6月咁熱去日本見11個女優+少量美食+夜景 Part 1

呃咗大家入嚟唔好意思想勸大家開少啲冷氣:)...


痴線嘅咩而家7月咁熱唔開冷氣人都癲#saw#rabbit大家好我係新東寶:)6月尾小弟又去咗東京逗留咗大概一個禮拜嘅時間，主要目的當然係為咗又去玩下AV女優嘅Event啦:)同埋喺東京四周圍行下食下#:)#cow

今次除咗有女優相睇之外，我仲去咗一啲喺東京唔同嘅餐廳食嘢，有啲仲係喺event度有一兩位女優推介俾我去試下嘅餐廳#eat#rabbit夜晚就周圍去影下夜景#photo#dog所以今次嘅主題大致上就係AV女優Event+美食+夜景嘅一個配搭#lihkg2#tiger同時同大家分享返今次旅行嘅一啲小趣事#:)#tiger

同之前一樣啦#:)#tiger有啲Event相因為規矩問題唔方便貼出嚟所以有一啲相我會用會員加密去處理，我會用返女優當日貼喺Twitter嘅Event相嚟做個reference，希望大家諒解#pray#mouse

到底今次又見咗邊幾個女優，我啲半筒水日文又鬧出咗啲咩笑話#sad#cow以下就係今次旅程嘅內容#bye#rabbit


（上次去完佢event之後，專登喺blog度用廣東話覆返我嘅古川ほのか，呢排又靚咗。）


循例由機場上機開始講起，今次坐嘅係零晨1:20到羽田嘅航班，疫情都完咗咁耐，而家羽田機場仲未開返通宵巴士服務#emo#rabbit所以都一早預咗又要好似上次咁，喺機場瞓到有頭班車先至出到市區，冇計啦#trauma#rabbit鬼叫俾唔起錢搭正常時間嘅航班咩#sad#rabbit

喺搭飛機嘅途中，我地睇睇今次旅程嘅主要目標先:)今次主要想去見嘅女優有兩個，第一個係Miru#:)#rabbit




出發前嘅兩個星期，miru就無啦啦話自己喺6月20號會有嘢宣布，初時仲喺度估會唔會係宣布引退，咁咪變咗過去見佢最後一面#sweat#rabbit好彩最後都係虛驚一場#pray#mouse只係細路女諗埋一邊唔開心一陣啫#pray#mouse

而喺6月20號當日，miru就出咗條Youtube片講返自己呢一兩個月嘅心路歷程，簡單嚟講就係佢喺呢一行做到有啲滑牙，最TOP又未去到，最差又未至於，個人忽然冇咗目標，所以就好迷茫#sad#rabbit

https://youtu.be/566FFwT5a1E

最後佢就表示而家已經諗清楚，總之而家目標係要做業界第一嘅女優#clap#rabbit希望大家會繼續支持佢#clap#rabbit正所謂個人冇事先可以做女優冠軍，一日未引退一日都仲有機會嘅:)Miru好好加油啦:)

至於另一位想專登去見嘅女優，就係上次1月去完佢Event之後，專登喺Blog度用廣東話覆返我嘅古川ほのか（古川穗花）。




上次古川寫廣東話嗰篇Blog:
https://furuhono.blog.jp/archives/20342878.html

上次古川呢個舉動令到我留低好深刻嘅印象，亦都真係多咗巴打因為呢件事之後，開始留意佢嘅作品同Twitter；而家古川出道啱啱過咗一年，開始過咗新人嘅人氣蜜月期，要同其他前輩女優同台競爭#fight1#dog #fight2#dog作為多謝佢上次寫廣東話又好，過去幫佢撐下場都好，我都好想見多佢一次，俾佢知道有個海外嘅傻仔其實好支持佢#notcry#mouse


（雖然我到而家都仲係好想睇佢著一次校服，但不得不說古川真係幾啱著制服#sad#cow）

眨下眼就到咗羽田機場，時間係1:45am，因為反正我點要等到有頭班車先出到去，所以都冇咩必要趕住去過關，由docking嗰邊慢慢行去出境大堂，好好咁呼吸一下日本嘅新鮮空氣。



我份人就好念舊嘅#:)#cow 所以今次喺機場瞓嘅都係同上次一樣嘅同一間巴士候車室#sad#cow我仲專登喺Lawson買咗個便當同鮮奶做宵夜，食完慢慢瞓到夠鐘#sleep#cow

 
（由2點瞓到6點，前後都只係有兩個人入過嚟，一個係幫汽水機補貨，一個係臨天光入嚟開咗自己部電腦做咗一陣嘢之後，唔夠半個鐘就走返出去嘅日本黎生#sorry#cow）

終於等到天光喇#:)#cow喺機場等到6:30am拎埋wifi強之後，就出發去東京市區#bus#cow



由於酒店要下晝3點先有得check in，於是我就打算上去網吧度擺低個喼，落去食個早餐同喺秋葉原周圍行下。

嚟到日本正式食嘅第一餐，唔好意思係吉野家#sad#cow因為咁啱見到葵司早兩個禮拜po咗自己去完意大利之後，返嚟日本食嘅第一餐就係食吉野家#sad#cow於是就嗌返同佢一樣嘅牛飯加隻蛋#hair#cow



（朝牛せッと 499円）

順便同大家介紹下日本嘅網吧，其實都幾多日本人會選擇喺網吧過夜又或者hea時間，今次我去嘅係秋葉原嘅「快活CLUB」，6個鐘頭嘅收費係2800円。



揀嘅係獨立有鎖嘅床墊房，網吧有毛氈提供，所以基本上你有個枕頭又或者搵幾件衫墊高佢就可以喺入面瞓到教#sleep#cow隔音都唔錯，起碼我呢啲易醒體質嘅人都冇俾隔離嘈醒。



喺網吧入面漫畫雜誌任睇、雪糕任食、汽水任飲、仲可以篤波同扔鏢，簡直就係毒撚夢寐以求嘅完美新世界#:)#cow





所謂嘅秋葉原行街，我嘅景點都係離唔開AV鋪#sad#cow最近差唔多每個月都有片商做推廣Campaign，再加上三上悠亞嚟緊引退，所以好多鋪頭都有大量嘅宣傳活動。

 
（溫馨提示呢啲人型立牌係可以影相嘅，但鋪頭嘅其他地方就唔可以影:)）


（所以好似我咁樣影𨋢門其實某程度上都係唔俾嘅#sad#cow）

秋葉原都算係遊客區，當然唔少得絵麗奈嘅宣傳海報，但我真係睇唔明佢個簽名到底係咩構造#sad#cow「工口」係專登嘅？



行完街返上網吧hea下瞓下，話咁快就到3點，今次住嘅都係同上次一樣嘅商務酒店Livemax，揀嘅係淺草橋北駅嗰間，地點非常好，由地鐵站出口上嚟，只係30秒嘅路程就到酒店，過條馬路就到#medal#cow




而且附近仲有100円鋪，啱哂買零食同買糖食，有時仲可以平平地買到啲去旅行嗰陣，咁啱冇帶到嘅日用品，建議大家去日本旅行嘅時候可以睇下酒店附近有冇呢啲100円鋪又或者DAISO，有時比起便利店仲實用。



同大家分享一個我自己去旅行嘅小習慣，我會買一支大水同一支鮮奶擺喺房:)一支大水夠飲幾日，臨瞓前又或者朝早起身肚餓，又唔想食嘢嘅話，就可以飲奶嚟填肚:)


21/6，旅程第二日嘅日頭時間，因為黃昏先至要返嚟參加Miru嘅Event，我同另一個遲我一日嚟日本嘅香港Miru FANS朋友一齊落築地搵嘢食：




遊客區真係劏人唔駛本#sad#cow一個魚生飯都可以賣貴出面成千円，於是我地兩個就去咗食玉子燒：





我仲貪得意試咗鯨魚肉，肉質好淋，食落個感覺幾得意：


 
（絕對唔係因為見到係個姐姐仔我先埋去幫襯。）

食咁少當然係唔夠飽架啦，於是我地又去咗くら食壽司：



唔想睇廢話想直接開始睇女優請㩒呢個置頂:)

飲飽食醉之後就返嚟見Miru，今日佢著嘅係一條白色嘅one piece：

   

合照一共有三張，我將其中一張換做我好鐘意嘅第一身握手相，不過影衰咗#sad#cow我又醒唔起應該要check一check先#sad#cow


（去event真係要熱身，第一場通常都會特別多意外，例如好似連砌個心都砌唔好#door#cow）


（呢張就係砌S1個名，即係miru而家間片商。）

簽名傾計嘅時候：

#:)#cow：miru你好#:)#cow好耐冇見，見到你冇事實在太好了#:)#cow
:)：好耐冇見，真係唔好意思要大家擔心#:)#fs
#:)#cow：最緊要人冇事啫:)香港有好多FANS都好關心你嘅情況:)
:)：真係嘅！？你地真係好#sad#rabbit
#:)#cow：尋晚你喺Youtube放嗰條片好多人都有留意同你打氣#:)#cow
:)：真係吖！好多人留comment，唔止日文，仲有中文英文韓文，勁多留言！

miru而家嘅諗法其實好簡單，想成功，但又搵唔到啱嘅方法；引退嘅話，又唔捨得呢份自己咁鐘意嘅工作；去到個樽頸位，高不成低不就嘅時候自然就會迷失，唔止係AV女優呢個職業有呢個情況，有時我地打份普通牛工都一樣要面對呢啲問題#sadbutsmile#cow

每個人都會有自己嘅選擇，miru雖然對自己冇咩自信，但選擇咗繼續向前，行咗第一步先，之後再慢慢計劃；睇緊呢個po嘅你如果都係迷茫緊嘅話，希望你都可以早日搵到自己想要嘅方向#pray#mouse又或者好似miru咁，行咗第一步先，有時踏出咗第一步之後，就會發現原來冇自己一開始諗得咁困難:)

 
（HONG KONG串到錯哂[sosad]不過我見佢都寫咗落去張相度，就同佢講大丈夫算啦算啦[sosad]）

https://twitter.com/miru_bibi/status/1671517522741346304?s=20

（同埋佢好似冇拎我送俾佢嗰盒曲奇餅返去#axe#rabbit不過睇在你event完嗰時講感言講到喊哂，算數啦#:)#fs）

完場之後我地兩個香港人就去咗食燒肉，之後我呢位超鐘意miru嘅香港死忠FANS朋友就要出發去機場，返香港繼續做社畜#bicycle#cow喺日本逗留咗唔夠48個鐘就要走，辛苦了#hello#tiger下次event再見#bye#tiger


22/6， 今日黃昏時間先至要返嚟去Event，為咗方便搭車#:)#rabbit我一如以往都係買咗張三日任搭嘅東京地鐵pass，於是我就諗住盡量有咁遠去咁遠，將張pass用到最盡#smile2#rabbit

望住個地鐵路線圖，有一個地方名吸引到我嘅注意#haha#rabbit呢個地方叫新木場，2019年嘅時候我曾經嚟過呢度，當時去嘅目的係睇FANZA 2019成人大賞頒獎典禮。




（新木場好似係一個普通嘅工業區嚟。）

 
（上面呢兩張係2019年當時喺會場外面影嘅相。）

 
（當年入場投現場票嘅投票箱。）



（亦係相澤南打低天使萌，成為最優秀女優賞得主嘅一年。）

事隔三年，物是人非，新木場呢個地方依然喺度，但搞頒獎典禮嘅會場已經拆咗，改建成另一間工廠，聽講呢個亦都係點解唔再搞FANZA成人大賞嘅原因之一#confuse#rabbit因為搵唔到新嘅會場#wtf#rabbit




今時今日相澤南已經宣布引退，結束佢嘅AV女優生涯；天使萌喺新片商FALENO已經係當家一姐，雖然好難再有啲咩大起息，但都係其中一個標誌住呢一個時代嘅代表女優之一。而家諗返轉頭，如果當日佢地兩個嘅賽果倒轉，今日兩位女優又會唔會係而家咁樣嘅結果？

既生天使萌，何生相澤南。


重遊舊地矯情一番之後，我喺車站附近搵咗一間食魚嘅料理店食晏晝：



漁師小屋料理 ひもの屋新木場総本店
東京都江東区新木場1-3-8




去日本我好少食海鮮類嘅餐廳，主要原因係真係唔識落單#sad#cow 啲魚名識讀都唔知咩嚟，Google完咪又係魚一條，都唔知有咩分別#sad#cow所以我一直都避免去食同魚類相關嘅餐廳。

於是今次就揀咗menu第一行嘅定食，呢啲多數都唔會出事。


（シマホッケ定食 1150円）


（亦係咁大個仔第一次食納豆。）

食完飯就搵個公園行下散下步，附近有個夢の島公園：




公園入面有鐘意睇哥斯拉，又或者對當年美國氫彈試驗有研究嘅朋友一定聽過大名嘅，第五福龍丸號展覽館：









當年第五福龍丸號就係其中一艘俾美國氫彈試驗波及到嘅漁船之一，而家喺呢個展覽館入面俾人參觀#haha#rabbit至於同哥斯拉嘅關係，就係當年日本人為咗影射呢次事件，將喺故仔入面哥斯拉上岸前襲擊嘅船隻，寫成係第五福龍丸號#wtf#rabbit

黃昏時間返嚟秋葉原，今日見嘅係喺2022年賣得相當唔錯嘅，さつき芽衣（沙月芽衣）。







合照當然有我嘅招牌pose#clap#rabbit




我覺得真人比睇相好睇嘅一個女優，但因為我對佢啲作品唔熟#sad#cow所以就冇咩可以推介到俾大家了#sosad#cow

傾計嘅時候：

#:)#cow：Hello你好，我係香港嚟嘅新東寶#:)#cow
:)：你好，多謝你嚟見我。
#:)#cow：沙月小姐本人真係靚女。（基本開場白）
:)：多謝你，你嚟日本有冇食啲咩好嘢吖？
#:)#cow：有吖，今日去咗食魚嘅料理，不過唔係好識落單，好驚嗌咗啲唔啱食嘅嘢返嚟#sad#cow（俾返今日啲相佢睇）
:)：哦～～咁又係，啲魚名睇完都唔知咩嚟，你呢個望落好似好好食，好似仲有納豆？外國人食唔食得慣？
#:)#cow：有吖，第一次食納豆，個質感有啲奇怪，不過都仲可以接受#sad#cow
:)：哈哈，好彩啫，有啲人真係完全唔啱食。

喺event嘅時候同女優冇嘢好傾嘅話，傾下飲飲食食都係一個唔錯嘅選擇#:)#cow


（「多謝你由香港咁遠嚟見我！我都想去香港睇下！」by 沙月芽衣）

嗰日夜晚本來想去上野食鰻魚飯，不過鋪頭出面條人龍起碼要排一個鐘，於是去御徒町求其食個定食就算，之後就返酒店房瞓教了#sleep#cow


（排隊PTSD#shocking#pig）


（肉めし定食 1034円）

待續
Posted by
標籤： , , , ,

沒有留言:

張貼留言

訂閱： 張貼留言 (Atom)