龍年新正頭見AV女優行大運 Part 9

 4年先得一次嘅2月29號，唞咗三日，今日黃昏時間要返嚟去event，重投AV女優溫柔鄉嘅懷抱#slap#tiger早兩日碌IG嘅時候見到一個喺日本做導遊嘅朋友po咗一張好靚嘅風景相#oh#tiger即刻向佢請教點樣去嗰度#sorry#cow喺呢度要多謝佢嘅幫手#sorry#cow


首先落去新宿食咗早餐先，揀咗我間唔中都會嚟豪一次嘅Sarabeth's食個all day breakfast：


サラベス ルミネ新宿店 東京都新宿区新宿3-38-2 ルミネ新宿LUMINE2 2Ｆ

上次嚟就係散嗌一個Benedict egg+嘢飲，今次就嗌佢嘅course，前後兩杯嘢飲、一個湯、一個主菜、再加一個甜品，盛惠3500羊：




（跟course嘅Benedit egg得一舊，散嗌有兩舊。）

甜品有三款可以揀，分別係法式多士、熱香餅、同埋檸檬味嘅熱香餅：


（三個人分別嗌唔同款，一致公認最好食係普通嘅熱香餅。）

導遊朋友建議我哋可以去大黑屋買株主優待乘車劵去我哋一陣嘅目的地，每人每程可以慳到大概10蚊雞，三個人夾埋就60蚊，因為大黑屋就喺新宿，食完早餐行過去都唔係好遠，於是又試下買呢啲金劵嘅初體驗：


（要留意買呢啲金劵係只可以俾現金嘅。）

今日我哋要去一個叫新松田嘅地方:)





我都係第一次嚟呢度，又係一啲冇一幢樓高過5層嘅小小鄉下地方#sweat#tiger我哋今日嘅目標係去睇呢一個櫻花展區，由車站出發，大概要行15分鐘，沿途都會經過唔少嘅櫻花樹：






入埸費300羊，係一個挨住個山嘅園區，呢一個展特別嘅地方係除咗有櫻花樹之外，喺下面仲有黃色嘅菜花，所以影出嚟就會有大概咁嘅效果：



上到園區嘅最高位，可以睇到新松田嘅市貌，上面仲有一個俾人打卡影相嘅鞦韆：






比較可惜嘅係太遲嚟#sad#cow啲櫻花都已經落得七七八八#sad#cow



（臨走嗰陣仲見到一棵變白咗嘅櫻花#confuse#rabbit定其實呢棵唔係櫻花嚟#confuse#rabbit）

睇完櫻花就返嚟秋葉原見女優:)今日見嘅係小島みなみ（小島南）：



小島南嘅標誌性可愛雞仔聲，相信最令大家印象深刻，但最近呢幾年佢啲AV嘅叫床聲開始加入咗低音咆哮喺入面#oh#初時聽以為係聽錯，後來見佢差唔多每套作品都有呢種低音咆哮，就feel到應該係新嘅gimmick嚟。







今日嘅小島南化咗一個淡妝，再加上髮型有影響，感覺上好似老咗好多咁，雖然佢最近啲片都已經係人妻設定居多#sad#cow

#:)#cow：小島小姐你好，係呢，今年係你出道嘅第幾年？
:)：12！嚟緊13！
#:)#cow：時間過得真係快#oh#我自己最深印象係你當年同葵司嘅一套共演 (SNIS-585)。
:)：嗰套真係好耐！
#:)#cow：最近都有一套 (SSNI-879)，不過係做OL，就好似睇住你哋兩個都長大晒咁#sad#cow
:)：哈哈！係呢，香港係咪喺台灣入面？
#:)#cow：#sweat#cow...唔係，香港同台灣中間要搭兩個鐘頭飛機，同埋香港有自己嘅迪士尼㗎！
:)：哇！係迪士尼！我都想去香港迪士尼玩！入面賣啲嘢好靚！仲可以自己custom整！
#:)#cow：可以嘅咩#oh#我單身寡仔咗好耐，所以已經好耐冇入過去。
:)：可以㗎！同埋一個人都可以去迪士尼㗎！我都成日一個人去！






近年嚟小島南把雞仔聲都好似買少見少#confuse#rabbit唔知係咪真係咁多年嚟開工嗌傷咗把聲呢#confuse#rabbit

當日嘅靚晚係去咗食之前天海つばさ介紹嘅燒肉味楽来：


味楽来 東京都中野区中野5-56-16 オスカービル １Ｆ




今次除咗慣常會嗌嘅牛脷之外，仲試咗牛肩肉，都係好食，但我自己鐘意牛脷多啲#unclehappy2#dragon


（同埋今餐證實咗一件事，燒肉一定要配白飯！成餐飯會好食多一倍！）

3月1號星期五，唔做電燈膽阻人拍拖#drink#dragon我自己去搵個公園行下，學連登仔咁提早體驗退休生活#wheelchair#dragon因為要喺新宿轉車，所以早餐都喺新宿搞掂，搵咗一個又係遊客名店嚟試下：



CAFE AALIYA 東京都新宿区新宿3-1-17 山本ビルＢ１Ｆ

位置比較近新宿三丁目嘅地鐵站，食嘅都係西式嘢，嗌咗一個聲稱要必食嘅法式多士set，有一兜好大兜嘅沙律，同埋一杯嘢飲，埋單係1050羊：




味道都係相當唔錯#like2#tiger我覺得係港女會鐘意食嘅味道，各位巴打不妨帶埋女朋友嚟試試#blink#rabbit



（餐廳附近就係Apple Store，又入去觀摩下同香港有冇咩分別，跟住見到圖入面一位成頭白髮嘅婆婆店員教一個後生過佢嘅人用iPhone，日本真係好多呢類老年就業嘅職位#confuse#rabbit我自己最常見就係博物館入面啲指導員#confuse#rabbit）

食飽飽就起行，今日揀咗去國營昭和紀念公園，喺一個叫立川嘅地方：


（立川嘅單軌列車。）

根據網上搵到嘅介紹，國營昭和紀念公園有40個日本巨蛋咁大#wtf#dragon因為未去過日本巨蛋所以冇咩概念，但行下行下見到啲以km做單位嘅告示牌，同埋一望無際嘅樹群，我就知呢個公園真係大到痴線。



（450羊入埸費，呢個先係公園嘅入口，但我由一開始我以為嗰個入口行入嚟就已經行咗10分鐘...）






咁其實個公園除咗大之外仲有咩特別呢#confuse#rabbit應該就係有好多各式各樣嘅花，但因為分佈晒喺公園嘅唔同地方，要睇晒嘅話一日都唔知得唔得，所以只可以走馬看花咁經過望兩眼。



 
（個中文翻譯做咩事#@_@#dog）

公園收5點，但4點就會開廣播叫喺公園入面嘅人準備離開，我差唔多行到最入先返轉頭，路牌寫我要行3km先去到個出口#ohno#mouse...


（怪唔知得連呢啲園內小火車都有得買任搭pass。）

返嚟做正經嘢喇喂:)今日見嘅係S1嘅大波妹，佢叫五条恋（五条戀）：



都係寫真偶像出身，胸型我自己覺得相當靚#like#tiger但因為我唔係豪乳控，所以呢類女優嘅作品我好少仔細睇：








因為五条恋出道之後斷咗幾個月冇出片，所以想傾下最近啲作品都冇話題，於是就講下佢最近去台灣TSE嘅事：

#:)#cow：五条小姐你好，係呢最近見你去完台灣TSE嚟，好受當地FANS歡迎呢。
:)：係咩，哈哈。
#:)#cow：仲見到你放咗條片上Twitter，係有啲蛇圍住你條頸。

https://x.com/ren_gojo_/status/1750790879135314139?s=20

:)：哦！係有件咁嘅事。
#:)#cow：當時唔驚咩？條蛇咁大條。
:)：完全唔驚！好好玩！係呢，我下個禮拜都會去香港！睇演唱會！
#:)#cow：哦#oh#過嚟睇邊個？
:)：就係而家播緊呢隊OOXX（唔識聽），我淨係搶到佢哋香港埸嘅飛！

 

今晚終於有返啲時間，可以喺返香港之前試到上個禮拜天海つばさ介紹嘅一間味噌拉麵：


味噌らーめん 柿田川 ひばり 恵比寿本店 東京都渋谷区恵比寿西1-10-8 杉山ビル 1F

拉麵全部都係味噌湯底，我嗌咗個特製味噌，同行啱啱喺仙台落嚟東京嘅香港朋友就要咗個昆布水嘅味噌：


（仲叫咗4隻水包餃子，不過呢個味道就一般#eat#dragon）

湯底係超級特濃嘅味噌湯，食完隔咗成個鐘，個口腔都仲有嗰陣味噌味喺度，我諗會比較適合鐘意濃味拉麵嘅朋友#unclehappy2#dragon


待續
Posted by
標籤： ,

沒有留言:

張貼留言

訂閱： 張貼留言 (Atom)