跟住落嚟就係連續兩日喺仙台嘅觀光行程
另外三位戰友要返香港做黎生，冇問題
我會繼承你哋嘅遺志喺仙台繼續吃喝玩樂
今日去嘅地方叫做田代島，喺一座比較靠近宮城縣東部石卷市嘅一個小島，最出名嘅地方係，島上面有好多好多貓
根據wiki所講，呢一個面積只有11KM嘅田代島，人口只有54人，但島上面就住咗過百隻貓
島上面仲有貓神社
一場咁遠嚟到仙台，就梗係要入去打個卡威俾其他毒撚睇
不過呢一個島都唔容易去，由仙台站出發，首先要坐一個鐘頭嘅JR去到一個叫石卷嘅地方，再坐10分鐘巴士（行路就20分鐘），再坐多45分鐘嘅船，先至去到田代島
而每日來回田代島嘅船只有兩班，所以時間控制上相當難搞
（結果當日係朝早6:30起身落去食早餐，搭7:24嘅JR去石卷，再坐9:00嘅第一班船入島。）
石卷係漫畫家石森章太郎老師嘅故鄉
所以無論係JR列車、石卷站、同埋石卷市入面嘅擺設，都同石森章太郎老師嘅作品有關
（毫無意外係冇乜人咁早入去田代島，架巴士得我一個乘客。）
基本上搭得呢班船嘅都係入去田代島，我去到碼頭買船飛嘅時候，只有另外一對情侶同我一齊上船
好喇喎我入去係睇貓，唔係諗住睇閃光彈架喎
（出返嚟嘅船只有13:55同15:30兩班，miss咗就要喺個島入面過夜了。）
順利開船出發
呢個時候天空開始落起大雨，我先至諗起一樣嘢：落大雨，仲邊度會有貓出嚟呢
？
（呢個故事教訓我以後去邊都好，都要記得睇天氣預報。）
結果入到田代島嘅時候，已經係烏雲密佈，唔擔遮都行唔到嘅情況，聰明又靚仔嘅我當然係冇帶遮喺身
喺呢啲偏遠小島更加冇可能有便利店俾人買遮，就喺我諗緊點算好嘅時候，喺田代島嘅候船室（其實只係一間細木屋），俾我搵到一把有人擺低嘅黑色女裝遮：
（可能你會話，點解唔試下等到停雨先行呢？因為天氣預報話會落雨落到下晝1點，喺個碼頭等3個鐘，等得嚟都已經要搭返船出去...）
我諗就係因為有唔少人都有同我同樣嘅問題，入到嚟個島先發現自己冇遮，所以有啲人就將自己唔要嘅遮擺喺度借俾人用，身為香港人嘅我亦都老實唔客氣，擔住呢把女裝遮，踏上田代島嘅征途
落大雨就梗係貓都唔多隻
上網睇到人哋一落船就有幾隻貓陪住你行入島嘅畫面，結果我係完全冇遇到嘅只能夠喺一啲小屋建築物入面，睇下有冇啲避緊雨嘅貓：
（結果行咗15分鐘，先見到第一隻貓。）
田代島人口真係好少，離開咗碼頭之後，基本上已經冇再見到有人，成個島就好似得返我一個人咁：
（島上面嘅其中一間民宿。）
（連啲屋嘅設計都係同貓有關。）
喺呢啲偏遠小島更加冇可能有便利店俾人買遮，就喺我諗緊點算好嘅時候，喺田代島嘅候船室（其實只係一間細木屋），俾我搵到一把有人擺低嘅黑色女裝遮：
（可能你會話，點解唔試下等到停雨先行呢？因為天氣預報話會落雨落到下晝1點，喺個碼頭等3個鐘，等得嚟都已經要搭返船出去...）
我諗就係因為有唔少人都有同我同樣嘅問題，入到嚟個島先發現自己冇遮，所以有啲人就將自己唔要嘅遮擺喺度借俾人用，身為香港人嘅我亦都老實唔客氣，擔住呢把女裝遮，踏上田代島嘅征途
落大雨就梗係貓都唔多隻
上網睇到人哋一落船就有幾隻貓陪住你行入島嘅畫面，結果我係完全冇遇到嘅只能夠喺一啲小屋建築物入面，睇下有冇啲避緊雨嘅貓：
（結果行咗15分鐘，先見到第一隻貓。）
田代島人口真係好少，離開咗碼頭之後，基本上已經冇再見到有人，成個島就好似得返我一個人咁：
（島上面嘅其中一間民宿。）
（連啲屋嘅設計都係同貓有關。）
頭先都有講過，天氣預報話至少1點左右先會停雨，既然係咁就不如用行路嘅方式環島一圈
我落船嘅地方係地圖右下角嘅仁斗田港，正常嚟講落船一直向上行，就可以經過島上面最出名嗰幾個景點，最後到達上面嘅大泊港，但因為我見有時間，所以就行咗島外圍嗰條路，想睇下會有咩睇
結果就係行咗兩個鐘頭，係足足兩個鐘頭，沿途一個人都冇，一隻貓都冇，只有一條唔知幾耐冇人行過嘅石屎路：
（沿途嘅唯一景點就係呢座細細間嘅觀音廟，而且唔係喺大路，係要行小路過草叢先入到去。）
除咗觀音廟之外，另一個收獲就係行到島嘅外圍，可以感受到大自然、海風、落雨，三本番嘅初體驗：
（喺呢兩個鐘頭入面，沿路只有見到兩個呢啲流動廁所，但真係冇打開門睇下嘅勇氣
...）
隨住時間慢慢過去，雨勢都開始減弱，貓就仲未見到，不過行起上嚟至少冇咁辛苦，不知不覺我就行到去大泊港附近：
而喺大泊港嘅呢堆屋入面，俾我見到幾隻貓仔喺屋外面瞓緊教
初時我仲以為係冇人養，純粹入嚟避雨嘅街貓，就喺我諗住摸多一陣啲貓就走人嘅時候，撞正間屋嘅屋主返嚟：
：
！！？？唔好意思！我冇心入嚟打擾嘅
屋主： > 
！呢度係有人住嘅地方！唔可以隨便入嚟架！
：
...對唔住對唔住！我而家即刻走！
屋主：島上面仲有其他人住，唔可以亂咁入人哋屋企範圍！
然後就梗係有咁快走咁快
好彩冇俾人當係賊仔，唔係嘅話都唔知點解釋
（大家去嘅話都要小心，唔好打擾到島民嘅日常生活小弟又一次錯誤示範）
我落船嘅地方係地圖右下角嘅仁斗田港，正常嚟講落船一直向上行，就可以經過島上面最出名嗰幾個景點，最後到達上面嘅大泊港，但因為我見有時間，所以就行咗島外圍嗰條路，想睇下會有咩睇
結果就係行咗兩個鐘頭，係足足兩個鐘頭，沿途一個人都冇，一隻貓都冇，只有一條唔知幾耐冇人行過嘅石屎路：
（沿途嘅唯一景點就係呢座細細間嘅觀音廟，而且唔係喺大路，係要行小路過草叢先入到去。）
除咗觀音廟之外，另一個收獲就係行到島嘅外圍，可以感受到大自然、海風、落雨，三本番嘅初體驗：
（喺呢兩個鐘頭入面，沿路只有見到兩個呢啲流動廁所，但真係冇打開門睇下嘅勇氣
...）隨住時間慢慢過去，雨勢都開始減弱，貓就仲未見到，不過行起上嚟至少冇咁辛苦，不知不覺我就行到去大泊港附近：
而喺大泊港嘅呢堆屋入面，俾我見到幾隻貓仔喺屋外面瞓緊教
初時我仲以為係冇人養，純粹入嚟避雨嘅街貓，就喺我諗住摸多一陣啲貓就走人嘅時候，撞正間屋嘅屋主返嚟：
：！！？？唔好意思！我冇心入嚟打擾嘅屋主：
> ！呢度係有人住嘅地方！唔可以隨便入嚟架！：...對唔住對唔住！我而家即刻走！屋主：島上面仲有其他人住，唔可以亂咁入人哋屋企範圍！
然後就梗係有咁快走咁快
好彩冇俾人當係賊仔，唔係嘅話都唔知點解釋
（大家去嘅話都要小心，唔好打擾到島民嘅日常生活
小弟又一次錯誤示範）終於都等到停雨，頭先係就係𤓓咗啲不過都係難得嘅經驗嚟，唯有下次小心啲啦
（大泊港嘅神社，可以睇到都係好耐冇人打理，我自己嚟到日本習慣就係見到神社都會入去拜一拜揖一揖先走至於添唔添香油就隨緣）
沿住頭先比較近嘅一條路行返返去落船嘅仁斗田港，終於見到貓神社：
（又真係有隻真貓喺入面
）
然後終於見到最期待嘅畫面，就係行行下會有隻野貓同你迎頭相遇：
（沿途遇到大部分嘅貓都唔怕人，仲會停喺你身邊等你摸。）
再行多一小段路就嚟到成個田代島唯一嘅店鋪同餐廳，一個叫做「島のえま」嘅鋪頭：
（數唔數到幅相入面有幾多隻貓？）
呢度亦都係全個田代島最多貓聚集嘅地方，上網睇到啲片係可以同時有幾十隻貓喺度食嘢，今日可能落雨，但都有至少十幾隻貓喺度休息同玩：
（貓腳仔濕咗之後主動踩上嚟嘅腳印，好得意
）
鐘意影貓同睇貓嘅朋友，呢一度係絕對可以滿足到你：
不過都係難得嘅經驗嚟，唯有下次小心啲啦
（大泊港嘅神社，可以睇到都係好耐冇人打理，我自己嚟到日本習慣就係見到神社都會入去拜一拜揖一揖先走
至於添唔添香油就隨緣）沿住頭先比較近嘅一條路行返返去落船嘅仁斗田港，終於見到貓神社：
（又真係有隻真貓喺入面
）然後終於見到最期待嘅畫面，就係行行下會有隻野貓同你迎頭相遇：
（沿途遇到大部分嘅貓都唔怕人，仲會停喺你身邊等你摸。）
再行多一小段路就嚟到成個田代島唯一嘅店鋪同餐廳，一個叫做「島のえま」嘅鋪頭：
（數唔數到幅相入面有幾多隻貓？）
呢度亦都係全個田代島最多貓聚集嘅地方，上網睇到啲片係可以同時有幾十隻貓喺度食嘢，今日可能落雨，但都有至少十幾隻貓喺度休息同玩：
（貓腳仔濕咗之後主動踩上嚟嘅腳印，好得意
） 鐘意影貓同睇貓嘅朋友，呢一度係絕對可以滿足到你：
（只要你拎一樣類似食物又要拆包裝嘅嘢出嚟，啲貓就自然會聚喺你身邊。）
島のえま入面可以叫嘢食同嘢飲，價錢都係正常價，因為我自己有買飯團入嚟食，所以就冇幫襯，但都有買咗少少手信，當係幫補下店主啲貓糧：
我好鐘意我朋友講過嘅一句說話：動物世界遠遠比起人類世界簡單。
喺島のえま hea咗大概一個半鐘頭，睇睇個錶差唔多時間要趕返落去搭最後一班船，沿途當然又係有數唔盡嘅貓：
（甚至連屋頂都會瞓咗兩隻貓喺度。）
返到嚟碼頭附近，簡直可以用一地都係貓嚟形容：
最後將把女裝遮留返低喺碼頭，等下一個有需要嘅人有得用，我就離開呢個貓仲多過人嘅田代島
有機會嘅話，我會再嚟一次。
（臨走先嚟好天，都唔知講咩好
）出返嚟石卷，睇睇時間仲可以喺石卷市入面行下，碼頭附近就係石森章太郎老師嘅影畫館，免費入場，入去行下先：
（...同幪面超人坐長櫈影相好似怪怪哋。）
石卷市入面周圍都有呢啲漫畫作品嘅擺設：
返到嚟仙台站，已經餓到不似人形，試咗一杯仙台特產嘅毛豆奶昔，唔錯唔錯，相當好飲
ずんだ茶寮 仙台駅ずんだ小径店 宮城県仙台市青葉区中央1-1-1 Dila仙台 3F
當晚食嘅係沾麵，其實只係咁啱經過見到入去試下，食完check返我先知原來係仙台嘅名店之一嚟：
つけ麺 和 仙台広瀬通店 宮城県仙台市青葉区本町1-2-5 第三志ら梅ビル 1F
（話說我本來諗住影一張師傳整麵嘅相，點知店員見到就話唔影得，del咗張相之後佢同我講「師傳唔影得，但我可以同你影㗎！」，於是就出現咗一張咁嘅相）
（...同幪面超人坐長櫈影相好似怪怪哋。）
石卷市入面周圍都有呢啲漫畫作品嘅擺設：
返到嚟仙台站，已經餓到不似人形，試咗一杯仙台特產嘅毛豆奶昔，唔錯唔錯，相當好飲
ずんだ茶寮 仙台駅ずんだ小径店 宮城県仙台市青葉区中央1-1-1 Dila仙台 3F
當晚食嘅係沾麵，其實只係咁啱經過見到入去試下，食完check返我先知原來係仙台嘅名店之一嚟：
つけ麺 和 仙台広瀬通店 宮城県仙台市青葉区本町1-2-5 第三志ら梅ビル 1F
（話說我本來諗住影一張師傳整麵嘅相，點知店員見到就話唔影得，del咗張相之後佢同我講「師傳唔影得，但我可以同你影㗎！」，於是就出現咗一張咁嘅相
）
沒有留言:
張貼留言