龍年新正頭見AV女優行大運 Part 7

2月24號，今日天氣終於開始回復正常，連續落咗成個禮拜雨，今日終於聞到陽光嘅味道。





是日靚早係喺淺草區入面一間食熱香餅嘅餐廳，之前有一日專登行過嚟想食，但撞正休息#slap#cow所以今日過嚟覆啅#ball#cow


ミモザ 東京都台東区浅草4-38-6 
（早餐時間去到下晝1點，等我嗰日仲行到趕頭趕命咁#arrr#cow）

主打菜式除咗有熱香餅之外，仲有一啲輕食嘅麪包同多士，紅茶咖啡款式都相當多：





至於熱香餅就有兩種可以揀，分別係一大一細嘅細set，同埋足足有5塊咁多嘅大set：



本住我不入地獄誰入地獄嘅連登仔精神，我決定試下一個人挑戰個大set：


（食到最後嗰塊，足足有咁厚。）

小弟我嘅食量係偏向正常，平時一個人食得晒一盒兩餸飯，但一口氣食5塊熱香餅又真係heavy得濟，落單之後廚房以為我係嗌細set，之後店員同佢講我係要大set，聽到佢哋咁講我都feel到唔係好對路：

#:)#cow：呢個#oh#...我想問下一個人其實係咪食唔晒你哋個大set？
店員：唔會！真係食唔晒都唔緊要！我哋可以俾你打包架！

最後#sad#cow我幾經辛苦，食剩最後一塊最大塊嘅1/4#sad#cow一個人食呢個大set真係有啲攞命，推薦大家一條友嘅話嗌細set，大set就留返兩個人或者以上嚟食，咁會比較好。


（你以為我短期內唔會再食熱香餅？少年你太年輕了，過兩日又喺另一間餐廳度食咗兩塊。）



嘆完個早餐，喺個胃仲消化緊堆熱香餅嘅時候，我返咗去秋葉原書泉參加event，今日見嘅係Moodyz嘅另一個新人王a.k.a.鬧交王，佢叫做宮下玲奈：



Moodyz除咗石川澪之外，宮下玲奈都係另一位相當突出嘅新人，至於點解叫佢鬧交王，係因為上年佢同另一位同年出道嘅S1新人小倉七海喺網上面隔空對鬧，最後仲搞到小倉七海敗走，所以得到鬧交王嘅美譽#medal#cow詳情可以搵劍大寫嘅文嚟睇，呢度就唔詳細講了:)

今日嘅event賣嘅書並唔算得上係寫真集，只係唯美感比較重嘅pose book，所以女優喺呢類書嘅event都好少會著水著：








宮下玲奈屬於長手長腳型嘅女優，照計就應該著咩都好睇，但今日呢套私服又真係hea咗少少#sweat#cow但一諗起佢平時喺SNS上面都係懶懶閒hea下hea下嗰個樣，成件事又好似冇咩問題。

#:)#cow：宮下小姐你好，我係香港嚟嘅。
:)：你好吖，你相機上面隻Kuromi好得意。
#:)#cow：係呢，宮下小姐鐘意嘅公仔係嗰隻著住底褲啲粉紅色兔仔吖可？

https://x.com/rena_miyashita/status/1756264696834097493?s=20

:)：係吖，你又知嘅。
#:)#cow：我有睇你Twitter吖嘛，仲有你鐘意嘅Pokemon係卡比獸！
:)：哈哈，世事都俾你看透晒。



（合照影即有即有其實冇咩問題，但點解要影打橫？）


（見完宮下之後忍唔住去食多次麵巧屋 潮嘅拉麵，今次專登嗌個醬油睇下係咪自己味覺有問題，發現真係唔得，雞白湯先係世界第一。）

去見完宮下之後，緊接住就係有一埸4點鐘又係喺書泉嘅活動，主角叫做，河北彩花。



今日嘅呢一埸寫真集event，買夠5本先至有得影三張合照，而且呢個5本嘅quota只有好少，開賣頭一分鐘就光速賣晒，上天咁公平，我咁靚仔同叻仔就梗係乜都搶唔到啦#sad#cow好似我咁買得嗰一本嘅話，就只可以入去見下真人傾兩句，佢遞本書俾你，講句bye bye就完#sad#cow

不過今次都係我第一次近距離見河北彩花：

:)：你好:)
#:)#cow：（哇真人近距離睇真係好靚女#oh#）...er...我係香港嚟嘅，今日好開心可以見到你真人。
:)：多謝你，呢本係我嘅最新寫真集:)
#:)#cow：好期待你今年嘅海外event。
:)：係講緊TRE嗎？
#:)#cow：當然係！
工作人員：係！夠時間了！
:)：多謝你嚟見我，拜拜#bye#

冇咩其他感想可以講了，因為成個過程都好短[sosad]總之呢一個被世人稱呼做河北彩花嘅女人，係神嚟。


今日嘅最後一埸event，係同古川ほのか好好姊妹好好感情嘅，未歩なな（未步奈奈）：



我又唔怕坦白講，去過一兩次未歩嘅event，我同佢其實一直都唔係好過電，一嚟佢個樣同身材都唔係我鐘意嘅類型，二嚟唔知點解每次我哋傾嘅話題都唔係講緊佢，又唔係講緊我，永遠都係講緊第三者，所以會有一種好似傾咗好多嘢，但又好似咩都冇傾過嘅奇怪狀態：








#:)#cow：Hello未步小姐，呢份係我朋友OOXX佢送俾你嘅禮物，專登叫我拎俾你。
:D：多謝！麻煩你幫我多謝佢！
#:)#cow：係呢，最近未步小姐有冇出去同古川一齊玩？
:D：有吖！我哋約咗28號一齊出街！
#:)#cow：真係好呢，今次我過嚟都去齊晒Mi Luna三個人嘅event。
:D：咁好！係喎，聽日係八木，下個禮拜有古川嘅攝影會。
#:)#cow：希望可以慢慢儲齊你哋嘅簽名碟，你哋首Luna loop我最近真係一直loop嚟聽。
:D：咁就好！要一直loop多啲！


（今次專登俾隻CD佢哋簽，唔好問我呢個封面係咩嚟，畫風抽象到咁我都覺得有啲過份#heard#pig）

上面提到嘅Mi Luna，係由未歩なな、古川ほのか、八木奈々三個女優組成嘅唱跳組合，最近就啱啱出咗第一隻single，隻Luna loop就係咁嘅：

https://youtu.be/cL6EfFWxZro?si=qpq3pgmTpHytCuXf

（明顯聽得出三個人入面除咗未歩，另外嗰兩個都係唔識唱歌嘅#sad#cow）


火ノ玉 東京都千代田区神田花岡町1-1 ヨドバシAkiba 8F

出咗文先發現自己寫漏咗見完未步之後食咗啲咩#sad#cow當日靚晚係喺Yodobashi上面嘅一間韓式料理#like#tiger




除咗一個石頭鍋飯之外，另外仲嗌咗一個豆腐辣湯，但其實淨係食完個飯都已經飽咗八成#sad#cow碗湯嗌多咗#sad#cow


（應該唔係我朝早啲熱香餅未落格...卦。）

瞓醒嘅第二朝嚟到星期日，又係要周圍跑event嘅一日#free#pig今朝轉一轉個口味，喺秋葉原整返兩件冬甩先#peanut#pig



ミスタードーナツ 秋葉原ショップ 東京都千代田区外神田3丁目13-9

同香港啲Subway一樣，入面啲staff多數都唔係本地人，至少一定都識得聽英文，所以唔需要太擔心落單嘅問題：




一個普通甜味加多一個朱古力味，再加一杯齋啡，兌返港紙都係$30左右，相當抵食#like#tiger而且個位置仲好適合掃完街買完嘢之後上嚟hea陣#like#tiger

今日見嘅第一位女優，係S1專屬嘅うんぱい (Unpai)：



うんぱい喺22年出道嘅時候係被S1寄予厚望，因為佢當時TIKTOK連埋IG有超過470萬followers，S1當時係將うんぱい包裝到最強網紅下海嘅宣傳嚟谷行當時嘅出道，可惜事實擺在眼前，うんぱい真係唔係食呢行飯嘅女優#sad#cow

除咗網紅樣未必個個人都啱之外，身材上喺呢個風起雲湧嘅業界，唔能夠算係好有睇頭，喺上年嘅台灣成人展TRE，うんぱい係金卡女優入面成績最差嘅一個，可想而知連只要係大波就OK嘅台仔都麻麻哋嘅話，うんぱい嘅人氣同吸引力係去到幾差#sad#cow







用文字比較難形容，但喺傾計嘅時候うんぱい俾我一種感覺，而家嘅佢好冇自信：

#:)#cow：うんぱい小姐你好，我係香港嚟嘅，上年我有去TRE，今日近距離見你真人覺得你好似瘦過嗰時。
:)：有咩...？但其實我嗰陣時減緊肥...
#:)#cow：係咩...？哦...咁...咁可能我錯覺啦。
:)：係呢，你日文講得咁好嘅，喺日本在住㗎？
#:)#cow：唔係，我過嚟三個禮拜，過嚟玩女優event。
主持人：新東寶去好多event架，海外嘅event佢有時又會幫手，うんぱい小姐咁可愛，應該都好適合去海外。
#:)#cow：（feel到個話題風向）係吖，香港嘅朋友都會想見下うんぱい小姐真人，有機會嘅話請你過嚟香港搞下活動。
:)：哦...咁我要俾啲心機了，要努力啲得到新東寶你嘅支持。
#:)#cow：放心，之後我會多啲支持うんぱい小姐嘅。




唔知大家覺得うんぱい點，但喺我眼中佢而家係已經用盡晒所有方法去行AV女優呢條路，但都好似唔成功，做唔到啲咩成績出嚟，每一日都喺度虛度光陰咁，就算佢話會努力都好，我都感覺佢冇乜鬥心，唔知下一年嘅S1，仲見唔見到佢嘅影蹤？


（我真心唔覺得咁樣嘅pose會吸引到新FANS...雖然佢今日呢一埸event都係順利賣晒。）

或者うんぱい今日嘅氣餒，都同呢一位同埸嘅女優有啲關係，佢叫做八木奈々（八木奈奈）：



八木奈々係我心目中業界新一代嘅發電機，女仔會覺得佢呢啲係發姣，但出道已經4年有多嘅佢，已經了解得好清楚啲大叔鐘意啲咩類型嘅對應，同埋點樣為自己增加FANS，呢一樣都係好多女優做唔到嘅一環，日本嘅AV影迷大部分都係貪新忘舊，要留住佢哋繼續每個月都買你嘅AV，就真係要下啲苦心#read#pig

今日嘅埸地一邊係うんぱい，一邊係八木奈々，喺會埸嘅中間擺咗兩張枱，各自擺咗兩位女優嘅即影即有相同著過嘅衣物販賣，八木奈々嘅即影即有相我眼見清枱清咗至少三輪，而うんぱい嗰邊係郁都冇郁過#sad#cow

會埸入面嘅嗰一班FANS大多數兩個女優都去見晒，點解淨係八木有反應，而うんぱい冇反應？睇下以下啲相會唔會令你有答案：








除咗真係靚啲同精靈啲之外，喺八木嘅身上你可以感受到「誠意」，個女優唔係hea緊你，就算交戲都好，你feel到佢想你注意佢，望住佢，鐘意佢，呢一種先係偶像同FANS之間嘅互動。

#:)#cow：八木小姐你好，好耐冇見。
:)：好耐冇見喇。
#:)#cow：係呢，八木小姐最近去完台灣，好似好受當地嘅FANS歡迎。
:)：小小咁啦#mock#pig「請多多指教！我愛你，你愛我嗎？」（國語）
#:)#cow：犀利#oh#至少我聽得明你啲發音先。
:)：哈哈。
#:)#cow：係呢，有時喺Twitter睇到Mi Luna（即係上面未步event提過嗰隊）嘅幕後花絮，八木小姐都好似一個大姐姐咁睇住另外嗰兩個。
:)：似係咁吖可？可能因為佢哋兩個都仲好細個同好活躍，顯得我好文靜，但其實我都唔係大過佢哋好多。
#:)#cow：都真係呢，八木小姐仲係好後生。
（冇咩話題，咁啱主持人又行開咗，我又唔好意思企起身走。）
:)：（依然望住我對眼）
#:)#cow：（唔得，太電了#sad#cow）今日辛苦你了，一陣晏啲嗰埸活動再見。
:)：晏啲你都會嚟嗎？我會著cosplay哦。
#:)#cow：咁好？係咩Cosplay？
:)：唔講，你估下#mock#pig
#:)#cow：搞到我好期待添，一陣轉頭見。


（甚至係喺你等緊埋位影相嘅時候，如果你同八木有眼神接觸嘅話，佢都會主動同你揮手，咁嘅女優又點有可能唔受歡迎#sad#cow唔係古川行先嘅話，我可能都會沉呢一條叫八木嘅船#sad#cow）


天丼てんや 秋葉原店 東京都千代田区外神田4-5-4 亀松ビル １Ｆ


（當日嘅下午茶係賣相同味道都普普通通嘅天丼。）

唞咗一陣，今日參加嘅第三埸活動又係一個我想見真人好耐嘅女優，佢叫茉城まみ（茉城麻美）：



23年喺FALENO出道嘅一位新人，比較吸引我嘅係佢個樣有少少撞樣浜辺美波，而且心口仲要唔差[bouncer][bouncer]唔駛同我講咩假波咩啲奶假㗎嗰啲嘢㗎喇#nope#pig你覺得我鐘意得葵司嘅話會介意呢啲嘢咩#nope#pig

比較可惜嘅係今埸event嘅埸地係ラムタラエピカリ，個埸嘅燈光係我無論點set都影得唔好睇：






#:)#cow：茉城小姐你好，我係喺香港嚟嘅，知你鐘意Pokemon卡，所以專登買咗一盒港版俾你做禮物。
:)：哇！多謝你！係呢，你個名係？
#:)#cow：我叫新東寶。（開我個Twitter俾佢睇）
:)：哦！原來呢個係你！我對你個icon有印象。
#:)#cow：真係嘅#oh#會唔會太開心#oh#雖然我icon張相都成十年前[sosad]
:)：真係㗎！
#:)#cow：係呢，聽講茉城小姐識得講少少中文。
:)：「我...還在學習，發音不太標準...現在學了一年。」（全句都係國語）
#:)#cow：犀利#oh#起碼我聽得明先。
:)：中文好難學呢。
#:)#cow：我都學緊日文，大家一齊努力#like#tiger返去記得要拍片話俾我知啲PKM卡開完係咩結果。
:)：好吖！我一定會拍！




（買夠4隻碟會有拍片特典，我叫佢同我講全世界最鐘意嘅係我#wet#dog同埋真係唔係我影得衰#photo#dog呢個埸嘅燈光係好難影得好#no#dog）

之後就返番去搵八木，今日八木有兩埸活動，中午12點係有限人數嘅預售會，5點嘅呢埸係冇限人數嘅即售會：



至於萬眾期待嘅cosplay係咩呢？就係一條紫色嘅中身裙：


（個衰妹唔知點解對住我係特別鐘意伸脷#lick2#dragon信唔信我下次擺啲嘢上條脷度吖嗱#lick#dragon）

傾計得兩句，不過個內容都幾得意：

#:)#cow：係呢頭先都唔記得問，八木小姐去台灣有冇鐘意食啲咩？例如咩小籠包之類。
:)：有吖，淋喺刨冰上面嗰啲OOXX（唔識聽）好好食，仲有我鐘意飲台灣嘅西瓜汁！
#:)#cow&主持人：西瓜汁！？
:)：係吖！超級好飲！



（當日嘅合照係壁咚同逆壁咚，又係啲我好少用嘅pose，影出嚟硬係會有是但一個冇咗大半邊臉。）

因為要同香港朋友食飯，所以忍痛淨係參加咗一輪就走#sad#dragon八木妹妹我下次再嚟搵你伸脷#sad2#dragon當晚係食饑丸水產：


（秋葉原呢間人少過上野嗰間好多，等位差唔多係直入。）

待續
Posted by
標籤： ,

沒有留言:

張貼留言

訂閱： 張貼留言 (Atom)