新年流流，今次見咗十個女優。Part 4

17/1，呢幾日都係黃昏先至要返去秋葉原玩event，日頭時間我就打算拎住張東京metro pass周圍去

作為一個毒撚，最怕就係去啲人多嘅地方，唔想去Shopping，唔想去啲遊客熱門景點，剩低嘅可以有咩好選擇呢？
吖去行下公園同動物園，感受下大自然，呼吸下新鮮空氣都好喎

於是我就上網去搵東京有邊啲唔錯嘅公園可以去拜訪一下，今日去嘅係葛西臨海公園






係一個有埋摩天輪嘅海岸公園，亦係影日落嘅一個好地方

 - - - - - - - - - - - - - - - - - - - - - - - - - - - - - - - - - - - - - - - -

行公園真係可以好好咁消磨一個下晝，之後就返去秋葉原，今日見嘅係山岸逢花，佢出咗本新嘅寫真集，叫「duende」。



上一次近距離見山岸已經係2019年嘅台灣成人展，當時見到真人就已經覺得呢個女優好上鏡，點影都冇問題。事隔三年，山岸嘅韻味同女人味都比以前再勁咗，呢幾年有追佢啲片睇嘅朋友應該更加感受到佢嘅進步同變化







今場嘅合照只可以影即影即有相：



（山岸個簽名係好巧妙咁擺哂四個漢字入去）

傾計嘅時候：

「山岸小姐你好是咁的其實我以前都係惠比壽麝香葡萄嘅FANS，可惜你入團之後冇幾耐就撞正疫情，冇機會睇到你喺台上面嘅演出」
「哦？你之前已經有嚟睇LIVE架？大概係幾時開始架？」

正當我喺手機搵緊以前嘅相，想show俾佢睇以前去睇葡萄live啲大合照嘅時候，佢本人已經帶住個甜笑拎住本簽好我個名嘅寫真集行過嚟考慮到後面仲有唔少人排緊隊，我都唔好意思拖太長時間雙手接過佢本寫真集，同佢講聲以後會繼續支持你，之後就講拜拜走人

希望佢唔會係覺得我吹水我真係有相為證架



唯有下次有機會去佢event再俾佢睇啦


（呢一晚好詭異，成條秋葉原大街一個女僕都冇）

 18/1，今日黃昏返嚟要去見兩個女優，日頭唔適合去太遠嘅地方，於是我plan咗去井之頭自然文化園。

中午就揀咗一間喺吉祥寺駅出面嘅立食壽司，埋位嘅時候壽司師傅遞咗份menu俾我，問我有冇需要更換個set入面嘅內容，我望著一堆平假名，啲魚名我就算識讀都唔識解為免講多錯多，都係叫師傳跟返幅圖嗰幾款整就算




（揀嘅係¥870嗰款）

食完就出發去動物園，離火車站大概係十分鐘路程。



入場費係¥440，同其他我去過嘅動物園比較，呢一個動物園規模就比較細，同埋多數都係一啲小型動物，再加上天氣涷，好多動物都縮喺角落唔願郁。



呢個動物園最大嘅特色係入面有個松鼠園，同香港公園個觀鳥園一樣，松鼠會喺個好大好大嘅鐵籠入面自由奔放，入咗去個籠入面嘅嘅人可以極近距離觀察到啲松鼠，經常會見到啲松鼠喺你腳邊跑過

 

而喺動物園嘅對面馬路，就係兩棲動物區，同一張門票可以去哂兩個園區，好抵玩

 

行完兩個園區之後㩒一㩒Google Map，原來吉祥寺附近仲有個吉卜力美術館，不過佢個展館需要網上預約先入得，咩都冇搞嘅我喺外面影幾幅相就起程返秋葉原

今日見嘅第一個女優係Moodyz專屬嘅宍戸里帆，我到埗嗰日朝早就係出去排隊買佢嘅event飛宍戸係一個貨真價實嘅大學生，之前佢有喺Twitter度po過自己溫書啲notes文筆唔錯，佢甚至仲有自己嘅連載專欄。



（除此之外佢仲鐘意睇戲，有睇過春光乍洩）

臉圓圓，有少少心口嘅一位短髮女優，大家有興趣嘅不妨又留意一下





現場仲播緊JOJO嘅歌，我問起佢你好鐘意JOJO？佢就話超鐘意原來仲係一個動漫迷嚟

傾計嘅時候：

「香港嘅@&$*^#@&$係咪同日本唔同？」宍戸問。
「....」（仆街又聽唔明，今次真係要出動個Google translate）
（跟住佢打咗農曆新年出嚟）
「哦...唔係吖，香港同日本都係過同一個新年，不過中國就會有農曆新年，中間大概隔咗一個月。」我話。
「哦...原來係咁，我以為香港都係同中國過同一個新年。」宍戸話。

今場一共可以影4張合照，諗pose諗到頭都爆，所以索性將其中一張改做我以前同飛鳥會影嘅握手pose：

 
 

簽名板就係咁：

同宍戸里帆告別之後，我去咗搵另一個我上次10月嚟都有見過嘅女優

冇錯，我又去發咗場涼森鈴夢。



涼森今日嘅水著係黑色雞翼袖加條白藍色短褲仔，正所謂陳冠希阿伯.jpg，人靚就著咩都靚，雖然上身下身嘅顏色唔知點解會咁樣襯，但個焦點去咗個樣度，成個配搭出嚟都冇咩違和感

隔咗幾個月冇見，當然要問下佢仲記唔記得我，同埋我上次送俾佢個劍球啦

「涼森小姐你好我係幾個月前嚟過你event嗰個香港人，上次仲送咗個劍球俾你」
「哦...哦」（佢點點頭，但個表情係話俾我聽佢唔記得）
「......唔緊要啦我地都係開始影相啦今日請你多多指教」









（涼森12月event嗰時係呢套水著，又係上身同下身完全唔同顏色嘅配襯）

其實嚟之前都唔預計佢會記得我，不過現場見到佢呢個反應多少都係有啲失望要令一個一線女優記得自己真係唔係咁易

同宍戸里帆告別之後，我去咗搵另一個我上次10月嚟都有見過嘅女優

冇錯，我又去發咗場涼森鈴夢。



涼森今日嘅水著係黑色雞翼袖加條白藍色短褲仔，正所謂陳冠希阿伯.jpg，人靚就著咩都靚，雖然上身下身嘅顏色唔知點解會咁樣襯，但個焦點去咗個樣度，成個配搭出嚟都冇咩違和感

隔咗幾個月冇見，當然要問下佢仲記唔記得我，同埋我上次送俾佢個劍球啦

「涼森小姐你好我係幾個月前嚟過你event嗰個香港人，上次仲送咗個劍球俾你」
「哦...哦」（佢點點頭，但個表情係話俾我聽佢唔記得）
「......唔緊要啦我地都係開始影相啦今日請你多多指教」









（涼森12月event嗰時係呢套水著，又係上身同下身完全唔同顏色嘅配襯）

其實嚟之前都唔預計佢會記得我，不過現場見到佢呢個反應多少都係有啲失望要令一個一線女優記得自己真係唔係咁易

待續