(原文於28-5-2025 hksecretparty刊登
https://hksecretparty.com/2025/05/28/av業界事務所巡禮第四彈：bstar、life-promotion/)
喺今年上半年，小弟有幸幫幾場AV女優香港見面會活動提供愚見，將呢幾年喺日本參加活動累積嘅經驗同感受，嘗試活學活用喺香港活動當中。當然唔會全部意見同提議都適用，喺錯誤同失敗中學習都係成長同進步嘅一環，未來要努力嘅路仍然好長。
喺活動嘅籌備階段，少不免會同事務所打下交道，同日本人一齊讀下空氣，小弟當然未涉獵到同事務所商討細節呢一步，但輕輕介紹一下事務所嘅背景都仲可以嘅。今日繼續AV女優事務所巡禮嘅第四彈，今次介紹嘅呢兩間事務所，正正就係最近小弟有提供活動愚見嘅兩間合作事務所，分別係Bstar同Life Promotion。
（圖中為Bstar社長嘅生日Live活動）
Bstar事務所係由另一間事務所Bambi Promotion分拆出嚟嘅子公司，可以理解為Bstar旗下嘅女優幾乎全部都係片商專屬女優，而Bambi旗下嘅女優專屬嘅佔比比較少，企劃單體佔比較多；咁樣拆分為兩間公司可以更加明確定位，對於將旗下女優集中資源管理相當有幫助。
Bambi當然都有唔少出色嘅女優，但今日主要介紹一下Bstar：主力招牌女優係業界當紅女優天使もえ(天使萌)，可以話係Bstar事務所嘅靈魂，每一場天使もえ嘅Event都會由Bstar社長親自落場監督，天使もえ喺Bstar嘅重視程度，甚至可以將Bstar定義為「天使もえ與她的同事」。據講早幾年有Bstar內部女優對於呢種差別待遇相當不滿，後來隨住天使もえ喺業界逐漸變得親和，同埋越嚟越多00後女優入行「整頓職場」，Bstar嘅內部風氣已經比起以前好咗好多。
除咗天使もえ之外，仲有另外幾位重點女優可以介紹一下，分別係白石茉莉奈、已經引退嘅戸田真琴、あやみ旬果（彩美旬果），都係Bstar嘅女優。
天使もえ即將喺今年引退，Bstar都需要重點培育新血繼承天使もえ嘅偉業。今年Bstar嘅重點女優分別係金松季步同瀨戸環奈，前者以前AKB48成員身份下海備受矚目，後者就係上年12月S1公佈嘅最強新人，兩位女優都有各自嘅市場，邊一位能夠跑出成為下一位Bstar一姐仲係未知之數。
至於其他後輩都不遑多讓，同屬S1專屬嘅未歩なな（未步奈奈）、浅野こころ（淺野心），暫時仲係休養緊嘅本鄉愛，都係Bstar嘅最強即戰力。另外仲有RARA、彩月七緒、百田光稀等等二線女優坐陣，Bstar喺業界嘅地位同級數未必係頭三位，但論實力嘅話，唔會輸蝕其他大型事務所好多。
至於另一間事務所Life Promotion，同Bstar都有一個相同之處，就係兩間事務所幾乎都係靠一位女優單天保至尊。Life Promotion（下簡稱LP）嘅招牌女優桃乃木かな（桃乃木香奈），可以話係有佢先有LP嘅存在，曾經有一段時間，我直頭數唔出LP除咗桃乃木之外仲有邊啲女優，可想而知桃乃木同LP嘅共生關係係幾咁密切。
除咗桃乃木之外，另一個LP為人熟悉嘅女優應該就係楓カレン（楓花戀），同桃乃木一樣同屬片商Ideapocket專屬，事實上呢一間事務所有一段時間，有三四位旗下女優都係Ideapocket嘅專屬女優，可以推斷LP同Ideapocket嘅合作關係相當良好，又或者都可以理解成「要繼續同桃乃木、楓カレン續約，就要簽埋LP其他女優」，類似同梱包咁嘅概念。
而且呢一類簽一個一線要跟兩三個三線女優嘅做法，喺業界都係屢見不鮮，大家細心觀察一下就唔難發現，有啲片商係被一兩間事務所壟斷咗成間片商專屬女優嘅情況。
再向下數，LP仲有一啲大家可能都聽過個名嘅女優：SOD Star專屬嘅乳牛女優恋渕ももな（戀淵桃菜）、身材線條非常靚嘅竹內有紀、外型好好但銷量唔太叫座嘅五日市芽衣、仲有拍重口味片種嘅
（花狩舞），都係LP嘅女優之一。
另外仲有一個關於LP嘅特色可以同大家講下，曾經係LP事務所旗下女優嘅栄川乃亜，喺引退之後成為咗LP事務所嘅「取締役」，可以理解為董事/老闆之一，呢個情況喺業界就相當罕見，栄川乃亜由職員變咗做老闆，唔知心態上會點樣調整；定抑或喺面試嘅時候可以以過來人身份，令想入行嘅女仔少啲戒心？
成日都會同人講，AV業界係相當有趣嘅一個行業，除咗大家見到嘅AV女優同男優之外，背後嘅事務所、片商、發行商等等，關係千絲萬縷。原本係女優，引退之後做咗事務所嘅董事，講出嚟都未必有人信，當然可能都係宣傳技倆嚟，但有咁嘅創意同實幹，都係一個值得研究嘅例子。
以香港人嘅心態...真係好難想像離職之後仲喺前公司做老闆係一個咩心態...
（桃乃木かな香港見面會活動花絮相片by Life Promotion社長）
日本真係一個好有趣嘅地方呢。
我係新東寶，多謝你收睇我嘅文章，喺下一篇文章再見。
沒有留言:
張貼留言