(原文於14-3-2025 hksecretparty刊登
https://hksecretparty.com/2025/03/14/av業界事務所巡禮第三彈：alive、capsule-agency、arche/)
嚟到AV業界事務所巡禮嘅第三彈，中國人有句說話叫貴精不貴多，又有句說話叫蟻多嬲死象，到底邊一個先係真理，恐怕去到人類末日都未必會有答案。之前介紹嘅幾間事務所規模都係業界嘅一線級別，手上面閒閒哋都有20位以上嘅女優，但又係咪代表人多就一定好辦事呢？今日介紹嘅事務所恰恰相反，佢哋嘅事務所頭牌基本上只有一個，但單單靠呢一位女優就足以養起成間事務所，其他同事務所嘅女優連佢條死氣喉噴出嚟嗰啖廢氣都吸唔到；你以為負責傾生意嘅係社長同經理人，但其實當你去到能夠以一人之力撐起成間事務所嘅時候，真正決定接唔接呢單job嘅係個女優本人，今日就同大家介紹呢幾間靠一人打天下嘅女優事務所。
ALIVE
代表女優：石川澪
可能係小弟學藝未精，但喺石川澪出道之前，小弟從來都未聽過ALIVE呢間事務所嘅存在。2021年10月石川澪橫空出道之後，ALIVE嘅曝光程度開始明顯增加。由手頭上冇幾多個女優可以搞寫真展，當簽到石川澪之後變成一年搞兩三次寫真展，可以話係一個石川澪嘅出現就改變咗ALIVE事務所上上下下所有人嘅命運。
當然ALIVE都對呢一個堪稱六合彩頭獎嘅女優寵愛有加，畢竟一個成功嘅女優招牌，都係吸引其他女仔選擇佢哋事務所作為出道公司嘅原因。石川澪係業界近年非常罕見而又相當成功嘅例子，只要你樣子甜美，身材同演技稍為欠奉都好，FANS都會願意埋單。
早兩日完bid嘅FANZA女優內衣褲拍賣，石川澪嘅一套內衣成交價超過270萬日圓（約13.5萬港紙），ALIVE簽返嚟嘅呢位新人王，吸金能力絕對係業界嘅數一數二，唔係嘅話點養得起成間事務所？
Capsule Agency カプセルエージェンシー
代表女優：七沢みあ
同ALIVE一樣，Capsule Agency (下簡稱Capsule) 都係因為一位Moodyz專屬女優而改變命運，佢就係業界嘅小惡魔代表之一七沢みあ（七澤美亞）。
Capsule其實喺規模上都唔能夠算係少人，至少都有好幾位我會有印象嘅女優，例如S1最近嘅新人渚あいり（渚愛梨）、熟女小早川怜子、有一段短時期好受歡迎嘅香坂紗梨、曾經我認為佢會紅到嘅水沢美心，都係Capsule旗下嘅女優，但跑得出兼且上到一線嘅暫時只有七沢みあ一位，唔能夠稱多上係六合彩頭獎，但都係一個不過不失嘅三獎。
喺吸金能力方面，七沢みあ係秋葉原event嘅紀錄保持者，超過400人參加嘅即售會紀錄直到今日都未有人打破。物以罕為貴，七沢みあ嘅event有時一年都未必有一次，可能都係呢個原因令到Fans全部集中火力喺呢一日入面，締造咗秋葉原呢個不敗神話。
如果呢個都係事務所嘅計劃之一嘅話，諗到用呢招一年一event嘅破斧沉舟嚟谷銷量同話題，不由得衷心佩服Capsule事務所嘅勇氣同眼光。
ARCHE
代表女優：水卜さくら
又係Moodyz嘅專屬女優，睇嚟Moodyz特別旺呢啲一人女優嘅事務所。堪稱業界身材No.1嘅水卜さくら（水卜櫻），所屬事務所ARCHE係一間相對上規模相當細嘅事務所，但又唔係冇其他拎得出手嘅女優，能夠同水卜平起平坐嘅就有一位，就咁打個名大家未必認得，あべみかこ，亦即係上一代嘅蘿莉平胸掌門人，安部美華子。
自從あべみかこ正式引退之後，水卜さくら就成為ARCHE嘅唯一希望。雖然體弱多病，但水卜さくら都係Moodyz嘅其中一位銷量保證，穩定程度甚至比起同年出道嘅桜空もも（櫻空桃）更有保證，身材保養方面亦都同出道時期相差唔遠，唯一一樣影迷都挑剔嘅就係水卜さくら棚牙，大部分嘅評價都係唔整好過整。唔知喺呢件事上面，事務所ARCHE又點睇？
我本人感覺水卜さくら都開始踏入事業嘅倒數階段，睇嚟ARCHE要快手簽返一兩個頂級新人，嚟保住事務所嘅命脈了。
當然仲有其他呢啲靠一人就養起成間事務所嘅情況，業界傳奇吉沢明步（吉澤明步），Prestige一代女神園田みおん（園田美櫻），都係一個人養起成間事務所嘅例子，今日就同大家分享呢三間一人女優事務所，下次有機會再同大家介紹其他業界有特色嘅事務所。
沒有留言:
張貼留言