上仙台搵涼森＋去田代島睇貓貓＋一日見晒水卜櫻空 Part 8

跟住就係今次過嚟嘅重頭戲之一，我想搵機會影呢個女優好耐，但奈何佢嘅event好少，同埋多數都唔喺秋葉原，甚至唔喺東京，所以好難撞得啱#lose#cow


呢個女優，叫做水卜さくら（水卜櫻）：



今日嘅呢一場係佢嘅Fan Club限定嘅攝影會，都係有朋友同我講我先知原來佢個Fan Club有呢啲會員限定活動#oh#於是拿拿淋入會兼報名。

第一次見到水卜真人，真係好白，係白裏透紅嗰種：








聞名不如見面，雖然今時今日嘅水卜條腰已經冇出道嗰陣咁屈機，棚牙都...唉都係唔好提#heard#pig我情願佢唔露齒笑，反而仲好睇#phone#dragon

今日呢一場攝影會每人10000羊，但傾計時間足足有5分鐘，又係考驗我日文嘅時候：

#:)#cow：水卜小姐初次見面你好，我係喺香港嚟嘅。
:)：香港嚟但識講日文嘅#oh#？你好:)（水卜真人講嘢冇我想像中咁細聲）
#:)#cow：今日第一次見真人，水卜小姐好靚女呢。
:)：多謝你嘅讚賞。
#:)#cow：水卜小姐出道咁多年，但都未見過你出海外搞event，如果將來有海外event就好了。
:)：呢一層呢...其實我唔係太知道我喺海外有冇人識...
#:)#cow：點會冇人識呢#:)#cow香港好多人每個月都留意住Moodyz嘅新作發布，而且最留意就係水卜小姐下個月有冇新片出。
:)：真係嘅？咁就好喇，咁我都有信心啲:)




#:)#cow：水卜小姐最近身體幾好嗎？之前見你成日唔舒服。
:)：最近身體都OK...尋日仲一口氣瞓咗20個鐘#sad#cow
#:)#cow：20個鐘！？唔駛食飯去廁所？
:)：剩低嗰4個鐘就係去咗食飯嗰度#sad#cow...



（影合照嗰陣仲同水卜同佢經理人傾開學語言，經理人話廣東話好難，我話國語得四聲，廣東話有九聲，水卜聽完我示範廣東話九聲之後，即刻話冇可能學得嚟#no#cow ）

相比起初出道嗰時嘅mute mode，而家嘅水卜喺演技方面已經進步咗好多好多，啲片偶有佳作#confuse#rabbit有機會我都會想再嚟影下佢，都係唔好退訂個Fan Club住#confuse#rabbit同水卜鬥長命#backpain#dragon

喺池袋影完水卜，之後又趕返嚟秋葉原，今日嘅最後一場，咁啱佢都係同水卜さくら同年出道，佢叫做桜空もも（櫻空桃）：



對住櫻空我只有一個形容：係一個由上而下都係咁屈機嘅女優#hehe#cow








不過反而同櫻空傾計係咁多個女優入面傾得最少：

#:)#cow：櫻空小姐真人真係樣靚身材正呢，今年TRE好期待你嘅表現。
:)： 你都會去TRE吖？多謝你今日嚟，你日文講得好好！
#:)#cow：過獎喇，我淨係識呢啲嘅啫#:)#cow



好似仲有傾多另外兩句其他嘢嘅#confuse#rabbit不過我唔記得咗，可能當下嗰刻畀櫻空吸走咗個魂魄#O:-)#cat

有機會都會再嚟影櫻空，真係夢幻女神咁嘅款:)



一日見晒水卜同櫻空，人生成就又解鎖多一個，食咩都冇所謂啦#hehe#cow於是去咗食你想坐幾耐都得嘅磯丸水產：







（碟炒飯其實好細份，每人兩啖就冇晒#nope#dragon）

終於都嚟到旅程嘅最後一日:)

其實呢兩年由寫遊記開始，每次嚟日本都好似有任務在身咁，當然都係有寓寫作於娛樂嘅心態，去AV女優event自己滿足之餘，返到嚟分享俾大家睇之後，會有更加多人了解同鐘意呢個行業，我絕對係開心同滿足#sorry#cow

但畢竟只係一個普通人，有時都真係會去到攰同寫到攰#dying#pig但每一次收到啲巴打絲打同我講睇完我啲遊記，膽粗粗去完玩完，share俾我聽啲經歷同埋好開心可以完夢之後，我覺得我仲開心過我自己去玩#:)#dragon多謝你哋，全靠有大家新東寶先至可以堅持落去#sad2#dragon



早餐就繼續搵啲新嘢試下啦:)位於秋葉原UDX樓下嘅呢間TULLY COFFEE成日經過都想試下，今日try try佢先:)


タリーズコーヒー 秋葉原ＵＤＸ店 タリーズコーヒー 秋葉原ＵＤＸ店

（味道同選擇其實都係普普通通，唔算好特別，唯一最特別係一邊食一邊望住出面條街排隊入去玩柏青哥嗰條人龍，個個都係賭博默示錄入面個開司嚟...）

今日第一場，係SOD Star專屬嘅女優，佢有一對美乳，女優個名叫做天宮花南:)



21年喺SOD出道，但當年嘅SOD只係主力捧MINAMO，搞到天宮花南錯失咗頭一年嘅新人黃金時間，而家又係處於SOD唔會炒佢，但又冇得發圍嘅尷尬位置：


（戴住bra都望到佢胸型真係幾靚，順帶一提天宮花南係日本size嘅G Cup。）

#:)#cow：天宮小姐你好，今日係你嘅生日event，先喺度恭祝你福壽與天齊#pray#mouse
:)： 吖！多謝你！你話你香港嚟嘅？香港我知大概喺邊度，不過我都未去過。
#:)#cow：希望有機會你會嚟香港玩，香港最出名嘅就係迪士尼同埋飲茶，香港啲點心好好食㗎！
:)：我都好想食！之前去台灣嘅活動，我最鐘意食就係小籠包同飲台灣啤酒！
#:)#cow：香港都有特色嘢食同好靚嘅景色！有機會嘅請你嚟睇下！



（其實我可唔可以同旅發局申請資助...我至少同過百個AV女優推介過香港有咩吸引#sad#cow...）

之後嘅第二場event，係最近宣布咗即將引退嘅S1專屬女優，架乃ゆら（架乃由羅）：



架乃2017年喺S1出道，今年係佢嘅七週年，能夠喺S1入面做到咁耐專屬女優，相信都跌爛咗唔少人副眼鏡，畢竟架乃樣又唔係特別靚，身材又唔吸引，把聲仲要係低音炮#phone#dragon但架乃喺S1劇情片入面嘅演技，幾乎係無人能及，呢一個亦都係佢能夠留喺S1入面咁耐嘅重要原因：







#:)#cow：架乃小姐七年嚟辛苦了#sorry#cow多謝你帶咗咁多咁精彩嘅AV作品俾大家
:)：多謝新東寶你嘅支持。
#:)#cow：每個月嘅S1新作，其中一個最期待就係架乃小姐嘅劇情片，每一次都感嘆架乃小姐嘅演技真係犀利，好多都好入戲。
:)：雖然我引退咗，但之後都仲會繼續有活動，仲會再見到我㗎！


（架乃其實我有啲睇好佢會成為下一個戸田真琴，會向電影監督嘅路線進發。）


讃岐うどん 伊吹や製麺 秋葉原UDX店 東京都千代田区外神田4-14-1 秋葉原UDXビル 2F

（禮拜日嘅秋葉原周圍都係咁多人，等位都等到你傻，推介大家去UDX上面搵嘢食，比較少人，而且選擇都多。）

繼續今日嘅第三場event，主角係古川嘅好姊妹，未歩なな（未步奈奈）：




今日嘅呢場event唔係賣AV，而係未歩なな嘅個人節目，所以服裝都係健康路線，今日係天使嘅cosplay：








眾所鳩知，連未步自己都知，我同佢其實係完全唔過電嘅#sad#cow每次去都係同佢傾古川，佢都知我唔會係佢嘅死忠FANS，所以佢都唔會主動圈我做佢嘅FANS#sad#cow

#:)#cow：未步小姐你好，今年TRE嘅名單公佈咗，古川同八木都好似冇份，得未步小姐有得去。
:)：有啲咁嘅事！？不過攤位女優未公佈晒，佢哋有可能到時會喺攤位嗰邊！
#:)#cow：希望係啦，到時都想見到你哋三個同場出席，今年見到未步小姐去咗台灣搞攝影會，希望你都會有機會嚟香港！
:)：好吖！我會努力！





（因為合照得一張，所以就唔影招牌pose了。）

今次旅程嘅最後一場event，既然係由涼森開始，咁就好應該由呢個女優嚟做ending，一個會用廣東話嚟覆我嘅AV女優，古川ほのか（古川穗花）：



我第一次去古川嘅event係23年嘅1月，事隔一年多啲，我喺返同一個場地終於影到佢嘅第二次水著：



好甜，好靚，喺我鏡頭下嘅古川，係只屬於我嘅古川。

#:)#cow：古川小姐，好耐冇見喇！
:)：新東寶！多謝你今日嚟！喺台灣咁遠都過嚟！
#:)#cow：#sad#cow...唔係台灣...係香港...
:)：#backpain#dragon... sorry我又記錯...
#:)#cow：其實係咪專登#think#dragon你想我每一次聽到都俾呢個反應你#think#dragon
:)：#sad#cow...真係唔係，真係我又記錯...




:)：今年嘅TRE，我冇得參加，新東寶你會去吖可？
#:)#cow：#oh#...我會吖，做咩咁問？
:)：到時記得幫我喺台下面，同未歩なな打氣，要應承我:)

大家話呢個女人係咪傻？自己冇得去，都想自己嘅FANS幫自己嘅好姊妹喺現場打氣。
聽到你呢句，我更加肯定我冇推錯女優。


:)：同埋仲有，每次見到你po喺Twitter度，嗰張臨上機之前影嘅立牌相，我都好開心，好鐘意。
#:)#cow：因為你喺我心目中真係好重要，今日你呢場event係我嘅最後一場event，雖然我已經好攰#sosad#cow...但最緊要見到你，幾攰都值得。
:)：真係嘅？咁我喺你心目中排第幾？
#:)#cow：第一！一定係第一！
:)：咁你要返到香港同其他人講㗎:)

得啦，而家至少喺連登睇到呢個po嘅巴絲打都知道喇，滿意未？
同埋唔駛捉得我太實，

因為我唔會離開你。




（終於集齊晒三個人嘅簽名喺各自隻CD度。）

今次旅程喺日本嘅最後一餐晚餐，幾個人去咗新時代食炸雞同飲啤酒：


新時代 秋葉原本店 東京都千代田区神田佐久間町2-10-2

（大家都辛苦了:)）

然後就係上機前嘅早餐，有一間淺草嘅餐廳上次食完個早餐，有位巴打話嗰件似法國多士多過似係玉子燒，於是今次我決定返去食多次，驗證一下：


フェブラリーキッチン 東京都台東区浅草2-29-6 天野ビル 1F

最後發現原來真係法國多士嚟，只係佢個質感同賣相做到好似玉子燒咁，同同行嘅香港朋友一齊試，佢都覺得好食，所以都係會繼續推介呢間淺草嘅cafe俾大家#like#tiger

 
（真係好似玉子燒#give#dog）

最後仲趁上火車前嘅最後時間，去咗桃乃木かな介紹嘅一間麵包鋪：


（我唔記得影個店面#sorry#cow攞桃乃木嗰張頂住檔先#sorry#cow）

桃乃木去嘅嗰間係銀座嘅本店，我哋去嗰間就係喺淺草附近嘅分店：


塩パン屋 パン・メゾン 東京都墨田区吾妻橋2-4-1 サンクエトワール 1F


呢間麵包鋪嘅特色就係呢個塭パン，亦即係我哋嘅豬仔飽：


（當然另外仲有其他飽揀。）

最後係買咗一個火腿芝士飽同一個豬仔飽，感想就係個皮好靭#backpain#dragon𡁻極都𡁻唔爛咁，同香港嗰種鬆軟麵包相差得有啲遠#backpain#dragon




嚟到boarding gate，影埋張相俾古川睇，就結束我今次嘅旅程:)





24年5月遊記，完:)多謝收睇:)
Posted by
標籤： ,

沒有留言:

張貼留言

訂閱： 張貼留言 (Atom)