「使用前請先閱讀💗～我的使用說明書～」訪問企劃 vol.10 桜空もも(櫻空桃) #1-4



「使用前請先閱讀
💗
～我的使用說明書～」訪問企劃 vol.10 桜空もも(櫻空桃) #1

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，嚟到第十集登場嘅係桜空もも(櫻空桃)。

身材苗條，胸部豐滿，擁有女性眼中憧憬身材嘅櫻空，笑容就好似小動物一樣咁可愛。喺同佢做訪問傾計嘅過程入面，櫻空小姐俾人嘅印象係比喺SNS上面嘅感覺仲要更開朗，今次我地將會深入挖掘喺SNS上面睇唔同嘅櫻空桃內心世界。



:)=記者
#:)#cow=櫻空

翻譯：新東寶翻譯製作

- - - - -

實則上係天真爛漫，以堅強嘅女性作為目標並進行自我分析

:)：櫻空小姐今日請你多多指教，可能咁早講有啲奇怪... 但比起喺SNS上面嘅印象，櫻空小姐真人俾到人一種非常爽朗嘅感覺。
#:)#cow：係咩？不過喺同人見面嘅時候經常會有人話「同想像中嘅氣氛唔同」，喺SNS上面可能每個人都有各自理想中嘅「櫻空桃」，但其實直到而家我都唔係點樣表達過自己真正嘅內心。但好多朋友都話我好爽快，好清晰，有時甚至會問我「你係咪飲醉咗？」#sad#cow我係滴酒不沾嘅人嚟，不過就算冇飲酒都好，都可以喺飲酒嘅地方同其他人一樣好high咁傾計。



:)：好似好多開朗嘅人都鐘意酒，但又唔會成日飲。
#:)#cow：我鐘意飲酒嘅地方，但我唔鐘意飲酒，所以冇乜去酒會嘅經驗，一次聯誼都冇去過，我都好想試下。人際關係上我係又狹窄又深嗰種類型，所以唔多朋友，我鐘意同一啲可以令自己放心嘅人相處。



:)：櫻空小姐嘅諗法好成熟。
#:)#cow：係咩？有朋友話我係天真爛漫，因為係靠心情嚟行動，開心嘅時候就會開懷大笑... 但都有一啲小朋友嘅部分，同埋平時都係情緒好hyper嘅狀態，所以好似今次訪問咁樣認真講野，同平時嘅我係完全兩個人嚟。



:)：你嘅自我分析聽起上嚟幾好。
#:)#cow：最近去咗搵導師，開始做一啲有關於自我分析嘅諮詢。

:)：竟然！係有啲咩驅使你開始去咁做？
#:)#cow：本身性格係啲消極嘅類型嚟，唔鐘意咁樣嘅自己，想去改變，不斷咁去查之後就開始咗。因為情緒嘅高低起伏好大，就算只係自己唔小心踢到粒石仔都會覺得自己好冇用，但做完呢啲自我分析之後，我就了解咗自己多啲，心情都變得輕鬆咗。



- - - - -

積極嘅興趣令到我更加積極！

:)：努力改變自己消極嘅部分，都係一件好犀利嘅事，實際上有冇啲咩變化呢？
#:)#cow：主要都係內心嘅一啲轉變，雖然唔開心嘅時候去上床訓教，一訓醒就會唔記得咗，但係當下嘅心情都係會令到成個人好痛苦。但當我了解咗自己之後，我就識得點樣用正確嘅方法去處理自己呢啲唔開心嘅情緒，唔會再好似以前咁喊著口打俾朋友訴苦#sosad#cow



:)：呢個心情我都明白，作為女性都會有同樣嘅諗法，就算明知道訓醒就會咩都唔記得哂，喺嗰一刻都係會好痛苦，好想搵個朋友搵個膊頭去依靠一下。
#:)#cow：夜晚訓上床總係會有呢啲悲傷難過嘅時間，但因為呢啲煩惱好敏感，有時唔係好多朋友都適合做呢個傾訴嘅對象，所以如果自己處理到嘅話就好了。



:)：咁櫻空小姐最近有冇積極咗啲呢？
#:)#cow：本來就係一個情緒好高漲嘅人，唔係一直都係咁消極... 喺做野嘅時候就會有源源不絕嘅動力#medal#cow

:)：不如具體啲講下最近開始咗啲咩新野？
#:)#cow：而家有積極嘅興趣愛好，最近買咗架新單車，學生時期係喺文化部，因為唔擅長做運動所以一直都係室內派，最近買咗單車之後就開始喺屋企附近兜嚟兜去#bicycle#cow



:)：最近有冇踩單車去過啲咩地方？
#:)#cow：淨係喺自己嘅生活圈入面閒逛，不過最近開始想去下唱K，其實係想等自己有多啲運動量，所以想喺踩單車以外搵啲活動量大嘅興趣。



- - - - -

今個星期既說明部分

天真爛漫！櫻空嘅魅力就係純真嘅笑容

傾計嘅時候，可以感受到櫻空小姐嘅熱情，同埋頭腦轉得好快。
當佢開心嘅時候，會感覺到佢嘅笑容同笑聲圍繞著你。



透過磨練內心，櫻空將自己打造成剛強而美麗嘅女性

了解自己內心，通過自我分析嚟將負面想法擊退！
目標係要重生變成獨立嘅女性。



- - - - -

さくもも(sakumomo) 櫻空桃嘅說明書企劃今日開始喇！覺得點樣呢？
被作品以及SNS上面唔同嘅佢所吸引著。

想改變消極嘅自己，不斷摸索中！
向著更高嘅目標進發嘅さくもも... 之後都會睇到各色各樣嘅櫻空桃！

下一集#2， 將會探討櫻空桃「美」嘅秘訣！


 - - - - - - - - - - - - - - - - - - - - - - - - - - - - - - - - - - - - - - - -



「使用前請先閱讀💗～我的使用說明書～」訪問企劃 vol.10 桜空もも(櫻空桃) #2

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，嚟到第十集登場嘅係桜空もも(櫻空桃)。

提到櫻空，就會諗到自然嘅化妝，充滿光澤嘅肌膚，奇蹟一樣嘅纖腰同埋G Cup... 呢一份美麗都係佢嘅魅力之一，到底佢呢份美麗係點樣塑造出嚟嘅呢？今次採訪可以窺探到櫻空喺日常美容方面嘅執著！



:)=記者
#:)#cow=櫻空

翻譯：新東寶翻譯製作

- - - - -


唔好否定自己，亦要堅守自己嘅理念。

:)：喺上一篇嘅訪問就提到櫻空小姐搵緊一個積極嘅興趣喜好... 平時有冇做運動呢？
#:)#cow：我有去做私人健身，我係嗰種點食都唔會漲嘅體質嚟，但我都想令自己健康啲。一開始嘅心態係有少少勉強自己去做，最近開始覺得越嚟越有趣。同埋因為好多時都係得自己一個人，所以想將體育同運動變為興趣，最近仲開始咗玩攀石。



:)：咁所以喺食野方面通常都唔會點樣注意？
#:)#cow：總之就係我想食幾多就食幾多#hehe#cow為咗俾自己唔好喺第二日後悔，當我想食野嘅時候甚至會喺半夜三更整杯麵嚟食，拍攝嘅時候都會食好多野，第一次見面嘅工作人員俾我嚇咗一跳。不過對於我嚟講唔肥嘅體質反而係一個煩惱，其實我想成為一個望落有啲溫柔質感嘅女仔... 而家就係想靠做多啲運動，等自己可以向呢個理想慢慢前進。



:)：櫻空小姐平時著衫都好有女人味，好難想像做運動出汗嗰個樣。
#:)#cow：著衫嚟講，我覺得最穩陣都係著一啲女性向嘅衫，會比較適合我。最近買咗架單車之後，就開始想試下一啲外套牛仔褲呢啲休閒風嘅服裝，因為我係好在意身邊嘅人點睇自己嘅類型，所以喺服裝上都係揀啲令人覺得係好睇嘅選擇... 而家就開始想著返一啲自己想著嘅衫。



:)：作為女性好難唔去在意其他人嘅目光。
#:)#cow：就係因為對自己冇自信，所以先會在意其他人點樣睇自己。而家都仲係努力緊改造自己，首先係要有一個肯定自己嘅心態，同時亦都要堅守自己嘅理念，所以喺美容等等呢啲地方都係要好好努力#medal#cow


- - - - -

高級嘅美容意識♡櫻空嘅講究規則

:)：櫻空小姐喺美容方面會特別注意啲咩呢？
#:)#cow：而家最重要都係抗衰老，想去到30歲之後都仲係一個優雅嘅女性，所以想提早開始做一啲準備，最近開始唔再用啲平價嘅化妝品，開始用一啲抗衰老嘅產品。

:)：而家先至係二字頭，咁快就對美容有一個咁高嘅意識... 平時會喺邊度睇呢啲美容資訊呢？
#:)#cow：基本上係喺SNS，平時追潮流話題會追得好貼，網絡上面好hit嘅化妝品同護膚品都會有興趣想試。




:)：好有興趣想知櫻空小姐平時嘅美容日常程序係點樣。
#:)#cow：日常程序嘅話，每一日都會做伸展運動，因為自己係室內派，儘量都會做一啲可以喺屋企範圍就做到嘅野，見到自己身型有改善就自然有動力#power#cow最近仲買咗啲好可愛嘅運動衫同瑜珈墊。

:)：瑜珈墊有時都會同室內設計幾唔夾... 但櫻空小姐屋企咁靚，可以搵到一啲唔會破壞到呢個室內環境嘅運動商品，真係好呢。
#:)#cow：係吖！我對室內裝飾好講究，但係啲瑜珈產品好多都係瑩光色，所以揀咗好耐都揀唔啱。最近喺Jil Sander度終於搵到張簡單得嚟，又襯到我屋企氣氛嘅瑜珈墊，結果人生第一次喺Jil Sander買野就係買瑜珈墊...

(註：Jil Sander係一個時裝品牌嚟。)




:)：哈哈，不過最緊要搵到好野，平時淨係睇櫻空小姐喺Instagram上面嘅相，都可以理解到櫻空小姐對室內裝飾嘅講究。
#:)#cow：我好努力去塑造一個冇生活感嘅屋企，我好鐘意我間屋，特別係我間房，每一朝起身都好期待嗰日嘅生活，我好推薦架！



- - - - -

今個星期既說明部分

對美容有好高嘅意識！櫻空桃嘅細嫩肌膚

櫻空小姐係淡妝型嘅女性，但肌膚都係咁水嫩！
水嫩型嘅肌膚會令人忍唔著想摸下。



每一個人都會羨慕，櫻空桃嘅奇妙上半身。

櫻空小姐嘅美麗身型，無論男女都為之仰慕。
G Cup再加上天然嘅纖腰，想緊緊咁抱著♡



- - - - -

櫻空嘅自然化妝，近距離睇嘅話會驚嘆佢皮膚嘅細膩... 呢個都係每日護理嘅成果。
出道5年，磨練出對「美」嘅意識嘅櫻空，最近開始對抗衰老好有興趣？

下一集就係#3，
櫻空流嘅「接受自己，令自己心情變好」嘅方法。

 - - - - - - - - - - - - - - - - - - - - - - - - - - - - - - - - - - - - - - - -



「使用前請先閱讀
💗
～我的使用說明書～」訪問企劃 vol.10 桜空もも(櫻空桃) #3

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，嚟到第十集登場嘅係桜空もも(櫻空桃)。

本來性格就係偏向消極嘅櫻空，嚟到訪問嘅第三個星期，會同大家分享佢嘅自我管理理論。

由十幾歲開始就有做model工作嘅關係，喺工作上難免會有一啲需要自我要求嘅地方。唔止係藝能活動，喺任何工作、任何生活，控制著自己嘅動力同心情都係非常重要。喺轉變成為大人嘅過程中，櫻空同我地分享咗好好面對自己，「接受自我，從而獲得好心情」嘅方法。



:)=記者
#:)#cow=櫻空

翻譯：新東寶翻譯製作

- - - - -

其實直到而家，我都係對自己冇自信...

:)：櫻空小姐會做自我分析，喺講究嘅地方上面又好努力...冇估到連傾計都咁擅長，喺一啲嚴肅嘅話題上面都表現得好好。
#:)#cow：其實唔係#sad#cow以前身邊嘅朋友都覺得我係好有自信，但其實我對自己冇咩自信#sosad#cow因為我對自己嘅自我肯定好低，由寫真時期開始就已經好多呢方面嘅煩惱，每次都諗著自己唔得做唔到，呢一種諗法好強烈，亦都有好多唔順利嘅事。就算嚟到而家都好，當我俾人稱讚嘅時候有時我都會諗埋一邊。

:)：竟然係咁，但櫻空小姐係朝著目標努力嘅類型，所以喺對自我肯定呢方面一定有好高嘅要求。
#:)#cow：其實我想更加簡單直接咁去接受人地俾我嘅讚揚，呢一樣都係自己之後想改善嘅地方。




:)：由model時期開始計起嘅話，櫻空小姐嘅演藝生涯都好長，中間一定發生過好多事。
#:)#cow：係吖...雖然有好多好辛苦嘅事，但都唔算得上係大嘅挫折，痛苦嘅時候一定會有人嚟幫我。而家總算嚟到呢度，真係好多謝身邊支持我嘅人，同埋而家支持著我嘅FANS。

:)：喺咁漫長嘅演藝活動入面，有冇慢慢改善到自己嘅自卑感呢？
#:)#cow：累積到而家嘅經驗，基本上好多事都研究到個傾向同對策。同複雜程度無關，但我覺得而家失敗嘅次數比以前少咗，因為我而家知道自己會失敗嘅時機，喺一啲容易失敗，又或者唔擅長嘅方面，就可以及早回避到。



- - - - -

每一個人都可以改變！

:)：用得上經驗嘅話，某程度上都係證明長期堅持一件事嘅成果。
#:)#cow：直到而家我都覺得好難講得清楚自己嘅性格，雖然有講究嘅地方，但有時我都因為好快厭倦，然後冇辦法再繼續落去嘅情況，所以我好確信而家嘅工作好適合我。

:)：就係因為櫻空小姐對好多野都好認真，所以煩惱嘅野都有好多...喺唔開心嘅時候，會做啲咩嚟發洩壓力呢？
#:)#cow：嗯...首先當然係唔好令自己壓力太大，一爆發起上嚟嘅話唔理點都好都一定會唔開心，預防勝於治療。然後就係要理解自己討厭啲乜野，基於呢一個基礎，喺某種程度上適當咁原諒自己係好重要。我認為冇壓力嘅生活係唔存在，所以點樣活在當下係好重要#scheme#cow




:)：呢個就係櫻空流嘅處理壓力方法。
#:)#cow：除咗係壓力嘅承受方式之外，都係對於自己自卑呢方面嘅接受方式，呢一啲都係自我分析老師教我嘅。

:)：活在當下真係好重要，喺而家呢個世代心理管理都係一門被關注嘅議題，好似櫻空小姐咁可以自我解決真係好犀利。
#:)#cow：哈哈，藝能活動某程度上都係同自己嘅戰鬥，但而家我可以同自己講，就算係咁消極嘅自己都可以改變，所以了解自己真係好重要。當然都可以搵一個可以好好傾訴嘅對象，但如果冇嘅話，我都好推薦大家搵人做自我分析同指導！





- - - - -

今個星期既說明部分

櫻空就算係對自己嘅弱點都非常認真！

有好強自卑感嘅櫻空，
為咗可以更好咁接受自己，會繼續努力。



櫻空偶而都會有消極嘅念頭

直到而家都會偶而有爆發消極情緒嘅情況，
但一訓醒就會咩都唔記得哂，所以請溫柔咁守護著佢。



- - - - -

櫻空桃自我分析嘅能力非常高！
因為有自卑感，所以唔可以過度消極，喺處理自己情緒方面亦都非常擅長。
我都想跟櫻空學習一下...

下一集就係#4， 櫻空桃嘅使用說明書即將完成了！


 - - - - - - - - - - - - - - - - - - - - - - - - - - - - - - - - - - - - - - - -



「使用前請先閱讀
💗
～我的使用說明書～」訪問企劃 vol.10 桜空もも(櫻空桃) #4

想窺探一下可愛少女又纖細又複雜既少女心嗎？

「如果你讚我呢啲地方既話會好開心！」
「希望呢度你會留意多啲...」
「冇同FANS提過既各種事情...」

喺呢個企劃，我地將會深入探討Ideapocket專屬女優，製作一份使用說明書，嚟到第十集登場嘅係桜空もも(櫻空桃)。

擁有擅長講野嘅一面，自我要求嘅審美意識，曾經缺乏自信嘅過去，透過今次採訪我地睇到櫻空唔同嘅每一面，以及深刻嘅人性。

嚟到最後一集，我地收到櫻空想同FANS講嘅多謝訊息，今次亦都完成咗FANS最鐘意嘅使用說明書。為咗同櫻空嘅關係更進一步，一齊嚟預習啦！



:)=記者
#:)#cow=櫻空

翻譯：新東寶翻譯製作

- - - - -

直到目前為止嘅感謝，都喺哂呢度，櫻空桃嘅感謝信

:)：有開朗嘅一面、有認真嘅一面、亦有自我要求嘅一面... 今次訪問睇到好多方面嘅櫻空小姐，我諗都好少有咁嘅機會喺訪問入面見到咁多面變化嘅人。
#:)#cow：最近一直嚟度諗好多野，感覺好似對自己嘅好多地方都多咗了解，而家我好重視聽其他人嘅意見，有好多野都係經由其他人把口我先知道要注意，我想喺未來接觸多啲唔同嘅人。

:)：我認為當一個人越認真，就會越容易因為諗得太多而搞到自己崩潰。但櫻空小姐唔同，到底係啲咩驅使你繼續努力工作呢？
#:)#cow：本來我都係咩都冇諗就跳入嚟呢個行業，每一日都係好簡單好開心，呢一個就係我繼續呢份工作嘅原因。我鐘意咸濕野，而家每一日都會做一啲唔同嘅活動同拍攝#hehe#cow再加上本來好奇心就好強，我覺得呢份工作係我嘅天職嚟。




:)：回顧返過去呢幾年嘅工作，櫻空小姐又有咩感覺？
#:)#cow：嗯～有啲咩呢，覺得好興奮，好開心可以一直喺呢度工作。當我收到FANS俾我嘅comment，我就有一種「就算係咁樣嘅我，都能夠成為其他人嘅力量」嘅感覺。我覺得我係一個好深情嘅人，所以我想繼續愛嗰啲愛我嘅人，我想為每個人做到最好#bye#cow



:)：咁喺跟著落嚟嘅日子，有冇諗過以成為一個點樣嘅女性作為目標呢？
#:)#cow：我想成為更加獨立同堅強嘅女性，雖然冇一個確實嘅目標人物，但我想追求做到我想做嘅風格，直到而家都仲喺旅途上面喔#power#cow
喺工作方面，我想嘗試一下唱歌嘅工作，始終都係鐘意唱歌，因為唔擅長玩SNS，好多時都冇辦法回應到底大家對我嘅愛，所以想將精力用喺自己擅長同鐘意嘅野上面。



:)：最後請櫻空小姐同FANS講幾句說話。
#:)#cow：嗯... 其實直到而家我都唔擅長將自己嘅心情語言化，亦都好少做呢啲訪問，所以好想借呢次機會好好咁多謝大家... 多謝你地俾咗我自信，如果冇大家嘅話，我諗就唔會有而家嘅我。大家對我嘅愛真係幫咗我好多，所以我覺得「維持現狀」咁就已經足夠。
我好想可以好好咁感謝大家，亦都會努力傳達多啲我平時嘅生活，但始終都係冇自信#sad#cow所以要諗辦法搵到個平衡。請等一等我，希望Twitter快啲解封，一定要#sorry#cow各位以後就請多多指教咯。





- - - - -

經過一個月既訪問之後，櫻空桃既使用說明書都完成喇！



展現出各色各樣唔同一面嘅櫻空桃，使用說明書終於完成了♡

正因為係深不見底嘅櫻空，所以請大家參考使用說明書入面同佢嘅交流方法，認真咁接觸，櫻空小姐一定會加倍回報俾你！



櫻空桃嘅使用說明書！覺得點樣呢？
今年即將迎嚟出道5週年嘅櫻空桃，越深入了解就越會沉迷喺佢嘅魅力之中！



多謝你睇到呢度！
下一集，將會係同S1嘅合作企劃！？
嚟到說明書企劃登場嘅，係S1專屬嘅小島みなみ(小島南)！以及Ideapocket嘅天海つばさ(天海翼)！
一直都係片商支柱嘅兩位，到底會製作出一本點樣嘅使用說明書呢？
敬請期待！

Posted by
標籤： , , , , ,

沒有留言:

張貼留言

訂閱： 張貼留言 (Atom)