北海道影新有菜＋近代麻雀水著祭 Part 2

第二日嘅活動係一場即售會，限120人，冇簽名環節，但每人可以最多買3張飛loop 3次，過程會比較流水式，亦係我推薦新手朋友體驗日本女優event嘅時候優先考慮嘅玩法

今日早餐就唔同佢哋癲了我搵咗間喺札幌嘅cafe食pancake：


幸せのパンケーキ 札幌店

係，冇撚有錯，我個胃淨係接受到早餐食幾件pancake

 
（唔知點解影到出嚟好似食緊咖哩飯咁。）

同尋日唔同，今日嘅新一姐係一件黑色Lolita風嘅裙：








最緊要影咩？梗係腳啦：

total影三輪，影完頭二輪之後，我就同新一姐講最後呢一輪想影focus多啲喺對腳度，佢都相當配合：








然後就係我全日最鐘意嘅一張：



：今日好熱呢！
：真係，冇估到日本6月尾北海道就已經咁熱！
：今日呢套衫點？
：今日呢條黑色裙好襯你！雙馬尾都好可愛！
：咁就好喇。
：係呢，見你隻腳瘀咗一撻，冇事吖嘛？
：冇事冇事，我成日都係咁
：你哋好似今晚就返去，我仲會留低喺北海道多一日。
：唔返屋企嗰兩隻貓就冇嘢食了，所以今晚一定要返。
：10月嘅event（大阪）我都會嚟，之後就未定，但可以嚟到我一定會到！
：好吖，一言為定，呢兩日多謝你吖新東寶。





今年就破例，除咗自己大婆古乃同二奶淺野之外，都專登為咗新一姐飛嚟日本啦

 
（合照影到冇嘢好影，影下龍珠pose。）

完咗event其實都係5點左右，送埋新一姐上的士，我同另外位香港巴打就一齊上去藻岩山觀景台影夜景。


（連埋來回纜車每人2100羊。）

上到去都係睇到人頭多過景，但有啲耐性同好彩嘅話，都係可以行到上最前影到札幌市嘅夜景嘅，因為有唔少人都係影完日落就走：


（稍為影得好少少嘅全景相。）

冇帶腳架喺身就唯有靠自己對打丁手喇：





最後嚟多張雙人hehe合照：

喺札幌嘅最後一日係獨遊，之前都有提過，我覺得就算一班人去旅行都好，點都要有一至兩日係各自分開玩嘅me time，大家有一齊玩嘅時間，亦都有分開玩嘅快樂，成個旅程先有種完滿嘅感覺。

一個人嘅行程，我就走咗去睇登別地獄谷：




又係一個同溫泉有關嘅景點，唔浸溫泉就真係入嚟當行下郊外睇下大自然嘅奇蹟，呼吸下新鮮空氣：

   
（應該夜晚嚟睇會再震撼啲，日頭望埋去只係一個周圍都噴煙嘅山谷，第一次望到都會覺得幾神奇，行下行下就發現其實冇咩特別。）

中途仲有一條自然小溪俾你可以玩下浸腳，啲天然泉水係暖嘅：

除咗地獄谷之外，登別仲有一個以熊為主題嘅動物園：





入園價錢好似係3000羊咁上下，但個園區其實一個鐘頭乜都行得晒，唯一值回票價嘅係包埋來回山頂嘅纜車，算係抵返條數。





上到去其實都係嗰幾味，有個博物館、有啲瞓緊教嘅熊BB、有啲等你餵佢食嘢嘅懶熊、仲有啲屋俾你入去打下卡，適合一家大細上嚟打個轉：

     
（睇埋個熊仔搵嘢食嘅劇場先落山，等開場嘅時候喺度執相，我已經唔知由幾時開始已經練到可以旁若無人咁去做呢樣嘢）

落山之後，約咗台灣朋友ptt大紅人（而家佢多數喺Threads）王桑食飯，佢帶我去食湯咖哩：


ピカンティ

幾個月前嘅味道我而家真係唔係好記得但絕對係好食嘅，除咗間餐廳冇冷氣一路食一路係咁出汗之外，係值得再返嚟一試嘅餐廳。





最後再食埋北海道獨有嘅便利店Seicamart獨有嘅哈密瓜雪糕，就結束我呢次北海道之旅




（走嗰一日王桑返台北，我就落東京，我哋喺新千歲機場每人再整多杯雪糕，飽到上心口）

待續