龍年新正頭見AV女優行大運 Part 3

2月18號，今日又係一日要跑4場#lihkg#dragon首先係落去原宿，睇石川澪嘅寫真展：






(入場費好平，跟返佢21歲生日，210円。)

貴為緊隨河北彩花嘅業界第二人氣女優，石川澪由出道直到而家嘅宣傳規格都係相當高，好似呢個寫真展咁就係為咗紀錄佢21歲生日而舉行，當然都仲有線上寫真集賣：


（比較少見嘅係呢個寫真展可以隨便影相，同埋現場會有個QR Code俾你掃，會有石川澪聲音導航帶你行一圈，全長大概10分鐘；但其實寫真展個場好細，兜一個圈都唔駛一分鐘#wtf#rabbit）

當中我自己最鐘意係呢張手捧紅葉嘅相，石川澪喺條聲入面都話係有種同男朋友講緊「睇下，係紅葉！」嘅感覺，我自己覺得影得好好:)



行完寫真展之後，同一日喺原宿入面仲有另一個活動我想參加，就係Prestige嘅Apparel shop，最近都會有旗下女優落去企場sell嘢，今日當然係我個良心，涼森れむ（涼森玲夢）：




喺得原宿擺檔就當然係賣衫啦，喺入面買夠20000羊嘅話就會有一張合照，坦白講對於我哋玩開碟event嘅人嚟講，呢個都唔係小數目，仲要只係得一張合照[sosad]不過當日仲有另一個特典，就係只要喺女優在場嘅時候買任何一件貨品，都會有一張女優嘅簽名貼紙送返俾你，咁我就梗係叫涼森幫我揀件平平哋嘅底褲，呃張簽名貼紙就走啦#hehe#pig


（當日嘅官方相。）

如果識日文嘅話，間唔中嚟呢種一日店長活動都幾好，因為我喺度同涼森傾計嘅總時間，遠遠超過我同佢喺之前碟鋪活動傾嘅時間，仲可以有揀衫呢個話題，相當唔錯：

#:)#cow：（雖然好明顯佢又係唔記得咗我）TSE我因為工作關係嚟唔到，好對唔住#sosad#cow
:)：唔緊要！同埋我下個月都會去香港！
#:)#cow：真係嘅#oh#！？過嚟有活動？
:)：係吖！係OOXX嘅活動！（唔知公唔公開得，但係係正經活動嚟。）
#:)#cow：哦！好期待！我到時抽到時間一定嚟！
:)：好吖好吖。
#:)#cow：係呢，我想買條底褲，你覺得邊隻顏色好....
（煩咗涼森2-3分鐘，俾完錢返嚟拎貼紙）
#:)#cow：上次東村山嘅event，我想玩第二輪，但店員話太多人唔俾我買飛#sad#cow
:)：唔緊要啦！我今年出道5週年都有好多event，全國都會去！你有見到Twitter張相吖可？
#:)#cow：當然有！



#:)#cow：我都想跟住你喺日本周圍去下 ！
:)：哈哈！
#:)#cow：係呢，今次係咪你第一次嚟香港？
:)：係吖，唔知有冇時間去行下迪士尼。
#:)#cow：不過香港迪士尼好細呢。
:)：但啲精品好多都好靚，我想買啲返嚟。
#:)#cow：咁我下次喺event度送俾你！
:)：真係嘅！？咩都可以，最好係OOXX嘅！（呢個係我同涼森嘅秘密#mock#pig）
#:)#cow：好！我下次買俾你！（同涼森勾手指）
工作人員：唔好意思，夠時間了。
:)：下次見啦！Bye Bye#bye#

將來葵司引退嘅話，
涼森應該就會係我繼續行落去嘅其中一個最大動力。



（當日嘅另一張官方相，爹親娘親都唔及__主席親，千好萬好都係涼森最好#wail2#pig）


（至於條底褲幾錢？3400円，係全場第二平嘅商品，因為買最平嘅又好似樣衰得濟，所以揀個第二平嘅好似好睇啲#cn#）

跟住就返嚟秋葉原繼續玩返啲正常event:)

話說因為去得多event，一班工作人員其實基本上都一定認得我，同埋因為識啲啲日文，亦都了解啲event流程同規矩，有時有海外華人FANS嚟到唔知點玩嘅時候，佢哋都會嗌我入去幫手譯兩句#hoho#不過我啲日文一嚟冇真正學過，二嚟自己同女優交流就好地地，一去到要幫人翻譯我就拿手唔成勢#sick#pig結果今日就出事#arrested#pig

事緣今日嘅event係松本いちか（松本一香）：



主持人：新東寶！麻煩入嚟幫手譯兩句！
#:)#cow：係係係！
（本來都好地地，直到最後一句）
:)：係呢，你幫我問下佢!#%$*@？
#:)#cow：#oh#....? （金翅仆街了真係聽唔明）
主持人：新東寶你平時都講到傾到㗎#oh#做咩今日啞咗#oh#
#:)#cow：#sad#cow....
主持人：王桑！王桑喺唔喺度？

好彩最後王桑喺度幫手，唔係嘅話我都唔知要唔要跳落秋葉原條河一死以謝天下#sadbutsmile#cow

之後輪到我入去影嘅時候：

主持人：係！新東寶一陣影相少10秒！（開玩笑mode）
:)：炒佢魷魚！
#:)#cow：#sad#cow#sad#cow#sad#cow







今日松本著嘅係同上次10月新ありな一樣嘅疆屍scosplay，正好可以彌補到佢冇乜心口嘅缺點；亦因為發生咗啱啱件事，所以我同佢講：

#:)#cow：請你俾個嬲樣嘅表情我！
:)：....唔得！

呢句「唔得！」正正就係我想要嘅嘢！







正所謂柒得一次就會柒埋第二次，現場有賣チェキ，買夠3張就可以請松本簽埋名，就喺我請松本簽名諗住可以補飛嘅時候：

#:)#cow：抖S嘅つーちゃん我最鐘意。
:)：つーちゃん？唔係吖，我係叫いっちゃん！（同主持人講）你睇下佢～！連我個名都讀錯！

睇嚟我今年...都係會繼續同叫松本嘅人過唔去#sad#cow


（松本嘅女FANS都唔少，差唔多每10個FANS入面就有一個。）

大家一齊陪我深呼吸調整下心情先，跟住就係今日嘅最後一場event，去見嘅係SOD Star嘅專屬女優，亦係有唔少香港人都鐘意嘅神木麗：



喺AV po我哋都鐘意嗌佢做大隻麗，一嚟佢有返咁上下高(169cm)，二嚟係佢生得比較橫，骨架比較大，上鏡拍埋其他細粒女優身邊就更加顯得大隻。不過今日近距離見真人，除咗比起喺TRE睇嗰陣靚女好多之外，仲一啲都唔大隻：









簽名傾計嘅時候：

#:)#cow：神木小姐你好吖，今日第一次近距離見你真人，真係好靚女。
:)：多謝你多謝你！
#:)#cow：神木小姐喺香港好受歡迎呢。
:)：真係嘅！？
#:)#cow：係吖，好多人都識得你，你有嚟過香港嗎？
:)：有吖，之前做嘢拍嘢嘅時候嚟過一次，有去過迪士尼。
#:)#cow：哦～不過香港迪士尼唔夠東京咁大呢。
:)：哈哈，但啲精品都好靚，我自己好鐘意Marvel，所以玩得好開心。
#:)#cow：神木小姐鐘意嘅Marvel角色係？
:)：我鐘意Natasha同Wanda。
#:)#cow：我自己就鐘意Star Lord#hehe#cow

迪士尼簡直係同女優傾計嘅萬能key，暫時都未搵到一個女優係開迪士尼話題而搭唔到嗲#plan#cow


（同埋咁樣責落嚟真係有啲壓力...）

當日嘅靚晚係秋葉原JR站附近嘅一間酒場:)


大衆酒場 ちばチャン 秋葉原電気街口店 東京都千代田区外神田1-18-19 BiTO AKIBA 10F

同一直食開嘅新時代酒場有啲唔同，呢度嘅嘢食選擇再多啲，同埋感覺上仲好食啲：


（呢個芝士奄列蛋超好食。） 



（普通size嘅薯條已經咁大兜#sweat#tiger）

待續
Posted by
標籤： ,

沒有留言:

張貼留言

訂閱： 張貼留言 (Atom)