上仙台搵涼森＋去田代島睇貓貓＋一日見晒水卜櫻空 Part 3

今次喺仙台住嘅係一間商務旅館，大概$300一晚，重點係包早餐：



（右上角白色嗰舊係仙台名物，食落有啲似好厚身嘅帶子咁嘅口感。）

本來都有諗過試下仙台有冇其他特色嘅早餐店，但除咗尋日食過嗰間麪包鋪之外，上網search過好似都冇咩特別嘅餐廳#headache#dragon反正住宿包咗，同埋喺酒店食又可以慳返唔少時間，結果喺仙台嘅呢幾日早餐我都係喺酒店搞掂就算#wheelchair#dragon

食完早餐返上房再補多一陣眠，就出發去碟鋪見涼森，落街嘅時候撞正有祭典，事後我check返係仙台5月獨有嘅「仙台青葉祭」：


（嗯#confuse#rabbit仙台嘅風土人情質素相當唔錯#confuse#rabbit）


可惜要趕時間，唔係嘅話去湊下熱鬧都好，搭JR嚟到多賀城，排隊參加今日嘅event：



今日涼森著嘅係一件兩件頭嘅深紅色泳衣：







合照就當然唔少得我嘅例牌：


（經理人睇到我個例牌pose喺度嘩嘩聲，屌你都唔係第一次見到啦#emo#rabbit）

至於拍嘅嗰條短片，對白內容只可以喺佢預設嘅嗰幾個入面揀，嚟唔開都係啲「今日做嘢辛苦喇」、「你淨係愛我一個喳可？」、「唔準你望其他囡架」諸如此類，最後出嚟就係咁嘅感覺：


（都不枉我專登搭一程夜巴上嚟買飛，條片出嚟效果都幾好#confuse#rabbit）

至於同涼森傾咗啲咩呢：

#:)#cow：涼森小姐今日好靚呢，今次都係我第一次嚟仙台。
:)：我都係第一次嚟！
#:)#cow：多謝你貼咗我送俾你個頭箍上Twitter#sosad#cow我仲周圍同人講「涼森去香港迪士尼戴嗰個頭箍係我送㗎！」#sosad#cow
:)：哈哈哈哈！我多謝你就真！我好鐘意份禮物！
#:)#cow：嚟緊7月香港我知你會有活動，但我要返工未必嚟到...
:)：唔緊要，唔駛勉強㗎！嚟唔到都唔緊要:)
#:)#cow：#sad#dragon...咁我會努力多啲嚟日本見你！

涼森人又靚，又咁體貼，
點解我唔係喺遇見葵司之前就搵到我個良心呢#drink#dragon





完咗活動之後，同咗另外三個同我一樣咁傻，喺香港千里迢迢走嚟仙台見涼森嘅香港巴打一齊返仙台食牛脷，今日食嘅係另一間又係相當出名嘅名店，牛たん利久：


牛たん炭焼き 利久 仙台駅店 宮城県仙台市青葉区中央1-1-1 JR仙台駅 3F

同尋日食嗰間牛たん 司一樣，都係有定食可以揀，呢度嘅食法就有少少唔同，可以揀加配雞蛋：


（不過佢個雞蛋嘅蛋白係打到好似糊仔咁，唔同普通嘅蛋白。）

去完event就梗係要啤一啤佢#hoho#雖然大家舟車勞頓都好攰，但他鄉遇故知，仲要大家目標相同，食落肚飲落肚嘅嘢都變得寧舍好食#hoho#



當晚我有將呢幾張相放上Twitter，之後神奇嘅事就發生了，涼森第二日話佢有見到我呢幾張相@_@

喺仙台嘅第三日都係參加event，涼森嘅仙台event係連續兩日舉行，今日喺另一間鋪，我哋4個香港人齊齊搭的士去個會場，除返開每人都係1000羊#car#cow





呢一間鋪頭都算係仙台嘅大鋪嚟，有唔少女優都有嚟過呢度搞event：


（包括橋本ありな 1.0，上面嘅係つぼみ。） 

今日呢一場event有啲特別，就係本來預留咗飛嘅人有事嚟唔到，變咗有啲5枚嘅特典飛多咗出嚟，碟鋪職員就同我哋講一陣玩猜包剪揼，贏咗嘅人就可以後補買呢啲特典飛#hehe#cow

最後結果4個香港人入面，得我一個猜輸#hair#cow... 我諗我成世人嘅猜包剪揼運氣已經用晒喺幾年前葵司飛鳥鈴嗰場event度#hair#cow


（最後我淨係得一張3枚劵，同5枚最大嘅分別就係冇咗嗰條叫你個名嘅短片#drink#dragon）

事後同啲日本FANS傾計，原來係因為有個涼森FANS畀佢老婆知道咗佢今日會嚟見涼森，於是俾人軟禁咗，所以今日先至有參加劵多咗出嚟#sad#cow佢最後仲苦口婆心勸我哋唔好咁早結婚#sad#cow

今日涼森著嘅係一套橙色嘅水著，我個人鐘意呢一套多啲：







喺我排緊隊嘅時候，同行嘅另外一個香港巴打有同涼森講我哋尋晚幾個香港傻仔去咗食牛脷，跟住涼森講咗一句：

:)：我有見到啲相吖！（望向經理人）係喺OOXX（我本名）個Twitter吖可？我有見到你哋一齊去食吖！我今次嚟仙台都未食牛脷！

咩料吖#sosad#cow你做咩睇我Twitter吖#sosad#cow我Twitter仲有葵司同古川喺度#sosad#cow你唔睇得架#sosad#cow





#:)#cow：我頭先聽到你同另外啲巴打講，多謝你有睇到我Twitter#sorry#cow
:)：啲牛脷好似好好食！
#:)#cow：我今次都係第一次嚟仙台食牛脷！果然係名不虛傳！
:)：你個名係咁串吖可...（自動默寫咗出嚟，仲畫埋我個名後面隻公仔）
#:)#cow：犀利#oh#涼森小姐記性真係好#oh#
:)：呢啲全英文嘅名比較好記。
#:)#cow：不過後面呢隻公仔係咪雞仔嚟？（扮晒嘢）
:)：唔係！係隻恐龍嚟！係！恐！龍！
#:)#cow：涼森小姐講嘅嘢就係絕對！你話係咩就係咩#:)#cow

我就係一個咁簡單嘅男人，本來今日呢一場event諗住一張3枚劵就完，但聽到涼森嗌得出我個名，又默寫得出我個名，好囉#drink#dragon咁買多張2枚劵囉#drink#dragon：



2枚劵係涼森呢次event嘅最低消費，福利亦都最少，而且影相嘅時候唔係好似平時咁一對一，女優只會望你個鏡頭；而係一對二，兩個FANS一齊影佢，佢會輪流望鏡頭，所以會影到啲女優唔係望緊你鏡頭嘅特別相：


（我都有聽過有啲FANS係鐘意影呢啲特別角度嘅相，佢哋覺得女優唔係望緊你個鏡頭反而仲有feel。）

今次同涼森嘅最後一張合照，就用自拍嚟結束：



#:)#cow：頭先都唔記得講！7月可能嚟唔到，但8月台灣TRE我一定會嚟！
:)：啲見面名額好難買喎！
#:)#cow：我會努力！到時喺台灣見！

為咗你，我連仙台咁遠都嚟到，
區區一個台灣，又算得啲咩，
8月再見#:)#cow



（今次呢個5週年event，涼森係專登換咗另一個新嘅簽名。）


（送俾涼森隻Pooh公仔俾佢擺咗喺中間#guitar#dragon證明我冇揀錯#guitar#dragon）


未完待續
Posted by
標籤： ,

沒有留言:

張貼留言

訂閱： 張貼留言 (Atom)