(原文於28-3-2026 hksecretparty刊登
https://hksecretparty.com/2026/03/28/蚊香reburn⑧-：你有冇曾經喺男性職場度見過一個av女優/)
最近一兩年小弟接觸多咗好多唔同嘅工種，由以前做咗超過十年，工作模式同思維都比較單一嘅服務性行業，跳到藍領階層，對於步入中年嘅我嚟講都係一個相當大嘅挑戰。點樣平衡工作、日常生活、興趣，呢三方面嘅時間分配，最近都成為咗我一個努力想要解決嘅課題。
藍領職業嘅工作環境，好少會見到女性嘅身影，就算有多數都只係負責一啲文書、又或者甚至係形象類嘅工作崗位，正所謂職工真漢子，藍領嘅工作環境又長期充斥住好多危險同體力勞動，對於女性嚟講的確難以喺一時三刻就上手，一個唔小心有咩整親，咁就唔好啦。
但有一句說話叫做「巾幗不讓鬚眉」，女性可能喺體能上同技能上冇男性咁快就掌握到一啲藍領工作嘅內容同竅門，但女性嘅細心同一眼關七，可能都可以為藍領嘅工作環境帶嚟一啲不一樣嘅安心同改變。片商Prestige嘅「男だらけのXXにOOXX、置いてきた」系列，就係將AV女優安置喺一個只有男性嘅工作環境，並要求佢哋要榨出每一位工友嘅「體液」先至可以收工嘅一個新奇企劃。今期專欄同大家介紹呢一個由導演チャーリー中田執導，拍得都幾得意嘅AV系列。
24年12月，呢一個系列由野々浦（野野浦暖）暖拉開序幕，導演俾出一個簡單嘅指示：野々浦暖需要幫鋼鐵工場裏面嘅所有男士都出過一次火，先至有得返屋企。
ABF-180 男だらけの工場に野々浦暖、〜AV女優にカメラを渡して男しかいない鉄鋼工場に放置！？〜36時間くらい置き去りドキュメント
一個人拎住部手機同自拍棍，膽粗粗嘅野々浦暖就踏入呢一個女士嘅禁地，喺呢一個九成九時間都只有男性嘅工作環境，野々浦暖嘅出現無疑為一眾工友帶嚟一啲新嘅氣象同衝擊，當然亦都受到一眾工友嘅歡迎。
喺工作時間，野々浦暖都唔方便出手，正所謂唔好阻人搵食吖嘛，但當一過咗6點，大家都打卡收工，準備換衫嘅時候，就係野々浦暖出手嘅好時機，到底點樣可以做到工友準時收工之餘，而野々浦暖又有得返屋企嘅雙赢局面呢？留返俾大家睇片喇。
一個月後，涼森れむ（涼森玲夢）同樣都係接受呢一個Mission Impossible嘅挑戰，導演將涼森放置喺一個地盤工地入面，同鋼鐵工場呢種需要先考牌後上崗嘅環境唔同，工地入面搬搬抬抬少不免，連我哋嘅Prestige台柱都要落手落腳搬上搬落。
ABF-188 男だらけの工場に涼森れむ、置いてきた。
工人連身衫會唔會阻礙到AV女優嘅正常發揮？涼森れむ用專業嘅手法話俾你知，其實都冇咩關係，該除嘅都係會除，唔駛除嘅由得佢半遮半掩，都係一種情趣。
鋤足成日，搬足成日，咁多位工友見到涼森嘅主動投懷送抱嘅時候，都仲有精力去滿足涼森嘅挑戰，不得不感嘆，勞動階層萬歲。
另一位Prestige嘅招牌女優，八掛うみ，就唔駛咁辛苦又熱又搬，導演安排佢去一間民宿，但呢間民宿只會招待男性客人。
ABF-203 男だらけの民宿に八掛うみ、置いてきた。
由打掃房間，到準備晚飯，再到民宿浴場嘅管理，今日八掛うみ嘅身份就係呢間民宿嘅老闆娘，但任務都係一樣，要出晒咁多個先俾走。不得不說充滿日本女性美嘅八掛うみ，一著上套和服 ，真係好有日本女性看板娘嘅感覺，就算八掛嘅身材冇咩睇頭，但一套和服都相當加分，足以彌補不足。
另外呢套作品都令我諗起SOD另一個相似嘅企劃，要求女優淨係帶住一條浴巾入男性浴場，都有異曲同工之妙，唔知Prestige呢個系列係咪都係咁樣啟發出嚟？
講到打掃，就梗係由啲大媽出手，河合あすな（河合明日菜）就有呢一個「度身訂造」嘅清潔公司企劃。
ABF-221 男だらけの清掃業者に河合あすな、置いてきた。
相比起Prestige其他美少女系嘅女優，河合嘅外型同相貌都真係比較似師奶，戴起頂帽，拎住個水壺同毛巾，抹起玻璃上嚟都真係相當入型入格。順帶一提，呢一個系列差唔多每一套作品都會有一個喺車入面做愛嘅場景，原因不明，可能導演對於車震情有獨鍾。
另外河合呢一套因為職業設定嘅關係，仲有Office嘅場景，對Office清潔姐姐有性幻想嘅朋友，呢一套作品應該都會啱你呢個怪口味。
鈴村あいり（鈴村愛里）就俾人扔咗去搬屋公司，但同時呢一套都係咁多套入面最得意嘅一套，一堆堆嘅紙皮箱，一塊塊防撞嘅瓦通紙，竟然成功創造出一個幾優秀嘅「偷食」環境。鈴村呢一套作品亦係我對呢個系列嘅啟蒙之作，我覺得係好好咁展現到鈴村嘅戰鬥力同魅力所在。
ABF-293 男だらけの引越し業者に鈴村あいり、置いてきた。
至於瀧本雫葉同七嶋舞，就分別俾人安心置喺麻雀館同擊球館，嚴格嚟講呢兩個地方都唔完全係男士限定，但因為企劃需要，姑且就當做係先。
喺服裝方面，瀧本雫葉就以摟屌裙同OL裝上陣，而且玩玩下仲玩埋脫衣麻雀；七嶋舞就以啦啦隊裝入場執波同送波，呢兩套作品我個人覺得比較著重喺服裝上，對服裝有癖好嘅朋友可以多加留意。
ABF-330 男だらけの雀荘に瀧本雫葉、置いてきた。
ABF-334 男だらけのバッティングセンターに七嶋舞、置いてきた。
呢一個企劃都離唔開罐頭向嘅趨勢，去到最後一定係酒店房、民宿房嘅4P埋尾，同埋老土到爆嘅女優俾工友認出，然後否認自己就係AV女優嘅橋段，都係熟悉又陌生嘅感覺，但都未去到太尷尬，勉強可以接受啦。
我最好奇嘅係導演同片商，係用咩人脈同方式可以借到咁多唔同場地返嚟拍片。畢竟擊球場、麻雀館呢啲都唔係咁易搵到可以成間出租嘅地方，工場地盤都仲可以搭個簡單嘅景，擺幾件道具做個樣就算（但應該係堅嘢嚟，啲工人真係識得用，見到有火花出），但擊球場呢啲真係要搵個現成嘅嚟拍先有感覺，不得不佩服Prestige喺拍呢啲搞gag企劃投入嘅成本同勇氣，其他老牌片商應該要多多學習。
AV始終都係AV，只係用嚟豐富你性幻想嘅工具，現實中呢啲喺一個全男班嘅工作環境，空解一個絕世美女，仲要幫大家梳乎梳乎，呢啲情況同李斯一樣，係冇可能發生嘅事。所以，都係專心工作，注意環境安全，返到屋企開著套片，打個飛機早啲瞓就算啦。
沒有留言:
張貼留言