新東寶翻譯製作 : AV業界事務所巡禮第二彈：C-MORE、エイトマン

(原文於14-12-2024 hksecretparty刊登

今日繼續同大家介紹幾間AV業界比較多人留意嘅事務所。

C-more

提到C-More，最多人諗到嘅應該會係佢哋旗下女優自己組成嘅「東京家族」團體，唔好誤會，呢個團體並唔係好似惠比壽麝香葡萄咁，會喺鏡頭面前載歌載舞，只係幾位C-More旗下感情好好嘅女優所組成嘅一個團夥，係冇任何公開活動嘅。

由伊織涼子（媽媽）、JULIA（大女）、青空ひかり（二女）、本庄鈴（三女）、時田亞美（四女）、島津かおる（姨媽），幾位跨越咗幾代年齡層嘅女優，老中青全部都有涵蓋，更加有趣嘅係佢哋全部都分散喺唔同嘅片商，令到成個「東京家族」嘅覆蓋範圍更加廣闊。

「東京家族」間唔中就會約埋一齊出去行街食飯，有時就算唔齊人都好，喺相片同言語之間都流露出佢哋幾位女優之間嘅感情有幾咁深厚。喺同一間事務所嘅庇蔭之下，女優之間冇嗰種勾心鬥角嘅角力，反而有呢啲溫馨嘅共處畫面，唔知FANS睇到嘅時候會唔會都有一種暖心嘅感覺？

當然C-More唔止「東京家族」呢幾位女優，旗下仲有唔少實力派嘅女優，S1最強性愛機器miru，高長直model身型嘅楓ふうあ、冰山美人明里つむぎ、好多少男嘅熟女女神椎名ゆな等等，都係C-More嘅旗下女優，喺實力方面，C-More喺業界嘅影響力都係不容忽視。

跟住落嚟要介紹嘅就係同小弟好有淵源嘅エイトマン事務所。

エイトマン(下稱8man)，係一間以關西為主要據點開拓至全國發展嘅事務所，「關西以及令和No.1事務所」，係佢哋事務所嘅宣傳標語。

可能你會覺得佢哋咁樣嘅自稱口氣大大，但事實上8man旗下嘅女優，真係有令佢哋有信心自稱No.1嘅能力，旗下兩大最強女優，安齋らら、葵つかさ，都係業界數一數二嘅超一線女優，甚至可以話，只係有呢兩位頭牌，都已經有足夠跑贏其他事務所嘅能耐。

呢一間已經開設咗18年嘅事務所，喺2021年就開始咗名為「8woman」嘅事務所週年慶宣傳活動，揀出旗下八位女優做代表拍攝紀念寫真集，以及舉辦為期大概一個星期嘅寫真展。以事務所嘅名義舉辦寫真展活動，喺業界入面都係相當罕見，所以每年嘅8woman寫真展，都係業界嘅其中一項人氣活動。

呢一個8woman一搞就連續搞咗三年，而且呢三年嘅呢八位8woman都有更換人選，每年都有一定嘅新鮮感俾到FANS。喺寫真展嘅舉行期間，都有唔少同行嘅其他女優、經理人、日本嘅藝能界、藝術界、攝影師、等等人士到場參觀。8man嘅人脈同喺業界以外嘅人際關係，都係其他事務所望塵莫及嘅地方。

今次就介紹住咁多先，下一次再同大家講下其他事務所。