodyz專屬
初川我會界定為Moodyz既一線女優，但同S1 IP等等既一線比既話佢都係仲有一段距離。
今年年頭初川中出解禁之後，演技同人氣都好咗，本身初川條件同外型都唔差，而家都可以算係吐氣揚眉。
至於藍芽みずき就係今年Moodyz既重點新人，比起S1今年嗰堆名都記唔到既新人，藍芽淨係個名都已經令人對佢有印象，外型嚟講皮膚夠白有長腿，對波就假咗啲，演技就仲要磨練下，希望浸多一排會有改善。



91位 (63位) 相沢みなみ Ideapocket專屬
響小弟之前寫既19年大事回顧都有提到，相沢其實今年出片好少，全年成績都仲可以勉強入到頭100，可以算係不幸中之大幸，要多謝一班Fans不離不棄。
20年既相沢真係要睇佢造化，希望佢心情快啲好返啦