(原文於7-10-2024 hksecretparty刊登
https://hksecretparty.com/2024/10/07/有醜聞先，定有套av先？本鄉愛同已婚實況主嘅不倫/)
經常話藝術靈感來源於生活，好多AV企劃同劇本都係由現實發生過嘅故事改編而成，有一個貼近現實嘅故事情節基礎，寫出嚟嘅劇本自然會令觀眾睇得又更加投入同有共嗚。S1專屬女優本鄉愛喺10月份即將發售嘅作品，咁啱就同佢最近發生嘅一段醜聞有唔少相同之處，到底係上天安排嘅巧合、定係天意嘅刻意安排、定還是係片商事務所諗出嚟嘅高級炎上商法？不如一齊研究一下。
SONE-367 束縛もないし気も使わないただ欲望を満たすSEXも出来る女ともだち。 本郷愛
喺今年9月，有人就喺美國嘅一場MLB比賽觀眾席入面，見到一位名叫加藤純一嘅遊戲實況主嘅身影，而出現喺佢身邊嘅，並唔係佢嘅已婚妻子，而係一位短髮AV女優，片商S1專屬，今年24歲嘅本鄉愛。
https://twitter.com/korekore19/status/1834201790440731015
兩人同遊美國睇棒球嘅相片被瘋傳之後，當然掀起咗唔少討論，更加有起底組迅速就搵到唔少兩人一早就有交往嘅證據。
先簡單介紹兩位主角嘅背景，男主角加藤純一，除咗係一位遊戲實況主之外，仲係一位Youtuber、藝人、生意人，係一位擁有多重身份嘅KOL，2022年同現任妻子結婚，當時仲將婚宴嘅盛況現場直播，創下40萬人同時收睇嘅紀錄。YouTube Channel有126萬訂閱，絕對可以稱多上係一位「人氣實況主」。
至於女主角本鄉愛，除咗係現役AV女優之外，最近半年都開始以遊戲實況主身份喺網上進行直播，喺外國浸過幾年咸水，講得一口流利英文嘅本鄉，喺直播嘅時候只需要著上一件短短嘅U領白色短袖衫，傲人嘅上圍自自然然就留低唔少觀眾駐足觀賞；鬼妹仔性格嘅佢不時都會有一啲誇張嘅表情同反應，有人甚至仲會將佢嘅誇張反應剪成精華，喺網上面到處傳閱。本鄉愛本人亦都當成一個宣傳手法，慢慢咁大家都覺得，好似睇本鄉愛打機，仲好過佢啲AV。
喺9月13號，加藤純一率先喺自己嘅直播Channel公開回應事件，承認有同本鄉愛一齊觀睇球賽，但否認同本鄉愛有出軌，仲特別強調兩人並無發生肉體關係。
隔咗兩日，喺9月15號，本鄉愛亦喺自己嘅Youtube Channel上傳回應影片，首先為造成大家嘅困擾致歉，然後講出本鄉愛呢邊嘅故事版本：本鄉愛表示，兩人喺2022年認識，當時佢已經知道對方已婚嘅身份，所以喺對方邀請兩人私下見面嘅時候，本鄉愛表示抗拒，後來加藤純一向本鄉愛表示其實同現任妻子一早就已經離咗婚，只係冇公開消息，於是兩人就慢慢開始地下情交往。
只能夠話戀愛中嘅少女都係麻木，那怕係見慣大場面同拍過咁多情慾劇本嘅AV女優，喺呢啲甜言蜜語面前，都好似十五六歲情竇初開嘅少女一樣，信晒男人對佢所講嘅嘢。「其實我同我老婆已經好耐冇行埋。」、「我而家係單身，我想同你出街。」、「我好快就會對外公佈我同佢離咗婚呢個消息，你俾啲時間我。」
唉，果然普天之下嘅女人心都係選擇相信呢啲說話。
本鄉愛嘅影片入面仲有提到，佢會相信加藤純一嘅鬼話，係因為佢喺加藤嘅屋企入面已經見唔到屬於佢妻子嘅物件，再加上佢哋差唔多每一日都有聯絡，所以完全睇唔出佢同妻子仲有聯繫。
咦，咁咪即係變相公開本鄉愛曾經有上加藤純一屋企？
兩個人都咁鐘意打機，一定係嚟一場街霸2P，唔知賽果係點樣呢？
本鄉愛表示，佢同加藤純一本來已經分咗手，而本鄉愛亦都有新嘅男朋友，但由於嗰排心情唔好，再加上加藤純一嘅盛情邀約，於是就應承同佢一齊飛去美國睇棒球，結果就出現大家而家見到嘅局面。喺呢度只能夠同本鄉愛現任男朋友講聲，辛苦你了。
喺事件曝光同埋雙方都各自回應之後，本鄉愛喺9月19號喺X上面公佈，同事務所洽談過後，決定暫時停止所有工作，直至另行公佈；而喺本鄉愛公開回應事件之後，加藤純一都知道紙包唔住火，公開承認不倫關係嘅事實，並且宣布無限期活動休止，兩位主角暫時脫離螢光幕，事件告一段落。
https://youtu.be/49QoFOkrafY?si=4mB0DkhI2yP7eRQ6
至於喺10月下半期發售嘅本鄉愛新作，「無獨有偶」、「碰巧」、「咁啱得咁橋」，又係以本鄉愛係一個鐘意打機嘅女仔嚟做設定，同男主角本身係好朋友嘅關係，但大家都鐘意打機，喺食嘢飲酒各方面都相當啱key，更加唔駛講床上嘅合拍度，兩個人就發展出一段不為外人所知嘅複雜關係。
呢套作品嘅介紹語最後一句相當有意思，「僕たちはセフレを超えた最高の友だちだ」，意思即係「我哋除咗係好朋友之外，仲係超越呢段關係嘅性伴侶。」，唔知兩位事件中嘅主角而家睇到呢句說話，會唔會有另一番感受？
本鄉愛呢一套新作將會喺10月下半期上架，想睇下點樣將現實情節帶入AV，又或者調返轉嘅朋友，到時記得留意；另外本鄉愛雖然宣布停工，但由於AV新法嘅關係，大部份嘅女優都有4-6個月嘅作品存貨未上架，所以鐘意本鄉愛嘅朋友都唔駛傷心住，至少，嚟緊都仲有幾套新作可以解下鬱悶。
至於本鄉愛本人嘅前景，我個人暫時都比較樂觀，雖然一隻手掌永遠拍唔響，但歸根究底都係男方屬於大責任嘅一方，就算係男尊女卑嘅日本，我都覺得本鄉愛再戰AV片場並唔係太難令人接受嘅事，不過，都要睇下佢本人仲有冇意願繼續以AV女優呢個身份工作落去。
如果冇嘅，可能做一位全職實況遊戲主，吸下啲咸濕仔嘅眼球，可能對佢呢位前AV女優嚟講更加得心應手？
祝願本鄉愛有一個美好嘅將來，我哋喺下一篇文章再見。
沒有留言:
張貼留言