(原文於21-6-2025 hksecretparty刊登
https://hksecretparty.com/2025/06/21/蚊香reburn⑦：prestige令人摸不透嘅市場策略/)
1Q題：2025年，日本有一間大型AV片商，手上只有十位專屬女優、一年只簽兩位新人、接近十年冇拍過共演作、每年都會有一場大型嘅全體專屬女優見面會活動、仲會跳出業界同潮流品牌合作，請問呢一間咁別樹一格嘅片商，今年幾多歲？
今次呢篇專欄偏向學術，同大家研究一下Prestige喺過去呢幾年一啲別樹一格，脫離市場嘅策略同方針，大膽跨越行業合作為佢哋帶嚟嘅效益，仲有由此探索出業界未來嘅一啲發展方向。
（Prestige嘅FETISH TOKYO系列，名稱可能係致敬同片商嘅著名老牌系列「Tokyo流儀」，下個月由鈴村あいり出演。）
先講講Prestige喺今時今日（25年6月）嘅情況：首先由早兩年開始，Prestige由每個星期都會出片，變成兩個星期一次，同WILL集團、SOD集團睇齊；Prestige現時只有十位專屬女優，十位女優入面有6位都係T-Powers事務所，2位係NAX事務所，另外8manpro同LUMINOUS各佔一位，而且都係新人。
作為由2002年就設立，到而家已經超過20年歷史嘅老牌片商，Prestige一直都以美少女女優著稱，以現時女優陣容嚟講，總算冇拆到呢個金漆招牌：招牌女優涼森れむ（涼森玲夢）、鈴村あいり（鈴村愛里），都屬於係樣貌令人一見難忘嘅一線容顏，業界公認嘅美少女八掛うみ（八掛海），大眼美女七嶋舞，都係Prestige嘅皇牌之一。
喺新人方面，2024年Prestige只有簽入兩位新人，分別係瀬緒凛同釈アリス（釋愛麗斯），同WILL集團嗰種動不動就每個月推出一兩個新人嘅做法，大相徑庭。今年25年暫時只有喺年頭簽入中森ななみ（中森七海）一位新人，下半年仲會唔會有新人，暫時仲係未知之數。
(Prestige官網上面依然仲有流川夕嘅頁面，但佢喺24年11月推出最後一套作品之後已經引退。)
Prestige只有十位專屬女優，人腳同陣容都無疑比起其他片商遜色，而且亦都導致每個檔期推出嘅作品變得數量有限。一個唔好彩有女優唔舒服射波，又或者請假唔拍片，分分鐘會令到一個檔期入面專屬女優嘅作品只有2-3套；但同時喺人員稀少嘅情況下，片商資源可以更集中使用喺每個女優身上，甚至連拍攝上嘅Budget，Prestige嘅外景、場地、服裝，都感覺比起另外其他大牌片商出色。
另外仲有一個特點，除咗專屬女優嘅作品之外，Prestige仲會喺每個檔期推出4-5套素人片，甚至而家喺Prestige嘅專屬女優，佢嘅螢幕初體驗有唔少都奉獻喺呢啲素人片入面。雖然捧場嘅顧客未必好多，但對於一啲鐘意發掘素人嘅觀眾，Prestige喺呢方面有相當明顯嘅優勢存在。
（Prestige每個檔期都會有素人作品，而且質素唔差，至少封面呃得下人，明顯拍得幾有心機。）
上面提到，Prestige最近一年只簽入兩位新人，唔知道係成本問題，定係採用貴精不貴多嘅方針，Prestige喺新人吸引度方面明顯追唔上另外其他老牌片商；但另一方面睇，Prestige最近都好少出現女優引退嘅情況，只會喺女優轉片商，又或者轉入Prestige旗下另一啲分支片商嘅時候，先至會搜羅新貨。
呢一個舉措除咗可以減少不必要嘅新人培養成本之外，仲可以穩定旗下女優嘅飯碗，感覺上入咗Prestige就好似入咗政府做公務員咁，除非自己唔撈，否則都唔會郁你；續約酬金唔滿意，公司亦都唔會阻你發達，喺24年美ノ嶋めぐり（美之嶋惠理）同鈴の家りん（鈴之家鈴），就選擇離開Prestige轉投WILL集團嘅懷抱。
穩定地維持十位專屬女優嘅陣容，只會喺有空缺嘅情況下先簽入新人，Prestige嘅保守作風有利有弊，但都成功取得一個巧妙而穩定軍心嘅平衡。
（上年嘅新人瀬緒凛同釈アリス，一個妹系一個姐系，相當平衡。）
提到Prestige，有兩類作品佢哋都極少涉獵，分別係VR作品同埋共演作。
喺各大片商都開始緊隨科技時代步伐，多拍VR作品帶俾觀眾新鮮感嘅時候，Prestige選擇反其道而行，喺2024年只係推出兩套VR作品，而且都係由涼森れむ出演，再對上一套VR作品已經講緊係2021年嘅事，仲要都係由涼森出演。一年只有兩套VR，同佢哋簽新人嘅風格一模一樣。
（2024年只推出兩套VR作品，而且都只「敢」用涼森嚟拍。）
（由2017年推出第一套VR作品到而家，實際上Prestige都只係推出咗45套VR作品，當中包括BEST合輯，可見Prestige一貫嘅市場策略都將VR作品放喺相當靠後嘅位置。）
講到共演作，就更加係Prestige嘅Fans心中一道永遠嘅傷疤，自從2015年6月推出由あゆみ旬果同長谷川るい嘅共演作之後，距離十年後嘅今日，Prestige再冇推出任何一套共演作。就算只有十位女優，相信都唔難湊合到2-3位喺螢幕前為大家表演雙人噴水。Prestige「抗拒」拍攝共演作呢一個操作，相當令人費解，同時亦令Prestige同其他大型片商，喺片種方面存在一道永遠跨唔過嘅高牆。
其他幾間大型片商每年都以大共演，共演作做年度總結嘅時候，Prestige就一於少理，與其將十個女優困喺螢光幕，不如將佢哋放喺秋葉原做足一日，俾你哋班Fans心甘情願咁買碟，仲要一買就至少十隻，先至影到嗰張最值回票價嘅後宮合照。Fans喺心入面愛恨交纏嘅同時，Prestige嘅年尾收入又增長一大截，仲唔駛煩惱會唔會因為大共演拍得唔好，冇人願意買碟嘅問題，三萬Yen已袋就理撚得你。
（雖然係咁，但Prestige點解唔可以又拍大共演，又搞大合同活動呢？）
VR作品同共演作，兩類作品都係其他片商嘅年度，甚至係每半年就推出用嚟吸金嘅市場策略，Prestige反而不屑一顧，將重心放喺普通作品方面，觀眾嘅選擇變少，但為咗繼續支持心愛嘅女優，佢哋又唯有繼續含淚。
到底呢個別人貪婪我恐懼嘅做法，係Prestige嘅一步冇人睇得透嘅棋，定只係成本上唔容許佢哋有呢個試錯嘅機會，由十年前到今日呢個現階段，仲係一個謎。
除咗喺AV業界發光發熱之外，Prestige喺過去幾年同唔少潮流品牌合作，以Prestige旗下女優做Model，印埋女優落潮流產品，出衫出滑板，打入原宿嘅潮流地帶。
作為AV片商，手上最唔缺乏嘅就係身材好嘅靚女，最重要係大部份女優都唔抗拒少布嘅時裝，將自己個樣印落T-Shirt，那怕只係一件白Tee，都係一個宣傳嘅好方法。時裝品牌大膽同AV片商合作，都為佢哋帶嚟Gimmick同啅頭，過去兩年Prestige嘅女優就憑藉呢啲跨行業嘅合作，喺日本以外唔同國家舉辦女優見面會，成功打出日本提高知名度嘅同時，亦都為女優同片商開拓出除咗AV以外嘅其他發展方向，一舉兩得。
喺Fans嘅角度，本來就會對有女優個樣，甚至只有個名喺度都收貨嘅商品有興趣，Prestige大膽將呢類普通商品同潮流品牌結合之後，Fans有多一個購買嘅理由，同時喺心理上亦都由「購買AV女優嘅商品」，變成「購買潮流商品」。呢一個心理關口一過，好多平時唔留意潮流文化嘅AV女優Fans都會忽然變成潮人，紛紛向呢啲自己聽都未聽過嘅潮流品牌掏出銀包。
再加上，一有咗潮流品牌加乘，啲衫真係易入眼好多，至少著出街都唔會覺得尷尬，同總係有種俾人眼望望嘅自我審查錯覺先...
(Fashion嘅嘢，其實有邊個真係識嗰條鐵？)
小弟唔太識Marketing，一直觀察Prestige呢幾年嘅一啲大膽舉措，只係覺得相當有意思，驟眼睇貌似亂嚟嘅同時，又好似帶出到一啲意想唔到嘅效果，而且大部份市場反應同迴響都係正面。除咗堅持唔拍共演作呢件事相當撲朔迷離之外，其他都係對片商帶嚟正面效益嘅策略同方針，或者Prestige玩嘅，同其他片商從來都唔係同一個遊戲。
Prestige logo嘅蚊香圖案，真係由內到外貫徹始終，令人摸不著頭腦呢。
但願呢間咁神奇大膽嘅片商，會繼續帶俾大家唔同嘅市場驚喜。
我係新東寶，多謝你收睇我嘅文章，我哋下次再見。
沒有留言:
張貼留言