(原文於14-2-2025 hksecretparty刊登
https://hksecretparty.com/2025/02/14/2025年有邊啲值得期待嘅女優？sod-prestige-faleno篇/)
雖然WILL集團旗下三間大廠來勢洶洶，但另外三間獨立片商，SOD、FALENO、Prestige，喺24年仍然喺業界同WILL集團分庭抗禮，令到業界唔會嚴重傾斜向大財團一方。大有大玩，細有細做，兄弟拍片各自努力，呢三間獨立公司片商喺2025年又有冇可以同WILL集團鬥個你死我活嘅女優同新人呢？請睇睇小弟嘅愚見。
（2024年年尾Prestige嘅專屬女優晒冷活動大合照。）
SOD主力女優：紗倉まな、MINAMO、本庄鈴、神木麗
SOD而家嘅情況係呢三間片商入面最特殊，枱面上第一招牌女優當然係紗倉まな（紗倉真菜），但佢本人感覺上同SOD已經冇咩其他更深入嘅合作關係（例如極少舉行SOD片商嘅見面會活動），轉移重心向作家同主播等等角色發展。紗倉當然仲係SOD嘅招牌，但稱佢為主力女優...嗯...實力無容置疑，但名義上有待商榷。
而SOD嘅二當家位置，由戸田真琴離巢嘅嗰一刻起就一直懸空至今。上年有分析過SOD係被幾間事務印分緊餅仔，幾間事務所都有各自嘅領土：T Powers嘅MINAMO同小湊よつ葉（小湊四葉）、C-More嘅本庄鈴同青空ひかり（青空光）、Mines嘅小倉由菜同唯井まひろ（唯井真尋），三間比較大嘅事務所都有女優喺SOD嘅呢個二當家候選名單。每一個都有能力上位，但同時又好似每一個都差少少，未去到做到片商一姐嘅級數，個人認為呢個尷尷尬尬嘅處景亦係SOD喺呢幾年嚟都冇咩起息嘅原因之一。
24年小弟自己嘅觀察，T Powers嘅MINAMO係喺一眾SOD專屬女優之中，人氣相對上升得比較快嘅一個。24年MINAMO憑藉外型同穿著吸引咗唔少新嘅女FANS入坑，呢個亦係一個相當大嘅優勢，同時亦係其他SOD專屬女優暫時都做唔到嘅地方。如果25年MINAMO可以維持到呢個獨一無二嘅優點，我個人覺得佢會比起其他女優更快確立到自己喺SOD嘅影響力同銷量地位。
至於另外兩位揀出嚟嘅女優，本庄鈴已經算係SOD嘅老將，亦係相對穩定嘅一位前輩女優。同事務所嘅青空ひかり始終都係有一種稚嫩感，比較難做到片商嘅招牌，所以C-More入面我會比較睇好本庄鈴往後嘅發展。
神木麗喺身型上亦係SOD嘅皇牌女優之一，但可惜身型同時亦係佢嘅雙面刃，控制得唔好嘅時候，就容易變成獻醜。至於有冇機會再上到更高嘅位置，我覺得佢會係SOD呢場跑馬仔入面最大嘅一匹黑馬，有機會爆冷，但機會唔算太高。
至於Mines嘅小倉由菜同唯井まひろ…不如都係早啲安排其他Mines女優入嚟儘早培育算啦...
Prestige主力女優：鈴村あいり、涼森れむ
同SOD嘅情況完全相反，Prestige而家手上嘅專屬女優，九成都嚟自同一間事務所T Powers，簡直可以話係Prestige已經被T Powers揸住咗個春袋，咁樣由一間事務所壟斷晒成間片商嘅專屬女優位置嘅情況，喺業界都係相當少見。
自從園田みおん（園田美櫻）引退之後，涼森れむ（涼森玲夢）就順理成章成為Prestige嘅新主力，喺過去嘅24年簡直係T Powers嘅海外業務代表，香港、台灣、泰國、美國，都有見到佢出席活動嘅身影。跟喺佢後面嘅幾位師妹，八掛うみ（八掛海）、河合あすな（河合明日菜）、野々浦暖（野野浦暖），連佢個車尾燈都見唔到，涼森已經遠遠拋離自己嘅一眾後輩，喺Prestige入面係無可撼動嘅地位。
同埋最重要嘅係，涼森れむ今年出道踏入第六年，27歲嘅芳齡仲有至少4-5年可以繼續喺Prestige同業界大殺四方。Prestige有呢一個穩定嘅業務代表，兩者合作愉快，短期內亦都唔怕出現捧紅咗就走人嘅情況。涼森れむ加上Prestige，係業界最強大嘅黃金拍檔。
同樣都係31歲，鈴村あいり同紗倉まな都一樣要面對「差唔多時候考慮引退」呢個問題。Prestige嘅情況比SOD好，涼森れむ已經成功培育成為接班人，鈴村あいり隨時退下火線都唔會對片商嘅招牌同陣容有咩大影響。在於鈴村あいり本人嚟講，佢俾我感覺好似仲想拍多一陣先引退，仲未有想退役嘅徵兆，再加上24年出席完台灣成人展TRE，感覺上佢嘅怕生保性格會因為出席完呢類公眾曝光活動之後慢慢改善，所以我暫時對於鈴村喺Prestige嘅去留係持樂觀嘅態度，至少仲有一至兩年會見到鈴村嘅身影。
至於作品方面，鈴村嘅演技同實力大家都一早有目共睹，相比起劇情片我個人覺得鈴村好似比較適合拍一啲純肉類型嘅題材，亦都比較適合佢嘅性格同人設，不過唔知走出I人性格框框之後嘅鈴村，喺拍攝風格上會唔會都有大轉變？
Prestige新人女優：釈アリス、瀬緒凛
作為一間可以算得上係一線嘅片商，Prestige喺新人女優呢方面呢兩年嚟都係秉持貴精不貴多嘅精神，同S1 Moodyz嗰種一個月至少兩三個新人嘅情況完全唔同，24年Prestige只係推出咗兩個新人，分別係7月出道嘅瀬緒凛，同埋9月出道嘅釈アリス（釋愛麗斯）。
可能就係因為貴精不貴多，Prestige嘅新人感覺上都比S1 Moodyz嗰種水過鴨背嘅培育模式嚟得深層次得多。瀬緒凛身高149cm，行童顏巨乳路線，把聲亦係好多男士都鐘意嘅嗲聲嗲氣，係Prestige入面暫時最妹系嘅一位女優。
另一位新人釈アリス，169cm高，行輕熟姐系路線，同鈴村あいり同一間事務所，係鈴村嘅同門直系師妹。相對高佻嘅身型同佢嘅個人氣質亦都好吻合，姐系嘅風格亦都成功令佢容易令觀眾留低印象，殺出一條新血路，暫時喺Prestige成績都算幾亮眼。比起同樣偏成熟嘅師姐蒼乃美月、瀧本雫葉，釈アリス似乎更加多人留意同討論，亦係我覺得大家可以多加留意嘅Prestige新人。
一個姐系，一個妹系，Prestige用行動證明，新人真係唔需要多，只需要簽得準同用得好，就算一年得兩個新人都已經夠晒數。
FALENO主力女優：天使もえ、善場まみ
無論嚴格定係唔嚴格嚟講，其實都唔應該將天使もえ（天使萌）放入FALENO嘅主力女優入面，今年年中即將引退嘅佢，已經踏入AV生涯嘅最後一段路程。喺FALENO推出引退作亦係不變嘅事實，大家可以放棄佢會返WILL集團旗下風光引退嘅美好幻想。
FALENO係咪蹉陀咗天使もえ最後呢幾年嘅歲月，我相信大家心入面都有答案，由2019年FANZA成人大賞落敗之後，由一手裁培佢嘅S1移藉到FALENO，再成為FALENO嘅大家姐，然後喺呢間片商光榮引退，天使もえ嘅生涯歷史喺業界無疑係一個傳奇。嚟緊最後呢半年，佢仍然會係FALENO嘅主力，但半年之後嘅FALENO，仲會有幾多AV FANS繼續關注同留意，當中呢一段差距我諗就係天使もえ喺FALENO呢幾年嚟存在嘅最大價值同意義。
關於我心目中嘅天使もえ，我會喺佢正式引退之後同大家分享下我對於佢作品嘅睇法，剩低呢半年，我哋繼續好好咁陪伴佢行埋最後呢一段喺業界嘅時間。
善場まみ（善場麻美）呢個名大家可能未必太熟悉，佢嘅前名茉城まみ（茉城麻美）大家可能會有啲印象。上年轉會到Mines事務所之後，呢位FALENO親生女儼然成為片商嘅掌上明珠，呢個情況喺本鄉愛轉投S1之後更為明顯。FALENO亦都清楚知道自己喺旗下專屬女優方面嚴重缺乏人才，所以喺24年先後簽入八蜜凛同つばさ舞（翼舞）嚟擴充兵力，務求將自己同WILL集團，甚至係SOD Prestige之間嘅實力差距，唔會被拉開得越嚟越遠。
但就算有八蜜凛同つばさ舞嘅加盟，都冇辦法令呢間風評麻麻嘅片商喺FANS心目中重拾信心，2025年我預期FALENO除咗會繼續重用好似善場まみ、時田亞美呢一類親生女之外，仲會繼續嘗試洽購WILL集團以及其他片商嘅女優，彌補天使もえ引退之後嘅實力空缺。
我心目中有一個人選俾FALENO，佢叫葵つかさ（葵司）。
FALENO新人女優：絵恋空
FALENO其實喺24年都有簽唔少新人，但大多數都係無名小卒，基本上連名都冇印象，賣點同宣傳啅頭都欠奉，令到新人接近全軍覆沒。揀絵恋空出嚟做主力新人，我承認係有少少主觀同偏見，最近1月喺東京見過佢真人之後對佢印象好好，係一個幾爽朗有少少港女感覺嘅女優，而且外型都相當討好，係24年入面我對FALENO新人女優之中最深印象嘅一位。
至於剩低嘅新人，唔好意思我真係連名都講唔出五個...
SOD Prestige FALENO，三間喺WILL集團壟斷業界一半範圍嘅情況之下，仍然苛延殘存，甚至仲佔有一席之地嘅片商，2025年對佢哋嚟講都絕對唔會係輕鬆嘅一年。WILL集團嘅銀彈攻勢，FANZA嘅市場覆蓋同使用率，都令佢哋喺業界舉步為艱。唯一可以突破嘅缺口，就係WILL集團故步自封之下嘅剛復自用，一個又一個重複嘅企劃，一套比一套沉悶嘅作品，只會令FANS對片商感到厭悶，從而喺呢三間獨立片商入面嘗試尋找不一樣嘅色彩。
雖然要去到咁harsh嘅情況先令人諗起佢哋有啲可憐，但總好過一啲已經被時代拋棄，甚至已經連名都講唔出嘅三四線片商嘅情況嚟得樂觀得多。2025年，我希望會睇到一場SOD Prestige FALENO以血肉之軀打倒FANZA呢個超大型巨人嘅精彩大戰。嚟到呢度我想再貪心啲，我想睇到呢三間片商會聯合同一陣線，拍攝跨片商共演作嘅一日，加油吖！
沒有留言:
張貼留言