2022年AV業界大事回顧（中）

 (原文於22-12-2022 hksecretparty刊登 

https://hksecretparty.com/2022/12/22/2022年av業界大事回顧（中）/)  

(接上一篇文章內容)

4. TIKTOK網紅轉職、FC2人才吸納

今年新人質素普遍同上一年差唔多，基於疫情仍然肆虐，有唔少學歷同工作能力偏低嘅日本女仔，選擇咗下海拍片成為佢地嘅生存之道。而當中除咗一般素人之外，亦都有由網紅身份轉職下海嘅新人女優。

今年2月喺S1出道嘅うんぱい（Unpai），就係一位喺TIKTOK有400萬FANS嘅著名網紅，憑藉著傲人嘅上圍同有少少妖豔嘅外貌，本來以為可以喺今年打響名堂，但可能係S1用喺佢身上嘅過份吹捧宣傳令觀眾反感，亦有可能係因為大家唔習慣睇到網紅完全唔著衫，うんぱい嘅銷量成績冇預期中咁好，而且仲有每況愈下嘅趨勢，遠低於大家嘅期望。

睇嚟S1喺2023年要再好好審視一下將網紅人氣帶入業界呢個舉動，係咪真係咁有成效喇。

（SSIS-312 うんぱい ）

除咗うんぱい之外，另一位喺7月出道嘅FALENO新人いちか先生（一香老師），都係一位擁有17萬TIKTOK FANS嘅網紅，只係比起うんぱい，佢嘅外在條件更加令人提唔起勁，人工味十足嘅外貌甚至有少少趕客成份，睇嚟佢喺呢一行都唔會留得低好耐。

（FSDSS-432 フォロワー17万人超の’ヌける’t○kt○ker いちか先生 Avdebut）

---

除咗TIKTOK網紅之外，今年都有唔少係由FC2轉正，被事務所睇中搖身一變成為正牌AV女優嘅例子。

比較多人留意嘅係6月喺S1出道嘅未歩なな（未步奈奈），156cm高而且身材比例相當唔錯，有一對唔錯嘅長腿，但可惜棚牙扣咗唔少分，唔露齒笑嘅時候反而仲比較順眼。

（SSIS-447 新人NO.1STYLE 未歩ななAVデビュー）

至於另一位備受注目嘅係4月喺Moodyz出道嘅宮下玲奈，同喺FC2嘅時候相比，而家明顯更加明豔照人，手長腳長亦係佢其中一個剎食嘅賣點，相信都會係未來Moodyz嘅其中一位主力女優。

（MIDV-075 新人 専属 宮下玲奈 19歳 AV Debut！）

雖然網紅有一定嘅FANS基數，招攬佢地入行可以製造唔少話題，但事務所喺FC2搵人都有一個最大嘅好處，就係可以以FC2嘅銷量作為未來數據嘅參考，但同時亦都要為女優諗一個唔可以太離譜嘅背景設定，儘量唔好同FC2時期嘅感覺扯上關係，將來要話佢地係兩個唔同人嘅時候都比較容易信服。

嚟緊2023年，我預期會有更多呢類網紅同FC2轉正嘅「新人」出現，質素亦都會相當參差，大家都係唔好期望太高會比較好。

---

5. 乙白さやか華麗轉身

由FC2轉職成為正式AV女優，除咗收入更加穩定之外，仲有正式嘅法律保障，對於呢一班喺社會打滾日子唔長嘅女仔嚟講，無疑比起喺FC2市場更加安全，不過今年亦都有由「適正AV」市場（即係正統AV）跳槽去FC2拍片嘅例子，講緊嘅就係乙白さやか（乙白沙也加）。

喺2020年5月出道，當時大家都相當睇好嘅一位長腿妹妹，169cm嘅高佻身材理論上喺AV業界會相當吃香，但佢本人喺業界嘅呢兩年時間都冇一啲令觀眾好深刻嘅作品，S1亦都冇好好善用佢嘅一對大長腿做賣點，喺床上嘅反應亦都令觀眾提唔起興趣，漸漸咁大家對佢嘅關注度就變得越嚟越低。

結果喺2022年2月，乙白就公布引退嘅消息，就喺大家仲喺度婉惜緊嘅時候，FC2市場出現咗一套女主角同乙白非常相似嘅作品，尺度比起佢喺S1拍嘅時候更大，令到業界嘩然。而且因為乙白嘅事務所Bstar係業界入面舉足輕重嘅事務所之一，事務所社長更加係女優事務所聯會嘅會長，更加令呢個「乙白FC2轉生事件」添上一層諷刺同尷尬嘅意味。

（SSIS-276 ベロと手足の超絶テク乳首いじりで焦らし倒してカラ欠になるまで搾り取る限界射精メソッド 乙白さやか）

---

（當時乙白宣布引退之後，佢嘅偶像橋本仲特登喺佢Twitter度祝福佢。）

結果乙白原定舉辦嘅引退線上見面會，最後以女優本人身體唔舒服為原因而取消，Bstar事務所採用咗唔提就冇人記得嘅方式去處理，至於事後佢地有冇搵乙白出嚟算帳，又或者仲搵唔搵到乙白出嚟，我地就不得而知。

至於乙白轉身去FC2嘅原因，好多人都覺得因為係片酬吸引居多，畢竟近呢幾年都冇聽過有S1專屬女優引退之後，喺FC2出片嘅案例，相信嗰位FC2賣家開俾乙白嘅條件一定相當吸引，先至令到佢甘願冒上呢個千夫所指嘅風險。

不過以我嚟睇，今次嘅「意外」都係喺Bstar事務所嘅計算之中，事務所一早已經知情，只係冇諗到連最後一場線上見面會都未搞得切，乙白喺FC2嘅作品就俾人放咗上架，想賺埋最後一水都唔得。基於面子問題同其他衍生出嚟嘅麻煩，事務所果速決定斬纜，保留最後一絲尊嚴同地位，亦可以將責任完全推喺乙白身上，塑造出事務所都係一個無辜角色嘅感覺。

如果乙白呢一套FC2作品遲一個月先流出市場嘅話，或者成個故事同風向都會完全唔同哂呢。

---

6. SOD Prestige回歸FANZA

今年上半年，SOD同Prestige兩間片商都開始回歸FANZA平台，將作品重新上架，呢一個係相隔大概一年之後嘅回歸。事緣喺2021年，呢兩間片商都相繼脫離FANZA平台，改為喺FALENO嘅幕後老闆U-NEXT，同埋自家平台包括SOD嘅SOD Prime，同埋Prestige嘅MGS，互相喺對方平台上架自己嘅作品繼續銷售，唔再受FANZA抽倗壓搾，隱約有種圍爐取暖嘅感覺。

（今年SOD嘅重點新人神木麗）

經過咗一年嘅時間，可能兩間片商都feel到冇咗FANZA真係搞唔掂條數，就算俾FANZA拆倗都好，都比起只係喺自己平台上面上架賺得多，於是又含淚返番去FANZA。

但同以前嘅情況有少少分別，除咗有部分預約作品唔係一公佈就即時喺FANZA上架之外，Prestige只有將實體碟嘅部分重新放上FANZA，Digital配信嘅部分依然喺自己嘅MGS平台，同埋U-NEXT上面獨佔；至於SOD就係同以前一樣，實體碟同Digital都全部同時上架。

（Prestige嘅第二把交椅八掛うみ）

---

兩間大型片商嘅回歸，除咗方便到一班平時主要用開FANZA嘅客戶之外，最大影響就係每個日榜週榜，以及每個月月榜嘅排名，喺冇呢兩間片商存在嘅過去一年，FANZA排行榜基本上都係由WILL集團霸哂嚟玩，而家SOD同Prestige回歸，好似涼森れむ（涼森玲夢）、紗倉まな（紗倉真菜）、八掛うみ（八掛海）呢啲賣得嘅女優又再次入嚟爭櫈仔，導致排行榜嘅競爭又變返白熱化。

呢一個都係2023年嘅其中一個焦點，到底WILL集團旗下片商，同SOD Prestige之間嘅差距有幾大，下一年就會睇到一個更加明確嘅結果。

（喺排行榜上面非常具威脅性嘅Prestige一姐涼森玲夢）

 

未完待續