(原文於28-11-2025 hksecretparty刊登
https://hksecretparty.com/2025/11/28/2025年av業界新人巡禮/)
仲有一個月2025年就劃上句號，同往年一樣，每年都有唔少女優引退令大家惋惜，亦有唔少新人女優入行補充戰力，繼續喺寂寞嘅晚上陪伴大家。日本以外嘅華人地區比較少留意新人女優，但其實新人女優一直係日本AV市場入面無論銷量同注目程度都擁有相當高嘅佔比，大家口中仍然念念不忘蒼井そら松島楓，日本AV Fans只會奇怪點解你哋仲睇緊啲咁舊嘅女優，新鮮肉體、青春嘅笑顏，喺呢個業界仍然渴市。
大型片商推出新人嘅頻率而家大概係一個月1-2個，亦都有啲片商會集力火力，一年只推出一兩個新人。今期專欄同大家回顧一下各大片商今年推出嘅新人，有邊幾位值得留意同注目，又有邊啲已經靜靜地離開呢個業界做返普通人，伴隨住友善欣賞而又不失貪淫嘅目光，我哋一齊好好審視一下2025年嘅新人女優。
先由SOD講起，今年SOD Star嘅新人分別有：
3月：天音かんな
4月：一宮るい
5月：天神羽衣
8月：新川空
9月：小笠原菜乃
以上5位新人，除咗天音かんな已經公佈咗會喺SOD卒業之外（12月），其餘幾位暫時都仲係SOD Star嘅專屬女優。
一宮るい比較有風塵味，而且人工味都比較濃，呢一類長臉型偏瘦嘅女優近幾年都幾常見，我個人唔太覺得佢有跑出嘅潛質。
天神羽衣出道嘅時候幾受注目，樣子比較討好，標準嘅美人胚子，但暫時都未有一啲突出嘅作品令影迷留低到深刻印象，但要留喺SOD Star繼續做專屬應該冇咩大問題。
新川空行姐系路線，外型相當適合着水著，最近瘦返之後更加突顯身材優勢，我個人覺得一啲輕熟女/OL嘅企劃會相當適合佢。
小笠原菜乃係今年SOD Star最重點推廣嘅新人，一對I Cup車頭燈係佢嘅大賣點，同時仲有一頭清爽嘅短髮。出道前由寫真女優身份作招徠，着住CK內衣喺屋企打機嘅相成功留低唔少網民嘅眼球，出道後SOD明顯投放咗相當多嘅資源去谷恆呢位新人，但暫時銷量成績都係平平無奇，似乎仲要加倍努力。
FALENO方面，今年有5位新人：
4月：浜辺やよい
6月：浅野心愛
10月：美咲そのか
12月：神喜ミア、篠宮るい
FALENO唔知係咪將年尾budget都用晒喺明里つむぎ同RARA等等移藉女優身上，感覺上對於兩位12月嘅新人推廣唔多。以上幾位女優比較多人討論嘅係4月出道嘅浜辺やよい，反而唔係因為佢喺FALENO嘅表現有幾好，而係佢經常出現喺事務所Bstar嘅前輩女優合照入面，似乎相當得前輩同事務所社長嘅歡心。
10月出道嘅美咲そのか係一片限定嘅女優，暫時都「信守承諾」，除咗Debut作之外都冇其他作品；至於浅野心愛，個樣就比較似素人女優，冇咩星味，似乎唔會留低太耐。
Prestige今年喺年頭同年尾各出一個新人，同上年一樣，一年只有兩位新人推出：
2月：中森ななみ
11月：三佳詩
我一直覺得Prestige喺打造新人方面，投入嘅成本同資源都比其他片商多，呢個都可能係點解佢哋一年到尾都只有兩個新人女優嘅原因。以「原石」為綽頭嘅中森ななみ，暫時喺Prestige成績都係表現平平，一直都未搵到有啲咩突出嘅賣點，12月作品係佢嘅中出解禁作，但相信都挽回唔到太多，錯不在佢，而係Prestige入面仲有好多仲係當打嘅女優，未有輪到佢上位嘅位置。
另一位新人三佳詩就比較多人留意，亦都明顯睇到Prestige對佢寄予更高嘅厚望，一向俾人話係封面殺手嘅Prestige今次冇呃人，三佳詩喺片入面嘅樣同封面對得上之餘，仲冇咗封面嗰種執相後嘅人工味。Debut作分兩個月推出，都係之前未見過嘅操作，楚楚可憐嘅相貌令佢有少少機會喺Prestige一眾美少女前輩之中跑出，三佳詩有機會會係2026年嘅其中一隻黑馬。
WILL集團旗下嘅Moodyz，今年嘅新人陣容可以用「混亂」兩個字嚟形容，今年足足有20位新人：
1月：あんづ杏、桜ゆの
2月：真白ふわり、小鈴みかん
3月：小泉なぎさ、夕木こいろ
4月：宮地莉央、今井美優
5月：夕月ゆる
7月：純白彩永、辻野ゆい
8月：八坂凪、夏色みか
9月：川口桜、桜庭ももな
10月：芦田希空、千葉優花
11月：白石なみ
12月：福田ゆあ、三木環奈
以上20位新人燕瘦環肥樣樣都齊，今年Moodyz同往年一樣都係採用人海戰術，先解決數量問題，再解決質素問題。呢20位新人仲留低喺Moodyz嘅大概只剩低一半左右，而且有唔少都冇乜衝出圈外嘅名作，更加唔駛講有啲咩討論點。
當中可以留意嘅有純白彩永、川口桜、千葉優花，另外即將喺12月出道嘅福田ゆあ都係稍為多Fans關注嘅新人，可以留意一下佢哋之後嘅發展。
（純白彩永）
（川口桜）
（千葉優花）
（福田ゆあ）
另一邊Ideapocket今年都有簽入唔少新人：
1月：愛才りあ
2月：花守夏步
5月：望乃るい
6月：望月りんね、月城りり香
7月：山田鈴奈、美織あん
8月：天音ミシェル
9月：三澄寧々、ひなの花音
10月：堀北桃愛
11月：坂井美桜
12月：花咲澪
今年Ideapocket喺新人方面明顯比上年進取，但同Moodyz一樣面對缺乏主要目標，未能集中火力喺其中一兩位重點新人身上。今年年尾Ideapocket出咗一招奇謀，將今年嘅最後4位新人，三澄寧々、堀北桃愛、坂井美桜、花咲澪，作一個綑綁式宣傳，就好似啲課金大禮包咁樣一次過打包4位新人出活動，確實係一招幾唔錯嘅商業策略，至少成功引起到少少話題。
喺呢一堆新人入面，愛才りあ同山田鈴奈基本上都已經穩定落嚟，相信會繼續留喺Ideapocket做專屬女優，另外年尾嗰4位新人，坊間最睇好嘅係10月出道嘅堀北桃愛，樣貌明顯比其餘3位優秀，都係26年可以關注嘅新人女優之一。
（愛才りあ）
（山田鈴奈）
（堀北桃愛）
最後嚟到S1:
1月：瀨戸環奈
2月：南沢海香
3月：桜乃りの、新木希空
4月：笹倉彩
5月：木村愛心
6月：東実果
7月：音無鈴
8月：紫堂るい（6月經MUTEKI出道）
9月：初美なのか
10月：渡部ほの
11月：Soa、桜みお
12月：夏生なつ
瀨戸環奈幾乎喺毫無對手嘅情況下，成為今年全年嘅業界最優秀新人，由作品嘅銷量、活動嘅人氣、喺海外活動嘅話題度等等，都成為2025年業界最大嘅焦點，可以預視到瀨戸環奈喺2026年會keep住呢個勢頭，繼續將自己衝上更高嘅位置，甚至大有機會同河北彩伽造成一個平起平座嘅局面。
其他S1嘅新人其實有啲質素都唔差，但喺瀨戸環奈嘅陰影之下真係被比下去，S1亦都將接近八成嘅資源都投放喺瀨戸環奈身上，導致其他新人女優嘅留意程度就更低。
桜乃りの、新木希空、笹倉彩、木村愛心，都係我自己有一啲印象嘅S1新人，其餘女優我自己偏向相信片約唔會太長。事實上近年S1嘅新人片約有越嚟越短嘅跡象，三至四套片之後就拜拜嘅情況屢見不鮮，甚至有啲新人我懷疑只係諗住以S1 Debut作為喺業界嘅一個起步點，之後跳槽去其他片商都會容易啲，有機會剩低嘅呢堆新人都會出現呢個情況。
（桜乃りの）
（新木希空）
（笹倉彩）
（木村愛心）
另外補充返6月經MUTEKI出道嘅紫堂るい，8月移藉去S1之後一直都冇乜太大起息，直到最近開始多人留意佢嘅作品，都有少少後來居上嘅勢頭，但個樣我自己就真係唔識欣賞，成個package仲差過當年嘅水卜さくら。
日本嘅經濟環境同埋民生社會問題，我覺得往往都可以喺AV業界嘅新人情況入面觀察出一啲端倪。經濟唔好嘅時候，會有更加多年青貌美嘅新人入行，有時見到某某大手企業嘅社員，又或者知名陪酒女郎轉職下海，都可以暗暗聯想到某啲行業嘅境況，可以話AV業界都係一面日本社會嘅照妖鏡。
每一日都有新人出道，冇人會嫌多，有人加入，有人退出，促成一個微妙嘅平衡，一次又一次嘅世代輪替，締造出不同年代嘅傳奇女優。
2026年嘅新人磨拳擦掌，等待出道嘅同時，我哋亦都喺螢光幕前面默默期待，下一位業界皇者嘅誕生。
沒有留言:
張貼留言