上仙台搵涼森＋去田代島睇貓貓＋一日見晒水卜櫻空 Part 1

6月嘅晚上大家好:)我係去日本見女優見到畀人懷疑我係雞頭嘅新東寶:)


睇標題都睇到喇，小弟喺5月又去咗一次日本見AV女優，今次終於可以衝出東京，去下日本嘅其他地方#sad#cow次次都寫秋葉原，我自己都嫌悶#sad#cow

希望今次可以透過我嘅文字，帶大家離開東京，睇下喺其他地方碟鋪搞嘅AV女優見面會event，同喺秋葉原嘅會唔會有咩唔同，順便亦都喺仙台當地觀光食下嘢，咁樣先至似返個旅行#:)#cow

廢話少講，喺boarding gate影完張打卡相就上機，我哋一齊去睇女#bye#cow


（今次除咗涼森之外，亦都會去見古川ほのか，仲有最近我自己幾鐘意嘅浅野こころ。）




（喺機場迪士尼鋪頭買俾涼森同古川嘅禮物，點解買呢兩樣呢，睇落去就知#:)#cat）


喺搭緊飛機嘅途中不如同大家講下，3月我喺香港見涼森嘅所見所聞，同大家熱下身先:)

3月嘅時候，由藝人陳冠希主理嘅品牌Clot就同AV片商Prestige嘅時裝品牌嚟咗一次crossover，配合宣傳邀請咗兩個Prestige旗下嘅女優嚟香港搞見面活動，分別係涼森れむ(涼森玲夢)同八掛うみ(八掛海)：


（喺日本買到同AV女優相關嘅衫，多數啲公仔都會有啲暴露，唔係幾方便著出街，今次呢兩件算係可以著出街而又不失霸氣嘅選擇嚟#power#cow）

當日見面會嘅活動內容都好簡單，只要買一件衫就有合照，買兩件衫就會有簽名寫真集，兩個女優都想影晒嘅話就要買4件，鑑於我對八掛冇咩興趣#heard#pig所以淨係買咗兩件涼森嘅衫就入去：




:)：（今次真係認得）哦#oh#！係你！
#:)#cow：涼森小姐歡迎你嚟香港！
:)：第一次嚟香港，好多嘢都好靚！
#:)#cow：我準備咗啲禮物俾你！希望你會鐘意！有食物又有啲飾物！
:)：哈哈，好吖！多謝你！
#:)#cow：過兩日嘅ComplexCon活動我都會嚟，不如我到時買啲嘢飲俾你，Er...珍珠奶茶？
:)：好吖！我勁鐘意飲珍珠奶茶！

由於時間關係，我連我準備咗啲咩禮物都未詳細講，就已經畀工作人員推走#sad#cow唯一擔心嘅係驚佢唔知邊份先係我送，所以特別強調有飾物呢樣嘢，希望佢記得啦#sad#cow


（完咗見面會之後，喺鋪頭入面有佢哋自己嘅私人party，涼森有間唔中出嚟同啲FANS打下招呼，呢啲都係其他FANS影到嘅相。）


（同涼森經理人影嘅合照，去得多涼森嘅event，佢經理人都認得我#sorry#cowbtw呢位經理人喺業界年資都唔短，手上都帶過唔少人氣女優。）

#:)#cow：經理人歡迎你哋嚟香港#sorry#cow
經理人：哦新東寶#oh#你今日都有嚟撐場，真係多謝你。
#:)#cow：係呢，你哋係今日先落機？
經理人：係吖，落咗機就過嚟呢度。
#:)#cow：#unexpected#cow...辛苦你哋喇，係呢，聽日會同涼森去香港迪士尼嗎？
經理人：會吖！佢想去迪士尼好耐！

非常好，咁我送俾涼森份禮物就派上用場了#scheme#cow

隔咗一日之後，涼森同八掛就出席喺亞洲博覽館入面嘅ComplexCon潮流展覽，對於我呢啲毒撚嚟講，潮流嘅嘢我識條鐵咩#sosad#cow入去睇涼森就算啦#sosad#cow



由於應承咗涼森嘅關係，於是我喺出發搭機場快線之前，專登去買咗8杯珍珠奶菜，做咗一轉外賣仔送入去博覽館：

 
（聰明嘅我其實係有帶定個保溫袋嘅#plan#cow不過我冇諗過8杯珍珠奶茶係塞唔晒入去個袋入面#slap#cow）

至於點解一買買8杯咁多？一陣大家就明白我嘅用心良苦#cigar#cow

同早兩日嘅event一樣，今日喺ComplexCon嘅呢一場活動都係買衫就可以有合照同簽名，比較冇估到嘅係Prestige嘅攤位今日冇準備到翻譯人員，結果我自己客串落場做咗大半日翻譯#sad#cow幫手答下問題同解釋俾啲人聽點買#sad#cow


（八掛出嚟嘅時段比較冷清，而涼森嘅時段大部分時間都係排長龍，呢啲就係女優人氣上嘅差異。）

等到大概4點左右，終於輪到涼森出嚟，我就梗係問下佢有冇收到我俾佢份禮物：




#:)#cow：涼森小姐又見到你喇，係呢，你有收到我送俾你份禮物嗎？
:)：有吖！我好鐘意！尋日去迪士尼玩嗰陣都有帶住！我有影相架！返到去我會擺上IG！
#:)#cow：咁就好啦！我好期待！係呢，我今日仲有買咗珍珠奶茶俾你。
工作人員：新東寶專登買入嚟俾我哋啲珍珠奶茶，好好飲架！大家都有份！
:)：你唔止淨係買俾我，仲買埋其他人嗰份架！？新東寶你真係好人！不愧係你:)！

多謝現場工作人員呢下現場助攻，唔好話8杯，88杯我都托入嚟#hehe#cow所謂愛屋及烏就係咁解，包括我前兩日俾涼森嘅禮物，我都有另外執一份俾經理人同隨行嘅工作人員#scheme#cow同溝女一樣，先同條女身邊嘅人打好關係，做好多嘢都會即刻順利好多#cigar#cow



至於我送俾涼森份禮物係咩？答案就係呢一個Pooh嘅頭箍：



https://x.com/remu19971203/status/1775850495837626499
（喺IG同twitter見到佢戴住去迪士尼玩嘅相，真係仲開心過自己同佢去#sad#dragon仲有其他佢戴頭箍影嘅相，不過喺涼森個Fanclub度，我就唔貼出嚟了#mock#pig）

大家下次諗唔到送咩俾涼森嘅話，識做啦#cut#pig涼森講過只要係Pooh嘅嘢佢就啱#cut#pig不過買太多會唔會衰__ __法，我就唔敢講喇#shocking#pig

鏡頭返番嚟5月喺日本啱啱落機嘅新東寶，今次嘅行程全程大概12日，因為包括埋仙台，所以實際停留喺東京嘅時間唔算太多，喺東京逗留一晚，第二晚就坐夜巴出發去仙台，然後喺仙台逗留5日左右就返嚟東京，stay多一個禮拜去埋啲event就返香港#:)#cow


（今次試過，龍角散對於搭飛機喉嚨乾確實係有啲料到。）

一落機就係去搵朋友食燒肉，係一間喺錦系町嘅樓上燒肉店：


てんてん 東京都墨田区錦糸3-4-10 2F 


（今次都學到一個新配搭，燒肉食完最後嚟個雪葩收尾清一清個口腔#unclehappy2#dragon勁fresh#unclehappy#dragon）

今次都搵到一間唔錯嘅細酒店，一晚唔駛$300，有自己獨立房，不過又係廁所廚房共用，但勝在唔多人住，基本上都唔會同人爭：


（單身寡仔去旅行住呢啲夠啦#drink#dragon）


未完待續
Posted by
標籤： ,

沒有留言:

張貼留言

訂閱： 張貼留言 (Atom)