Event ③ : 擔上山可以食一年嘅戀渕桃菜

一開始都有講到，今次去日本參加嘅event入面，有當紅嘅女優，亦都有唔係幾紅嘅女優。而緊接著天使萌之後，我去見嘅就係呢一位唔係幾紅嘅女優，佢叫恋渕ももな（戀渕桃菜）。

22年4月喺SOD出道，戀渕桃菜嘅最大賣點係M Cup，冇睇錯，係M Cup，喺街捉十個港女加埋都唔知有冇嘅M Cup。講起嚟我會去參加佢嘅event都係偶然，事緣係旅程第二日我行書泉（秋葉原入面一間書局，幾乎所有寫真集同calender嘅event都係喺呢度搞。），見到明明已經話滿人嘅戀渕桃菜寫真集event，居然話加額，可以現場即刻買飛咁就梗係唔執輸，買本一冊劵入去玩下。


（買1本有15秒影相時間）


(唔肯定有冇露點所以穩陣起見劃走咗先)

(喺旅遊台唔敢太過火暴露嗰啲大家去佢本人嘅Twitter度睇)

寫真集event，基本上同碟鋪嗰種買碟就有飛嘅event差唔多，只係將商品變成寫真集，同埋因為喺書局度搞，尺度唔會去到好大，基本上水著已經係極限。
而且寫真集event好多時候一本就可以參加得，當然買得越多自然就越多福利，但一本寫真集已經好重，同埋好難轉手賣得返出去所以如果個對象女優唔係太鐘意嘅話，買一本意思意思入去影下相傾兩句，我覺得就已經好足夠，十冊嗰啲set留返俾真FANS先買

鏡頭返番嚟秋葉原街頭上面一個啱啱去完廁所嘅香港人，解決咗膀胱爆發嘅世紀危機，我就沿著大街向書泉嘅方向前進。當時嘅時間大概係16:45，比起寫明嘅集合時間15:55已經遲咗差唔多一個鐘頭，不過佢亦都有寫明，遲到都OK，但會擺你喺另一條隊度先，等其他集合時間嚟嘅FANS清哂就到返你，不過當然唔好遲到離哂譜，女優本人都已經走埋你先到嘅話，你買幾多冊都冇情講。

上到去書泉賣寫真集嘅9樓，人數唔係太多，職員見我雖然係遲到不過都冇要我等下先，叫我直接入去排就OK。

排咗大約15分鐘，終於有大波妹睇下喇：





(側面睇，線條相當震撼。)

其實有少少可惜，因為其實同一日戀渕桃菜係有兩場event，一場就係我參加嘅4點呢一場，另一場係12點開始，可惜因為我要去天使萌嘅event參加唔到。我睇完佢po喺Twitter 12點嗰場嗰套衫，就更加覺得自己今次真係搬石頭砸自己隻腳




喂點解12點嗰場係三點式水著，但係4點呢場係公主裙嚟架有冇搞錯吖而家係咪歧視參加4點嗰場啲FANS吖而家叫你經理人出嚟見我

現實上我當然淨係喺心入面咁諗，影完相傾兩句嘅時候冇咩特別，都係同佢講香港嚟架，今日見到你本人覺得你好靚知你仲係新人，要好好加油吖嗰啲說話佢都係禮貌上回應多謝多謝就完

趕完呢場，我今日仲有最後一場event要去，亦係今日我玩得最過癮嘅一場，下回分解


（好好笑，影最後一張嘅時候佢話要專登露條底褲俾我影）