(劇透+解析) 從全裸監督2，細數日本AV業界變化。（下）

 第七集：跌落

黑木香同村西透最後見面之後，對村西徹底心死，返到屋企之後喺露台意外墜樓入院。

村西之前同黑社會借錢，因為還唔到開始走佬既生活。

同時，日本雜誌界放寛咗審查限制，露毛寫真開始喺雜誌上出現。




睇返網上既資料，1996年日本雜誌界放寬咗審查限制之後，視訊倫理協會冇跟隨，於是SOD成立另一間自主審查機構，媒體倫理協會，嚟重新審視AV既尺度限制。同時期亦都出現咗「薄格」既AV，開始打破咗以往業界既傳統。

錄影帶鋪後面貼著飯山愛既海報，有返咁上下J齡既朋友應該會知係講緊邊個現實女優，就係飯島愛。



唔知大家仲記唔記得，當年佢有嚟香港拍過TVB既齊天大聖孫悟空， 入面係扮蜘蛛精。可惜喺2008年，佢因為肺炎離世，終年36歲。

至於劇入面扮演佢既女優，就係FALENO既專屬女優吉高寧々

- - - - - - - - - - - - - - - - - - - - - - - - - - - - - - - - - - - - - - - -

第八集：石之意志

終於嚟到大結局喇阿敏救走咗差啲俾黑社會發現既村西，然後將佢帶到荒山野嶺。




被阿敏用槍指嚇既村西，開始喺度胡言亂語，要將AV賣去中國，又話不久既將來AV將會唔再局限喺男女，會有男男、女女、有人妖、有偽娘等等。

唔知現實中既村西又有冇真係咁諗過，而家睇上面句野既後半段真係實現咗，不過前半段我諗就有排都未得喇

- - - - - - - - - - - - - - - - - - - - - - - - - - - - - - - - - - - - - - - -

黑木香出院之後，返番去同媽媽住，喺車上面黑木香向媽媽道歉，媽媽只係輕輕講一句，只要你仲喺度就足夠了

AV女優入行大部份都係瞞著屋企人，雖然間唔中都聽到啲屋企人知道咗之後表示唔介意，甚至支持自己個囡喺呢行發展既case，但我普遍都係覺得呢類個案唔多，屋企人唔同你撇清關係都已經要還神，仲會支持真係有啲難以置信。

不過都有可能係因為AV女優呢行收入高，喺某啲家庭眼中如果錢就係一切既話，都有可能真係會支持自己個囡繼續發展既

- - - - - - - - - - - - - - - - - - - - - - - - - - - - - - - - - - - - - - - -

頭先都有提到，AV女優要重新投入社會並唔係一件容易既事，特別係當身邊既同事朋友都知道你曾經係AV女優既身份之後，所受到既歧視同壓力唔係常人能夠理解得到。

再加上AV女優普遍喺學歷、工作能力、工作經驗等等都比起其他人嚟得少同低，習慣咗拍攝AV既工作模式之後，好難適應返正常人既工種，於是往往就會形成兩個方向，一係就冇一份工做得長，一係就復出再返去拍AV。

- - - - - - - - - - - - - - - - - - - - - - - - - - - - - - - - - - - - - - - -

呢幕我就覺得好好笑，AV既Title越嚟越長，放喺套片既設定同元素越嚟越多，三言兩語都已經好難解釋清楚，搞到個Title都已經有幾十個字

時至今日基本上都搵唔到少過五個字既AV Title

- - - - - - - - - - - - - - - - - - - - - - - - - - - - - - - - - - - - - - - -

最後呢幕唔知大家認唔得認出，呢個場景都係著名既AV拍攝場景嚟，特別喺啲合拍片都經常會見到。

   
(可以認到後面條樓梯，另外呢套係IPX-219， 非常好睇既Beauty Venus V。)

- - - - - - - - - - - - - - - - - - - - - - - - - - - - - - - - - - - - - - - -

最後少少講下我個人對於全裸監督既觀後感啦

作為一個AV Fans，與其將全裸監督當成係一套人物傳記既劇集，我會更加將佢睇成係一套標誌著日本AV文化變化既紀錄片，同時亦都帶出AV女優各種各樣喺鏡頭背後，我地未必會留意到既一面。

先講AV拍攝，由初時既「擬似本番」，到後期既薄格大尺度演出，日本AV經歷咗一段又一段既時代同潮流洗禮，再形成今時今日我地睇到既AV現狀。正如我喺前面所講，十年後既AV又會係點樣；未來我地會唔會唔再睇AV，而係同性愛機械人做愛解決；AV產業又會唔會向一個我地冇諗過既方向發展。作為一個AV影迷，科技既日新月異會點樣影響呢一個娛樂產業，將會係我一個好有興趣亦會一直留意既Topic。

 
(拍AV其實係好辛苦架)

AV女優喺各個時代入面都一直遭受各色各樣既歧視，我地成日講笑話大和民族好尊重AV女優，事實當然我地心知肚明；同時要應付同行間既競爭，每個月都有新鮮青春既新人，長時間拍攝對身體既損耗等等，AV女優既工作絕對唔係大家諗得咁簡單同輕鬆。



而現今網絡世界既發達亦都令入過行既女性難以擺脫以往既過去，呢一個影響有可能係終身，你喺AV女優層面上越紅越成功，他朝一日你想洗底重新出發既可能性就更低。

- - - - - - - - - - - - - - - - - - - - - - - - - - - - - - - - - - - - - - - -

(真實既村西透本人)

講返套劇，村西透既出現，佢既諗法同創新，推動咗當時AV業界既發展；但同時佢個人既偏見、執著、獨斷獨行、為咗證明自己成功而不擇手段，往往都連累到身邊同佢工作既人。而村西身邊既人，正正就係崇拜佢既才華，佢既眼光同手段先至跟隨佢，可惜到最後村西只係剩返佢太太，呢樣或者就係村西既報應啦

每一個年代都有先知，喺某啲人眼中佢係狂人，喺另一啲人眼中佢係痴線佬，敢於創新行出第一步既人係需要莫大既勇氣同意志，但同時亦都要懂得承擔同評估風險，村西可惜就係久缺呢樣野，輸咗唔緊要，重點係要知道點樣輸，點解輸，爬起身之後拍一拍灰塵，機會一定會再嚟。


(自從全裸監督上咗Netflix之後，村西透多咗喺媒體出現，但平時佢都係好啲似廢老咁喺Twitter度做9upper）

而喺真實AV女優參演方面，陣容雖然睇上去冇第一季咁豪華，但都不過不失。有人話覺得點解AV女優露得好似仲少過啲主角，咁你都識講係主角啦AV女優既參演只係用嚟充撐下場面，要睇全相既買AV碟睇啦



最後，多謝大家有耐性睇到呢度希望呢一個由咸濕仔角度出發既劇透分析你會鐘意

成人台再見完

- - - - - - - - - - - - - - - - - - - - - - - - - - - - - - - - - - - - - - - -

延伸閱讀：

(劇透+解析) 從全裸監督2，細數日本AV業界變化。（上）

(劇透+解析) 從全裸監督2，細數日本AV業界變化。（中）