(俾錢正傻仔?) 秋葉原買AV攻略

頭盔: 呢個post絕對唔係鼓勵大家非法下載[sosad]同埋請用合法途徑購買正版AV#hoho#

是咁的:)雖然都知道超過九成既連登仔睇日本AV都係BT/ download，不過一路都建議大家有錢有機會既話，希望可以買返幾隻正版AV支持下個業界:)
個個都唔俾錢，片商仲邊有錢出糧俾女優同有資源拍啲高質素作品俾大家睇#ass#
完全阻止大家非法下載係冇可能#O:-)#fs，所以如果大家睇完覺得好睇又好丁既，就不妨買隻正版返嚟收藏#good#

但係當大家千里迢迢去到秋葉原，一行出條大街見到呢度又一間嗰度又一間，求其入到去又唔知點搵好，同一隻唔知點解有隻響二樓平啲有隻響三樓又貴啲...就會覺得點解買隻AV都咁煩#ng#
小弟呢一兩年因為去多咗AV女優event，行多咗秋葉原，慢慢就識得分邊啲AV鋪好行又易搵到心水碟，邊啲連轉個身都驚撞跌啲碟[sosad]
行AV鋪已經係變成我每次去日本既必備節目[sosad]有時食完晚飯入去行下當散步都非常唔錯:)

所以今次就想開個post同大家分享下響秋葉原有邊啲AV鋪好行，入到去之後又可以點樣搵到自己想搵既AV，鋪頭入面啲碟大慨點分類，etc.。

事不宜遲，大家著返條褲，等小弟帶大家嚟一轉秋葉原AV店鋪之旅:)
 
(幾年前第一次一個人去日本，響秋葉原行咗成日)

 

 

首先想俾啲概念大家先:)

1. 響日本買返嚟既DVD未必可以響香港play到
因為DVD有分區碼，日本係2區，香港係3區，而香港買到既DVD機都係3區區碼，係read唔到2區既DVD。
解決方法可以響香港買部全區碼既DVD機，又或者買隻電腦用既DVD ROM，通常第一次用都會要你設定區碼，響嗰度設定返做2區就可以睇到日本碟。(亦都變相你用唔到嚟睇香港DVD#ass#)
當然你都可以選擇買部日本DVD機或者日版PS4返嚟[sosad]睇下你對打丁有幾大決心啦[sosad]
至於Blu-ray就冇呢個問題，因為Blu-ray區碼香港同日本係同一區，所以買返嚟都睇到:)

(Blu-ray畫質好啲聲又好啲，又唔駛煩區碼，但問題係唔係每隻AV都有出Blu-ray[sosad])

2. 中古同全新AV碟
二手AV就好似二手Game咁，佔咗嗰個行業一個好大市場。
近呢五年十年越嚟越多鋪頭搞AV女優event，而參加女優event既條件就係買碟，每次由一隻到五六隻不等，導致有唔少人買多咗一堆多餘既AV，好多時嗰堆AV就係會俾AV鋪二手收購返。
二手AV由鋪頭用可能100-200羊收返嚟，之後用比市價平大慨1000羊左右放返上架，等其他有心人帶佢地返屋企，有唔少日本人都係傾向搵二手AV多於全新既AVO:-)
如果你只係打算買返嚟儲而成本又有限，又或者想搵一隻舊得好緊要既心頭好，不妨去二手區打個圈，可能搵到唔少驚喜#lihkg#dog

(AV碟既價錢牌會寫明係中古定新品，買之前不妨留意下)

3. AV鋪唔止得AV賣
響秋葉原九成以上既AV鋪都唔係淨係賣AV，好多鋪頭都係一樓賣動漫精品，二樓以上先係戲肉。
而每層都會有各自既主題，譬如可能二樓專賣二手碟，三樓係S1 SOD呢啲大片商，四樓係啲細片商，五樓係重口味五六十路SM屎尿等等其他題材#wet#dog...
除此之外，基本上每一間AV鋪都有賣埋其他成人用品，譬如飛機杯、潤滑液、震蛋、假鳩、情趣內衣，諸如此類。
有時都可以求其買件返嚟做手信#:)#dog不過自己留意返要hand carry定寄倉#lihkg#dog
 
(SOD最鐘意出埋哂呢啲奇奇怪怪既product，加個女優樣又可以賣貴啲#ng#) 

 


  -- --

 

 4. AV鋪會以片商同女優名嚟分類排列

(網上圖片，鋪頭入面其實係唔俾影相既#cn#)

就算唔計素人都好，基本上每間有專屬女優既大型片商響每個月都會出20-30套作品，計埋啲素人同片商分支就直頭多到數唔到，所以鋪頭點樣分類就睇入貨既種類同數量嚟決定。
地方比較大既鋪頭可以分得仔細啲，好似上面所講，可能有一層專做某幾個題材，另一層就賣另一啲細片商，每一間鋪頭都有少少唔同。
而最大路既分類，都係由片商做第一個主分類，譬如你想搵三上悠亞，最簡單就係去S1嗰個corner，順住五十音搵返個名，之後再睇下有冇你要嗰隻響度:)
所以知道你想搵嗰個女優係喺邊間片商開工就可以好順利咁搵到佢既作品#hoho#
而有啲女優可能響幾個片商都出過碟，又唔係專屬女優，可能就要辛苦啲周圍行先搵到喇[sosad]
當然最最最簡單既方法就係攞住個封面或者名去問店員，去得就唔好怕尷尬喇:D一陣可能店員有私人推介俾你都唔定#hehe#

(新人女優同嗰期有event既女優都會擺響啲當眼位，亦都有啲AV冷門到真係你行幾間鋪頭都搵唔到[sosad])

5. 新出AV有相送
市道唔好，買實體AV既人越嚟越少，片商唯有搵其他方法吸引你去俾錢。
新出既AV好多時都會夾住一兩張女優既即影即有相，又或者有幾張女優既劇照相做贈品，size由3R去到A4都有，鐘意收藏呢啲product既巴絲不妨留意下#lihkg#dog
即影即有放銀包，張3R相就貼床頭，朝早起身都寧舍精神爽利#touch#dog
不過呢啲連相既版本通常又會比淨碟版貴啲[sosad]所以值唔值就自己衡量喇[sosad]


(有時送既野好似仲貴過隻碟，變咗買相送AV#hehe#pig)

6. 絲打入去好尷尬
去過咁多次秋葉原行過咁多間AV鋪，見到單人匹馬走入嚟買野既女客人真係十隻手指數得哂[sosad]通常都係同男朋友/老公一齊入嚟行#cn#
始終AV鋪主要服務對象係男性，一個女仔行入嚟俾班麻甩佬眼甘甘咁望住又真係在所難免。等如你響內衣鋪見到有個男人走入嚟買胸圍，都會心諗呢條友做乜鬼[sosad]
同埋基本上每個貨架都有一部電視仔播住AV，即係入到去就會俾啲呻吟聲All around you#lihkg#dog絲打如果怕呢啲尷尬場面就要自己衡量#fight1#dog
所以單身絲打如果想入去行街買野就最好小心啲，亦都要好好保護自己#hoho#日本啲痴漢唔係淨係AV先有[sosad]現實都有唔少[sosad]

(都可以選擇買完行完就拿拿淋搭Lift走，唔駛走嗰陣都要巡哂咁多層[sosad])

7. 實體DVD VS Digital
基本上而家每一套AV都可以響FANZA (前身係DMM 18+)度買到，而響入面都可以揀實體DVD同Digital既版本，實體有啲都有相送，響推出嗰日送去你府上。冇記錯應該仲未有直送海外既服務。
Digital除咗唔駛驚土地問題冇位擺之外，FANZA好多時都會做Digital先會有既discount，平到50%-70%都有，等買家可以有另一個選擇。而事實有啲舊片真係唯有響Digital先買得返。
兩個方式各有各好，好似睇書咁，電子書始終唔及實體書咁有感覺，所以除咗VR同舊片之外，我自己都prefer買實體碟:)
兩個方式都可以支持業界，邊一樣都好都係你對業界同女優既一個回敬#hoho#所以打丁出野之餘，希望大家都間唔時出錢支持一下個業界啦[sosad]

(坦白講好難全部買正版[sosad]純粹勸喻大家不妨支持一下正版碟:))

 

  -- --

 

講完廢話，開始介紹一啲值得一行既秋葉原AV鋪O:-)

ムーランアキバ
地址: 東京都千代田区外神田1-4-21
推薦程度: :):):):) (5為最高)


一嚟就介紹一間我響秋葉原最鐘意行既AV鋪:)呢間都唔難搵，就係響山手線火車橋底，門口有隻鐵人28，非常易認#yup#
推介既原因有幾個，第一係闊落，入面碟架與碟架之間既空間夠兩個人同時並行。其次係分類好清晰，一樓係動漫精品，二樓就全層都係賣二手AV碟，三樓就係全新AV碟，兩層都有跟片商做分類。
另外新出AV好多時都響推出當日就有貨，跟碟送既相或者即影即有都好多，非常適合第一站就嚟朝個聖#adore#
相比起響大街嗰幾間ラムタラ，呢間比較少啲遊客入去，所以都適合入去慢慢閒逛:)
呢一間絕對誠意推介俾大家#good#
順帶一提，ムーラン響秋葉原大街都有一間，不過冇呢間咁好行#:)#dog

ラムタラ秋葉原店
地址: 東京都千代田区外神田1-13-3 真神ビル 1Ｆ～5Ｆ / 東京都千代田区外神田1-15-2ミオス本館ビルB1F～6F / 東京都千代田区外神田4-3-2
推薦程度: :):)
  
ラムタラ響秋葉原大街有三間咁多，不過其實三間入面都大同小異:o)
ラムタラ同上面介紹過既ムーラン，仲有アリババ，三間冇記錯都係同一個集團，所以招牌啲設計都係差唔多。
比較唔推薦既原因係窄，首先佢都係第一層賣動漫精品，但條走廊真係窄得好緊要[sosad]一個人行都覺得辛苦，如果你係拉住喼又或者揹住大背囊，就唔建議你入去睇[sosad]
另外就係因為佢用哂成橦大廈嚟做，所以由二樓到頂樓都係AV相關，唔同上面講過既ムーラン得兩層，變相你有心行既話就要行上行落去搵心頭好[sosad]當然入面都有Lift搭既[sosad]
分類都還好，因為層數多，變相佢可以分既類別可以更細，可以響搭Lift既時候睇下佢每層大慨係點樣分類，再去搵心頭好。

MiS秋葉原店
地址: 東京都 千代田区外神田 3-11-5 D・B秋葉原ビル
推薦程度: :):):)
 
MiS就位處喺秋葉原既後街裏面，位置大慨喺秋葉原間唐吉訶德對面再後一條街，比較難搵。
相比起上面講過既ラムタラ，MiS會闊落少少，碟既種類唔算太齊，但有時都有啲冷門碟反而響入面搵到。
另外都係因為位置問題，呢間都係相對少遊客會去既，上次去間鋪連銀聯咭都碌唔到#cry#dog
另外推薦大家行下呢間野既後樓梯，有好多好多AV poster睇#touch#dog

エムズ秋葉原店
地址: 東京都 千代田区外神田 1-15-13太平堂ビル1F
推薦程度: :):)
 
相信好多朋友第一次去秋葉原都會俾呢間野吸引住，原因係佢喺正電氣街出口附近。
エムズ亦係秋葉原少數有得做退稅既成人用品鋪，如果淨以買AV嚟計，唔太推薦大家入去。首先款式唔齊，新出既碟多數都冇，鋪頭入面部碟機成日播埋啲舊片xx(
但如果係諗住買AV以外既成人用品，譬如飛機杯同情趣內衣，エムズ都係一個幾唔錯既選擇，因為佢始終係以成人用品為主，賣AV都只係其中一環。
地方都唔算太窄，拉住喼入去行都尚算方便。

ソフネット本店
地址: 東京都 千代田区神田佐久間町 1-6-4
推薦程度: :):):)

呢間我比較少去，原因唔係唔好行，係佢個位置比較格涉[sosad]唔係好順路[sosad]
佢只有地牢一層，冇記錯好似冇Lift搭。碟既數量同款式都足夠，如果咁啱經過都可以落去睇下:) 

 

  -- --

 

 最後不如同大家講啲同AV冇直接關係既鋪頭#:)#dog

SOD VR 秋葉原
地址: 東京都千代田区外神田1-2-5ミカサビルB1F～5F 受付1F

相信大家都知VR AV係咩一回事，都唔駛喺度哂時間介紹:)
呢間係SOD專門推廣VR系列既鋪頭。入面有唔同既Plan，好似網吧咁，30分鐘60分鐘120分鐘任君選擇，外國人都玩得，有興趣體驗下VR AV既威力不妨入去玩下O:-)

SOD女子社員酒場
地址: 東京都千代田区神田佐久間町1-15-3

呢一個就比較特別，都係由SOD開，但入面係會有SOD自己既女子社員落場同你social劈酒#hoho#
而更重要既係，有時係會有現伇AV女優落場同大家玩#touch#dog
 
不過酒場就真係需要有返咁上下日文底先好入去玩，如果唔係就會變咗謝師宴毒撚#it1#dog

秋葉原ラジオ会館
地址: 東京都台東区東上野1-14-4

呢個應該又係唔駛點介紹，又係秋葉原其中一個遊客必去既景點，上次入到去周圍都聽到廣東話同普通話，即刻覺得自己好似返咗香港#haha#dog
ラジオ会館有去過既朋友都知，入面多數鋪頭都係賣動漫精品，咁同AV有咩關係呢? 大家不妨上去6F既Yellow Submarine望望O:-)

Yellow Submarine有賣遊戲咭既section，當中包括好多AV女優都有出既Juicy Honey同CJ Sexy系列既收集咭，同買AV送嗰啲相唔同，呢種女優寫真咭係有一定既收藏價值，同埋製作都比較精美，有鋪收集癮既巴絲不妨留意下。
至於Juicy Honey同CJ Sexy係啲咩就麻煩自己Google #bye#dog有排解釋，打咁多字好辛苦#cry#dog

書泉ブックタワー
地址: 東京都千代田区神田佐久間町1-11-1


終於嚟到最後一站，亦係咁多個地點最「健康」既一個，書泉。
書泉其實就同香港既大型書局分別唔大，都係有各色各樣既書同漫畫賣。如果係同老婆/女朋友一齊去既巴打，放低女伴喺啲女人書樓層之後，就可以上去九樓參觀下#touch#dog
九樓係專賣寫真集同週刊既樓層，除咗水著女優寫真之外，當然都有AV女優既寫真賣O:-)數量同種類應該係成個秋葉原最多最齊，好彩既仲有機會買到簽名版#:P#dog
除咗寫真集之外，推介大家買呢種Super Pose Book，內容比較dry，冇寫真咁colourful，不過對於女優既pose攝影就更加細緻，呢啲書都適合讀藝術既朋友買嚟參考#hehe#dog

 

 

  -- --

 

 (賣廣告時間)

小弟係成人台惠比壽麝香葡萄post既樓主:)個post除咗會討論葡萄呢隊女優組合之外，仲會討論下AV業界既新聞同女優近況，女優花邊新聞#:)#dog同埋一啲業界既大大小小消息#bye#dog
鐘意吹女優水，又或者想睇下女優日常生活相既朋友，歡迎入嚟一齊討論:)

另外小弟都有響成人台做七間片商既新作情報討論post，嚟緊可能會再加，有興趣知嚟緊個月有咩新作AV既朋友都歡迎起底留名跟進，或者入嚟指導下小弟有咩女優睇漏眼#adore#

就係咁:)多謝你既收睇，各位巴絲我地響成人台再見#bye#

Posted by
標籤： ,

沒有留言:

張貼留言

訂閱： 張貼留言 (Atom)